% Text title : Maudgalyamuniproktam Shivalingasvarupopadesham % File name : maudgalyamuniproktaMshivalingasvarUpopadesham.itx % Category : shiva, shivarahasya, upadesha, advice % Location : doc\_shiva % Proofread by : Ruma Dewan % Description/comments : shrIshivarahasyam | ugrAkhyaH saptamAMshaH | adhyAyaH 27 madhyArjunamahimAnuvarNanam | 487-544.1|| % Latest update : June 16, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Maudgalyamuniproktam Shivalingasvarupopadesham ..}## \itxtitle{.. maudgalyamuniproktaM shivali~NgasvarUpopadesham ..}##\endtitles ## (shivarahasyAntargate ugrAkhye) maudgalya uvAcha li~NgarUpI mahAdevaH shivali~Nge samarchitaH | dadAti mahadaishvaryaM mokShaM chAnte dvijottamAH || 487|| nAnAvidhAni li~NgAni tAnyuchyante mayAdhunA | gomedakAkhyamastyekaM li~NgaM sha~Nkarasammatam || 488|| vaidrumaM li~NgamastyekaM padmarAgamayaM tathA | vajravaiDUryali~NgAni tathA dhAtumayAni cha || 489|| kAshmIrali~NgamastyekaM sphATikaM li~Ngamasti cha | annali~NgaM dhAnyali~NgaM li~NgaM gomayanirmitam || 490|| lAvaNaM li~NgamastyekaM phaladArumayaM tathA | bhasmanA rachitaM li~NgaM mR^inmayaM li~Ngamasti cha || 491|| narmadAjalasambhUtaM li~NgamekaM munIshvarAH | shilAjanyaM rasotpannaM li~NgaM jAbAlachoditam || 492|| li~NgeShveteShu sarveShu li~Ngatrayamanuttamam | tatra sampUjitaH shambhuH prasIdati na saMshayaH || 493|| mR^idbANarasali~NgAni shreShThAnyeteShu vastutaH | triShvAdyAdbANamutkR^iShTaM rasali~NgaM tato.adhikam || 494|| vidyudgomukhavatkAryaM mR^inmayaM li~Ngamuttamam | evamanyAni li~NgAni kartavyAni manIShibhiH || 495|| vakShaye.ahaM bANali~Ngasya lakShaNaM shrutichoditam | bANali~Nga shrutiproktaM tallakShaNamapi dvijAH || 496|| tripa~nchasaptadhA yattu tulAtulitamAstikAH | na yAti samatAM tattu bANali~Ngamiti shrutam || 497|| sapIThamastvapIThaM vA bANali~NgaM shivAtmakam | pUjanIyaM prayatnena bhuktimuktiphalepsubhiH || 498|| na pratiShThAdyapekShApi bANali~Ngasya vastutaH | yataH kutashchidAnIya bANali~NgaM prapUjayet || 499|| narmade narmadAli~Nge nivasAmyahamanvaham | sandehaM mA kuruShveti prAha shambhuryataH purA || 500|| shivali~Nga sahasrANAM pUjayA yatphalaM labhet (bhavet) | tataH shataguNaM puNyaM ratnali~Ngasya pUjanaM(nAt) || 501|| gomedakAni li~NgAni ratnali~NgAni suvratAH | ratnali~NgasahasrANAM pUjayA yatphalaM labhet (bhavet) || 502|| tataH shataguNaM puNyaM dhAtuli~Ngasya pujane | dhAtuli~NgeShvapi shreShThaM hemali~NgaM shrutishrutam || 503|| tatra sampUjitaH shambhuH prasIdati na saMshayaH | dhAtuli~Nga sahasrANAM pUjayA yatphalaM bhavet || 504|| tataH shataguNaM puNyaM mR^ittikAli~Nga pUjane | mR^illi~NgAnAM sahasrasya pUjayA yatphalaM labhet (bhavet) || 505|| tataH shataguNaM puNyaM bANali~Ngasya pUjane | anantabANali~NgAnAM pUjayA yatphalaM bhavet (labhet) || 506|| tato.anantaguNaM puNyaM rasali~Ngasya pUjaNe | rasali~NgasamaMli~NgaM nAsti na shrUyate.api cha || 507|| rasali~Nge shivaH sAkShAtsachchidAnandalakShaNaH | rasali~Ngasya mAhAtmyaM jAnAti bhagavA~nChivaH || 508|| tadanye na vijAnanti satyaM satyaM na saMshayaH | na bahavo munayaH pUrvaM rasali~NgArchanAddvijAH || 509|| mokShaM prApuranAyAsAdvinA yAgAdikarmabhiH | shivAsvayamumAkAntaM rasali~NgasvarUpiNam || 510|| pUjayAmAsa tenaiva prasanno.abhUnmaheshvaraH | rasaH sAkShAnmahAdevo \ldq{}raso vai saH\rdq{} iti shrutaH || 511|| atorasAtmakaM li~NgaM jAbAle bahudhA shrutam | rasaH sR^iShTomaheshena bhaktAnugrahakA~NkShayA || 512|| tatkR^itaM li~NgamutkR^iShTaM sarvAbhIShTaphalapradam | yaM yaM kAmayate kAmaM rasali~Nsya pUjayA || 513|| taM tamApnoti viprendrAH satyaM satyaM na saMshayaH | sarvali~NgottamaM puNyaM rasali~Ngamanuttamam || 514|| tatastatpUjayA shambhuH sAkShAtsampUjito bhavet | rasali~NgArchanaM shreShThaM sarvali~NgArchanAdapi || 515|| tatastadeva yatnena pUjanIyaM manIShibhiH | rasali~NgaM yadi bhavetpUjanIyaM tadanvaham || 516|| tadabhAve pUjanIyaM bANali~NgaM prayatnataH | bANali~NgaM yadi gR^ihe na bhaviShyati sarvathA || 517|| pUjanIyaM prayatnena mR^ittikAli~NgamAstikaiH | tadabhAve pUjanIyaM dhAtuli~NgaM prayatnataH || 518|| kAshmIrali~NgamabhyarchyaM tadabhAve prayatnataH | tadabhAve pUjanIyaM shilAli~NgaM prayatnataH || 519|| tadabhAve pUjanIyaM dAruli~NgaM prayatnataH | tadabhAve pUjanIyamannali~NgaM prayatnataH || 520|| tadabhAve tu bhUtyAdili~NgAnyarchyAni yatnataH | yAdR^ishaM tAdR^ishaM vA.astu shivali~NgaM shivAtmakam || 521|| pUjanIyaM prayatnena dvishairvedoktamArgataH | shaivaH pa~nchAkSharo mantro yaH sarvashruti shrutaH || 522|| tenaiva mantrarAjena pUjanIyo maheshvaraH | shrImatpa~nchAkShareNaiva pUjitaH shrAmaheshvaraH || 523|| dadAti paramAmR^iddhiM mokShaM chAnte na saMshayaH | shrImahAdevamArAdhya li~NgarUpiNamavyayam || 524|| pa~nchAkShareNa sampUjya muktAH pUrvamanantashaH | shrauteta manunAkAryaM shrauta li~NgArchana dvijAH || 525|| shrautomanurmantrarAjaH shaivaH pa~nchAkSharaH smR^itaH | vaidikairyatnataH kAryaM vaidikaM li~NgapUjanam || 526|| anyathA rauravaM yAti yAvadAchandratArakam | li~NgapUjaiva kartavyA vaidikairvedavAdibhiH || 527|| shivali~NgAnyapUjAyAM vaidikA nAdhikAriNaH | dvijAH kalaukariShyanti shivali~NgAnyapUjanam || 528|| te rauravaM prayAsyanti satyaM satyaM na saMshayaH | yAvanna kalirAyAti tAvadyUyaM prayatnataH || 529|| shivali~NgArchanaM kR^itvA labhadhvaM muktimAstikAH | shrautaM shivArchanaM yasmAtkartavyaM muktikA~NkShibhiH || 530|| shrautali~NgArchanatyAge patanti narake dhruvama | charali~NgAni pUjyAni sthAvarAnyapi yatnataH || 531|| trikAlaM sthAvaraM li~NgaM pUjanIyaM prayatnataH | kR^itvA sthAvarali~NgArchAM charali~NgArchanaM vinA || 532|| bhoktavyaM sthAvarArchAM tu vinA bhu~njIta na dvijAH | sthAvaraM li~Ngamabhyarchya spR^iShTvA cha pratyahaM dvijaiH || 533|| bhoktavyamanyathA yAti narakaM sUtakaM vinA | na yatra sthAvaraMli~NgaM yatra sthAtavyameva cha || 534|| yataH sthAvarali~Ngasya pUjA nityaM dvijanmanAm | sarvathA sthAvaraM li~NgaM yadi na syAttadA dvijaiH || 535|| charali~NgamupaspR^ishya japyo rudro.aShTadhA dvijaiH | athavA nArmadaM li~Ngamanulipte.avanItale || 536|| sthApayitvA pUjanIyaM shaivena manunA dvijaiH | pUjAnte tatpunargrAhya nArmadaM li~NgamAstikaiH || 537|| nItvAnyatrApi saMsthApya pUjanIyaM punaH punaH | yadi nArmadali~NgasyApyabhAvaH syAttadA dvijaiH || 538|| sampUjyaM pArthiva li~NgaM sthApayitvA.avanItale | mR^illi~NgArchanamAtreNa sthAvaraM li~Ngamarchitam || 539|| sthAvaratvaM cha mR^illi~Nge sthAvaratvasya kalpanAt | sadyojAtAdibhirmantraiH sthApayitvA sthirobhava || 540|| gR^ihANa pUjAmiti cha sthAvaratvaM cha kalpayet | nityaM bilvadalaiH kAryaM bhasmanA cha shivArchanam || 541|| dhUpadIpAdika sarvaM kalpanIyaM svashaktitaH | shivali~NgArchanaM puNyaM bhuktidaM muktidaM sadA || 542|| kAshIprAptikaraM chaitatkiM nirvANaM na yachChati | shivali~NgArchanAdviprAH kAshItatvaM cha budhyate || 543|| tAdR^ishaM tadbhaktidaM cha muktidaM cha bhaviShyati . 544\.1 || iti shivarahasyAntargate maudgalyamuniproktaM shivali~NgasvarUpopadeshaM sampUrNam || \- || shrIshivarahasyam | ugrAkhyaH saptamAMshaH | adhyAyaH 27 madhyArjunamahimAnuvarNanam | 487\-544\.1|| ## - .. shrIshivarahasyam . ugrAkhyaH saptamAMshaH . adhyAyaH 27 madhyArjunamahimAnuvarNanam . 487-544.1.. Notes: Maudgalya Muni ##maudgalya muni## delivers Upadeśa ##upadesha## about worshiping Śivaliṅga-s ##shivali~NgAni## made of various materials including Gomedakaliṅga ##gomedakali~Nga##, Vaidrumaliṅga ##vaidrumali~Nga##, Kāśmīraliṅga ##kAshmIrali~Nga##, Sphaṭikaliṅga ##sphaTikali~Nga##, Annaliṅga ##annali~Nga##, Dhānyaliṅga ##dhAnyali~Nga##, Gomayaliṅga ##gomayali~Nga##, Lāvaṇaliṅga ##lAvaNali~Nga##, Phaladārumayaliṅga ##phaladArumayali~Nga##, Bhasmanāracitaliṅga ##bhasmanArachitali~Nga##, Mṛnmayaliṅga/Mṛlliṅga ##mR^illi~Nga/mR^inmayali~Nga##, Rasaliṅga ##rasali~Nga##, Nārmadaliṇga/Bāṇaliṅga ##nArmadali~Nga/bANali~Nga##. He also specifies regarding worship of Sthāvaraliṅga/Sthiraliṅga ##sthAvarali~Nga/sthirali~Nga## and Caraliṅga ##charali~Nga##.## ## Proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}