% Text title            : Munibhih Kritam 4 Shiva Stotram
% File name             : munibhiHkRRitaM4shivastotram.itx
% Category              : shiva, brahmANDapurANa, stotra
% Location              : doc\_shiva
% Proofread by          : PSA Easwaran
% Description/comments  : brahmANDapurANa | anuShanga | adhyAya 27/67-90||
% Latest update         : October 1, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Munibhih Kritam 4 Shiva Stotram ..}##
\itxtitle{.. munibhiH kR^itaM 4 shivastotram ..}##\endtitles ##
(munaya UchuH)
vishveshvara mahAdeva yo.asi so.asi namo.astu te |
stuvanti tvAM mahAtmAno devadevaM maheshvaram || 66||
namo bhavAya bhavyAya bhAvanAyodbhavAya cha |
anantabalavIryAya bhUtAnAM pataye namaH || 67||
saMhartre kapishA~NgAya avyayAya vyayAya cha |
ga~NgA saliladhArAya chAdhArAya guNAtmane || 68||
tryambakAya trinetrAya trishUlavaradhAriNe |
kandarpAya namastubhyaM namo.astu paramAtmane || 69||
sha~NkarAya vR^iShA~NkAya gaNAnAM pataye namaH |
daNDahastAya kAlAya pAshahastAya vai namaH || 70||
vedamantrapradhAnAya shatajihvAya te namaH |
bhUtaM bhavyaM bhaviShyachcha sthAvaraM ja~NgamaM cha yat || 71||
tava dehAtsamutpannaM deva sarvamidaM jagat |
shambho pAhi cha bhadraM te prasIda bhagavaMstataH || 72||
aj~nAnAdyadi vA j~nAnAdyatki~nchitkurute naraH |
tatsarvaM bhagavAneva kurute yogamAyayA || 73||
evaM stutvA tu munayaH prahR^iShTenAntarAtmanA |
yAchante tapasA yuktAH pashyAmastvAM yathA purA || 74||
prakR^itisthaM cha te li~NgaM tathaivAstu yathA purA |
namo digvAsase nityaM ki~NkiNIjAlamAline || 75||
vikaTAya karAlAya karAlavadanAya cha |
arUpAya surUpAya vishvarUpAya te namaH || 76||
kaTa~NkaTAya rUdrAya svAhAkArAya vai namaH |
sarvaprANAtmane tubhyaM guNadehAya vai namaH || 77||
durgandhAya sugandhAya shUlahastAya vai namaH |
svayaM nIlashikhaNDAya shrIkaNThAya namo namaH |
nIlakaNThAya devAya chitAbhasmA~NgarAgiNe || 78||
guNatrayAtmane tubhyaM namo vishvAya vedhase |
shmashAnavAsine nityaM pretarUpAya vai namaH || 79||
tvaM brahmA sarvadevAnAM rudrANAM nIlalohitaH |
AtmA cha sarvabhUtAnAM sA~NkhyaiH puruSha uchyate || 80||
parvatAnAM mahAmerurnakShatrANAM cha chandramAH |
R^iShINAM cha vasiShThastvaM devAnAM vAsavastathA || 81||
OM karaH sarvavedAnAM jyeShThasAma cha sAmasu |
AraNyAnAM cha sarveShAM siMhastvaM parameshvaraH || 82||
grAmyANAmR^iShabhashchApi bhagavA.NllokapUjitaH |
sarvathA varttamAno.api yo yo bhAvo bhaviShyati || 83||
tvAmeva tatra pashyAmo brahmaNA kathitaM yathA |
kAmaH krodhashcha lobhashcha viShAdo mada eva cha || 84||
etadichChAma vai roddhuM prasIda parameshvara |
mahAsaMharaNe prApte tvayA deva kR^itAtmanA || 85||
karaM lalATe sampIDya vahnirutpAditastvayA |
tenAgninA tadA lokA archirbhiH sarvato vR^itAH || 86||
tasmAdagnisamA hyete bahavo vikR^itAgnayaH |
yAni chAnyAnibhUtAni sthAvarANi charANi cha || 87||
dahyante prANinaste tu tvatsamutthena vAhninA |
asmAkaM dahyamAnAnAM trAtA bhava sureshvara || 88||
tvaM cha lokahitArthAya bhUtAni pariShi~nchasi |
maheshvara mahAbhAga prabho shubhanirIkShaka || 89||
Aj~nApaya vayaM nAtha karttAro vachanaM tava |
rUpakoTisahasreShu rUpakoTishateShu cha || 90||

iti brahmANDapurANe pUrvabhAge saptaviMshAdhyAyAntargataM
         munibhiH kR^itaM shivastotraM samAptam |

brahmANDapurANa | anuSha~Nga | adhyAya 27/67\-90||
##
brahmANDapurANa . anuShanga . adhyAya 27/67-90..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}