% Text title            : Munibhih Kritam 5 Shiva Stotram
% File name             : munibhiHkRRitaM5shivastotram.itx
% Category              : shiva, lingapurANa, stotra
% Location              : doc\_shiva
% Proofread by          : PSA Easwaran
% Description/comments  : lingapurANa | pUrvabhAga | adhyAya 31/36-43||
% Latest update         : October 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Munibhih Kritam 5 Shiva Stotram ..}##
\itxtitle{.. munibhiH kR^itaM 5 shivastotram ..}##\endtitles ##
(brahmAdaya UchuH)
brahmAdInAM cha devAnAM durvij~neyAni te hara |
agatiM te na jAnImo gatiM naiva cha naiva cha || 35||
vishveshvara mahAdeva yo.asi so.asi namo.astu te |
stuvanti tvAM mahAtmAno devadevaM maheshvaram || 36||
namo bhavAya bhavyAya bhAvanAyodbhavAya cha |
anantabalavIryAya bhUtAnAM pataye namaH || 37||
saMhartre cha pisha~NgAya avyayAya vyayAya cha |
ga~NgAsaliladhArAya AdhArAya guNAtmane || 38||
tryambakAya trinetrAya trishUlavaradhAriNe |
kandarpAya hutAshAya namo.astu paramAtmane || 39||
sha~NkarAya vR^iShA~NkAya gaNAnAM pataye namaH |
daNDahastAya kAlAya pAshahastAya vai namaH || 40||
vedamantrapradhAnAya shatajihvAya vai namaH |
bhUtaM bhavyaM bhaviShyaM cha sthAvaraM ja~NgamaM cha yat || 41||
tava dehAtsamutpannaM deva sarvamidaM jagat |
pAsi haMsi cha bhadraM te prasIda bhagavaMstataH || 42||
aj~nAnAdyadi vij~nAnAdyatki~nchitkurute naraH |
tatsarvaM bhagavAneva kurute yogamAyayA || 43||
evaM stutvA tu munayaH prahR^iShTairantarAtmabhiH |
yAchanta tapasA yuktAH pashyAmastvAM yathApurA || 44||

iti shrIli~NgamahApurANe pUrvabhAge ekatriMshAdhyAyAntargataM
         munibhiH kR^itaM shivastotraM samAptam |

li~NgapurANa | pUrvabhAga | adhyAya 31/36\-43||
##
lingapurANa . pUrvabhAga . adhyAya 31/36-43..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}