% Text title            : Muniproktam Rudramantrajapopadesham
% File name             : muniproktaMrudramantrajapopadesham.itx
% Category              : shiva, shivarahasya, mantra, upadesha, advice
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhImAkhyaH aShTamAMshaH | adhyAyaH 12 | 1-44||
% Latest update         : July 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Muniproktam Rudramantrajapopadesham ..}##
\itxtitle{.. muniproktaM rudramantrajapopadesham ..}##\endtitles ##
(shivarahasyAntargate bhImAkhye)
muniruvAcha |
shrIrudramantrAnprajapanniyataM bhasmadhAryapi |
rudramantrAn japanvipro dhayAyeddevamumApatim || 1||
vedAnAM madhyagaM(gaH) sAkShAdyajuShAM madhyagaM(gaH) param(raH) |
shatashAkhAtaM(s)tvetadrudramantraH shivapriyaH || 2||
rudrapriyakaraM(raH) sAkShAdrudramantraM(traH) shrutiHshrutam |
rudrAdhyAyArthavij~nAnI padArthaj~nAnavAnnaraH || 3||
namo.antena shivaM dhyAyansarvapApaiH pramuchyate |
namo.antena cha tadrUpadhArI shivAya eva hi || 4||
dhyAyanmaheshaM tadrUpaM patInAM parameshvaram (patimIshvaram) |
sarveShAmapyumAkAntaM nitAntaM shAntamavyayam || 5||
rudrAdhyAyagatairmantrairnamo.antairubhayairapi |
ekadvitrinamaskArairdhyAyeddevaM pinAkinam || 6||
sarvadevAdhideveshaM vishveshaM rudrasUktataH |
dhyAyanmantrA~njapedrudrAMstattadarthAvabodhataH || 7||
shrIrudramantraM prajapedbhasmadhAraNapUrvakam |
bhasmadhAryadhikArI cha tathA rudrAkShadhAryapi || 8||
rudrAdhyAyajape yogyAsta eva bhuvane dvijAH |
nAnyapuNDradharAH sarve nAdhikAriNa eva hi || 9||
pratyuto rudramantrAMshcha prajapan pApabhAgbhavet |
(pratyuta prajapannudramantrAMshcha pApabhAgbhavet) |
yastu rudrA~njapennityaM dhyAyamAno maheshvaram || 10||
sarvapApavishuddhAtmA shivatvamupagachChati || 11||
steyaM kR^itvA brahmahatyAM cha kR^itvA
madyaM pItvA gurudArAMshcha gatvA |
bhasmaChanno bhasmashayyAM shayAno
rudradhyAyI muchyate sarvapApaiH || 12||
ekavAraM japan rudraM pApairmukto bhaviShyati |
dvivAraM cha prajapyaiva rudraM dhyAyanmaheshvaram || 13||
gANapatyamavApnoti shivasya paramAtmanaH |
tR^itIyavAraM prapa~nChive saMlIyate sadA || 14||
ekAdashAnuvAraM yo rudramantraM japedbudhaH (dvijaH) |
shaM cha me ityAdi cha japan kramAdekAdashAvR^itam || 15||
japAlli~Nge.abhiSheko(kAt) vai shambhoH priyatamo mataH |
vastrapUtena toyena avichChinnAM prakalpayet || 16||
dhArAM prItyA prakalpeta shivali~Nge dvijottamaH |
japAdapyuttamaH sekaH shrIrudrAdhyAyapUrvakaH || 17||
japAddashaguNaH prokto hyabhiSheko maheshituH |
chandanairbilvapatraishcha pUjayedindushekharam || 18||
rudraiH stuvIta deveshaM sAmbaM saMsArabheShajam |
stutvA rudrairmahAdeva sannidhau gaNapo bhavet || 19||
rudrairhomaM prakurvIta charuNAmadhusarpiShA |
nAmabhirdevadevasya svAhAntaishcha pR^ithak pR^ithak || 20||
grahAriShTe samutpanne utpAte kShmAdikampane |
deshopasarge durbhukShe rAjachorAdyupadrave || 21||
prajApashumR^itau chApi japahomArchanaM charet |
rudrairmantrairayutasho dhyAyandevaM pinAkinam || 22||
brAhmaNaiH shAmbhavaireva bhasmarudrAkShadhAribhiH |
kArayedvidhivadrAjA dhanADhyo vApi kashchana || 23||
gAvo bhUmirhiraNyAdyAH pradeyAH shaktisArataH |
shAmbhavebhyaH sadA rogatApapApaiH pramuchyate || 24||
rudramantrajape yogyAH shAmbhavA eva kevalam |
atirudravidhAnaM vA mahArudramathApi vA || 25||
kuryAtsarvopasargebhyo na bhayaM jAyate kvachit |
ghR^itadhArAM pAtayetAvichChinnAM rudramantrataH || 26||
vahnau kuNDe shivaM dhyAtvA shAmbhavAShTottaraiH shataiH |
ekAdashAnuvR^ittyaivaM maNDalaM dhanadhAnyavAn || 27||
muktaH shivamayo bhUyAdakAmaH kAmavAn yadi |
sarvakAmAnavApnoti vatsarAnte na saMshayaH || 28||
goShThe vApi nadIrIte rudrakShetre shatottaram |
japyaiva karma kR^itvApi phalaM vindeddashottaram || 29||
kShIrAbhiShekaM li~Nge tu rudramantraiH samAcharet |
na bhUyasstanyapo mAturbhaviShyati na saMshayaH || 30||
yo rudre vA namaskAraM pradakShiNamathApi vA |
kuryAchChivAlaye shambhoH sannidhau sa tu muktibhAk || 31||
rudramantraiH shUlinaM yaH stuvannartanamAcharet |
sa shambhorgaNapo bhUyAdvatsareNa na saMshayaH || 32||
avimukte shivakShetreShvanyeShvapi yathA balam |
rudraM japanpramuchyeta pApebhyo nAtra saMshayaH || 33||
yo bilvamUle rudrAMshcha japeddhyAyanmaheshvaram |
sa koTirudrasAmyasya phalaM labdhvA vimuchyate || 34||
jAbAlA Amanantyeva mahimAM rudrajApinaH |
kiM japyenAmR^itamiti rudraireveti sA shrutiH || 35||
yatishcha prajapennityaM vane varNI gR^ihI tathA |
yAvannamo.antaM tu yateranye tu gR^ihamedhinaH || 36||
yatra sthito rudrajApI tatra shambhuH sthitaH sadA |
tasmai dattaM shAmbhavAya dattaM tachChambhave sadA || 37||
gAM bhUmimatha vAso vA dhanaM dhAnyaM hiraNyakam |
datvA shivaprasAdasya pAtraM shrIrudrajApine || 38||
ekavAraM japanrudraM tadgrAme shAntimR^ichChati |
grAme asminnanAturamiti mantrArthapAragaH || 39||
shatavAraM tu nagare pure.ayutajapAdbhavet |
tatrasthAnAM shubhaM bhUyAdyatra rudrajapo bhavet || 40||
kumbhaM saMspR^ishya yo rudraM sodakaM prajapan dvijaH |
snApayechchApi rogArttaM rogI rogaiH pramuchyate || 41||
vandhyA kumAraM sUte chAtIva premAspadaM sthiram |
evaM rahasyamanaghaM shatarudramantra\-
jApyAbhiShekaniyamaiH shivapUjanena |
tasmai prasIdati sadA shashikhaNDamauli\-
rAkhaNDalAjaharivanditapAdapIThaH || 43||
rudrAdhyAyajapAnuraktahR^idayA rudrAkShabhasmAdarA
japtvA vApyaShichya vA shashimahAchUDoruli~NgaM sadA |
mUDho vApyathapaNDito yativaro bhUyAchChivAgresaro
viShNubrahmamarudgaNArchitapado nandIshatulyo gaNaH || 44||

|| iti shivarahasyAntargate R^iShikashyapaproktaM rudrAkShamahimAvarNanaM sampUrNam ||

\- || shrIshivarahasyam | bhImAkhyaH aShTamAMshaH | adhyAyaH 12 | 1\-44||
##
- .. shrIshivarahasyam . bhImAkhyaH aShTamAMshaH . adhyAyaH 12 . 1-44..

Notes:
Muni ##muni## delivers Upadeśa ##upadesha## about the merits of Rudra Mantra Japa ##rudra mantra japa##, especially Rudrādhyāya Japa ##rudrAdhyAya japa##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}