% Text title            : Nagaih Krita Kedareshamaheshvara Stuti
% File name             : nAgaiHkRRitAkedAreshamaheshvarastutiH.itx
% Category              : shiva, shivarahasya, stuti
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhImAkhyaH aShTamAMshaH | adhyAyaH 26 shivaprasAdaH | 4-15||
% Latest update         : July 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nagaih Krita Kedareshamaheshvara Stuti ..}##
\itxtitle{.. nAgaiH kR^itA kedAreshamaheshvarastutiH ..}##\endtitles ##
(shivarahasyAntargate bhImAkhye)
nAgA UchuH |
pAhyabjamitranayanAmalabhUtigAtra
rudra triNetra girirAjasutAkalatra |
pAtraM vichitratarametadaho pavitra\-
satrAtirAtramakhatarpita lokayAshu || 4||
shrIvyomakesha sakalesha mahesha shambho
koshAvakAsha shashishekhara sha~Nkaresha |
devesha khaNDaparasho pashupAshanAsha
pAhIsha mAmakadhiyA tava pAdabhaktAn || 5||
taM bhargasargakaraNAvyaya dInavargaM
santArayArgalapadAnparimochayAshu |
dUrvAdalArchitapada tridashArigarva\-
nirvApaNArNavavasAmbujanetrapUjya || 6||
shrImanmerusharAsana tribhuvanAdhyakShAdhvarAdhyakSha no
vIkShasvAdya dayAkaTAkShalaharIsaMhAritApAdikAn |
ukShAdhIshvaraketaneshvara dayApAtra triNetrAdhunA
kakShANAM cha pate sudakShamakhahR^it tUrNaM prasAdaM kuru || 7||
bhUbhR^idrAjakumArikAkuchataTIpATIrapa~NkA~NkitaM
rudrAkShapriya bhasmayukta niTilajvAloru ga~NgAdhara |
vaiyAghratvagala~NkR^itA~NgamasakR^itpashyema chitte sadA
vishveshAdipadapradaM harisharaM sambhAvayAmo hara || 8||
\- \-
skanda uvAcha |
nAgAnAM cha stavaM shrutvA kedAresho maheshvaraH |
talli~NgamadhyAchcha tadA hyAvirAsItsvayaM haraH || 9||
nAgAjinottarAsa~NgaH shashA~NkakR^itashekharaH |
umayA sahito devo nIlakaNThastrilochanaH || 10||
ga~NgAdharaH kapAlA~NkashUlajvalanasatkaraH |
taM dR^iShTvA devadeveshaM sarpAH kadrUsamanvitAH || 11||
praNamya cha mahAdevaM saMstuvannIlalohitam || 12||
\- \-
nAgAH uchuH
vedArva sharva yamagarvaharAva sharva\-
kandarpadarpahara sarpamahoruhAra |
agnyagra bhIma bhava bharga susargavarga\-
svargApavargada vibho tava bhaktimArgam || 13||
dUrvAdalArchanakR^itAM bhavadIyali~Nge
sa~Nge.api shA~NganivahAH kimutApamArgaiH |
bilvaishcha pa~NkajavaraiH kanakaiH kadambaiH
pUjyenduchUDa kulabhUdharavAsa shambho || 14||
vishvAdhikeshvara maheshvara rAmadhIra
gaurImanohara harAtyaya mAramAra |
saMsArabhAraparihArabhava prasIda
shrIsha~NkarAva varadhuryadhara prasIda || 15||

|| iti shivarahasyAntargate nAgaiH kR^itA kedAreshamaheshvarastutiH sampUrNA ||

\- || shrIshivarahasyam | bhImAkhyaH aShTamAMshaH | adhyAyaH 26 shivaprasAdaH | 4\-15||
##
- .. shrIshivarahasyam . bhImAkhyaH aShTamAMshaH . adhyAyaH 26 shivaprasAdaH . 4-15..

Notes:
Skanda ##skanda## narrates the scene where Nāga-s ##nAgAH## pray to Śiva ##shiva##, while He makes an appearance to them and their mother Kadrū ##kadrU##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}