% Text title            : Nageshvara Mahima Varnanam
% File name             : nAgeshvaramahimavarNanam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 17| 1-39||
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nageshvara Mahima Varnanam ..}##
\itxtitle{.. nAgeshvaramahimavarNanam ..}##\endtitles ##
IshvaraH \-
AvaNDha(vaTT)kaM mahApuNyaM kShetramastyekamambike |
nAganAthAhvayaM li~NgaM mamAsti bhuvaneshvari || 1||
tatratyasikatAH sarvA li~NgarUpAshcha kevalam |
tatra santi mahAshaivA nAganAthArchane ratAH || 2||
bhasmarudrAkShasampannAH shivadhyAnaparAyaNAH |
rudrAvartanashIlAshcha rudrali~NgaikapUjakAH || 3||
mannAmaniratA nityamanyanAmaparA~NmukhAH |
malli~NgAlochanenaiva teShAM prItiraharnisham || 4||
kAmukaH kAminIM dR^iShTvA yathA prIto bhavechChive |
mama li~NgaM tathA shaivA bilvasampUjitaM mudA || 5||
nAganAthaM stuvantyeva vIkShanti praNamanti cha |
vasanti tatra munayo vinayojjvalavigrahAH || 6||
nAganAthaM mahAdevaM pUjayanti gaNeshvaraH |
nAgakuNDamiti khyAtaM pAtAlavivaraM mahat || 7||
tanmArgeNa samAgatya sheSho.anantaphaNAmukhaH |
svamauliratnajAlairmAM pUjayatyeva sha~Nkari || 8||
sahasravadanenApi rudrasUktairmaheshvaram |
mAM stauti bhaktyA niyataM sa me gaNavarottamaH || 9||
tasminprItirmamAtyantaM kumAre gaNape yathA |
tvayi sarvAmareshAni tathA shaivo.ayamambike || 10||
shaiva sharIraM deveshi madAlayamanuttamam |
tasyaiva hR^idayAmbhojagarbhAgAre manorame || 11||
nIvArashUkasadR^ishali~NgAkAro.asmi sha~Nkari |
tddehaM yena sampUjya sthitaM so.api madarchakaH || 12||
shaivasampUjanAdeva mama prItirmaheshvari |
svatantrasya maheshasya sarvambhAgyayutasya me || 13||
kiM nAma kriyate devi pUjayA vA sumaiH shive |
lokasaMrakShaNArthAya li~Nge gR^ihNAmi pUjanam || 14||
bhaktairmama kR^itA pUjA tuShTayai bhavati shobhane |
sUkShmaM madIyaM li~NgaM tatpashyanti shivayoginaH || 15||
li~NgametanmahAdevi j~nAnahIno na pashyati |
natvA taM vedavAkyaishcha jAyate matkR^ipAbalAt || 16||
kathamanye.api pashyanti nAnAkAmaikagAminaH |
sakhaNDAnyanyali~NgAni chAkhaNDaM vyApakaM mama || 17||
kasyachidbhUribhAgyena sabhAgyasyeva sha~Nkari |
nirbhAgyAnAM mahAdevi tajj~nAnaM naiva jAyate || 18||
matkR^ipAmAtramekaM hi shaivagAtraM girIndraje |
shaivaH shivaikasharaNaH shivali~NgArchanapriyaH || 19||
shivakShetrarato nityaM shrIrudrajapatatparaH |
bhasmarudrAkShasampannaH ShaDakSharajapAdaraH || 20||
shaivasampUjako nityaM shivanaivedyabhojanaH |
mannAmaparamo nityaM tyaktvA.anyasurakIrtanam || 21||
shiva shambho mahAdeva prasIdeti vadana mudA |
ApAdamastakaM bhasma samuddhUlya yathAvidhi || 22||
rudrAvartanashIlo yaH sa me bhaktaH sadAmbike |
vedavedAntavAkyaishcha bodhaj~nAnaparaH sadA || 23||
tasyaiva jAyate j~nAnaM nAnyathA karmakoTibhiH |
asatyamiti tatsarvaM traiguNyaM parameshvari || 24||
AvidyakAni shAstrANi mithyAj~nAnapradAni hi |
machChAstraM satyamevedaM brahmaivedamiti shrutiH || 25||
AtmaivedamidaM dR^ishyaM tasmin jagadidaM mR^iShA |
jagatprarochanAshAstraM satyatve kalpayiShyate || 26||
mUDhAnAM svarganarakapuNyapApAdivAsanAH |
traiguNyaviShayo vedaH svAdhikArAnurUpataH || 27||
puNyapApaphalaM bhoktuM vyAvahArikakalpanaiH |
sarvaM tarati vai shokaM shaivo matpAdasaMshrayaH || 28||
atretihAsaM vakShyAmi nAganAthasya vaibhavam |
mama li~NgAtmano devi shrR^iNu shravaNabhUShaNam || 29||
sa chakShuHshravasAM rAjA sheSho.asheShaguNairyutaH |
brahmaNA samanuj~nAto bhUmisandhAraNAya vai || 30||
dR^iShTvA saparvatavanAM sAbdhidvIporupattanAm |
viShAdamagamat tIvraM sheSho mAM sharaNaM gataH || 31||
AvaTTakamidaM kShetraM prApya kuNDaM tathA.akarot |
nAgakuNDamiti khyAtaM tattIre tapasi sthitaH || 32||
svapuchChaveShTanairbhUmimadhiShThAyochChayan phaNAH |
mAM vilokya mahAdevi bhasmarudrAkShabhUShaNaH || 33||
rudramAvartayantasthau sharadAM shatamuttamam |
li~NgaM suchakShuShA pashyanchakShuShAM saMshravankathAH || 34||
sheShaH pavanabhu~NnityaM tapasA.ashoShayat tanum |
grIShme kusaritaM bhAnushchaNDabhAnukarairyathA || 35||
brahmAdyA devatAH sarvA draShTuM taM tapasi sthitam |
samAgatAMstadA devi tAn sarvAn kuNDalIshvaraH || 36||
agaNayya tadA tasthau mAma dhyAyan li~NgarUpiNam |
tasya taddArDhyamAj~nAya hyadadaM darshanaM shive || 37||
dR^iShTvA mAM svaphaNAbhishcha nanAma shirasA shivam |
sahasravadanenApi nAmnAM sAhasrataH shive || 38||
apUjayadbilvapatraiH tuShTAva jagadIshvaram || 39||

|| iti shivarahasyAntargate shivagaurIsaMvAde nAgeshvaramahimavarNanaM sampUrNam ||

\- || shrIshivarahasyam | bhargAkhyaH pa~nchamAMshaH | adhyAyaH 17| 1\-39||
##
- .. shrIshivarahasyam . bhargAkhyaH panchamAMshaH . adhyAyaH 17. 1-39..
Notes:
Shiva describes to Gauri, the glory and merits of worshipping Him as Naganatha at the Nageshwara Jyotirlinga that is located near Nagakunda in Avandha (Avatta) Shiva Kshetra.

The shloka numbers are maintained per the source text.

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}