% Text title            : Nataraja Suprabhatam or Chidambara Sabhapati Suprabhatam
% File name             : naTarAjasuprabhAtam.itx
% Category              : shiva, suprabhAta
% Location              : doc\_shiva
% Transliterated by     : Aruna Narayanan
% Proofread by          : Aruna Narayanan, Rajani Arjun Shankar
% Latest update         : October 15, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Nataraja Suprabhatam or Chidambara Sabhapati Suprabhatam ..}##
\itxtitle{.. shrInaTarAjasuprabhAtam athavA chidambarasabhApatisuprabhAtaM ..}##\endtitles ##
yasmAtsarvaM samutpannaM charAcharamidaM jagat |
idaM namo naTeshAya tasmai kAruNyamUrtaye || 1||
uttiShThottiShTha gaurIsha uttiShTha vR^iShabhadhvaja |
uttiShTha chitsabhAnAtha trailokyasya shivaM kuru || 2||
shivakAmasundari ! shiva~NkarampatiM
shivamadya sarvabhuvaneshvareshvaram |
pratibodhayAshu bhuvanasya guptaye
nahi bhAsate.asya jagadIkShaNAdR^ite || 3||
shrIchitsabheshamahiShi ! priyAnvite
shivatAti sarvabhuvanaikama~Ngale |
shivakAmasundari ! mahIdhranandini !
priyasuprabhAtamatiramyamastu te || 4||
bhAsvAnudeti paritaH prasR^itA vilInA\-
stArAgaNAssaha sudhAkaramaNDalena |
AvAti dakShiNamaruddhR^itapadmagandhaH
shrIchitsabheshvara vibho ! tava suprabhAtam || 5||
prAchIdigAptasuShamA makhinashcha vR^iddhA
viprA viniryayuratha svagR^ihAtprabhAte |
labdhuM tava prathamavIkShaNabhAgadheyaM
shrIchitsabheshvara vibho ! tava suprabhAtam || 6||
brahmA tvadIyanaTanAtishayaM didR^ikShuH
satyAdupAyanakaraH sahasAvatIrya |
dvAri tvadAlayavarasya chirAdupAste
shrIchitsabheshvara vibho ! tava suprabhAtam || 7||
nArAyaNo.api bahudhA shrutamadvitIyaM
AnandatANDavamamandasukhAvahaM te |
draShTuM svakIyabhavanAdupayAti vegAt
shrIchitsabheshvara vibho ! tava suprabhAtam || 8||
pAtuM nilimpanichayaM praNavaM pradAtuM
netuM svalokamamarAnnitarAmupaitum |
Aj~nAM tavAptumiha ShaNmukha etya shAste
shrIchitsabheshvara vibho ! tava suprabhAtam || 9||
nandI bhavatpramathamaNDalayUthapo.asau
tvaddattasarvabharanirvahaNapravINaH |
Aj~nAvilambamamR^iShanniva kA~NkShati tvAM
shrIchitsabheshvara vibho ! tava suprabhAtam || 10||
bhR^i~NgI bhavatpraNidhitallaja etya tUrNaM
dvAre sthitAnnibiDitAnnikhilAn nilimpAn |
sImantayatyanunayaistava bodhakAle
shrIchitsabheshvara vibho ! tava suprabhAtam || 11||
etAstavAlayamupetya jananya ArAt
chAmuNDayA kalitama~NgalashabdagItyA |
nIrAjanAya dhR^itapAtravarA valante
shrIchitsabheshvara vibho ! tava suprabhAtam || 12||
kiM vA bhavatpraNidhibhiH karaNIyamatra
siddhA vayaM niyamanena kR^itArthayAsmAn |
itthaM prabhAShya vinatAn pramathAMshcha pashya
shrIchitsabheshvara vibho ! tava suprabhAtam || 13||
prAbodhane prathamavIkShaNapUrNapAtra\-
lAbhAya lubdhahR^idayAH padmamukhyAH |
praspandanaM prathamajaM nidhayo.arthayante
shrIchitsabheshvara vibho ! tava suprabhAtam || 14||
tvatki~Nkarastava padapravaNaH pravINaH
shrIbhAnukampa iti sushrutanAmadheyaH |
Aste.arthayaMstava padaikaniketavAsaM
shrIchitsabheshvara vibho ! tava suprabhAtam || 15||
prAgUrdhvatANDavajitApi sabhAntarAlAn\-
niShkAsitApi nigalena suvellitApi |
vismR^itya sarvamapi sannihitA.atra kAlI
shrIchitsabheshvara vibho ! tava suprabhAtam || 16||
bANAsurastava suhR^ittava bhaktabhakta\-
stvadrakShitaprathitashoNitapattaneshaH |
tvatsevanAya tava dhAmni chirAdupAste
shrIchitsabheshvara vibho ! tava suprabhAtam || 17||
agre lasatyakhilalokapitAmahaH prA\-
gvedAnmukhairmukharayan chaturaH chaturbhiH |
tvayyAtmanInamabhimAnamalaM tyajiShyan
shrIchitsabheshvara vibho ! tava suprabhAtam || 18||
nyagrodhabhUruhatale prathamopadeshaM
tvatto labhanta munayassanakAdayo ye |
draShTuM prabodhamiha saMsadi te milanti
shrIchitsabheshvara vibho ! tava suprabhAtam || 19||
shrInAradastava kR^ite madhurAnanarghA\-
nApAdya gItanichayAn svavipa~nchikAyAm |
dvAredya gAyati tava pratibodhanArthaM
shrIchitsabheshvara vibho ! tava suprabhAtam || 20||
prAbodhana pramukhaShaTsamayArchanAya
pAta~njalAkhyanijasUtramatIva hR^idyam |
shrImAn pata~njalirupetya vivakShate tat
shrIchitsabheshvara vibho ! tava suprabhAtam || 21||
shrImUlanAthacharaNArpitachittavR^ittiH
shrIvyAghrapAdamuniradya tavArchanAya |
puShpopahAranikarasvakaroyamAste
shrIchitsabheshvara vibho ! tava suprabhAtam || 22||
shrIjaiministava kR^ite kalitAmanarghAM
shrIvedapAdaghaTanAsubhagAM stutiM cha |
Aste.agrataH pipaThiShuH pratihAradeshe
shrIchitsabheshvara vibho ! tava suprabhAtam || 23||
durvAsasA tava padAmbujabhaktibhArAt
svAtmArpaNaM kalayituM tvayi chitsabheshe |
dvAri praNAmaniratena vilokyase tvaM
shrIchitsabheshvara vibho ! tava suprabhAtam || 24||
sa~NkrandanaH satatapUjitatAvakA~NghriH
daiteyavalkitakR^itAmasahAmavaj~nAm |
ichChan pramArShTumiha tiShThati te prasAdAt
shrIchitsabheshvara vibho ! tava suprabhAtam || 25||
dikpAlakAH karadhR^itAmalapUrNakumbhAH
svarlokataH surabhidarpaNaku~njarAdyAn |
AnIya darshayitumAdaratastvarante
shrIchitsabheshvara vibho ! tava suprabhAtam || 26||
shrIj~nAnasa~NgatashishurvibudhAgraNIstvA\-
mutkaNThayA kavitayA dhuri gAtukAmaH |
dvAre sthito vitanute bahudhA prabandhAn
shrIchitsabheshvara vibho ! tava suprabhAtam || 27||
mANikyavAchakakaviH sudhayA sadR^ikShAH
gAthAstavaiva sutarAmuchitA vichitrAH |
gAyatyatIva madhuraM shR^iNu tAH svadevyA
shrIchitsabheshvara vibho ! tava suprabhAtam || 28||
trailokyanAthasadR^ishaH kila hemavarmA
prAkAramaNDapavimAnavitAnabhAgAn |
hemnaiva kArayitumarthayate niyogaM
shrIchitsabheshvara vibho ! tava suprabhAtam || 29||
mitrANi te tava samAstava jIvabhUtAH
mAnyA nR^iNAM makhivarAstrisahasrasa~NkhyAH |
AyAntyupAyanakarA vinatAH prabhAte
shrIchitsabheshvara vibho ! tava suprabhAtam || 30||
bhaktAgraNIstava padAbjaparAyaNo.asau
shrImAnumApatishivaH prathitaprabhAvaH |
AyAti nR^ityasadasIM tava ketunetA
shrIchitsabheshvara vibho ! tava suprabhAtam || 31||
shrIvikramaH prathitacholamahImahendra\-
stvatpAdapadmaviniveshitanaijachittaH |
prAkArabhittikaraNAya cha nAthate tvAM
shrIchitsabheshvara vibho ! tava suprabhAtam || 32||
nandaH svakIyakulanandanasaumyashIlo
dUrAttvadIyamukhadarshanalolupo.asau |
dUre sthitashcha valate vinayena bhaktyA
shrIchitsabheshvara vibho ! tava suprabhAtam || 33||
itthaM chidambarasabhApatisuprabhAtaM
ye vA paThanti manujAH pratisuprabhAtam |
teShAM sabhApatiruda~nchayati prasAdaM
sArUpyasampadamamutra mudA prasUte || 34||

|| iti shrInaTarAjasuprabhAtaM athavA chidambarasabhApatisuprabhAtaM sampUrNam ||

##

The first line of the verse 27 is given as##
shrIj~nAnasambandha \.\. vibudhAgraNIstvA##
in the original Tamil PDF referenced. As one said,
the nAyanmAr referred to is ``Gnanasambandhar.''
However, technically, in it the two akSharas
are missing.  For reasonable chanting purpose,
the line is modified as above. If a more
reliable manuscript is found, it will be
updated.

Encoded by Aruna Narayanan
Proofread by Aruna Narayanan, Rajani Arjun Shankar

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}