% Text title            : naTeshauttarapIThikA
% File name             : naTeshauttarapIThikA.itx
% Category              : sahasranAma, shiva
% Location              : doc\_shiva
% Transliterated by     : Sivakumar Thyagarajan shivakumar24 at gmail.com
% Proofread by          : Sivakumar Thyagarajan shivakumar24 at gmail.com
% Latest update         : November 5, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. naTeshvarasahasranAmastotrasya uttarapIThikA ..}##
\itxtitle{.. naTeshvarasahasranAmastotrasya uttarapIThikA ..}##\endtitles ##

shrIgaNeshAya namaH |

shrIchidambaranaTeshvara sahasranAmastotrasya uttarapIThikA ||

iti te kathitaM devi naTarAjasya sundaram |
nAmnAM sahasramatyantaM gopyaM nedaM prakAshayet || 1||
sarvasiddhikaraM puNyaM sarvavidyAvivardhanam |
sampadpradamidaM nR^iNAM sarvApadghnamaghApaham || 2||
abhichAra prayogAdi mahAkR^itya nivAraNam |
apasmAra mahAvyAdhi jvarakuShThAdi nAshanam || 3||
atyutpAda bhayakShobha kShudrashAntida kAraNam |
kUshmANDa rudra vetAla shAkinyAdi bhayApaham || 4||
smaraNAdeva jantUnAM brahmahatyAdi nAshanam |
asmAtparataraM stotraM nAsti lokatraye.ambike || 5||
etannAma sahasrasya paThanAt sakR^ideva hi |
mahApAtakayukto.api shivasAyujyamApnuyAt || 6||
prayogalakShaNaM vakShye shR^iNu shailasute.adhunA |
pajchamyAmathavA.aShTamyAM dashamyAM vA visheShataH || 7||
snAtvA shubhAsane sthitvA dhyAyan shrInaTanAyakam |
prajapetdvAdashAvR^ityA sarvAn kAmAn labhennara. || 8||
ArdrAyAM prAtarArabhya naTarAjasya sannidhau |
AsAyaM prajapedetat evaM saMvatsaratrayam || 9||
tasya bhaktasya devesho naTanaM darshayetprabhuH |
bilvavR^ikShasya nikaTe trivAraM prajapedidam || 10||
ShaDbhirmAsairmahaishvaryaM labhate na chirAnnaraH |
anena stotrarAjena mantritaM bhasmadhArayet || 11||
bhasmAvalokanAnmR^ityurvashyo bhavati tatkShaNAt |
salilaM prAshayeddhImAn mantreNAnena mantritam || 12||
sarvavidyAmayo bhUtvA vyAkarotyashrutAdikam |
nATakAdi mahAgranthaM kurute nAtra saMshayaH || 13||
chaturthyantaM samuchchAryanAmaikaikaM tato japet |
pa~nchAkSharaM tathA nAmnAM sahasraM prajapetkramAt || 14||
evaM trivAraM mAsAnAmaShTAviMshatike gate |
nigrahAnugrahau kartuM shaktirasyopajAyate || 15||
nAmnAmAdau tathAnte cha pa~nchAkSharamahAmanum |
japtvA madhyasthitaM nAma nirmamontaM sadA sakR^it || 16||
chaturthyantaM japedvidvAn trivarShaM cha trimAsakaiH |
aNimAdi mahAsiddhi rachirAt prApnuyAddhruvam || 17||
sarveShvapi cha lokeShu siddhaH sanvicharennaraH |
lakShmIbIja dvayakShiptamAdyaM tannAma yaH shive || 18||
vA~nChitAM shriyamApnoti satyamuktaM varAnane |
hallekhAmantra saMyuktaM pUrvavat saMyutaM japet || 19||
yogasiddhirbhavettasya trichatuH pa~nchavatsaraiH |
kimatra bahunoktena yAyA siddhirabhIpsitA || 20||
tAM tAM siddhiM labhenmartyaH satyameva mayoditam |
kaNThadaghnajalesthitvA trivAraM prajapedidam || 21||
ripUnuchvATayechChIghramekenaiva dinena saH |
dakShiNAbhimukhobhUtvA dhR^itvA.a.ardravasanaM shuchiH || 22||
shatrunAmasamuchvArya mArayetipadA~Nkitam |
paThedidaM stavaM krodhAt saptakR^itvastribhirdinaiH || 23||
sa ripurmR^ityugehasya dhruvamAtithyabhAgbhavet |
haridrayA naTAdhIshaM kR^itvA prANAn pratiShThipet || 24||
pItapuShpaiH samabhyarchya stotrametajjapennaraH |
stambhayetsakalAnlokAn kimihakShudramAnuShAn || 25||
AkarShaNAya sarveShAmuttarAbhimukhojapet |
vA~nChitAyoShitassarvAstathA lokAntarasthitAH || 26||
yakShAshcha kinnarAshchApi rAjAnovashamApnuyuH |
kumbhasthitaM jalaMspR^iShTvA trivAraM prajapedidam || 27||
mahAgrahagaNagrastAn abhiSheka~nchakArayet |
jalasparshanamAtreNamuchyate cha grahAdibhiH || 28||
kimatra bahunoktena siddhayantyakhilasiddhayaH |
sAkShAnnaTeshvaro devo vashyo bhavati tatkShaNAt || 29||
 (shailaje || ) 
asmAtparatarAsiddhiH kAvAstikathayapriye |
niShkAmasyAchirAdeva brahmaj~nAnamavApyate || 30||
tasmAtsarvaprayatnena yatibhirbrahmachAribhiH |
vanasthaishcha gR^ihasthaishcha sarvairjapyaM prayatnataH || 31||
nityakarmavadevedaM stotraM japyaM sadAdarAt |
brahmAdayo.api yannAma pAThasyaiva prasAdataH || 32||
sR^iShTitvityantakartAro jagatAM chirajIvinaH |
yadidaM munayaH sarve hayagrIvAdayaH purA || 33||
paThitvA paramAM siddhiM punarAvR^ittivarjitAm |
prApire tadidaM stotraM paThatvamapi shailaje || 34||
asmAt parataraM vedyaM nAsti satyaM mayoditam |

 || ityuttara pIThikA ||
ityAkAshabhairavakalpe pratyakShasiddhiprade umAmaheshvarasaMvAde
pa~nchaviMshatimUrtiprakaraNe tattvAtIta shrI chidambara
naTeshvara sahasranAmastotramAlAmahAmanopadasho
nAma ekonaShaShTitamo.adhyAyaH
|| OM shivamastu ||

##
Encoded by Sivakumar Thyagarajan shivakumar24 at gmail.com
Proofread by Sivakumar Thyagarajan

The text follows after the Nateshasahasranamastotram given separately.

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}