% Text title            : Shri Nateshvarachintamanividya Stava
% File name             : naTeshvarachintAmaNividyAstavaH.itx
% Category              : shiva
% Location              : doc\_shiva
% Proofread by          : Aruna Narayanan
% Description/comments  : From shrInaTarAjastavamanjarI. chidambararahasya mantrakalpataH
% Latest update         : July 10, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Nateshvarachintamanividya Stava ..}##
\itxtitle{.. shrInaTeshvarachintAmaNividyAstavaH ..}##\endtitles ##
shrIgaNeshAya namaH |
shrIchitsabheshAya namaH |

sanatkumAraH \-
nandikesha shivAnanyabhAvanAbhAvitAntara |
shilAdatanaya shrIman chidambarasabhApateH || 1||
chintAmaNimahAvidyAmantravarNastavottamam |
mananAtsarvapApaghnaM nR^ittarAjapriya~Nkaram || 2||
puruShArthapradaM puMsAM mokShadaM sarvakAmadam |
hariNA brahmaNA deva rudreNApi surairapi || 3||
sadA sa~NkIrtitaM premNA vaktumarhasi tatstavam |
shrInandikeshvaraH \-
sanatkumAra vakShyAmi brahmamAnasasambhava || 4||
purA skandAya devena shambhunA proktamadbhutam |
nR^ityati yo mahAdevo daharAkAshamadhyame || 5||
tadIyamantravarNAdyaM stavarAjaM visheShataH |
brahmAdayo.api yatstotrajapAdApurmunIshvara || 6||
iShTArthAn vAkpatitvAdIn sAvadhAnamanAH shR^iNu |
ahameva R^iShistasya Chando.anuShTup sabhApatiH || 7||
devatA praNavenaiva nyAsaM kR^itvA paThetstavam ||
vande.apasmAradehasthitamatidhavalaM shrItanuM nR^ittarAjaM
      vAmenAku~nchitA~NghriM DamarukamabhayaM vahninR^ittAbhinItim |
dakShe vAme dadhAnaM dvidashamatha jaTAjAnhavIchandrachUDaM
      dvIpITcharmAmbarADhyaM bhujagavalayinaM shrIjaTADhyAparA~Ngam || 8||
vAme haste cha vahniM nayutamatha kare dakShiNe shivasvarUpaM
      nAdabrahmaikaniShThaM DamarukamabhayaM yaM vakAraM cha vAme |
haste shrIdakShiNena svapadasarasijenAtmamohaM madhAmnA
      tvAkramyAvasthitaM tvAM bhajati hi niTile nigrahAnugrahAbhyAm || 9||
dhyAyetkoTiraviprabhaM triNayanaM shItAMshuga~NgAdharaM
      dakShA~NghristhitavAmaku~nchitapadaM shArdUlacharmAmbaram |
vahniM DolakarAbhayaM DamarukaM vAme shivAM shyAmalAM
      kalhAraM dadhatIM pralambitakarAM devIM sabheshaM sadA || 10||
vahniM pAshaM cha lambaM dhanurapi madhuraM vAmahastaishchaturbhiH
      bibhrANaM chAnyahastairDamarumapi sR^iNiM chAbhayaM puShpabANAn |
vAmArdhA~NgaM pumAMsaM parichinu hR^idaye svarNasaMsadbhrakuMsaM
      sevA hevAka devAdhipamakuTataTI loluThatpAdapITham || 11||
o~NkAramantrasaMvedyaM otaprotajagattrayam |
chintayAmi mahAdevaM chidambara sabhAnaTam || 12||
hrI~NkAriNIM prashaMsanti yanmAyAmUrtimAstikAH |
chitta chintaya taM devaM chidambarasabhAnaTam || 13||
pashyallalATaM pravahachChekharaM vishvasR^iTsrajam |
shivamAlokayAmyantaH chidambarasabhAnaTam || 14||
rambhorvashImukhAdevyo yadvAmA~NgapadAnugAH |
tamekaM daivataM vande chidambarasabhAnaTam || 15||
jyotiH prakaTitAna~Nga garvanirvApaNAlikam |
praNamAmi prabhuM shambhuM chidambarasabhAnaTam || 16||
tisR^ibhishshaktibhirvishvaM vyashnuvAnamanAdimam |
kalayAmi kalAtItaM chidambarasabhAnaTam || 17||
ha~NkAradussahavyAdheragada~NkAramAdimam |
ahaM prabhuM vrajAmyAdyaM chidambarasabhAnaTam || 18||
sadAshivaM sadArAdhyaM sadAdhAraM sadoditam |
chirantanaM sadA naumi chidambara sabhAnaTam || 19||
hantrIM puratrayasyAhuH yasya shaktiM trayIgiraH |
taM naumi sthiradhanvAnaM chidambarasabhAnaTam || 20||
sarvottIrNapadaM yasya na jAnanti divaukasaH |
tamAshraye.ahaM nR^itteshaM chidambarasabhAnaTam || 21||
vyometi nAda ityAtmetyantarAtmeti yaM viduH |
tryambakaM taM pratyemi chidambarasabhAnaTam || 22||
mahIhR^idayamadhyasthaM mahAnAdavijR^imbhitam |
chitte bhajAmi chinmAtraM chidambarasabhAnaTam || 23||
vyomakeshaM vyomapAdaM vyomAkhyaM vyomavigraham |
vyomAtItaM bhaje devaM chidambarasabhAnaTam || 24||
maheshvaraM mahAnandaM mahAnAdaM mahodayam |
mama nAthaM prapadye.ahaM chidambarasabhAnaTam || 25||
vyomnaH shabdo guNo yasya sapravR^ittichatuShTayaH (1) |
tamAtmAnamavApto.asmi chidambarasabhAnaTam || 26||
mnAdhAturyasya mAhAtmye paryavasyati bhUyasA (2) |
taM natvA kR^itakR^ityo.asmi chidambarasabhAnaTam || 27||
sharAyitaramAkAntaM dhanvAyitadharAdharam |
shraye guNAyitAhIndraM chidambarasabhAnaTam || 28||
kati(3)varNadvayaM shliShTaM yanmantrAntarasa~Ngatam |
shrIkaNThaM taM shrayAmyenaM chidambarasabhAnaTam || 29||
shirohR^idayamUleShu sudhAtapashikhAtmanA |
bhAsamAnaM tamudvIkShe chidambarasabhAnaTam || 30||
vandArusurakoTIra nIrAjitapadAmbujam |
umAsakhamupAse.ahaM chidambarasabhAnaTam || 31||
jyotsnAkamalinIkAnta vAmadakShiNalochanam |
parAmR^ishAmi paramaM chidambarasabhAnaTam || 32||
tiryakku~nchitavAmA~NghriM tadekAgrollasatkaram |
pashyAmyabhayadaM puMsAM chidambarasabhAnaTam || 33||
rAmaNIyakasarvasvaM yasya vAmA~NgamiShyate |
taM naumi shaktichakreshaM chidambarasabhAnaTam || 34||
nandAmi vIkShya vIkShyeshaM navaM nArAyaNArchitam |
jaiminIyataporAshiM chidambarasabhAnaTam || 35||
dayAtara~NgitApA~Nga dayitArdhakalevaram |
prAj~nairnutaM prashaMsAmi chidambarasabhAnaTam || 36||
(4)nR^igAdipUrvarAjendraiH puNyashlokairabhiShTutam |
niveshayAmi hR^idaye chidambarasabhAnaTam || 37||
(5)tatayogArNanirdeshyaM ShaTtriMshattattvanAyakam |
shekharIkuru chetastvaM chidambarasabhAnaTam || 38||
parAtparataraM tattvaM pAremohaM pratiShThitam |
bhaje.ahaM bhAvanAsid.hdhyai chidambarasabhAnaTam || 39||
rajassatvatamorUpaguNatrayanigumbhanam |
ArAdhayAmyanaupamyaM chidambarasabhAnaTam || 40||
prakR^itipratyayAtmAnaM prakAshaM parameshvaram |
seve shekharitArdhenduM chidambarasabhAnaTam || 41||
kAlAriM kAlayoktAraM kAmadaM kAmanAshakam |
vimR^ishAmi vidhIshAnaM chidambarasabhAnaTam || 42||
shANollIDhendumaNivaddyotante yasya ki~NkarAH |
tameva sthApayAmyantaH chidambarasabhAnaTam || 43||
nandanAraNyalIlA me na kadAchana rochate |
yamIkShya yaminAM gamyaM chidambarasabhAnaTam || 44||
darshaM darshaM pranR^ityAmi mohadrumadavAnalam |
chintitArthapradAtAraM chidambarasabhAnaTam || 45||
nAdapa~nchaka(6)lAtItavyuShTasaudhavihAriNam |
nAthaM nAhaM vimu~nchAmi chidambarasabhAnaTam || 46||
(7)thasthitAnandasammelasambhUtagaNanAyakam |
sabhAjayAmi sarveshaM chidambarasabhAnaTam || 47||
(8)rasAmbutejaHpavana vyomArkendvAtma vigraham |
digambareshaM dhyAyAmi chidambarasabhAnaTam || 48||
kata(9)yoraikyamudbhAti yasya mantrAkSharAntare |
smarAmi mantradehaM taM chidambarasabhAnaTam || 49||
pAshachChettAramAptAnAM prauDhakR^ityeShu pa~nchasu |
patiM prakAshayAmyantaH chidambarasabhAnaTam || 50||
duritadhvAntamArtANDaM durmohArNavatArakam |
archAmyAmnAyajIvAtuM chidambarasabhAnaTam || 51||
kAmbhojakarNikApIThakamanIyasukhAsanam |
Alokaye hR^idAdarshe chidambarasabhAnaTam || 52||
pUrNairmanorathairyuktAH pUjayA yasya dehinaH |
chittabhittau likhAmyenaM chidambarasabhAnaTam || 53||
jaDAjaDavibhedena jagadyasmAdvijR^imbhate |
prapanno.asmi tamAtmAnaM chidambarasabhAnaTam || 54||
yAtudhAnAH praNashyanti yAshchAnyAH kShudradevatAH |
yad.hdhyAnAttamahaM prekShe chidambarasabhAnaTam || 55||
mithyAsatyaparichChettA draShTA vaktA pramAtR^itA(kaH) |
hantA cha taM sameto.asmi chidambarasabhAnaTam || 56||
hrImAmananti ChandAMsi yA mAyA setyabhiShTutAm |
tayA.ananyaM varaM yAche chidambarasabhAnaTam || 57||
shivakAmeshvarI yasya shR^i~NgArakuladevatA |
shivakAmaM tamichChAmi chidambarasabhAnaTam || 58||
vAsanA vishvashaktInAM vAmA~Nge yasya dR^ishyate |
adhyakShayAmyadhIshaM taM chidambarasabhAnaTam || 59||
yaikA mantramayI yasya sphurattA yA viyanmayI |
tamAtmIkurute chittaM chidambarasabhAnaTam || 60||
natiryasya prasUte drAk sampattantrANi dehinAm |
nato.asmi hR^idayAbjasthaM chidambarasabhAnaTam || 61||
mastake.abje sahasrAre yaH shaktyA saha nR^ityati |
pashyAmi tamahaM bhAvAt chidambarasabhAnaTam || 62||
ityevaM shrImadAnandanaTeshasya mahAmanoH |
varNAdyastavarAjo.ayaM chintAmaNisamAhvayaH (10)|| 63||
chintAmaNivadiShTArthadAyI nR^itteshvarapriyaH |
prabhAtakAle paThatAM mAtR^ikAvarNasidvidaH || 64||
nityaMsa~NkIrtayeddhImAn trikAlaM cha visheShataH |
chitte nR^ityati tasyeshaH chidambarasabhAnaTaH || 65||
duHsvapnaduHshakunadurgamadurmanaska\-
      duShkR^ityaduShTataraduHkhanikarAshcha bAdhAH |
yatkIrtanAdatitarAM prashamanaM prayAnti
      shrInR^ittarAjapadametyapunarbhavaM cha || 66||

iti chidambararahasye mantrakalpataH shrInaTeshvarachintAmaNividyAstavaH sampUrNaH |

1\. shabdasya pravR^ittayaH \- parApashyantImadhyamAvaisvaryaH |
2\. mnA\-abhyAse\-(iti dhAtuH) | abhyAsaH \- pAramparyeNa vR^ittiH |
3\. ktItisaMyuktAkSharaparaH gurumukhaikavedyaH |
4\. ShoDashasu rAjasvanyatamaH ikShvAkuvaMshyaH |
5\. tatayogArNaH saMyuktatakAsptetyAkArakaH |
6\. nAdAdipa~nchakalAtItaM\-brahmarandhrasthAnaM tatravyuShTaM prabhAtaM
     saudhaM \- sabhA tasmin vihAriNaM
viharaNa shIlam |
7\. \ldq{}tha\rdq{}\-parvataH |
8\. rasA bhUmiH | AtmA yajamAnaH iti aShTamUrtiH |
9\. katayorekavarNAkArakaM aikya~Nkteti.
10\. OM hrIM para~njyotiH haMsa haMsa vyoma vyoma vyomnA shakti shivajyotirAnanda
nR^ittaparaprakAshAnandanAya raktapAdukAM pUjayAmi hrIM shivAya namaH iti manuH |

##
Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}