% Text title : Shri Nateshvaradandaka Stuti % File name : naTeshvaradaNDakastutiH.itx % Category : shiva, daNDaka, stuti % Location : doc\_shiva % Proofread by : Aruna Narayanan % Description/comments : From shrInaTarAjastavamanjarI % Latest update : July 10, 2022 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Nateshvaradandaka Stuti ..}## \itxtitle{.. shrInaTeshvaradaNDakastutiH ..}##\endtitles ## shrIumApatishivapraNItA yatkShetre jananAt sthiteshcha vilayAt AvR^ittihInaM padaM yattIrthAmbuniShevaNAdatitarAM sAmyaM vidhermAnavaH | yanmUrteravalokanAdapi sakR^itprApnoti dhAmAbhayaM taM natvAhamumApatirnaTapatiM gadyoktibha~NgyA shraye || 1|| ashvIkR^itAshvIkR^ita vedarAshiH astrIkR^itAstrIkR^itadAnavAriH | a~NgIkR^itA~NgIkR^itashambarAriH pAyAtsa no daivatasArvabhaumaH || 2|| asti khalu anekakoTibrahmANDa\-madhyabhavadaNDabhittyadhaH pradeshavyApakaH, dugdhasindhumathanamanthAnamandaragiribhAravahananipuNena AdikamaThenArAdhyamAnaH || 3|| tadupari koTiyojanapramANabhavanamadhyastha\-sahasra\-yojanonnata\- tadviguNavishAla\-siMhAsanasthitena dashakoTyanuchara\-parivR^ita\- svasamAnaikAdasharudravaryasamAvR^itena kirITa\-kuNDala\-hAra\- keyUrAdyAbharaNa\-rudrAkSha\-bhUtibhUShitena khaDgakheTaka\-kodaNDa\-bANa\- parimaNDitabAhudaNDena pa~nchadashakoTiyojana\-dUravyApijvAlAdhUma\- paryastaparyantena varakalevareNa prabhuNA kAlAgnirudreNApyanudinamarchyamAnaH || 4|| tatashchoparyupari krameNAnekagaNendrayukta\-kUshmANDAkhya\- mahAbhairaveNa pAtAlatalanivAsAsuranAgarakShobhiH nAnA vidhasharIrabheda\- nAnAkoTigaNasahita\-hATakeshena maNimayakANDa dhagadhdhagita\- dhavalachAmaropachArasamAdR^ita\-varashuNDAbhR^idairAvata\-puNDarIka\-vAmana\- kumudA~njana\-puShpadanta\-sArvabhauma\-supratIkasamAhvayAShTadi~NmahA shuNDAlaiH vAsuki\-takShaka\-kArkoTaka\-sha~Nkha\-gulika\-kambalAshvatara dhR^itarAShTrAdimahoraga \-koTisaMvR^ita \-bhUbhAravahanachaNa \- sarpasArvabhauma\- shrImadAdisheSheNa chApi saMsevyamAnaH || 5|| lavaNekShu\-surAsarpirdadhi\-kShIrodakAkhyasaptArNavaiH, jambU\-shaunaka\-kusha\- krau~ncha\-shAlmalI\-gomedaka\-puShkarAkhya saptadvIpaiH, mahendra\-malaya\-sahya\- shuktimadR^ikSha\-vindhya\-pAriyAtrAkhyasapta\-kulAchalaishcha parivR^itAyAH \- kuru\-hiraNya\-ramya\-bhadrAshva\-bhArata\-kimpuruSha\-hari\-ketumAlelAvR^itAkhya\- navakhaNDavibhakta\-pa~nchAshatkoTiyojanasamachaturashravistR^itAyAH vasundharAyAH hR^idayasarasIruhakarNikAkArabhUtaH\-, merumandara\-kailAsAtmaka pashchimottara dakShiNashikharatraya virAjamAnaH\-, nikhilaprapa~ncha vilayamahApralayAntareShvapi yathAvadvartamAnaH\-trikUTagirirnAma mahAn parvatottamaH || 6|| tatra hi sahyAdripravahatsalilapUrapUritayoH\-golAmaNi dhagaddhagitamahArajatapulinarAjIvirAjitayoH shivakShetrAnekamaNDito bhayataTayoH nimajjanAt sarvapApApanodanachaNayoH ubhayapArshvataH pUrvAbhimukhena pravAhAt mAlAyitayoH\-shrInUpura \-maNimuktAkhya mahAnadyorabhyantare || 7|| brahmahatyAdi\-mahApAtaka \-dhvaMsanavichakShaNa \-shivaga~NgA\- guhya\-vyAghra \-yauvanAnantanAga \-brahmachAmuNDikA \-dugdhArNava \- paramAnandakUpAdyaneka tIrthasamAvR^ite || 8|| gaganatalAtishayita \-shAkhAnirantaranivAsavalAhakasa~Ngha sa~NghaTTanajAta \-dhArAsampAtasantatakandalita \-sarvartukusumaphalarasa parishobhita \-vaTapaTakaTonnaTa \-kuTajAshvattha \-kapittha \-chAmpeya \- tAla \-tamAla \-hintAla \-sAla \-rasAloddAla \-kuddAloddAlaka\- kolA~Nkola \-pATaladevatAla \-kandArAla \-vakulanichula \-vidala \- vidhula \-sarala \-mahila \-madhuShThIlaka \-madhUlaka \-madhuvarNaka suvarNaka \-supArshvaka \-saptaparNaka \-pa~nchavarNa \-vAruNa \-sahakAra \- sindhuvAra \-nArikera \-khadira \-viTkhadira \-kharjUra \-karNikAra \- nAgakesara \-punnAga\- nAra~Nga \- nAgali~Nga \- likuchAsanArjuna \- shobhA~njana\-shirISha \-kadamba\-nimba\-tintriNI\-kramuka \-lava~Nga\- rambhA\-kuravaka \-kunda \-mAkanda \-mandAra \-pArijAta \-santAna \- harichandana \- vAjiguhya \- devadAru \-shrIbilva \-tilva jAtIvR^ikShAdidrumakulanibaddha\-manoharatamodyAna \-vidyotamAnailA pippalI\-tAmbUlikA\-mAdhavI\-mAgadhI\-mAlatI\-mallikA \- gaNikA\-lomaratna\-kalpakAdyaneka latApariveShTita nAnAvidhArAma virAjamAne || 9|| kanakavAlukAtIrapradesha sphaTikamaNishilAbaddhasopAna nikara\- kapaTabahulataramihirahimakarakaranikarasamudaya \-santatavikasita\- kamala\-kalhAra\-kumuda\-kuvalaya\-hallaka\-raktotpala\- nIlotpala\-puNDarIkAdi sumaparimala bharitAneka\- nadInadavApIkUpataTAkasaritsalila \-kalakallolAbhi vardhitAkhila sasyamaNDalamaNDite || 10|| gajaturaga \-pashu \-dhanadhAnya \-bhUShaNAmbara \-dAsadAsI\- samR^iddhi \-samedhita \-budhabR^ihaspatisama vidyApaTutarabuddhiyukta nijanija varNAshramochitadharmAla~NkarmINachAturvarNyajanasamUhAbhirAme surAme || 11|| nAnAvidhakavATa toraNachitragavAkShopalakShita \-muktAsaraghaTita vitAnopashobhita\-shAtakumbhadIpastambhasubhAsita\- haMsatUlikAsumatalpa\-mahopadhAna \-gaNDukachatuShTaya \-maNigaNa \- khachita \-parya~Nkasukhashayita \-kAmaratIsama \-krIDAvinodana \-yuva yuvatIjana\-nibiDitAntaHpurendu kAntamayoTaja \-gR^ihasaudharAjI\- rAjita\-vikrayika krAyika\-janasaMsarga\-vipaNikAshataramya\- vIthikAshata samanvite || 12|| nityaM prAtaH snAna\-sandhyAvandana \-garbhAdhAna \-puMsavana \- sImantonnayana \-jAtakarma \-nAmakaraNopaniShkrAmaNAnnaprAshana \- karNavedhana \-chaulopanayana \-samidAdhAna \-vedAdhyayana \-chaturvrata \- samAvartana \-vivAhaupAsana \-vaishvadeva \-brahmayaj~na\-kR^ichChrachAndrAyaNa \- pArvaNAShTakA \-manvAdi \-paitR^ikashrAddha \-sarpeshAnabalyAyuShyApamR^ityu \- nakShatrahoma \-navagrahamakha \-trikAlashivapUjAdisatkarmanirataiH || 13|| anavaratamAdheyAgnihotra \-darsha pUrNamAsa \-chAturmAsya\- nirUDha pashubandha\-sautrAmaNyagniShTomAtyagniShTomokthya \-ShoDashyatirAtra\- vAjapeyAptoryAma \-pauNDarIka \-mahAvrata \-sAgnichayana \- sarvatomukhAdimahAdhvara\-dIkShAmahotsavasamayodyatAdhvaryavaudgAtra hautrabrAhma nijanijAdhikAranirata\-nipuNartvi~NmukhochchAryamANa mantranivahapUta \-vapAhomaparimalaparimilita \-dhUmarekhA sarasasamAhUta \-puruhUtapurassara \-nijahavirbhAgabhogalampaTa\- nilimpagaNa\-spR^ihaNIya \-havyadivyAnna\-ra~njanavya~njana \-sUpApUpa\- lehyachoShya \-peyakhAdya \-rasAyana \-saghR^itaguDapAyasa \-payodadhi\- sapaka \-nAnAphalopahAra \-mR^iShTAnnabhojana \-sadakShiNatAmbUla \- santuShTAsheShajana\-samprayuktAshIrvachananikaraiH, vedavedA~NgAdi\- chatuShShaShTikalAprAvINya \-shivAtivAdANimAdyaShTasiddhiprachAra \- svatantrakushalaiH, sukalatra \-putra \-duhitR^i \-bandhumitra sushiShyaparijanasametaiH || 14|| shrIchitsaMsatprabhu \-shIrShottaMsakArdhendukalA \-sudhAmaNDa \- piNDIkR^ita \-viTa~NkasphATikali~Ngasya antarvedikShetra\-madhyAnuShThita \- shatadhR^itiyaj~na \-sadassadasyAbhyavahAra \-samakAlasamAlabdhAgniprabhava\- jyotirmaya \-ratnasabhAdhinAtha\-pratikR^iteshcha nitya varivasyayA, vimalIkR^ita\-svAntAntara~NgaiH ShaDAdhArayoga\-niShNAtaiH || 15|| hiraNyavarmanR^ipatinA chaturAnanayaj~navATAt trisahasrarathayAnAnItaiH, sachakitanR^ipasha~NkAnunutsunA shrIshivenaiva \ldq{}amI mamAMshabhUtA mUrtayaH, aphAlAkShendujaTAlalanAvAmabhAgAH\-\rdq{} iti purA shilAdatanayaM pratIva, asharIryA vANyA samakShaM munInAM \- \ldq{}ahamasmyekaH amIShAM trisAhasrasa~NkhyA sa~NkhyAtipUrakaH\rdq{} iti purA jAtuchit kamalAlaye cha \-"shrImattillavanIbhUShNuH dvijaki~Nkaraki~NkaraH asmi\rdq{} ityArabhya \ldq{}nissImamAhAtmyAn stuhi matparAn\rdq{} iti svapratibimbabhUta \- sundarabhaktabhaktamAlikAshrIgAnAdau cha sapremAtishayaM prashaMsitaiH, maNivachanasambandhAtishayokti \- shrIvAchakagAnAla~NkR^itibhiH, shrIchitsabheshvaracharaNAravinda \- santatapUjAsAmrAjyAnandAnubhavaiH, shrImat trisahasramunIshvaraiH dIkShitaiH nirantaraM nivasite || 16|| a~NgAdyakhilAvanIsha \-maNimakuTopalAlitapadena, manu \- pa~nchamalekhendravikramabhUpajAtena shrImachchitsabheshvarasevAsamAyAta \- samakAlavyAghrapAdasamAj~nAta \-shivaga~NgAsaraH snAna nirmukta saiMhatvagrogAvirbhUta \-taptajAmbUnadasadR^ikShAkAra \-shauryaudArya \-sakala\- guNagaNAbhirAmeNa kanakavarmAkhyamahArAjena paripAlite || 17|| merumandarakedAra \-kAshIkAlahastI \-kA~nchI\-vaTakAnana\- shoNAchala \-vR^iddhAchala \-kamalAlaya \-madhyArjuna \-pa~nchanadI \- jambukesha\-hAlAsyagokarNa \-rAmasetupramukhAkhilakShetrottame || 18|| vedavedAntAgama \-smR^itItihAsapurANAdi \-prasiddha \- puNDarIkAbhidhAne nAmochchAraNamAtrAt muktiprade nivAsAt sakalavaradAnaikanirate, shrImati mahati chidambarAbhidhAne puravare || 19|| shrImadvirADhR^idaya kamalavilasitaM AdhArashaktipramukha\- nAnAdhiShThAna\-shaktivR^inda \-samadhiShThitAdhiShThAnopashobhitaM gAruDamaNighaTitAgAropAna\-jakArapadma\-jhakArakumuda \-ThakAra kampa \-pAkArakaNTha \- sAkArakampa \- hakArapaTTikA\- hrI~NkArapadma\- akAramadhyakUTa \-AkAradAma \-lakArapadma \-hakArapAlikA paTatAlikA \-sakAraphalakapotikA \-rephamayottara \- hrI~NkAra padmakapa~nchAkSharakalAtmaka kapotaka \-praNavahrI~NkArahaMsAtmaka kUTAgArAdinAnAvayavapravilasitaM \- || 20|| navagraharashmimayakAntatara \-nUtnanavaratnamaya \-pa~nchabrahmAtmaka \- parya~NkabhUta \-sadAshivavedikA \-pUrvAdipashchimAntasthitargya\- jussAmAtharvAmnAya \-vajramayachatustambhachakAsitaM \- || 21|| tatsamIpAdho vaiDUryeShTakAkhaNDakhachitaishvaradhR^iShNikA \-pUrva dakShiNapashchimottara \-samAsAdita \-nyAyavaisheShika \-pUrvamImAM\- sottaramImAMsA \-sA~NkhyagauDashAstrAtmaka \-gomedhakaShaTstambha vishobhitam || 22|| tato.apyadhastAt puShparAgamaNirachitarudrapITha \-pUrvAdi pashchimAntasthApita \-pR^ithivyavanalAnilavyomAkhya \-pa~nchabhUtAtmaka\- padmarAgamaya \- stambhapa~nchakapariShkR^itam || 23|| tasyApyadhare mahendranIlakhachita \-viShNuvedikA \-pa~ncha pa~Nkti pashchimAdUrdhvAdhaHkramasaMsthita \-mahIvAryagni\-vAyvAkAsha \- shrotratvakchakShurjihvAghrANa \-shabdasparsharUparasagandha \-vAk\- pANipAdapAyUpastha \-vachanAdAnagamanavisargAnandAnnaprANa manovij~nAnAnanda \-jAgratsvapna\-suShupti\-turyaturyAtIta \-garbhAmamala\- shuklajaleDApi~NgalasuShuma \-jihmapuruSha \-gAndhArI\-rashanAlambusA\- kakuda \-kumuda \-mUlAdhAra \-svAdhiShThAna \-maNipUrakAnAhata \- vishud.hdhyAj~nA \-prANApAnavyAnodAnasamAna \-nAgakUrmakR^ikaradevadatta dhana~njaya kAmakrodhalobhamohamadamAtsarya\-dambhAha~NkAra\-manobuddhi\- chittAha~NkArANumalamAyA \-putradAravittaiShaNA \-satyAsatya \- sadasadvinayAvinaya \-vAtapittashleShma \-somasUryAgni \-sattva rajastamassamAkhyAta \-ShaNNavatitattvAtmaka \-muktAphalarachita gavAkShopalakShitaM, || 24|| tadanuvR^ittipravAlaviniShikta \-brahmAsanapUrvAdi \-mahAmAyAtmaka\- bhittiprAdakShiNya kramAshrita\-kAmika\-yogaja\-chintya \- kAraNAjita \-dIptasUkShma \-sahasrAMshumatsuprabheda \-vijaya\-nishvAsa\- svAyambhuvAnilavIra\-bhairava\-makuTa\-vimala\-chandra\-j~nAna\- bimba\-prodgIta\-lalita\-siddha\-santAna\-shArva\-pArameshvara\- kiraNa\-vAtulAntAShTAviMshatyAgamAtmaka \-padapaTTasa~Ngha\- marakatastambhamaNDitam || 25|| daNDi \-muNDi \-pata~njali \-vyAghrapAda \-sevyamAnobhayapArshva bhAga \- subAhuvimalAtmaka \-gArutmatapratyupta \-taptahemakavATa\- dvayayuta \-chaitanyAtmaka \-dakShiNadvArAdhArasushobhita \-pa~nchAkShara \- varNamaya \-chintAmaNiratnaghaTita \-pa~nchasopAnAla~NkR^itaM, || 26|| vedaShaDa~NgopaniShadvedAnta \-dharmashAstretihAsa \-nyAyavaisheShika\- pUrvottaramImAMsA \-sA~NkhyagauDa \-nIti mantra \-jyotistarka \- bharata \-shilpa \-yoga \-sAmudrika \-vAkaTa \-madana \-gAndharva \- paurANAgama \-vashyAkarShaNa stambhana \-mohanochchATana \-vidveShaNa \- gajAshvashilparatna parIkShA\-jalAgnivAyusenA\-raktastambhAkAshagamana \-mAhendrajAla\-parakAyapraveshAShTasiddhi\-subhAShA\-vArtA vichitralekhana grandhikR^idvINAveNuparibhAShA \-vaideshika \-manashshalya \-vij~nAna\- mAyAvAda \-sutaskarAShTA~Ngayoga\-lAbhadUradR^iShTyakSha\-mantra \-rasavAda\- malanAshakAnta \-chatuShShaShTikalArUpa \-vistAratara \-suvarNa\- hastadArUparitana \-ShoDashadhAprabhinnAtalAdisatyalokAnta \- chatuShpa~nchAshaduttara \-dvishatabhuvanAkAra \-jAtarUpaphalakAlambi \- kamalAla~NkR^itaM, || 27|| dvisaptatinADImaya sthUlakanaka kIlakIlitaM ShaTshatottaraika\- viMshati sahasrochChvAsanishvAsAtmakakanaka paTTapighAnIkR^itaM, sArdhatrikoTiromarUpasUkShmavajrakIlapariShkR^itaM manonmanIpArshvAnuvrata \- vAmAdinavashaktyAtmaka \-koTiravibimbasamAbhashAtakumbhamaya\- navakumbhavijR^imbhamANa \-shobhAbhAsuratama \-navamaNigaNakhachita \- tANDavashaktinivAsAgra \- shikharabhAsura \- bhAgollasadgaganadigantarAlaM, || 28|| sphaTikashilApratikR^itinikara \-karatalavidhR^ita \-navamaNimaya dIpikAsahasra \-sa~NkAshitAntarbhavanaM, mauktika guchChAvachChinna \- harigopapadaghaTitavitAnaM, jAmbUnada \-ku~njarAshanadala\- rAjivirAjitaM, jarAmaraNavidAraNa\-devatvakaraNachaNaparamAnandakara\- paramAnandakUpa \- divyAmR^ita \- sechanapAvanaM, || 29|| hIberakalabhakastUrikAdi \-saugandhika \-divyadhUpadhUpita \- pradesha \-navyataragavyAkhaNDama~NgaladIpamAlA \-navyahavya bhakShyAdyupaskR^ita \-karpUratAmbUla \-kalAchikArghyAdipAtra\- rambhAdidevavArakAntA\-vividhanR^ittagItAdyupaskR^ita\-nArada mukhavaiNikavAditavipa~nchikAdivINAshataninadaprapa~nchita shivabhujApadAna\-samAkarNana \-pulakita \-surasa~NghasahakR^ita\- sanakAdiyogirAja \-paThyamAna \-vedAntasArapUrapUritaM, || 30|| brAhmAdidvinavakapurANAtmaka \-stambhakanakasabhAmadhya vilasannandIshvarAdhiShThitapurobhAgaM; vinAyakaskandAmbujAsana puNDarIkAkShAdyanekasuranAyakavAsanilayonnata \-saudha parivR^ita \-mArga shIrShAdimahotsavApachitiparikalpita \-shata sahasrastambhamaNTapa \- pariShkR^ita \-mahAprAkAra \-valayitaM, \-shatakoTidinakarahimakara\- prakAshaM, AyatanaM AshcharyANAM, bhUShaNamavanyAH, agocharaM varNituM\- amartyakavInAmapyadUraM vA~NmanasoH, atirAmaNIyaka chitsabhAmandiram || 31|| tatra tu, praNavAdyakhilamantramayabhittimadhyasambhAvita\- navapa~NktisharatrayayutadIrghavistAra \-shrIchakrashivachakrasammelanAtmaka\- shrImachchidambara sabhAnaTamahAyantramadhyagata \-darshanasparshana vediko\- bhayapArshva\-mahAmAyAyavanikAparivR^itaparisara \-haMsatUlikAvilasita bR^ihatpaTTopadhAnasarvatejomaya \-kausumbhA staraNa \-vistR^itapa~ncha\- brahmAtmaka \- mahArghamaNima~nche || 32|| brahmAdi\-parashivatattvAtIta \-paramakAraNanityashuddhabuddha\-mukta sachchidAnandasvarUpeNAvasthito.api, svayamevAkhila jagadanujighR^ikShayA, mahAmohajanakApasmAropari vinyasta dakShiNacharaNasArasachalitaraNitahaMsakaH, bhaktAj~nAnatamonikaraharaNachaNa\- dyumaNikiraNa \-sphurada~Ngada \-kaTakaki~NkaNikA jAla \-raNita \- makArA~nchita \-vAmA~NghrikamalaH, || 33|| UrudaNDayugalataTachalita \-mR^idunavashArdUlaparidhAnapariveShTita \- mahArajatapratyupta \-phaNimaNikhachita \-kaTisUtropalakShita\- nAbhIkuharAvalambi\-shuklayaj~nopavIta \-virAjamAna \-bhujAntarAlaH || 34|| agajAkuchakumbha \-ku~NkumAlepa \- parichaya pATala \- ratnaka~NkaNormikollasadyavarNabIjAntaritAbhayakarAravindaH, bhavasAgaranimagna\-bhaktajanoddhAraNa\-divyaka~NkaNormikAti saundarya \- vAkArA~nchitaDolAbhinayapara \-vAmAgharahastakusheshayatallajaH, || 35|| pANinyAdi \-munIndrAdhyApakavarya \-Damaruka \-nikhila\- prapa~nchopashama\-pAvakadharayoH, vakAranakArA~NkitayoH, dakShavAmordhva\- bhujayoH, pariShkR^ita \-pannagaphaNAratna \-pratibimbitavarabhUShaNaH, sitabhUti \-karpUradhUli \-dhUsaritahemakavachAla~NkR^itakalevaraH, kAlakUTa prabhAsa~Ngabandhura \-kandharanirantaradhR^ita \-rudrAkSha \-svachChadevachChanda \- nakShatramAlA \-pravAlanavaratnasara \-nikarAgresara \-vajramaNitarala \- virAjita \-makarakarNikAdi \-nAnAvichitra \-ramaNIyamaNDana\- maNDitaH || 36|| kuNDalIkR^itakuNDalIshAna \-phaNAratnamayUkharAjI\-virAjita \- tATa~Nkasha~NkhabhUShApariShkR^ita \-karNapArshvayugalaH, nUpurAruNimagiri \- sandhyAyamAna \-radAmbarAntarudAra \-vilasaduDu vR^indasundara kundadantAntarbhavaddhR^iNAdugdhanidhitara~NgaparamparA \-vihAramandahAsa \- paripUrNa \- gaNDamaNDalatuNDenduH, || 37|| himagirijAtA \-madhupAyitalochana \-tulAdaNDAyamAna \- nAsAdaNDakodaNDatulita\-bhrUvallimadhya\-ku~NkumatilakordhvarAja\- dbhasitatripuNDrAntara \-padmarAgataralAyita \-bhAlanayanoparibaddha \- vajralalATikA \- parishobhitaH, || 38|| ga~NgAtara~Ngachaladindu\-nAgakamanIyajaTAkalApa \-vilasatkapAlArka \-dhuttUrabakapakSha \-droNasumashobhitamaulibhAgaH, nAnAvidha\- saugandhika \-puShpadAmaparimalitAtisvachCha \-ramaNIya \-gAtraH, akhilajagadaNDa \-makuTamaNDanIkR^ita \-prachaNDashAsana \-vareNyadanuja\- hR^idayadaladrudhirajharInikara \-pAnonmattavaiShNava \-vikrama \- nArasiMhAdyavatAra \-garvanirvApaNopadIkR^ita \-nayanadaMShTrA \-karbaracharmAsthi\- nivahAtibhIShaNa\-charaNakamala\-sharabhAdyanekAvatAra \-sUchitabhakta\- janasa~Ngha \- saMrakShaNadhurandharaH, || 39|| indirAdi\-vR^indArakasundarIvR^inda \-karAravinda \-saMvIjyamAna \- chAmaratAlavR^intAdyupachArayuktayA, ma~njushi~njAnamaNi \-ma~njIra\- kaTaka \-bhUShitapAdAravindayA, kAmakAhalikAvAdya \-ja~NghAkANDa\- parishobhitayA, gArutmatamaNiprakhya \-jAnu maNDalamaNDitayA, smarArAma \-rAjarambhAsama \-chArUru\-stambha \-pariveShTita \- kShaumamaNimekhalAla~NkR^itayA, Avartasama \-nAbhIsarastIra \- madanArohiNIbhUtavalitraya \-romAvalIvirAjitayA, pInottu~Nga \- stanadvandva \-vijvalattArahArayA, pANipadma \-dhR^itotphulla \- kalhAraparibhAsurayA, bAlavaMshalatAmitravaroru gatabAhupAshopa\- shobhitayA, sha~NkhapUga \-lasatkaNThadivya mA~Ngalya bhUShaNayA, muktAphalasamachChAya \-dantapa~NktivirAjitayA, pravAlavidrumajapA\- paripanthiprabhAdharayA, tattadvibhUShaNodbhAsi karNanAsAmanoharayA, nishAnta\- shambarArAtisharavArijalochanayA, saundaryasindhulaharI sadR^ikSha bhrUvallIshobhitayA, sindUratilakodbhAsi \-bhAlapaTTalalATikayA, sataTidghanasachChAya hallakojjvalatkuntalabhArabharayA, bhaktajaneShTa\- phaladAyikayA, sarvashR^i~NgAra ramaNIya \-nityayauvana veShayA, shrIshiva\- kAmasundaryA shrIdevyA saha, \-sadAnanda nR^ittaM kalayannapi, || 40|| bhaktajanAnujighR^ikShayA, prativatsaraM chApAdimAsatrayaprachalita\- mahotsaveShu, vyomayAnachandrArka bhUta panthAnakAntargata \- vR^iShabha\- shuNDAla \-rAjata parvata \-turaga\-goratha\-yAnArUDhAbhyAM somAskanda\- mArgaNasvarUpAbhyAM nirvartitAShTadinamahotsavavihAraH, punaH svayameva dantimukhaShaNmukhachaNDaishcha saha devyA mahArathAdhirUDho vIthI vibhramavyAjena sarvAn kaTAkShayan kR^ipArdradR^iShTyA.antarAlayaM sahasrastambhamaNTape nAnAvichitrite snapayannAtmAnamapyakhilopachAraiH, shivaga~NgA \-mahAtIrtha \-pradAnAvaloka napurassaraM pravishya svIyAM sabhAM chidAnanda \-svAtmadarshana vitaraNenAkhilAnAnandayan, bhAnukampa\-bANa\-nandi\-bhR^i~Ngi\- mahA kAlamukhagaNa \-kamalAkSha \-kamalAsana \-balashAsanAdi\- suravR^indavirachita sakalavAdyaninadamanoharaH, || 41|| pata~njali \-vyAghrapAda \-jaimini \-trisahasramunIshvaraiH samarchita shrIku~nchitacharaNAravindaH bhagavAn parameshvaraH naTarAjarAjaH vijejIyate tamAm || 42|| amumakhilapurANodgItagUDhArthabhUtaM nikhilakalivibhedaM yaH paThatyAdareNa | sakR^idanudivasaM saH sarvasAmrAjyabhoktA charamavayasi bhUmni vyomni rAjatyajasram || 43|| na paraM puramasti puNDarIkAt shivaga~NgAsadR^ishI na kApi sindhuH | api hemasabhAnibhA na goShThI naTarAjAdadhiko na ko.api devaH || 44|| sadA sohamasmIti sambhAvayAmaH sadA chitsabheshaM bhajAmo namAmaH | sadA chintayAmo hR^idantarmahAntaM bhavAbdhiM tarAmo bhavAmo.abhayena || 45|| nahIha smarAmaH kR^itAntAchcha bhItiM vayaM devamanyaM na vidmo naTeshAt | samArohayAmaH ShaDAdhArakoshAt virAmo.avirAme vikAre.avikAraH || 46|| iti shrInaTeshvaradaNDakastutiH samAptA | ## Proofread by Aruna Narayanan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}