% Text title            : Nandikeshvarakashika or Nandikeshakashika
% File name             : nandikeshvarakAshikA.itx
% Category              : shiva
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Latest update         : January 19, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nandikeshvarakashika or Nandikeshakashika ..}##
\itxtitle{.. nandikeshvarakAshikA athavA nandikeshakAshikA ..}##\endtitles ##
|| shrI shivAya namaH ||
nandikeshvarakAshikA athavA nandikeshakAshikA
(nandikeshvarapramathapraNItA)
nR^ittAvasAne naTarAjarAjo nanAda DhakkAM navapa~nchavAram |
uddhartukAmassanakAdisiddhAnetadvimarshe shivasUtrajAlam || 1||
atra sarvatra sUtreShu hyantyaM varNaM chaturdasham |
dhAtvarthaM samupAdiShTaM pANinyAdIShTasiddhaye || 2||
\section{|| a i u N || 1||}
akAro brahmarUpaH syAnnirguNaH sarvavastuShu |
chitkalAm iM samAshritya jagadrUpa uN IshvaraH || 3||
akAraH sarvavarNAgrayaH prakAshaH parameshvaraH |
Adyamantyena saMyogAt ahamityeva jAyate || 4||
sarvaM parAtmakaM pUrvaM j~naptimAtramidaM jagat |
j~napterbabhUva pashyantI madhyamA vAk tataH smR^itA || 5||
vaktre vishuddhachakrAkhye vaikharI sA matA tataH |
sR^iShTyAvirbhAvamAtrAtmA madhyamAvat samAyutam || 6||
akAraM sannidhIkR^itya jagatAM kAraNatvataH |
ikAraH sarvavarNAnAM shaktitvAt kAraNaM matam || 7||
jagatsraShTumabhUdvA~nChA (prabhorichChA) yadA hyAsIttadA.abhavat |
kAmabIjamiti prAhurmunayo vedapAragAH || 8||
akAro j~naptimAtraM syAt ikArashchitkalA matA |
ukAro viShNurityAhurvyApakatvAnmaheshvaraH || 9||
\section{|| R^i LLi k || 2||}
R^iLLik sarveshvaro mAyAM manovR^ittimadarshayat |
tAmeva vR^ittimAshritya jagadrUpamajIjanat || 10||
vR^ittivR^ittimatoratra bhedalesho na vidyate |
chandrachandrikayoryadvat tathA vAgarthayorapi || 11||
svechChayA svasya chichChaktyA vishvamunmIlayatyasau |
varNAnAM madhyamaklIbamR^iLLivarNadvayaM viduH || 12||
\section{|| e o ~N || 3||}
eo~N mAyeshvarAtmaikyavij~nAnaM sarvavastuShu |
sAkShitvAtsarvabhUtAnAM sa eka iti nishchitam || 13||
\section{|| ai au ch || 4||}
aiauch brahmasvarUpassan jagatsvAntargataM tataH |
ichChayA vistaraM(vistR^itaM) karttumAvirAsInmahAmuniH(kR^ipAnidhiH) || 14||
\section{|| ha ya va ra T || 5||}
bhUtapa~nchakametasmAt hayavaraT maheshvarAt |
vyomavAyvambuvahnyAkhyabhUtAnyAsItsa eva hi || 15||
hakArAt vyomasaMj~nashcha yakArAt vAyuruchyate |
rakArAt vahnistoyaM tu vakArAt iti shaivarAT || 16||
\section{|| la N || 6||}
AdhArabhUtaM bhUtAnAmannAdInAM cha kAraNam |
annAdretastato jIvaH kAraNatvAt laN Iritam || 17||
\section{|| ~na ma ~Na Na na m || 7||}
shabdasparshau rUparasagandhAshcha ~nama~NaNanam |
vyomAdInAM guNA hyete jAnIyAtsarvavastuShu || 18||
\section{|| jha bha ~n || 8||}
vAkpANI cha jhabha~n AsIdvirADrUpaM chidAtmanaH |
sarvajantuShu vij~neyaM sthAvarAdau na vidyate || 19||
\section{|| gha Dha dha Sh || 9||}
ghaDhadhaSh sarvabhUtAnAM pAdapAyU upasthakaH |
karmendriyagaNA hyete jAtA hi paramArthataH || 20||
\section{|| ja ba ga Da da sh || 10||}
shrotratva~NnayanaghrANajihvAdIndriyapa~nchakam |
sarveShAmapi jantUnAmIritaM jabagaDadash || 21||
\section{|| kha pha Cha Tha tha cha Ta ta v || 11||}
prANAdipa~nchakaM chaiva mano buddhiraha~NkR^itiH |
babhUva kAraNatvena khaphaChaThathachaTatav || 22||
vargadvitIyavarNotthAH prANAdyAH pa~nchavAyavaH |
madhyavargatrayAjjAtA antaHkaraNavR^ittayaH || 23||
\section{|| ka pa y || 12||}
prakR^itiM puruSha~nchaiva sarveShAmeva sammatam |
sambhUtamiti vij~neyaM kapay syAditi nishchitam || 24||
\section{|| sha Sha sa r || 13||}
sattvaM rajastama iti guNAnAM tritayaM purA |
samAshritya mahAdevaH shaShasar krIDati prabhuH || 25||
shakArat rajasodbhUtiH ShakArat tamasodbhavaH |
sakArAt sattvasambhUtiriti triguNasambhavaH || 26||
\section{|| ha l || 14||}
tattvAtItaH paraM sAkShI sarvAnugrahavigrahaH |
ahamAtmA paro hal syAditi shambhustirodadhe || 27||

|| iti nandikeshvarakR^itA kAshikA sampUrNA ||

|| iti shivam ||

##
Notes:
NandikeśvaraKāśikā ## nandikeshvarakAshikA##; ascribed to Nandi ##nandi##, is a cosmogonical interpretation of the MāheśvaraSutrāṇi / ŚivaSūtrāṇi ##mAheshvarasUtrANi / shivasUtrANi## that comprise of 14 cryptic verses composed of the Sound Sequences that emanated from the Ḍamaru ##Damaru## of Śiva Naṭarāja ##shiva naTarAja##, revealed as  Saṃskṛta phonemes ##saMskR^ita varNa## to Ṛṣi Pāṇini ##R^iShi pANini## forming the basis of his work on Saṃskṛta grammar known as Aṣṭādhyāyī ##aShTAdhyAyI##.
##|| mAheshvarasUtrANi ||##
##1\. a i u N |##
##2\. R^i LLi k |##
##3\. e o ~N |##
##4\. ai au ch |##
##5\. ha ya va ra T |##
##6\. la N |##
##7\. ~na ma ~Na Na na m |##
##8\. jha bha ~n |##
##9\. gha Dha dha Sh |##
##10\. ja ba ga Da da sh |##
##11\. kha pha Cha Tha tha cha Ta ta v |##
##12\. ka pa y |##
##13\. sha Sha sa r |##
##14\. ha l |##
MāheśvaraSutrāṇi
1. a i u ṇ
2. ṛ ḷ k
3. e o ṅ
4. ai au c
5. ha ya va ra ṭ
6. la ṇ
7. ña ma ṅa ṇa na m
8. jha bha ñ
9. gha ḍha dha ṣ
10. ja ba ga ḍa da ś
11. kha pha cha ṭha tha ca ṭa ta v
12. ka pa y
13. śa ṣa sa r
14. ha l

Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}