% Text title            : paramArchanatriMshikA
% File name             : paramArchanatriMshikA.itx
% Category              : shiva, triMshikA
% Location              : doc\_shiva
% Author                : Nagarjuna
% Transliterated by     : Girdhari Lal Koul glkoul.18 at gmail.com
% Proofread by          : Girdhari Lal Koul, Ruma Dewan
% Latest update         : July 10, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Paramarchanatrimshika by Nagarjuna ..}##
\itxtitle{.. nAgArjunakR^itA paramArchanatriMshikA ..}##\endtitles ##
atha paramArchanatriMshikA nAgArjunakR^itA |
snAnapUjanasamAdhibhiH kramA\-
     dyanmahAtmabhiravApyate padam |
kaishchidakramata eva yanmayA
     tatsamarchanamiSheNa kathyate || 1||
bAlikArachitavastraputrikA\-
     krIDanena sadR^ishaM tadarchanam |
yatra shAmyati mano na nirmalaM (na pUjane)
     sphItachijjaladhi madhyamAshritam || 2||
kiM tadarchanamanalpa kalpanA\-
     jAlashambaranipAtitAtmakam | (nipAtitAtmanAm)
yatra nAsti savikalpanojjhitaH (svavikalpanojj~nitaH)
     sphItasaukhyashivasa~NgamotsavaH || 3|| (sphItamaukhya)

aprayatnamaniketanaM padaM
     divyamApya manasaiva vR^ittayaH | (divyamApyatarasaivavR^ittayaH)
yatra yAnti vilayaM na sarvataH
     kiM tadarchanamasau parAbhavaH || 4||
yatra varShati na khecharI sthiti\- (nA)
     shchitsudhArasa bharaughanirjharam |
dehachittaparipIDanAvahaM (dahaM)
     kiM tadarchanamasau parAbhavaH || 5||
khecharIprabhR^itipa~nchakAtmanA
     vyAptimambaragatAM nibhAlayan |
hR^idvikAsasubhagaM bhavApado (hR^idvikAsasulabhAM)
     yatra mu~nchati na kiM tadarchanam || 6||
yatra sAhasasamAdhisaMshrayaH
     prasphuradvimalabodhanirbharaH |
sphItasaMvidudayaM na vindate
     sarvavR^ittiShu kimetadarchanam || 7||
vishvasaMhR^itirasaikatatparo\-
     lelihAnarasanAkuloyamaH |
yatra chichChikhishikhA suhUyate
     lIlayaiva na kimetadarchanam || 8||
stabdhamantharamanoharekShaNaH
     prollasatpulakachumbitAnanaH | (prollasatpulakalambitAnanaH)
madhyamAM bhuvamanalpa sampadaM
     yatra nAshrayati kiM tadarchanam || 9||
mAnameyamiti kalpanojjhito
     nirvikAramaniketanaH shivaH |
gADhagADhamavagAhyate kShaNA\-
     nnaiva yatra nanu kiM tadarchanam || 10||
vyomakalpamamitaM nijaM vapu\-
     rvIkShya chitpara sudhAra sa~nchitam |
svAtmanAtmani nirastakalpano
     yatra hR^iShyati na kiM tadarchanam || 11|| (yatra suhR^iti)

nirniketanirupAdhi nirmalaM
     sphArachidravimarIchisa~nchayaiH |
vishvamArachitamIkShya vismayaM (vishvamArachitaMvIkShya)
     yatra nAshrayati kiM tadarchanam || 12||
yatra nityaparaharShanirbhara\-
     shchitsudhAra sanipAta ghUrNitaH | (sanipAna)
dhyAnayoga kalanAsu lajjate
     nIrasAsu na kimetadarchanam || 13||
shaktivistara vimarsha visphurat\- (vimarshA)
     kanda yugmayuga padvigAhanAt |
bhairavaM vapurudAracheShTitaM
     yatra na sphurati kiM tadarchanam || 14||
indriyeShu viShayAnuvartiShu
     prANavartma\'ni nijapravAhake |
kApi nirvR^itimayI chidUrjitA
     yatra nollasati kiM tadarchanam || 15||
divya khecharadR^ishA nirIhayA
     nAdabindu mayabhAva sa~nchayam |
yatra shuShkamiva pAvakastR^iNaM (?pAva.nkastR^iNaM)
     na kShayaM nayati kiM tadarchanam || 16||
shAntimeti na vikalpaviplava\-
     shchichchamatkR^itiraso na vardhate |
lupyate na ghanavAsanAvanaM
     kApi tR^iptirasamA na jAyate || 17||
manyate na kR^itakR^ityatAM mano
     dvaitameghatimiraM na bhidyate |
yatra doShashata sa~NkulaM mano
     na prasIdati kimetadarchanam || 18||
chinnabhassarasi sArasIM parAM
     shaktimachChavibhavAM prabodhayan |
mantravIryamamitaM nisargato (?visargato)
     yatra nAshrayati kiM tadarchanam || 19||
nirvikAramajaraM nirAmayaM (nirvikArajaDaM nirAmalaM)
     nirvikalpamamitaM nijaM vapuH | (nirvikalpamamajaraM)
vIkShya janmamaraNoditaM bhayaM (janmamaraNodyitaM)
     yatra mu~nchati na kiM tadarchanam || 20||
shAntavIchichayasindhusannibhAM
     sarvasaMvidudayAvaniM parAm |
sR^iShTisaMsthitilaya prashaktibhi\-
     rvishva sundara vivartavartinIm || 21||
shaktichakra paramAdhidevatA\-
     mambaraprathama bhUmikAmajAm |
ma~NgalAma samamantramAtaraM (samantramAtaraM)
     yatra pashyati na kiM tadarchanam || 22||
somasUryadahanendhanodyata (dahannoddhata)
     sphItachijjvalana dIptibhAsvaraH |
durnirIkShyagatirakramaH shivo (gatiridvatatejasA)
     bhAti yatra na kimetadarchanam || 23||
AtmanAtmani na jAnate vidhiM
     nistara~NgaparabodhabhAsvaraH |
yatpadasthitijuSho mahAjanaH (mahajanA)
     mukti saMsR^iti samAna buddhayaH || 24||
yadyadA patati vedyatA bhuvaM
     tena tena nanu yadvivarjitam |
nitya nirmala samAdhibhUmayo
     yatpade vimati bAlakalpanAH || 25|| (bAlakalpanA)

yadvishR^i~Nkhalamahodayollasat
     shaktipAtavashato vijR^imbhate |
tatpadaM yadi guruprasAdato (tatpadaM guruprasAdato mayA)
     labdhamuttama mathArchitaH shivaH || 26||
bhAvasa~nchaya vimuktavigrahA
     vishvamayyapi paraprathAtmikA |
kApi saMvidamalAmbaraprabhA
     jR^imbhate yadi tadArchitaH shivaH || 27||
ki~nchanApi na vimuchyate kvachit\-
     ki~nchanApi na cha gR^ihyate kvachit | (ki~nchinApi)
svaM vapurvimala bodha nirbharaM (bodha nirmalaM)
     dR^ishyate yadi tadArchitaH shivaH || 28||
bhairavA vividha kalpanAtmakAH
     prollasanti bahavo tatombikAH | (yatoambikA)
sA yataH sphurati tatparaM padaM
     bhAti chedgurudR^ishA shivorchitaH || 29||
AsAditaM gurumukhAdidamaprayatna (prayatnaM)
     siddhaM shivArchanamapApmadhiyAmavApyam |
yattanmayA nigaditaM tadanalpavA~nChA
     sambodhanAya sudhiyAM shivabhaktibhAjAm || 30||
anavachChinna chidvyoma paramAmR^itabR^iMhitaH |
nAgabhidhovyadhAdetAM paramArchanatriMshikAm ||

iti shrImahAmAheshvaranAgavipashchidvirachitA paramArchanatriMshikA samAptA |

##

In some prints, the 21st shloka is found at no. 29,
and the verse numbers are shifted then.

Encoded by Girdhari Lal Koul
Proofread by Girdhari Lal Koul, Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}