% Text title            : Paranatha Kavacham
% File name             : paranAthakavacham.itx
% Category              : shiva, kavacha
% Location              : doc\_shiva
% Transliterated by     : staff of Muktabodha.org Mark S.G. Dyczkowski
% Proofread by          : Aruna Narayanan narayanan.aruna at gmail.com
% Description/comments  : rudrayAmale uttaratantre 2 bhairava bhairavI sa.nvAde
% Source                : Rudrayamalam part 2 edited by Ram Prasad Tripathi and Sudhakar Malaviya
% Acknowledge-Permission: Marjorie Woollacott, Ph.D., Digital Library Coordinator muktabodha.org
% Latest update         : February 16, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Paranatha Kavacham ..}##
\itxtitle{.. paranAthakavacham ..}##\endtitles ## 
atha pa~nchAshItitamaH paTalaH |
shrIAnandabhairava uvAcha
varAnane varArohe sarvaj~nAnanidAnade |
AnandahR^idayollAse paramAnandavardhini || 85\-1||
kathitaM kavachaM puNyaM rahasyaM chAtidurlabham |
na choktaM j~nAnagamyaM tu mahAjAlanisevitam || 85\-2||
paranAthasya kavachaM sArvaj~naj~nAnasiddhidam |
idAnIM vada me yatnAdAnandakulabhairavI || 85\-3||
shrIAnandabhairavI uvAcha
shrUyatAM yoginInAtha yogavidyApate prabho |
paranAthasya kavachaM j~nAnagamyaM purAtanam || 85\-4||
atigopyaM yogasAraM sarvatantreShu durlabham |
idAnIM nAtha yatnena kathayAmi paraM padam || 85\-5||
asya shrIparanAthamahAkavachasya sadAshiva R^iShiH paramAtmA devatA
hsauH bIjaM j~nAnashaktirAnandaM kIlakaM sarvAbhIShTasid.hdhyarthe viniyogaH |
OM~NkAraM vedabIjaM me sadA pAtu shirodhanam |
hsauH mahApretarAjaH kapAlaM pAtu sarvadA || 85\-6||
hAkinIshaH sahAyAkhyaH kAmakeshaguNAni me |
vArANasIpuraH pAtu bhrUmadhyaparadevatA || 85\-7||
ShaM raM shaM vaM sadA pAtu haM kShaM pAtu bhruvordalam |
bANali~NgaM sadA pAtu bhrUpadmayuvatI mama || 85\-8||
kAlAnalaH sadA pAtu dvidalasthaM parAtparam |
bhrUgahvaraM sadAnandaM pAtu tripurabhairavaH || 85\-9||
anAthali~NgaH sarveshaH pAtu me lochanatrayam |
abhayo ma~NgalaH pAtu dhruvAkhye lolajihvikAm || 85\-10||
pa~nchAnanaH sadA pAtu vadanaM kAmasundaraH |
unmattabhairavendro.atha gaNDayugmaM sadAvatu || 85\-11||
hiraNyAkhyaH sadA pAtu dantAgrAliM shmashAnagaH |
mahAdevaH sadA pAtu mahAkAshaH shrutI mama || 85\-12||
vikaTAkhyo ma~njughoShaH sadA pAtu hanusthalam |
praNavAtmA sadA pAtu kaNThaM me nIlakaNThabhR^it || 85\-13||
aparAjitaH shuklavarNaH sadA pAtu mahAmalA |
galadeshaM mahAkAshaM tripurA parameshvarI || 85\-14||
mR^ityu~njayashcha ghorAkhyo vishuddhaM sarvadA.avatu |
svarAnIshvarasaMyuktAn yogIshaH sarvadA.avatu || 85\-15||
vAmadevaH sadA pAtu hR^idayaM parameshvaraH |
IshvaraH sarvadA pAtu paradevaH sadAshivaH || 85\-16||
aTTahAsaH sadA pAtu yoginIkoTibhiH saha |
akAlachakraH sarvaj~nashchAvadhUteshvaro bhujau || 85\-17||
mahAkAlaH sadA pAtu bheruNDApatirIshvaraH |
pArshvadeshaM sadA pAtu kAkinIparavallabhaH || 85\-18||
achyuteshaH sadA pAtu kukShiyugmaM sadA mama |
atharveshaH sadAnandaH pAtu pR^iShThaM sureshvaraH || 85\-19||
tapinIpatirIshAno vIrabhadro yatIshvaraH |
nAbhimaNDalamApAtu mamodaramumApatiH || 85\-20||
ghargharaH pAtu satataM rudraM rAkiNivallabham |
jaTAjUTadharaH pAtu rudrANIM raudradevatAm || 85\-21||
nitambaM pAtu yogendraH prabhAdyo me kaTisthalam |
svAdhiShThAnaM sadA pAtu ShaDdalAntaH prakAshakaH || 85\-22||
abhayaH sarvadA pAtu bhargaH pAtu chaturdalam |
taruNIshaH sadA pAtu kuNDalIM DAkinIpadam || 85\-23||
gudarandhraM sadA pAtu pArvatIpriyavallabhaH |
yaj~nanAthaH sadA pAtu UruyugmaM svamantravit || 85\-24||
ja~NghAyugaM sadA pAtu dharmalakShmIshvaraH prabhuH |
mahAkAlaH pAtu pAdatalayugmaM mahIshvaraH || 85\-25||
sarvA~NgaM varadaH pAtu vaTukaH shrIsadAshivaH |
mahArudraH shrIpatIshaH sadA ugraH prapAtu mAm || 85\-26||
raNe dyUte vivAde cha shUnyAgAre mahAbhaye |
pAtAle parvate.araNye pAtu vAgvAdinIshvaraH || 85\-27||
ghaNTeshvaraH sha~NkhanAdo murArIshaH prapAtu mAm |
paramAnandadaH pAtu hitArthI pathi pAtu mAm || 85\-28||
mahAvidyApatiH pAtu pretarAjaH prapAtu mAm |
putraM mitraM kalatraM me bandhuM svajanameva cha || 85\-29||
sarvAdhAraH sadA pAtu li~NgarUpI maheshvaraH |
paramAtmA sadA pAtu guhyadeshasthadevatAm || 85\-30||
parivArAnvitaH pAtu mahAchandraH sadA.avatu |
mAraNochchATane stambhe vidveShe pAtu mohanaH || 85\-31||
mohane drAvaNe sthairye vashye shAntau sadAshivaH |
paranAtho guruH pAtu pArijAtavanAshrayaH || 85\-32||
sarvabhuk kAlarudro me sarvatra paripAtu mAm |
ityetat kathitaM sarvasiddhidaM kavachaM shubham || 85\-33||
paranAthasya devasya sArvaj~naj~nAnasiddhidam |
kavachaM durlabhaM loke sarvatantreShu gopitam || 85\-34||
yAmale devadevesha prakAshitamaharnisham |
yaH paThedekavAraM tu sa rudro nAtra saMshayaH || 85\-35||
kIrtishrIkAntimedhAyurbR^iMhito bhavati dhruvam |
asya smaraNamAtreNa rAjatvaM yoginAM patiH || 85\-36||
bhavet kAmakrodhajetA mR^ityujetA mahAkaviH |
tasyAsAdhyaM tribhuvane na ki~nchidapi vartate || 85\-37||
yaH kaNThe mastake vApi dhArayet kavachaM shubham |
raktena chandanenApi ku~NkumenApi vA likhet || 85\-38||
sa bhaved vIraputrashcha mahApAtakakoTihA |
anAyAsena devesha yogasiddhimavApnuyAt || 85\-39||
shatamaShTottaraM japtvA purashcharyAphalaM labhet || 85\-40||

iti shrIrudrayAmale uttaratantre mahAtantroddIpane siddhamantraprakaraNe
ShaTchakraprakAshe bhairavIbhairavasaMvAde parashivakavachapATho nAma
pa~nchAshItitamaH paTalaH || 85||

##
The numbers correspond to paTala and verse numbers from
Rudrayamala uttaratantra.

Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}