% Text title            : Pitamahakritam 2 Shiva Stotram
% File name             : pitAmahakRRitaM2shivastotram.itx
% Category              : shiva, lingapurANa, stotra
% Location              : doc\_shiva
% Proofread by          : PSA Easwaran
% Description/comments  : lingapurANa | pUrvabhAga | adhyAya 72/122-167||
% Latest update         : October 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Pitamahakritam 2 Shiva Stotram ..}##
\itxtitle{.. pitAmahakR^itaM 2 shivastotram ..}##\endtitles ##
shrIpitAmaha uvAcha |
prasIda devadevesha prasIda parameshvara |
prasIda jagatAM nAtha prasIdAnandadAvyaya || 122||
pa~nchAsya rudrarudrAya pa~nchAshatkoTimUrtaye |
AtmatrayopaviShTAya vidyAtattvAya te namaH || 123||
shivAya shivatattvAya aghorAya namo namaH |
aghorAShTakatattvAya dvAdashAtmasvarUpiNe || 124||
vidyutkoTipratIkAshamaShTakAshaM sushobhanam |
rUpamAsthAya loke.asmin saMsthitAya shivAtmane || 125||
agnivarNAya raudrAya ambikArdhasharIriNe |
dhavalashyAmaraktAnAM muktidAyAmarAya cha || 126||
jyeShThAya rudrarUpAya somAya varadAya cha |
trilokAya tridevAya vaShaTkArAya vai namaH || 127||
madhye gaganarUpAya gaganasthAya te namaH |
aShTakShetrAShTarUpAya aShTatattvAya te namaH || 128||
chaturdhA cha chaturdhA cha chaturdhA saMsthitAya cha |
pa~nchadhA pa~nchadhA chaiva pa~nchamantrasharIriNe || 129||
chatuHShaShTiprakArAya akArAya namo namaH |
dvAtriMshattattvarUpAya ukArAya namo namaH || 130||
ShoDashAtmasvarUpAya makArAya namo namaH |
aShTadhA.a.atmasvarUpAya ardhamAtrA.a.atmane namaH || 131||
OM kArAya namastubhyaM chaturdhA saMsthitAya cha |
gaganeshAya sahasrashirase svargeshAya namo namaH || 132||
saptalokAya pAtAlanarakeshAya vai namaH |
aShTakShetrAShTarUpAya parAtparatarAya cha || 133||
sahasrashirase tubhyaM sahasrAya cha te namaH |
sahasrapAdayuktAya sharvAya parameShThine || 134||
navAtmatattvarUpAya navAShTAtmAtmashaktaye |
punaraShTaprakAshAya tathAShTAShTakamUrtaye || 135||
chatuHShaShTyAtmatattvAya punaraShTavidhAya te |
guNAShTakavR^itAyaiva guNine nirguNAya te || 136||
mUlastAya namastubhyaM shAsvatasthAnavAsine |
nAbhimaNDalasaMsthAya hR^idi nissvanakAriNe || 137||
kandhare cha sthitAyaiva tAlurandhrasthitAya cha |
bhrUmadhye saMsthitAyaiva nAdamadhye sthitAya cha || 138||
chandrabimbasthitAyaiva shivAya shivarUpiNe |
vahnisomArkarUpAya ShaTtriMshachChaktirUpiNe || 139||
tridhA saMvR^itya lokAnvai prasuptabhujagAtmane |
triprakAraM stitAyaiva tretAgnimayarUpiNe || 140||
sadAshivAya shAntAya maheshAya pinAkine |
sarvaj~nAya sharaNyAya sadyojAtAya vai namaH || 141||
aghorAya namastubhyaM vAmadevAya te namaH |
tatpuruShAya namo.astu IshAnAya namo namaH || 142||
namastriMshatprakAshAya shAntAtItAya vai namaH |
ananteshAya sUkShmAya uttamAya namo.astu te || 143||
ekAkShAya namastubhyamekarudrAya te namaH |
namastrimUrtaye tubhyaM shrIkaNThAya shikhaNDine || 144||
anantAsanasaMsthAya anantAyAntakAriNe |
vimalAya vishAlAya vimalA~NgAya te namaH || 145||
vimalAsanasaMsthAya vimalArthArtharUpiNe |
yogapIThAntarasthAya yogine yogadAyine || 146||
yoginAM hR^idi saMsthAya sadA nIvArashUkavat |
pratyAhArAya te nityaM pratyAhAraratAya te || 147||
pratyAhAraratAnAM cha pratisthAnasthitAya cha |
dhAraNAyai namastubhyaM dhAraNAbhiratAya te || 148||
dhAraNAbhyAsayuktAnAM purastAtsaMsthitAya cha |
dhyAnAya dhyAnarUpAya dhyAnagamyAya te namaH || 149||
dhyeyAya dhyeyagamyAya dhyeyadhyAnAya te namaH |
dhyeyAnAmapi dhyeyAya namo dhyeyatamAya te || 150||
samAdhAnAbhigamyAya samAdhAnAya te namaH |
samAdhAnaratAnAM tu nirvikalpArtharUpiNe || 151||
dagdhvoddhR^itaM sarvamidaM tvayAdya jagattrayaM rudra purutrayaM hi |
kastotumichChetkathamIdR^ishaM tvAM stoShyeha tuShTAya shivAya tubhyam || 152||
bhaktyA cha tuShTyAdbhutadarshanAchcha martyA amartyA api devadeva |
ete gaNAH siddhagaNaiH praNAmaM kurvanti devesha gaNesha tubhyam || 153||
nirIkShaNAdeva vibho.asi dagdhuM puratrayaM chaiva jagattrayaM cha |
lIlAlasenAmbikayA kShaNena dagdhaM kileShushcha tadAtha muktaH || 154||
kR^ito rathashchaiShuvarashcha shubhraM sharAsanaM te tripurakShayAya |
anekayatnaishcha mayAtha tubhyaM phalaM na dR^iShTaM surasiddhasa~NghaiH || 155||
ratho rathI devavaro harishcha rudraH svayaM shakrapitAmahau cha |
tvameva sarve bhagavan kathaM tu stoShye hyatoShyaM praNipatya mUrdhnA || 156||
anantapAdastvamanantabAhuranantamUrdhAntakaraH shivashcha |
anantamUrtiH kathamIdR^ishaM tvAM teShye hyatoShyaM kathamIdR^ishaM tvAm || 157||
namo namaH sarvavide shivAya rudrAya sharvAya bhavAya tubhyam |
stUlAya sUkShmAya susUkShmasUkShmasUkShmAya sUkShmArthavide vidhAtre || 158||
sraShTre namaH sarvasurAsurANAM bhartre cha hartre jagatAM vidhAtre |
netre surANAmasureshvarANAM dAtre prashAstre mama sarvashAstre || 159||
vedAntavedyAya sunirmalAya vedArthavidbhiH satataM stutAya |
vedAtmarUpAya bhavAya tubhyamantAya madhyAya sumadhyamAya || 160||
AdyantashUnyAya cha saMsthitAya tathA tvashUnyAya cha li~Ngine cha |
ali~Ngine li~NgamayAya tubhyaM li~NgAya vedAdimayAya sAkShAt || 161||
rudrAya mUrdhAnanikR^intanAya mamAdidevasya cha yaj~namUrteH |
vidhvAntabha~NgaM mama kartumIsha dR^iShTvaiva bhUmau karajAgrakoTyA || 162||
aho vichitraM tava devadeva vicheShTitaM sarvasurAsuresha |
dehIva devaiH saha devakAryaM kariShyase nirguNarUpatattva || 163||
ekaM sthUlaM sUkShmamekaM susUkShmaM mUrtAmUrtaM mUrtamekaM hyamUrtam |
ekaM dR^iShTaM vA~NmayaM chaikamIshaM dhyeyaM chaikaM tattvamatrAdbhutaM te || 164||
svapne dR^iShTaM yatpadArthaM hyalakShyaM dR^iShTaM nUnaM bhAti manye na chApi |
mUrtirno vai devamIshAna devairlakShyA yatnairapyalakShyaM kathaM tu || 165||
divyaH kva devesha bhavatprabhAvo vayaM kva bhaktiH kva cha te stutishcha |
tathApi bhaktyA vilapantamIsha pitAmahaM mAM bhagavankShamasva || 166||
sUta uvAcha |
ya imaM shR^iNuyAddvijottamA bhuvi devaM praNipatya vA paThet |
sa cha mu~nchati pApabandhanaM bhavabhaktyA purashAsituH stavam || 167||

iti shrIli~NgamahApurANe pUrvabhAge dvisaptatitamAdhyAyAntargataM
         pitAmahakR^itaM shivastotraM samAptam |

li~NgapurANa | pUrvabhAga | adhyAya 72/122\-167||
##
lingapurANa . pUrvabhAga . adhyAya 72/122-167..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}