% Text title            : Yamaproktam Pradoshakalelingapujamahimavarnanam
% File name             : pradoShakAlelingapUjAmahimavarNanam.itx
% Category              : shiva, shivarahasya, pUjA
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 3 | 50-75 ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Yamaproktam Pradoshakalelingapujamahimavarnanam ..}##
\itxtitle{.. yamaproktaM pradoShakAleli~NgapUjAmahimavarNanam ..}##\endtitles ##
pradoShe li~NgapUjAyAM dR^iShTAyAM pApasa~NkShayaH |
akShayA mokShalakShmIshcha bhaviShyatyadhamasya cha || 50||
janma tasyaiva saphalaM yena samyak samarchitam |
sAyaM sukR^idayatnena AlasyAdvA prayatnataH || 51||
AyAsamAtraphalakaiH dharmAbhAsaiH kutaH phalam |
smArtairvA vaidikairvA.api shivali~NgArchanaM vinA || 52||
smArtavaidikadharmANAM anuShThAne.api koTishaH |
li~NgArchanena yat prApyaM tat prApyaM tairna sarvathA || 53||
dharmAntarANAM karaNaM dhananAshAya kevalam |
shivArchanaM paro dharmaH paramAnandasAdhanam || 54||
pAparAshivinAshAya shivali~NgAvalokanam |
kalpitaM girisheneti na jAnAtyeva nArakI || 55||
lokopakArakaM sR^iShTaM shivali~NgAvalokanam |
tanna kurvanti pApiShThAH patanti narakeShvaho || 56||
anAthanAthaM shrInAthanayanArchitapAdukam |
na jAnanti mahAdevaM narakeShu patantyaho || 57||
shrImahAdevamahimA durj~neyo durjanairataH |
patanti narake ghore pitR^ibhiH saha sarvathA || 58||
pitApitAmahAdInAM yaH shambhuryo bhavaH prabhuH |
taM na jAnanti durvR^ittAH patanti narakeShvaho || 59||
shivadharmeShvavishvAsAdanyadharmaratA narAH |
patanti narake krUrA narAH sha~NkaranindakAH || 60||
tadarthaM narakAH sR^iShTAH sarvathA duHkhahetavaH |
yairmahAdevali~NgArchAphalaM na j~nAtamAdarAt || 61||
na jAnAti mahAdevali~NgapUjAphalAni yaH |
sa sUkaraH kharo yadvA shunakaH kAka eva vA || 62||
durbhagA eva te sarve bhargArchanaparA~NmukhAH |
tanmukhAni pradagdhAni shivadveShAgnikoTibhiH || 63||
sulabhaM na vijAnanti mahAdevArchanaM janAH |
shuddhadUrvA~NkureNApi li~NgapUjA vimuktidA || 64||
kShIraM vA nIramutsR^ijya bhaktyA li~Nge shivAtmake |
vidhUtapAtakA eva prayAnti shivamavyayam || 65||
shuShkeNa bilvapatreNa tachchUrNenApi yaH shivam |
pUjayiShyati tasyApi muktikAntA na durlabhA || 66||
vyAsa~NgenApi yaH shA~NgaM li~NgaM ma~NgaladAyakam |
sAyaM pashyati puNyAtmA namastasmai namo namaH || 67||
anArAdhya mahAdevamanAyAsena pApinaH |
prayAnti durgamaM ghoraM narakAlayamanvaham || 68||
bane vanAni ramyANi vanajAnyapi taiH shivaH |
nArAdhyate durbhAgena narakAvAsamichChatA || 69||
anichChayApyumAkAntaM li~NgaM pashyati yo naraH |
sAyaM sa doShanirmukto mukto bhavati nAnyathA || 70||
tR^iNairapi shivaM mUrkhAH kathaM nArAdhayantyaho |
mahAdevaM mahAmoho mahAnarakasAdhanam || 71||
shivali~NgArchakA~NgAni dR^iShTvA.api rajanImukhe |
prayAnti brahmasadanaM tallIlA.atyantamadbhutA || 72||
subhagatvena vij~nAtaM shA~NgA~Ngasya vilokanam |
tadabhAgyAgnidagdhAnAM atidurlabhameva hi || 73||
li~NgArchanena kiM puNyamityupekShApi chet kShaNam |
tadvaMshakShaya eva syAt pakShapAtena nochyate || 74||
aho mahadidaM bhAgyaM shivali~NgArchane matiH |
tadeva hi mahadbhAgyaM mahAbhAgyamiti shrutam || 75||
loke durAchAraratAH shivArchAM vihAya tiShThantyativiShThayA te |
liptA bhaviShyanti na saMshayo.atra shivApadAmbhojayuge shapAmi || 76||
yaH karmaNA vA manasA.api vAgmI nityaM tribhirvA tripurAntakArchAm |
karoti tatpAdarajaHprasAdaM vA~nChtyupendro.api chaturmukho.api || 77||
kiM vaktavyamumAsahAyacharaNAmbhojArchakArAdhakA\-
pAraishvaryaparaM hariH pratidinaM tatsevakArAdhakaH |
shrIvANIramaNAdayo.api munayaH siddhAH sumugdhAstato
gandharvA api kinnarA api tathA sheShAdayaH sevakAH || 78||
shambhussarvajagatprabhurvibhuriti j~nAtvA paraM shAmbhavAH
tatpUjAniratAH parAt parataraM tejaH paraM shAmbhavam |
prApyAnte paramotsavAdR^itanijavyApArapAra~NgatAH
pArAvAravihArapUjitapadAmbhojAH prasannAH sadA || 79||
kastUrImR^igarAjarAjasahitaH karpUragandho yathA
na j~nAtaH shunakaistathA shivashivAchAravratAnAdaraiH |
na j~nAtaM shivali~NgapUjanaphalaM tatkAlakAlArchakaiH
j~neyaM kevalamityalaukikamidaM j~neyaM kathaM pAmaraiH || 80||
kimanyadvaktavyaM smaraharakathAsa~Ngasaraso
na vij~nAto lokaramitamahimA tena sahasA |
na buddhirmandAnAM shivacharaNasevAnukaraNe
kShaNaM vA na kShINaM yadi maraNakAle.apyaghakulam || 81||
balAdete lokAH khalajanaratA eva nitarAM
na jAnantyevAlaM bata bata na kAlAntakamataM
ato.ante santaptAH pratipadamahAghoranarake\-
ShvasantoShe doShapralayanaviShAdeti sa viSham || 82||
aho mohaH kovA jagati na mahAdevabhajane
matirbhaktiH shraddhA kathamapi na tatpUjanaratiH |
na tadbhaktAlApepyabhiruchirato yAnti narake\-
ShvaghoreShu bhraShTAH shivaruchiramArgAditi shaThAH || 83||
lalATe ki~nchidvA sitabhasitamAlipya shirasA
muhurnatvA yadvA sakR^idapi surudrAkShavapuShA |
shivaM dR^iShTvA sAyaM jalamapi vinikShipya vimalaM
kalau li~Ngesha shivapadasaroje pravishati || 84||

|| iti shivarahasyAntargate yamaproktaM pradoShakAleli~NgapUjAmahimavarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 3
\- yamasadasyasaMvAde pradoShakAladIpadarshanapUjAmahimavarNanam | 50\-75||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 3
- yamasadasyasaMvAde pradoShakAladIpadarshanapUjAmahimavarNanam . 50-75..

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}