% Text title            : Yajnavalkyaproktam Pradoshapujadarshanaphalavarnnam
% File name             : pradoShapUjAdarshanaphalavarNanam.itx
% Category              : shiva, shivarahasya, pUjA
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 4 | 14-33 ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Yajnavalkyaproktam Pradoshapujadarshanaphalavarnnam ..}##
\itxtitle{.. yAj~navalkyaproktaM pradoShapUjAdarshanaphalavarNanam ..}##\endtitles ##
sAya~NkAle tvayA dR^iShTaM shivali~NgaM samarchitam |
tena puNyaprabhAvena j~nAnamevamabhUt tava || 14||
tadidaM puNyamutkR^iShTaM tatprabhAvAttavedR^ishI |
matiryuktA na sandehaH tatpuNyaM tAdR^ishaM yataH || 15||
sha~NkarAnugraheNaiva tatpuNyamabhavat tava |
anyathA tAdR^ishaM puNyaM devAnAmapi durlabham || 16||
shivali~NgArchanaM dR^iShTvA sAya~NkAle visheShataH |
svayaM nR^ityati santuShTo divyadevagaNaiH saha || 17||
pradoShasamaye dR^iShTaM shivali~NgaM samarchitam |
sarvakAmadamityAhuH tatsatyamabhavat khalu || 18||
sandihAnaH shivAchAre pApiShTho na pravartate |
etAdR^ishaM mahAbhAgyamadhunA dR^iShTamadbhutam || 19||
tava svarUpaM vij~nAtaM tvayApi na shivArchanam |
kR^itaM pApena nItAni dinAni khalu sarvadA || 20||
duShpratigrahalolastvaM durAchArarataH sadA |
na snAnakarmanirato vaidikaM j~nAyate.api vA || 21||
nIchAnnabhakShaNenaiva vayo nItaM tvayA khalu |
madyapA~NganayA sAkaM bahukAlamavasthitam || 22||
tasmAdutpAditAH putrAH kanyakAshcha durAtmanA |
tripuNDradhAraNaM tAvanna kR^itaM shrutichoditam || 23||
rudrAkShANAM cha dharaNaM kadAchinna kR^itaM tvayA |
bilvapatraM na nikShiptaM jalaM vA li~Ngamastake || 24||
na dIpavartikA dattA tvayA sha~Nkaramandire |
dIpapradAnavArtA tu dUratastava sarvathA || 25||
na somavAsare bhuktaM niyamAnnishi sAdaram |
shAmbhavaiH saha saMlApo na tvayA kR^ita eva hi || 26||
puNyAH shivakathAlApAH sarvathA na shrutAstvayA |
rudrAdhyAyo na japto hi mantraratnasamAshrayaH || 27||
etAdR^ishena duShTena pradoShe daivayogataH |
shivali~NgaM tvayA dR^iShTaM kR^itakR^ityo.asi tAvatA || 28||
shivali~NgaM na dR^iShTaM chet sAya~NkAle tvayA tadA |
AkalpaM narakAt ghorAt prachyavaste kathaM bhavet || 29||
shivAchAravihInAnAM narakAt nirgamAkatham |
putrAdibhiH sahAvAso narakeShveva koTishaH || 30||
janmottaraM vA satataM shivamarchaya sAdaram |
jAtismaratvaM samprApya tena puNyena satvaram || 31||
tatvaj~nAnasya dharmANAM yAgAnAmapi yatphalam |
tatphalaM kevalaM manye shrImahAdevapUjanam || 32||
shivArchanena sarveShAM kAmAnAM siddhirityataH |
prayatnairbahubhirnityaM kuru sha~NkarapUjanam || 33||

|| iti shivarahasyAntargate yAj~navalkyaproktaM pradoShapUjAdarshanaphalavarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 4 \- pradoShapUjAdarshanaphalavarNanam | 14\-33||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 4 - pradoShapUjAdarshanaphalavarNanam . 14-33..

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}