% Text title            : Pralayanalaprati Kurmaproktam Shivarchanamahimavarnanam
% File name             : pralayAnalapratikUrmaproktaMshivArchanamahimavarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 35 | 105-128 ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Pralayanalaprati Kurmaproktam Shivarchanamahimavarnanam ..}##
\itxtitle{.. pralayAnalaprati kUrmaproktaM shivArchanamahimavarNanam ..}##\endtitles ##
\- pralayAnalakUrmasaMvAde \-
kUrmaH \-
R^itaM satyaM paraM brahma puruShaM kR^iShNapi~Ngalam |
UrdhvaretaM virUpAkShaM vishvarUpAya vai namaH || 105||
etAdR^ishaM mahAdevaM j~nAtvA yaH pUjayet sadA |
sa taratyeva saMsArapAtakaM sAgarAkaram || 126||
saMsArapralayAnalena sahasA taptAH paraM sha~NkaraM
punaH punarjanijarAnAshAn prayAntyeva te |
teShAM shA~NkarapUjane na ratirityaj~nAnagarte paraM
manA eva bhavanti magnananaso bhagnAshcha saMsArataH || 107||
aho na jAnAti maheshashaktiM saMsArabandhamalayapravR^ittAm |
sA shaktirIshasya paraM samagrA j~nAtuM na shaktA viShayena vAchAm || 108||
yathAkatha~nchit girishArchanena kAlo.api neyaH khalu sAvadhAnam |
vinA na tenArita cha jIvanaM cha tadeva tAvatkhalu jIvanaM cha || 109||
asmAbhiH shivali~NgapUjanavidhiH j~nAto na sarvAtmanA
brahmAdyairapi kevalaM shrutimatA bhUtirlalATe param |
kAchidbhAtyatibhAgyataH sasalilaM bilvIdalaM dIyate
li~Nge ma~NgaladAyake shivashivetyuktvA namontaM manum || 110||
asmAbhirmata eva tAvadadhunA li~Nge pradeyaM mudA
tenaivAdarato maheshvarapadAmbhojArchanaM sid.hdhyati |
sid.hdhyantyeva phalAni tAvadasakR^it ramyANyapArANyataH
chittaM svasthamidaM bhaviShyati parA muktirbhavitrI tataH || 111||
maheshali~NgArchanarUpamekaM labdhaM nidhAnaM nidhayo.api tena |
navApi tAvat prabhavanti satyaM te kiM punaH sApi na tena muktiH || 112||
li~NgAtmakaM sAdhanamekameva dR^iShTaM maheshena visheShatastu |
tanmuktibIjaM sukhabIjamekaM sarvArthasampatkaramekameva || 113||
kiM kiM purA puNyamapAramAdau kR^itaM shivArAdhanabuddhihetuH |
idaM paraM jIvanameva puNyaM dhanyaM shivArAdhanasAdhanaM me || 114||
te sAdhavaste kR^itapuNyarUpAH te puNyamUlaistu paraM pravR^iddhAH |
te shA~Ngali~NgArchanadhUtapApAH pUtAH prahR^iShTAshcha tathApi tuShTAH || 115||
loke durlabha eva sAdhuriti me buddhiH sa sAdhuH paraM
sha~NgArAdhanatatparaH sitalasadbhUtitripuNDrA~NkitaH |
tenaivendukalAvataMsabhajanAnandaH pravR^iddho bhavet
prItirbuddhimupaiti tena saha me sa~NgaH sadA vA~nChitaH || 116||
shivArchakAlokanameva loke saMsAradAvAnalajAlarUpam |
manye tatastena sahAstu sa~NgaH sa ma~NgalAnAyakalIlayA syAt || 117||
asmAbhirardhendukalAvataMsaprabhAvavij~nAnavisheShashUnyaiH |
shA~NgA~Ngasa~Ngena vineya eva kAlaH katha~nchit kalinAshahetuH || 118||
abhUtapUrva phalamekameva yachChA~Ngali~NgArchanalakShaNaM me |
anena tAvatprabhavanti lokAH kIlAlamAtrArpaNato.api sa syAt || 119||
kIlAlenApi yenApi kAlakAlaH samarchitaH |
dadAti bhuktiM muktiM cha kiM punaH kusumArchitaH || 120||
jIvanenArchito jIvAn jIvayatyeva sha~NkaraH |
ato jIvanamAtreNApyarchanIyaH sadAshivaH || 121||
yadi syAjjIvanApekShA jIvAnAM jAtu jIvanaiH |
pUjanIyaH sakR^idvApi jIvane sati sha~NkaraH || 122||
karoti kautukaM loke sa gaurIkAmukaH khalu |
ChinnapatrArpaNenApi tuShTo muktiM prayachChati || 123||
kaivalyakAntAramaNaM karoti karoti bhUmaNDalanAyakaM cha |
sakR^it smR^ito vA praNato.api bhaktyA samarchito vA girijAsahAyaH || 124||
etAdR^isho.ayaM girijAsahAyaH kR^ipAmburAshiH sukR^itAtipuNyaiH |
nityaM samArAdhita eva tebhyo dadAti bhuktiM pradadAti muktim || 125||
aj~nAH paraM sha~NkarapAdapadmapraNAmapUjAniratA na nUnam |
teShAM kR^itAntAlayapUraNAya nirmANamityeva matirmamAbhUt || 126||
loke ko.api na sha~NkarArchanaparo duHkhAlayo jAyate
saMsArAnabhibhUta eva sa parAn bhuktvApi bhogAn bahUn |
muktaH sha~Nkaraki~NkaraiH saha sadA kurvan shivArAdhanaM
kailAsAchalamandirAntaramahodyAne paraM krIDati || 127||
unmAdena vinA shivArchanaparo bhUtitripuNDrA~Nkito
rudrAkShAbharaNo ramApatilasannetrAravindArchitam |
smR^itvA sha~NkarapAdapadyamanishaM bilvIdalairarchayan
li~Nge sha~NkaramindumaulibhajanAsaktaH kR^itArtho bhuvi || 128||

|| iti shivarahasyAntargate pralayAnalaprati kUrmaproktaM shivArchanamahimavarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 35 \-
pralayAnala prati kUrmeNa shivadharmanirUpaNam | 105\-128||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 35 -
pralayAnala prati kUrmeNa shivadharmanirUpaNam | 105-128||

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}