% Text title            : Punyanidhiproktam Kashikshetramahatmyam
% File name             : puNyanidhiproktaMkAshIkShetramAhAtmyam.itx
% Category              : shiva, shivarahasya, tIrthakShetra
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 27 madhyArjunamahimAnuvarNanam | 554-577||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Punyanidhiproktam Kashikshetramahatmyam ..}##
\itxtitle{.. puNyanidhiproktaM kAshIkShetramAhAtmyam ..}##\endtitles ##
(shivarahasyAntargate ugrAkhye)
puNyanidhiruvAcha
kAshItyasti mahAkShetraM (mahatsthalaM) shrutishiroratnasyatatvaM mayA
na j~nAta munibhiH surairapi parij~nAtaM mukundAdibhiH |
na j~nAta shrutibhishcha naiva viditaM siddhaishcha vedeshvaraH
tattvaM tachChivatatvavittaditarairj~neyaM kathaM tadbhavet || 554||
yA kAshI hR^idi yasya dIpakalikevAbhAti tasyaiva sA
vij~neyA bhavati sphuTaM taditarairnaj~nAyate sarvathA |
sA bhAtyevA tathA mahesha hR^idaye yA j~nAyate sA tata\-
steneshena parAtpareNa vibhunA vishvAdhikena dhruvam || 555||
yasyAmantakabhItilesharahitAH kArtAntavArtA vinA
niHsha~NkaM nivasanti santatamumAkAntArchakAH shA~NkarAH |
seyaM pAshupatasthale munivarairArAdhitA saMstutA
vedAntaiH shivarUpiNIti satataM kAshIti kAshIti cha || 556||
yasyAM dehavisarjane sati mahAdevaH paraM tArakaM
vyAchaShTe shivatatparAya viluThatsaMsAra vichChittaye |
tadrUpaM bhagavAnnaveti bhagavAnrudrastadanyo na vA
yo vai rudra iti shrutistaditarannaivAbhivaktidhruvam || 561||
vishveshAbhidhali~NgamekamamalaM dhR^itvA vimuktaM sadA
shaivAMstArayituM mahAgha nichayAtsaMsArato.apIshvaraH |
mAyAjAlavishodhanAya satataM sAmbo.ambayA saMsthitaH
kAshItatvaviduttamaH shivatamaH sarvottamaH sha~NkaraH || 562||
kAshI nAma sudhAnidhiH suragaNaiH saMsevitaH sAdaraM
jAbAlAdisamastavedanikaraiH samyak shrutaH santatam |
nAnAtIrthasamanvitaH shrutimatairli~NgairanekairvR^itaH
dR^iShTo hanti samastapAtakagaNAndhyAtastu nirvANadaH || 563||
kAshItyeva mahAmanuH shrutipathaM prApto.akhilAMhogu(ga)NA
ndUrIkR^ityanirAkaroti vimalAM mukti dadAti svataH |
vedAntai rakhilaiH stutaH sa tu manuH shaivastatastaM manuM
vedoveda shivo.athavA taditaro no veda santyaM dhruvama || 564||
kAshIvIthiShu sa~ncharanpratipadaM yAgAyutAnAM phalaM
samprApnoti narAdhamo.api kimuta svasthaH shivArAdhakaH |
?? \.\.\. \.\.\. \.\.\. \.\.\. \.\.\. \.\.\. \.\.\. \.\.\. \.\.\. ##(words missing in source text)##
tasmAdAdarato.anishaM shivaparaiH sevyo mR^iDAnIpatiH || 565||
sevyaH santatamantakAntakamahAdeveti saMvAdibhiH
saMsArAdbhutasAgareShu patitAH klishyanti ye santatam |
te kAshIM tanimAshu shAmbhavakR^ipAM samprApya tIrtvaiva tAn
yAtAyAtaparishramairbahutarairdustAra saMsArajaiH || 565||
nirmuktAH shivamevasAmbamanaghaM samprApnuvanti dhruvaM
baddhastAvadanekaduShkR^itachayaiH saMsAra pAshairnaraH |
nAnAduHkhayutairanukShaNamabhedyApatsamUhairapi
yAvannApa maheshasAndrakR^ipayA kAshIM maheshAshrayAm || 566||
kAshIM prApya tu muchyate dR^iDhataraiH saMsArapAshairnaraH
martyAstAvadiha bhramanti satataM saMsAraghorahrade |
pApAvartasamanvite duritabhUrisvastara~NgAvR^itai
(janimR^itidvandvetara~NgAkule)
yAvadvishvapatipriyA suranatA kAshIM na samprApyate || 567||
(kAshImprApya tu no bhramanti manujAH saMsAraghorahrade .)
tAvadbhrAntadhiyo bhramanti manujAH sasAraghorahrade || ??
kAshIM prApya kuyonichakrakuharaM na prApnuvanti dhruvam
satyaM satyamihochyate bhujayugaM samyaksamuddhR^itya cha |
vedAstatra tu sAkShiNaH shrutishirovedyo.athasAkShI shivaH
viShNubrahmapurogamAH suragaNA ye chAtra te sAkShiNaH || 568||
kAshImAshu samAshritaH shivamanAdyantaM bhavedyaH sadA
sAnandaM cha samastaduHkhanikaraM saMhatyashuddhaH shivam |
samprApnoti na saMshayaH shrutiriyaM kAshI samAshrIyatAm
vishveshaH samupAsyatAM iti yato DiNDIravo vaidikAH || 569||
ghorA yadyapi shAmbhavaiH shrutimatA kAshIpurI rAdhitA
na tyAjyA tripurArirAjanagarI kAshI yato muktidA |
tyaktA sA yadi mohataH shrutimatA kAshI tadA durlabhA
muktiH satyamiti shrutiH shrutiriyaM mAnyA sadA vaidikaiH || 570||
shrIvishveshvaramaprameyamamalaM vedAntavedyaM prabhuM
li~NgAkAramumAshritaM shrutimataM kAshyAM sadA saMsthitam |
yaH santyajya digantaraM prati naro mohAtsamuktya~NganA\-
pAdAgreNa hataH patatyanudinaM saMsAra kUpedhruvam || 571||
taM manye puruShAdhamaM narakharaM saMsAraduHkhAshrayaM
nirbhAgyaM ratidAnaduHkhanirataM pApaughamohAshrayam |
yaH kAshIM na niShevate shivamumAkAntaM na saMsevate
saMsArArNavatArakaM prabhumanAdyantaM bhavAnIpatim || 572||
taM manye puruShottamaM shivamataM nirmUlitAghadrumaM
vedAntArthavichArapAragahitaM saubhAgyavantaM sadA |
yaH kAshIM samupaiti(tya)taM shivamanAdyantaM bhajetsantataM
bhasmoddhUlita vigrahaH shivamahAdeveti mantra~njapan || 573||
kAshyekA jagatItale shrutimatA muktipratishrutA
gaurIsha~Nkara sammatA munivarairvedashcha nityaM stutA |
kAshIto.adhikamanyatIrthamabhito vedeShu na shrUyate
tIrthAnAmadhidevateyamanaghA kAshI maheshapriyA || 574||
kAshyAM varNayitA shivaH parataM pa~nchAkSharaM tArakaM
tachChaivaM praNavAnvitaM shrutishiro ratnaM tadityAdarAt |
durvAsAdisamastamauninikaraiH kAshIsamArAdhitA
seyaM shambhusamAshritA shivapurI muktya~NganAsaMshrayA || 575||
kAshI vIthiShu muktirUpavanitA vishveshvarapreritA
sa~nchAraM samuda~Nkaroti paritaH sa vIkShya shaivottamAn |
ete mAmabhiyAntu satvaramiha pradhvasta duHkhAdhayaH
shro vishveshakR^ipAvashAditi sadA vedAntavAkyastutA || 576||
etadvedarahasyamAhurabhito vedAntavAkyairyataH
nishchityoktamanekameva hR^idayaM prAgevamevoditam |
devIShaNmukhanandibhR^i~NgiriTibhiH saMsevitenAdarAt
ArAdhyena maheshvareNa jagatAmIshena satyaM dhruvama || 577||

|| iti shivarahasyAntargate puNyanidhiproktaM kAshIkShetramAhAtmyaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 27 madhyArjunamahimAnuvarNanam | 554\-577||
##
- .. shrIshivarahasyam . ugrAkhyaH saptamAMshaH . adhyAyaH 27 madhyArjunamahimAnuvarNanam . 554-577..
##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}