% Text title            : Shri Ramalingeshvara Stavaraja
% File name             : rAmalingeshvarastavarAjaH.itx
% Category              : shiva, stavarAja
% Location              : doc\_shiva
% Transliterated by     : Sivakumar Thyagarajan shivakumar24 at gmail
% Proofread by          : Sivakumar Thyagarajan, PSA Easwaran
% Latest update         : March 17, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ramalingeshvara StavarajaH ..}##
\itxtitle{.. shrIrAmali~NgeshvarastavarAjaH ..}##\endtitles ##
vidvatkavisArvabhaumapulyaumAmaheshvarashAstrivirachitaH |
shrImahAvAgIshvaryai namaH |
shrImahAgaNAdhipataye namaH |
shlo |
advaitamardhadehena dvaitaM pR^ithagavasthiteH |
darshayanpArvatInAtho rAmali~Ngeshvaro.avatAt || 1||
kShIrArAmakShetre svayamuditaM jagadanugrahechChayA shambhum |
shirasi jaTAmakuTadharaM sphATikali~NgAkR^itiM bhaje hR^idaye || 2||
indrAdayo.api divijA vividhA munIndrAH
     sAyaM bhavatsubhagarUpadidR^ikShayesha |
AyAnti hi pratidinaM vimamAlayaM te
     svArthepsavobhajanatobhavatastvarAttAH || 3||
tadbhaktalokasamanugrahaNAyashambho!
     yogaMvihAyanijali~NgatanoHkR^ipAvAn |
utthAyadivyavapuShAsubhagenaharShat
     nR^ityatyalaMsahagaNaiHparitassamAje || 4||
AnandatANDavavapustavatannirIkShya
     tauryatrikeNabahudhAnutibhishchadhanyAH |
AnandavAShpakalitAssakalAbhavantaM
     sAmAjikAupacharantisadAmahesha! || 5||
nR^ityatpadadvayaravAnukR^itAryagIta\-
     vAdyAnvitA~NgachalanairuditomahAnyaH |
AnandAtmasusamAjagateShunAda\-
     tattvAnusandhigamitassakadAmamasyAt? || 6||
vyAghrAjinenakaTigenagajAjinena
     bAhudvayordhvachalatAgalagAhinAcha |
nR^ityatphaNenachajaTAmakuTasthaga~NgA\-
     nR^ityAjekasyatavatANDavarUpamIDe || 7||
nR^ityAnehasitesurUpakalanaMlabhyaMsurANAmapi
     shrIyogeshaghaTetanA.anyasamayeyogArhali~NgAnuge |
tvayyasmAtkilanR^ityakAlamadishastvadrUpasandashane
     sarveShAmapisarvasundaravapustatteshivAyAstunaH || 8||
yesAyaMsamayeshiva~NkarahR^idaH pashyantimartyAshshivaM
     li~NgAtmAnamihAmR^itAshinivahArAdhyAtmanR^ityodhyatam |
martyAdR^ishyamanoharAkR^itijuShampashyeyureneshivaM
     dhanyAanyajanAvitismamunayaHprAhumahAntodhruvam || 9||
yadrUpantavatANDaveShumunibhirdR^iShTaMyathAvarNitaM
     tattemAdR^ishamAnavAdyasulabhAlokammunIDayammuhuH |
AlambyAtmaniki~nchidIDitumashaktopipravarteshiva!
     shreyaHkenanakA~NkShyatesakalasachChreyaHpradekiMstave || 10||
mR^iDho.ahaMviShayAvalIDhahR^idayaHkAmAdyarINAMvasho
     vidyAvApyavivekagandharahitassaMsArasevAparaH |
tannirvAhakR^ite.arthakAmachayanenaktandivaMvyApR^ito
     nAnAkleshasahiShNurapyahaha! tesevAnnachaivAcharaH || 11||
evaMsaMsaratassadAbahuvidhakleshArjakasyAdhunA
     vidyutsphUrtirivAtmanIShadamiShachChambhosvavidyAdyutiH |
'mR^iDha! tvaMshrayasarvadamparashivaMsarvaj~nasarveshvaraM
     saMsArAmbudhitAriNa~NkimaparaissatvAMsamuttArayet\rdq{}|| 12||
ityantassphuraNenakenachidahosarvaj~nasarveshvaraHka
     kva kvA.aha~njaDadhIstadAshrayaNamapyArAdghaTetakvavA |
kenasyAdvidhinetichetasivikalpyehastutauteyate
     bAlAlApavadIshamAmakagirastesantumodAvahAH || 13||
shrIvANIdharaNIvibhUtivilasatsadvarNasa~Nghollasat
     kShIrArAmapurIkR^itAdhivasatishshrIrAmali~NgeshvaraH |
pArvatyAsahitonijArdhavapuShAsUryAdibhissvaiHparI\-
     vArairdevagaNairdhR^itetaranijAbhikhyassvayanno.avatAt || 14||
shaivakShetravareShupa~nchasupavitrArAmasa.nj~neShuya\-
     nmUrdhanya~NkathitaMshivassvayamavAtArIjjaTAjUTadhR^it |
li~NgAkAratayAsitenavapuShAsvIyenasAkShAjjaga\-
     drakShAyainijapArvatIdayitayAgodA.a.akhyaga~NgAntike || 15||
pArshveyasyachadakShiNegaNapatissvIyAlayesaMsthito
     gokarNeshvarAtmano.amalatanustadakShiNe.avAtarat |
skandastUttarabhAgago.astitanayoyasyAlayesvetato
     lakShmIshchApijanArdanonivasatoyasyAlayesundarau || 16||
sAlagrAmashilAmayonivasatishrInandikeshodishi
     prAchyAndvArayugantvavannabhimukhaMsvasevamAnassadA |
yasyAj~nAmanupetyakopisadanAntasthaMshivaMvIkShituM
     noshaknotisureshvaro.apimanujovA.anyopikutrApivA || 17
prAgdvArAttavadakShiNenijakaraissambhAsayannAlayaM
     sUryaHpAtitatastudakShiNatalevishveshvaro.asiprabho |
tatpArshvetavapArvatIpriyatamAsarvA~NgasaundaryabhA~N\-
     mAtAlokatatestaveshahR^idayaMyAchUchuradyoginaH || 18||
yasyAdR^iShTinipAtanAnikaruNApIyUShavarShINyalaM
     bhaktebhyo.akhilakAmadAnisatatanniryAntinetradvayAt |
phullAmbhoruhabhAsurAnanasamAlokenadInAtmanA\-
     mAdhivyAdhimukhavyadhAvilayanAdAnandalIlodayaH || 19||
tatpArshvenagareshvarAkhyatanubhR^ittvandakShiNesaMsthitaH
     kShIrArAmamahApurImavasibhoH! premNAkhilaishvaryadaH |
tatsthAyainijabhaktalokatatayekauberasakhyambhR^ishaM
     shaMsansvaMsahavIrabhadratanayenAtmIyapArshvevibho! || 20||
pashvAddakShiNadiktaTetavavibhoyAmAtR^ikAssaptatA
     lokAnpAntyanisha~NkR^ipArdrahR^idayastvasthApayorakShitum |
AdhivyAdhivipannadInamanasomartyAnvipad.hdhvaMsinI\-
     rApannArtinivAraNetavakR^ipA.ananyAdR^ishIsha~Nkara! || 21||
pashchAddurgamaduHkhanAshanadhR^itAtmIyavratAnArataM
durgAshrIkanakAtmikAnivasatishrIrAmali~Ngeshvara!
nirdeshAttavabhaktarakShaNakR^itebrahmAtatobhAratI
     pashchAttvadbhajanAyasha~NkarakumAro.athAtmajastvAmbhajan || 22||
yAdurgA.akhiladurgatiprashamanIlokasyabhaktAvali\-
     trANAyAvatatAraduShTamahiShAbhikhyAsuraMsiMhagA |
hantundevagaNairajayyamabhayandatte.akhilAbhIShTadA
     sAchAShTAdashabAhubhishshivasutAtpashchAdihAsteparA || 23||
tasyAuttaradiktaTe.atravasatitvanmUrtiyugmaMvibho
     shrImatsundaratANDaveshvarapadakhyAtammanohR^innR^iNAm |
yadvIkShAvyathitAtmano.apyatitarAmAnandavIchIbhrama\-
     ddhaMsatvammanasovidhAyatanutebhaktiMsthirAntvayyalam || 24||
yasyA.atyugratapovisheShadR^iDhasadbhaktipratuShTAtmanA
     yaddauvArikatA.adbhutApuramukhashambhotvayAsvIkR^itA |
so.ayantvadbhajanAyabANaditijobhaktAgraNIssantataM
     shrImattANDavamUrtito.athavasatishrIrAmali~Ngeshvara || 25||
dattAtreyavapurdharo.asi bhagavanvij~nAnasiddhiprada\-
     stasmAtprAgdishi kAlabhairavayutasskandastataH prAgvibho |
pApaghneshvaranAmato.asi bhagavannanvarthanAmA tato
     draShTR^INAM shiva pApabha~njaka iha shrIrAmali~Ngeshvara || 26||
evaM svaiHparivArakaissaha vR^itAnyopAdhinAmavrajai\-
     rnAnArUpadharasvamUrtibhiriha shrIrAmali~Ngeshvara |
pArvatyA sahitassvabhaktavitatitrANAya sarveshvara
     kShIrArAmapure.atipUtavasatau vyaktassvayaM pAsi nR^In || 27||
goH karNAtkvachidIsha kukkuTatanoH kutrApi vArA~NganA\-
     chUDAtaH kvachidIsha hiMsrakamahAvyAghrAtkvachitte janiH |
chitrA bhaktajanAvanAya bahudhA sarvAtmatAdarshinI
     shrImadbhaktamanonivAsabhagavan shrIrAmali~Ngeshvara || 28||
devAssantu sahasrasho divi nR^iNAmiShTArthadAssevanA\-
     tsavyAsavyavidhikramopakalitAtkShipraM prasAdyAshchiram |
toShyAshcha tvamumApate kShaNamuhUrtAdyalpakAlAnusa\-
     ndhAnaprApyakR^ipArdrahR^ichChritavipad.hdhvaMsyAshutoShI smR^itaH || 29||
dhAtR^ishrIpativAsavAdidivijAH puMrUpiNo.abhIShTadA
     dIrgheNendriyashoShikR^iChratapasA.asAdhyena yAgAdinA |
tvaM tvekAgrahadA muhUrtamitasatkAlena nidhyAyinAM
     bhaktAnAmakhilArthado.akhilavipadvrAtAtsamuttArayan || 30||
AtmAnaM kimitIsha li~NgavapuShA sa~nChAdayAmya~njasA
     nA.anye brahmamukhAssurA iha paraM sA~NgaiH sthitA vigrahaiH |
manye.ahaM paramAtmatAmupaniShadbodhyAM vishuddhAM sthirAM
     sthANutvena cha sUchayasyatitarAmAdyantahInAmiti || 31||
j~nAnAnandamayaM svamantaranishaM li~Nge sthito vIkShase
     dhikkR^ityA.akhilajAgataM nu vikR^itavrAtaM sadA sha~Nkara |
bAhyaM prAkR^itametadIsha malinaM yogApakarShakShamaM
     nairguNyaM svagataM vyanakShi jagato li~NgAtmanA saMsthitaH || 32||
nairguNyaM guNanirgatestu bhavato nAtyantikAbhAvata\-
     stattadvaikR^italepamAtrarahitatvAshaMsakaM manmahe |
sAguNyaM guNavaikR^itAshrayatayA mUrteShvamUrteShvapi
     khyAtaM jAgatavastuShu sphuTatamaM naitadviruddhaM vibho || 33||
'janmAdyasya yato.anvayAditarata' shchetyAhapArAshari\-
     rbhUtAnAmudayaM sthitiM layamapi tvattashshrutirbhAShate |
naiguNyaM guNashUnyatA yadi ghaTetAnyonyavidviShTayo\-
     ssAmAnAdhikaraNyamIshvara kathaM taddharmayormanmahe || 34||
dhattevAryavakArisArasadalaM lipyeta neShattata\-
     ssUryaM bhaumarajo na limpati yathA nAkAshamagnyAdikam |
evaM tvAM prakR^itirna limpati jaDA tvatsannidhAnAjjaga\-
     tkAryAliM vidadhAti dehavadaho jIvAtmasAnnidhyataH || 35||
mAyA sAtvavikAriNI guNamayI chichChaktirUpA tvayi
     jyotsnA chandramasIva vAriNi yathA vIchiH prabhApUShaNi |
ichChAj~nAnakR^itisvarUpakalitA jIve suShuptau yathA
     kalpe nishchalatAM gatA tvayi punassR^iShTau vichitrakriyA || 36||
bhedastatra hi yatpR^ithagviShayatAmApadyate.anyAtsvayaM
     yannaivaM na tatastadanyaditi saMvij~nAyate vidvaraiH |
shakteshshaktimato guNasya guNino naivApR^ithagbhAnato
     mAyAyAstriguNAtmanastava bhidA shakterna kApIshvara || 37||
shaktiM vA.anyaguNAvihAya bhagavannAtmA na sandR^ishyate
     nAtmAnaM cha vihAya te.atra sakalaM dravyaM guNairanvitam |
hitvA dravyamiha sthitiguNatateH kutrApi nAlokyate
     tadbhedaH kR^itibhedajaH kR^itikR^idapyAtmA tvameveshvara || 38||
dehe geha ivAnuvishya karaNaistaistairguNaishshaktito
     nAnAkAryatatiM karoShi bhagavaMstvaM jAgatImichChayA |
sR^iShTvA chitramidaM jagadbhahuvidhaM rakShasyapi svechChayA
     sarvaM saMharasIha nartaka iva svaM nATakaM jAgatam || 39||
kartR^itvaM prakR^iterjaDAmapi cha tAmAhuH kathaM vA lage\-
     dyatrAtmA na vasejjaDasya udito bhinnashcha yastvAnmanA |
AtmavyApR^itimantarA na karaNeShvIkShyeta kApi kriyA
     kartR^itvaM tadadhiShThitestava vibho vidmo.akhilavyApR^iteH || 40||
mAyopAdhika! te.anyajIvanivahasyAvidyakopAdhika\-
     syAdvaitaM pravadanti tAttvikabudhAstatsAdhu manyAmahe |
rAj~no bhR^ityagaNasya bhedavadihopAdhyoH prabhedAttathA
     shaktInAM cha vibhedato hara bhidA dR^ishyeta naivAnyataH || 41||
naivopAdhimR^ite maho.api bhagavankutrApi sandR^ishyate
     mAyAM shaktimayImupAdhimavalambyAgniryathA dAhikAm |
shaktiH sUkShmatamAmanupravishasi sthUleShu sarveShvaho!
     dArvAdiShviva li~Ngadehamupayan jIvAtmarUparishavaH || 42||
sR^iShTyarthe tava li~NgadehadharaNAnnAnAkriyAnuShThite\-
     stvachChaktiprakR^itau kramAdadhigataM mAlinyamasmAdimAm |
shrIrAmeshvara manmahe.akhilabudhA AhustvavidyAmiti
     tvAM jIva~nchatadAshritantrijagatIsthUlAtmasaMsthaM vibhum || 53||
ichChAj~nAnakR^itiprabhR^ityakhilasachChaktyAtmamAyAmayo\-
     pAdhisthasya tavAntarAtmavirahAtkApi kriyA no bhavet |
tadrAhinyamavaikR^itAya nibhR^itatvAyApi hetustava
     shrImanniShkriya nirvikAra bhagavannityAtmamoda prabho! || 44||
jIve.antaHkaraNaM guNAshcha viShamAH karmANi nAnAvidhA\-
     nyantashshatrugaNassvabhAva iti chA.avidyApi shambho sadA |
tattadbhautikadehaveshanamukhA nityA vishiShTA ime
     shrIrAmesha parAtmarUpasahite shuddhasya niShkarmaNaH || 45||
ichChAshaktivijambhaNAtprathamatassR^iShTau nijaj~nAnavi\-
     sphUrtastrIpuruShAtmabhAgakR^itishaktyAptArdhanArIshvara |
shuddhAntaHkaraNAdirAjitavashIbhUtAtmamAyAbalA\-
     dbrahmAdInasR^ijastato.akhilajagatsR^iShTayAdi sarveshvara! || 46||
sthUlopAdhaya Isha te.ativimalAssarvaj~na sarveshvara
     shrImAyA.akhilashaktimayyapi vashA vishvasyasammohinI |
nAnAkarmasu chodanena satataM hR^itpuNDarIkasthito
     mAyAshaktinaTIyuto naTayasi tredhA jagannATakam || 47||
AtmAnaM pravibhajya kAryabhidayA dhR^itvA tu mUrtitrayaM
     svIyAbhissaha shaktibhishshiva nayasya~NkatrayaM jAgatam |
sR^iShTiM brahmavapusthitiM harivapU rudrAtmavAMstallayaM
     nAnA.atyadbhutakarmatatphalamukhairjIvavraje santatam || 48||
mAyAM svAM praNidhAya sadyavanikAM lokAlira~Ngasthale
     svasvaprAktanakarmalabdhavividhAkArAnnidhAyAtmanaH |
tattatkarmavisheShabhogyaphalasandhAnAnukUlakriyAbhedai\-
     rnartayasi tvamIsha bahudhA duHkhaM sukhaM bhojayan || 49||
puNyampApamiti dvidhA.atra vibhajankarmAkhilaM puNyataH
     prAptavyaM sukhamIpsitaM bahuvidhaM duHkhaM tu pApAtpunaH |
evaM vedamukhAtprabodhya bhagavaMstvaM karmasUtraM dR^iDhaM
     saMsthApyAnuguNaM phalaM vidadhase prANivrajasyeshvara || 50||
AtmA.abhIShTasukhopadhAyakakR^itivrAtaprabodhe.api te
     mAyAmohavashAH prajA vidadhate pApAni ghorANyapi |
tatra tvaM kuruShe kimIsha phaladaH karmavrajasyAtmanAM
     baddhA karmaphalavyavasthitiriyaM nityAvibhinnA katham || 51||
antaryAmitayA mahesha vividhopAdhisthitaH karmasu
     tvaM jIvAniha chodayandviphalakeShvAmohya mAyAbalAt |
shrIrAmesha sukhaM dadAsyapi punarduHkhaM cha tebhyodbhutaM
     kinnvetallalitaM cha kIdR^igiti no vidmo vayaM sha~Nkara ! || 52||
udbhijjAdijarAyujasthitamR^igAntopAdhikAtmavraje
     dharmA.adharmavidhArhatAvirahite prArabdhabhogAspade |
hiMsAdhunnatadoShakR^ityapi na vA shikShAM vidhatse kvachit
     svasvochchAtmagatiM dadAsi manujAMstvaM shikShase doShiNaH || 53||
svAtantryaM sadasatkriyA.a.acharaNagaM dattaM kripA darshitA\-
     stA vedaissaphalAstadaupayikamapya~NgaM mahAj~nAnataH |
svAbhIShTaM sukhamarjayeti gadite.apyeSho.ashubhe vartate
     chechChikShe tamitIraNaM kimuchitaM dhIchodinaste shiva!  || 54||
buddhIH karmasu satsu sarvasukhadeShvevAtmanAM chodayeH
     kiM netIshvara kAraNaM tu na vayaM vidmo na chAhuH pare |
duShkarmavrajachodanaM tadanugAnekavyadhApAdanaM
     ki yuktaM shivado.asi sha~Nkara! sadA lokasya sarveshvara || 55||
jIvatvaM parameshvaratvamapi te sopAdhikaM brahmaNa\-
     shshuddhasyAgatamIsha! kutra samaye mAyApi sammohinI |
prAptA veti na vedayanti jagadapyetachChrutij~nAH para\-
     ntvAhussarvamanAdyupAdhirahitaM brahmA.asti tatkutra vA || 56||
sarvopAdhiShu sarvalokavitatAvantarbahirvyomava\-
     dbrahmAsti svakasarvashaktikalitaM vij~nAnavedyaM vibhuH |
shuddhaM prAkR^itavaikR^itAdirahitaM chaitanyarUpaM maha\-
     shshrIrAmesha vadanti tAttvikabudhAstattvAM tu manyAmahe || 57||
tachchaitanyamanindriyAliviShayaM vAchA na vAchyaM mano\-
     .anUhyaM nirvachanA.ashakaM shrutigirAmIdR^iktayedantayA |
ko vettuM prabhavenmaheshvara dR^iDhA.avidyA.a.avR^itAtmA jana\-
     ssarvaj~neha bhavatprasAdamanavApyA.asheShalokaprabho || 58||
nirvaktuM yadihArhamIsha bhuvane kenApi vA tattvata\-
     stadj~nAtuM prayateta tasya mukhato jij~nAsulokashshiva! |
yachchAnirvachanIyametadakhilaiH brahmA.avagantuM tu tat
     sarvaj~na tvadanugraheNa tu vinA shambho kathaM shaknuyAt || 59||
yachchANoraNu yanmahachcha mahatashshabdAdyavedyaM cha yat
     sarvatrAnugataM jagatyapi manovedyaM cha nedR^iktayA |
vishvasyendriyagocharasya yadadhiShThAnaM parokShasya cha
     shrIrAmesha! vibho vinA tava kR^ipAM tadbrahma vedyaM katham || 60||
vedA eva na vedayantyavishayaM shuddhAtmatattva~njaga\-
     ttattvaM cheshvaratattvamIrdR^igIdR^igiti vispaShTaM tu diShTaissaha |
sR^iShTiM viShTapasaMhateH sthitilayau jIvAtmatattvaM cha vA
     shrIrAmesha vinA kR^ipAM tava jaDA vidmaH kathaM nva~njasA || 61||
j~nAnena tvadupAhitena vimalenAtmAnamAloDaya\-
     nnaj~nAnena tirohitaM shiva yathA sUkShmAnalaM bhasmanA |
vettyeko.atra mahAmatissvahR^idayAntasthaM tvapohyA.akhilaM
     mAlinyaM nijarUpabhAgaviratAnandI nivR^ittakriyaH || 62||
brahmAtmAnubhavaikavedyamitaropAyairavadyaM rasA
     AsvAdena yathA phalAdyanugatA anyAnavedyA iha |
jAyetAnubhavassa tAvakakR^ipAlabdhAmalaj~nAnato
     no tarkairna cha vAgamAdipaThanairmohApanodashshiva || 63||
moho.ayaM kila jAgato viShayago.anAdirjagatyA saha
     prApto mAyika AtmanaH karaNato brahmAdikarShI muhuH |
jIvasyesha varAkarUpiNa mahAbhAShyo bhavetkIdR^isha\-
     syAtsarvaj~na bhavatkR^ipAdhigatavij~nAnaikanAshyashshiva || 64||
tattvaM brahmaNa Ishvarasya jagato jIvasya kIdR^igbhave\-
     dityAloDanamAtmanaupaniShadAdyuktyanvitessAhyataH |
mAyAmohanivartakaM na bhavati prAjhavrajasyApyaho!
     shrIrAmesha bhavatkR^ipAmR^itarasAsekaM vinA muktidam || 65||
pratyakShaM jagadetadIdR^ishamiti j~nAtuM na shaknoti yaH
     so.apratyakShaparAtmatattvamakhilaM vettuM kathaM shaknuyAt |
svAntasthaM tvahamAtmanA pratikalaM samyaksphurantaM muhuH
     svAtmAnaM svayamIdR^isho.ahamiti no vettIshvaraM tvAM katham || 66||
bIjaughaM vividhaM vichitravividhAkarodgamaprApakaM
     sR^iShTaM kena kathaM, kathaM pariNataM bhinnAtmanA.anekadhA |
tattadvyaktivichitrarUpakalanaM vettuM na shaknAti yo
     loke.atyadbhutasarvashaktikalitaM tvAM vetti ko vA param || 67||
brahmANDAni bahUni vakti kila sa vyAso.adbhutAni svayaM
     chetovAgatigAkR^itIni parato bhUlokato.asmAdbhR^isham |
saubhAgyena cha sampadA cha sukhatassR^iShTAni santi tvaye\-
     tIshAvaimi kathaM mahAmahimavattvatkAruNImantarA || 68||
ekasyApi cha vastuno bhuvi parINAmaM vibhinnAtmanA
     sR^iShTiM tasya tathA na veda ya iha prAj~nAtmamAnI naraH |
vettuM tvAM yatate samastajagatIsraShTAramIsha tvaho
     mohAttvatkaruNAM vinA kathamayaM tvAM vedituM shaknuyAt || 69||
bhaktyA tvatpadapadmachintanaparaH kR^itvA sharaNyaM dR^iDhaM
     tvAmevAtmani chetasA subhajane sarveshvaraM santatam |
tasminnAshu bhavAnpramadya dishati j~nAnaM vimohApahaM
     sarvaj~natvamupetya mukta iha sa syAnnAnyatheti dhruvam || 70||
vedA yanmukhanirgatAH prathamato vishvADhayavij~nAnadAH
     rUpaissvairyamabhiShTuvanti satataM vedA dvayoH pArshvayoH |
sthitvA vetti cha yastrikAlagatamapyeSha prabho vishvasR^iT
     svAM shambho tanayAmiyeSha hi vadhUM vyAmuhya mAyAbalAt ||
vedAnvyamya parAsharasya tanayaH sarvAnviditvA svayaM
     vedavyAsa iti prapa~nchanichaye khyAtiM gato maunarAT |
sUtrairyo.abhidadhe tadopaniShadaM brahmAtmatattvaM sphuTaM
     putre mohamavAptavAnatitarAM tiryagyugAvekShaNAt || 72||
vishvAmitrapagasharAdimunayo vedyo.arthasaMvedino
     yuktAtmAna upAttanIvrApaso mohaM gatA mAyikam |
evaM vaiShayikAtmamohavivashA loke mahAyogino.a
     pIsha prAkR^itamohabandhabhidurA tvekaiva te kAruNI || 73||
brahmA.anirvachanIyameva shiva sA mAyApyashakyA punaH
     nirvaktuM jagadapyanAdivividhAkAraM vichitrakriyam |
janmodItilayasvabhAvakamidaM prAvAhikaM naityakaM
     dR^ishyeteshvara tAvakInakaruNaivaikA vimuktipradA || 74||
mAyAmeva naTIM vidhAya bhagavaMstvaM sUtradhAratvabhA\-
     kpAtrANIha vichitrakarmanivahAnAsthApya jIvavrajAn |
nAnArUpadharAnvichitraphalakavyApAranirvAhiNa\-
     shshaM shokaM kalayannaho! naTayase chitraM jagannATakam || 75||
sR^ibhTya~Nke tu rajoguNAshrayamajaM saMsthApya margochatAM
     shaktiM tatsahakR^itvarImapi vidhAyAna~NgamukhyairnaTaiH |
shR^i~NgAraM naTayantvimohya cha mithastrIpuMsarUpaM prajo\-
     tpAdAdyaistrijagatsadAshiva sadA saMsArayasyadbhutam || 76||
sthitya~Nke sakalAn rasAnabhinayan jIvairmanuShyAdibhiH
     pAtrairmohamuda~nchayan prakR^itijaM sAMsArikaM bhogagam |
kamakrodhamukhAttavaikR^itavidhivratihR^iShIkAhitai\-
     shchitraiH kamabhirIsha naTayasi bho sarvaM jagatsarvadA || 77||
viShkambhA bahavo.atra tu pratirasaM tattattrivargAshrayA
     shchitrAnekacharitradarshanaparAH kechinsukhAntAH pare |
duHkhAntAssukhaduHkhamishrakR^itayassaMsAramohAshritA
     nAnAnAyakanAyikAlikalitA darshyanta Isha tvayA || 78||
anyonyAkR^itimugdhayo smarasharavyAghAtasaMrabdhayo\-
     ssaMyogatvaramANamAnasagatiprakrAntabibvokayoH |
prAptAtmIyaratAntarAyahatayoH pashchAdyujoH kAminoH
     shR^i~NgAraM dvividhaM kathAlikathitaM shambho kvachiddarshayeH || 79||
rAShTrAkrAntinirIkShiNornijabalairdR^iptAtmanoH kruddhayo\-
     ralpenA.apyaparAdhato raNayujossainyAvalIchodinoH |
rAj~noshshastraparibhramodgiradaha~NkAroktivArairmitho
     vIraM ra~NgataleShu darshayasi tatsainyAvaleshcheshvara! || 80||
AdhivyAdhivipadvrajapratihatairdInairnitAntaM janai\-
     rArtashsha~Nkara dInarakShaka vibho dInaM bhR^ishaM pAhi mAm |
yAtastvAM sharaNaM tvananyagatikashshambho itivyAhR^iteH
     kShipraitatparirakShaNeShu karuNaM shambho samAdarshayeH || 81||
chApaM merugiriM sharaM harimuruM maurvIM cha taM vAsukiM
     tUNIraM jaladhiM vidhAya rathamapyAdhAya vishvambharAm |
chakre bhAnuvidhR^iM hayAMshcha nigamAnakShaM tu dharmaM prabho!
     mAyAvitripurAsurAlihanane prAdarshayastvadbhutam || 82||
ga~NgAM mUrdhni dadhAsi vallabhatayA tvAmardhadehena kiM
     bhUtiM vA~nChasi sarvadA prakR^itijA sarvasya sA na priye |
divyAla~NkR^itibhUShito harirahaM tvatto na kiM bhUShita\-
     stvevaM narmavachassuhAsyamumayA sandarshayasyAtmanA || 83||
vaiyAghraM paridhAya hAstinamuparyAdhAya charmaprabho!
     phAlAgniM jvalayan ruShA phaNivarairhAlAhalodgAribhiH |
bhasmachChannavapustrishUlamupayannugraM kare vegata\-
     stvAyAnhantumarInbhayAnakarasaM shambho kShipasyAjiShu || 84||
tattachChastranikR^ittabAhushirasashChinnorujAnUdarA\-
     nniryadraktajharIvasAdipishitachChedaughahapa~NkasthitAn |
shatrUnvIkShya raNAjireShu chatura~NgAnIkabhagnA~NgakaiH
     bIbhatsaM rasamApnuyAnna puruShaH ko vA.a.atmanA te shiva || 85||
rakSho.asukShapaNArthatIkShNahR^idayakShobhottharoShAnalo\-
     tkShepodriktatR^itIyavIkShaNashikhAshreNyA dahankAMshchana |
hu~NkAraishcha parAMstrishUlanishitakShepaiHpinAkeShubhi\-
     shchAnyAn ghnan layaneShu darshayasi bho rudra tvadIyaM rasam || 86||
bhaktAnAmabhayapradAnavipaduttArAtmarakShAsvaho
     deyAdeyavimarshavarjamakhilAbhIShTArthadAneShvapi |
vAtsalyaM shiva sAdhvasAdhusamatAM sandarshayasyAtmanA
     mArkaNDeyadashAsyabANamukhasadbhakteShvivAnyeShu cha || 87||
shAntaM sarvajagatsamAvanavidhAvAtmAnusandhau sadA
     yogenA.avikalena shiShyatataye vidyopadeshe.avalam |
jIvabrahmavishuddhatattvavivR^itau durvAramAyAmahA\-
     mohormyugrabhavArNavottaraNakR^idyogopadesheShu cha || 88||
saMsAre sakalAn rasAnabhinayansarvaishcha jIvairvibhi\-
     nnAkArairbahuveShabhAShaNayutairnAnAvidhavyApriyaiH |
chitrAtmIyakR^itiprasUtaphalavaichitryAnusandhAyibhi\-
     rmAyAmohavikAradarshibhiraho! sambhrAmayessantatam || 89||
kalpAnte jagato layAya pR^ithivIM vAyuM cha vahniM jalaM
     sUrye viplavarUpakAniha vibho sa~nchodya roShAgninA |
phAlAgniM jvalayannudagravividhotpAtaiH kShaNAdbhasmasA\-
     kurvansarvavapUMShi nR^ityasi mahArudrograkAlyA saha || 90||
arkairdvAdashabhissamaM samuditaistigmAMshubhistApaya\-
     nnatyugrAgnishikhAbhirIshaparitamsandAhayanbhUtalam |
jha~njhAvAtayutA.ativR^iShTibhirilAmAplAvya chAbdhyUrmibhi\-
     rbhR^ikampairashanivrajaishcha bahudhA jIvAsuhartA hara! || 91||
jIvAn svaprakR^itau vilAyya vipulaM kAlaM svachichChaktiyu\-
     ksvAnandaM bhajase tamasyatitarAM yAvachcha jIvAvaleH |
karmANyAtmaphalAnubhAvakaparIpAkaM vrajeyurvibho
     pashchAdbhUtatatiM punassR^ijasi bho ko veda lIlA imAH || 92||
sR^iShTiH puShTiratha praNaShTiriti bho lokasya lIlA imA
     Ahurnityasha Isha nirguNa sadAnandAtmarUpasya te |
saMsAro.atimahAn sadA.adbhutatamassaMvIkShyate jAgato
     mR^iDhAnAmiha mAdR^ishAM bhavagatissyAtkIdR^ishI dustarA || 93||
kAmakrodhamukhArivargavijayI vashyAtmamAyassadA\-
     .a.anandI nirvikR^itirjagadvidhiphalavrAtAnubhAvAdiShu |
tattajjIvakR^itakriyAphalataterdAneShu saktassadA
     saMsAraM vidadhAsi jAgatamaho sarvaj~na sarveshvara! || 94||
mAyA te.astu vashA vashAni karaNAnIshAna santva~njasA
     janmavyAdhijarAmR^itiprabhavajaM duHkhaM na jAtvastu vA |
AtmAnandamahAvibhUtikalane yogena shambho jaga\-
     tsaMsAraH pratibandhako na hi kuto.atyApannarakShAdibhiH || 95||
gArbhe mArtamitIha martyasahajaM santyajya duHkhadvayaM
     saMsAre paraduHkhahInamanujassamrAD daridro.api vA |
no dR^ishyeta bhavatsamagrakaruNApIyUShabhAkkashchana
     syAchchetkoTimiteShu sha~Nkara bhavenmartyeShu vA.anyeShu vA || 96||
senAnIH  dyusadAM tavaurasasutaskando gaNAnAM pati\-
     shchAnyastAvakasarvashaktikalitau dvAvarthadehe vathUH |
ekA mUrdhnyaparA kuTumbamaparaM prANiprapa~nchAtmakaM
     bhartavyaM bhavato bhave.ativipulo rAgo.aj~nahR^idgocharaH || 97||
sarvA~NgINakabhUtidhAraNamalaM vAsashshmashAnAvanau
     muNDasragdharaNaM kapAlakaratA nAgAlibhUShAkR^itiH |
digyAsastvamasheShaviShTapamahAsAmrAjyanAthasya te
     vairAgyaM bhavagAmyananyasadR^ishaM suvya~njayantIshvara! || 98||
rAgArAgayugaM bhave bhava tavAyattaM tu lokottaraM
     mAyAyA manaso.api vakti vashatAM lokottarAmIshvara |
saMsAre saratAM mano yadi vashaM mAyApi sA syAdvashA
     vashyete yadi padmapatrajalavadbadhnAti tAnno bhavaH || 99||
vashyaM yasya mano vivekavashagaM vashyAni sarvendriyA\-
     NyAkraShTuM viShayAnna shaknuyurapAvR^ittAtmavR^ittestataH |
AnandassahajasphureddhR^idi na taM limpettu bAhyaM sukhaM
     duHkhaM vA viShayAgataM badhirajAtyandhAdivachCha~Nkara || 100||
vidyA sadgurusa.nprasAdasamanuprAptA vivekaM dishe\-
     ddharmo niShphalakAmanassuvihitastaM vardhayechchetasaH |
shuddhiM saMvidadhachChamAdyupahitAmantarbahiH kalmaShe
     nirNudyeshvara nirmalAM tvayi dR^iDhAM bhaktiM dishettArikAm || 101||
aj~nAnaM vividhaM ruNaddhi hR^idayaM praj~nAnamIShachcha no
     vij~nAnaM vividhaM vashaM tava vibho sarvaj~na sarveshvara |
saMsArAmbudhishokavIchivalayabhrAntasya me.aharnishaM
     bhaktiM chettaraNiM dadAsi na kadA vA syAtkathaM nirvR^itiH || 102||
brahmAnandamahAvibhUtigamakaM j~nAnaM prabho durlabhaM
     kAmakrodhamukhArivashyaviShayavrAtA.atimugdhAtmanAm |
dUrANAM shamamukhyamitravitatessaMsAradurvAsanA\-
     duShTAnAM satatArthakAmasukhasandhAnAturANAM shiva! || 103||
sA~NgAM vedachatuShTrayIM paThatu vA ShaDdarshanIsaMyutAM
     vedAntAnakhilAMshcha bhAShyanivahaiH kroDairadhItAM budhaH |
     nA.antashshatruhR^iShIkavargavijaye kiM tvarthakAmArjane |
     sAdhItissahakAriNI kathamaho! j~nAnodayo.asyeshvara || 104||
atyuchchAmrashirogataM phalamivAdhasthasya pa~NgoryathA
     duShprApyaM bhavabhogamugdhamanasAM j~nAnaM parabrahmaNaH |
kasminvApi yuge bhavatsukaruNA labdhAtmatattvAnvinA
     ghore durviShayaikabhoganiratasvAnte kathaM syAtkalau || 105||
shrIrAmesha purA shritAvanaparashshrIdakShiNAmUrtyabhi\-
     khyAkAtmA vaTavR^ikShamUlavasatirvR^iddhAtmashiShyAlaye |
maunenaiva parAtmatattvamakhilaM prAdarshayassamyagi\-
     tyAhustattvavidastathA yadi kR^ipA j~nAnaM sulabhyaM tadA || 106||
asminneva kalau yuge nigamavAksiddhAntasambodhana\-
     dvAreNAtmaparAtmatattvagamakaM bhAShyaM tu shArIrakam |
sambadhyApi cha padmapAdamukhasachChAtrebhya Isha svayaM
     shrImachCha~NkaradeshikendravapuShA tattvaM na vopAdishaH || 107||
bauddhAdishrutimArgarodhikumatavyApte dharAmaNDale
     naShTaprAyasamastadharmanivahe shrIsha~NkarAvAtaraH |
kAleyAni matAni tAnyupaniShattattvAnvayairyuktibhi\-
     rvAde khaNDayatA tvayA shrutishiromArgasmusaMsthApitaH || 108||
dattAtreyamukhAvatAranivahaM svIkR^itya nAnAkalA
     gUDhArthAnupadiShTavAnkaruNayA shiShyebhya IshA.akhilAn |
vAtsalyaM kiyadasti te shritatatau shrIjAmadagnyAya ta\-
     tputreNaiva sahAkhilashrutikalAdhyApti sphuTaM vakti naH || 109|
saMsAre viShayopabhogavitatiprApyArthakAmArjane
     saMsaktasya sadApi dharmamadharIkR^itya pravR^ittasya me |
prAptA duHkhatatirviraktirapi vA vishrAntirIShachcha na
     kva j~nAne.adhikR^itirna vA.anavaratA bhaktishcha kA me gatiH || 110||
nAmnAyoditakarmajAlamasakR^innityaM cha naimittikaM
     sashraddhaM charita~Nkva cheShTamapi vA pUrte janAvatra me |
chetashshuddhirihApyamutra cha sukhavrAtasya bhuktishcha vA
     shambho syAnnu kathaM vimuktisaraNistvatyantadurA prabho! || 111||
karmANyAcharitAni vaidhaviditassvIyaM phalaM prApaya\-
     ntyAtmAnaM cha punanti kAmarahitaM vedoditAni prabho! |
kAmyAnyalpanijA~NgalopaghaTane.apyatyantasopadravA\-
     NyArAdghnanti cha deva! satphalagatirdUrA vidhervaikR^itAt || 112||
karmANyAcharituM sharIrakaraNArthADhyAtmashaktyAdikaM
     shraddhA chApi dR^iDhA.alasatvavirahAdyAvashyakAnIshvara! |
kvaitAnyatra kalAvadharmagamake sarvAMshadaurbalyade
     nAstikyaprabale.arthakAmanirate nR^iNAM ghaTeran prabho! || 113||
jAtAnAM maraNaM na pashyati janaH ko vA nR^iNAM bhUtale
     vR^iddhiM vA jananaM cha nityasha idaM nityakriyAchakrakam |
vIkShyApi svakanityatAM tu manute mohAdakR^ityeShvalaM
     bhogArthI yatate sadendriyavasho martyaH kathaM nirvR^itiH || 114||
ekAM bhaktimiha sthirAM tvayi kalau saMsArasantArikA\-
     mAhurvR^iddhajanAssamastasukhadAM tApatrayonmUlinIm |
satsa~NgAchcharitashrutessamuditAnAmAnukIrteH smR^ite\-
     rmUrteste guNasaMstutermanujapAbhyarchAdibhissA sthirA || 115||
jihvA vakti sahasrashaH pratidinaM svIyArthakAmAshrayAn
     shabdAnaihikakAryasid.hdhyanuguNAnnAnAvidhAnme shiva! |
atrAmutrasukhapradAnakhiladuShpApATavIdAhakAn
     shabdAMstvadguNanAmakIrtanaparAnno vaktyabhIShTArthadAn || 116||
shrotrAbhyAM paramesha tAvakakathA nAkarNitAshshraddhayA
     hastAbhyAnnashiro.abhiShechitamalaMshuddhodakenaprabho! |
lUnairbilvadalAdibhistava padadvandvaM na vA pUjitaM
     pAdAbhyAM na gataM tvadAlayapadaM shambho! kathaM nivR^itiH || 117||
aShTA~NgairabhivandanaM tava padAmbhojAya jAnAmi no
     cheto jAtu na tAvakasmR^itirataM saMsArasammohitam |
jAnAmIsha bhavatpadAbjayugalIsevAM bhavottArikAM
     tachChokAnubhave.api mu~nchati na mAM mohaH pishAcho yathA || 118||
Apatsu smaraNaM guNastutimukhaistannissR^itervismR^itiH
     sampatsu smaraNaM na jAtu tanute chauryaM nvidaM chetasaH |
AstikyaM vipadIsha sampadi punarnAstikyametatkalA\-
     vAstikyaM nijakAmapUrtiphalakaM shambho kathaM nirvatiH || 119||
yA vidyA paThitA mayA gurukR^ipAsAhyena sA sha~NkarA\-
.ashrAntaM svIyakuTumbapoShaNavidhau paryApitAbhUdaho !
dharmAnuShThitaye parAtmagataye bhaktyA bhavatsevane
     naivAsItsahakAriNI paramaghAnuShThAnato.avArayat || 120||
pApAnyAcharitAnyurUNi na mayA puNyAni vA kAnichi\-
     nnityAnIsha! yathAkatha~nchana nimittAptAnyakArShaM vibho! |
AstikyaM hR^idaye.asti durgrahagateshchittaM tvadArAdhane
     lagnaM naiva bhavena lampaTamihAmutrApi kA me gatiH || 121||
aishvaryaM vividhaM kalAshcha sakalA aj~nAnanirmUlakaM
     vij~nAnaM vividhaM parAtmaviShayaM j~nAnaM tu tattAtvikam |
sarvAshshaktaya Isha te.ativivashA nAdeyamIShachcha te
     bhaktebhyashshiva mUDhadhIrnabhajate tvAmAshusantoShiNam || 122||
puShpairbilvadalaissitAkShatamukhairgandhAdibhiH pUjane
     shrAntiH kA.amalavAriNA.abhiShavaNe mantrAnuvAdaissamam |
tvatpa~nchAkSharamantramAnasajape tvanmUrtisandarshane
     tvannAmochcharaNe.api hanta vimukhaM chittaM kaleH prAbhavAt || 123||
saMsAre.asti kiyatsukhaM kiyadatho duHkhaM cha jAne.akhilaM
     duHkhAnyeva nirantarANi satataM bhuktAni ki~nchitsukham |
tachchApi kShaNikaM tadarjanakR^ite duHkhaM tu nAnAvidhaM
     shambho bhujyata eva kintu virataM saMsArato me na hR^it || 124||
j~nAtvApIsha! bhavatpadAbjabhajanaM sArvArthasaMsAdhakaM
     nAsArajjuvikR^iShyamANavR^iShavadvyAmohapAshaidR^iDham |
kR^iShTassaMsR^itigaishcharAmi satataM khinno.arthasaMsiddhaye
     sApi syAtkathamIsha tAvakakR^ipApA~NgaprasAraM vinA || 125||
ye prAchInajanivraje.anitarayA bhaktyA samArAdhnuva\-
     ndhyAnairmantrajapaistavairabhiShavairachodibhishshraddhayA |
sarveshvaryayutA avApya manujAnandairasheShairyutAH
     praj~nAnapratibhA~nchitAtmadhiShaNA vij~nAnatejo.anvitAH || 126||
te tvAmatra cha janmanIshvara bhavatpAdAravindAshrayAH
     prAgjanmAnugatAtmasaMskR^itibalAdArAdhnuvanti prabho! |
dhanyA bhuktimihApyamutra vividhAmAsAdya muktiM janA
     ante prApnuyurIsha bhaktibalasa.nprAptAtmabodhodayAt || 127||
ye cha tvatpadapadmabhaktivimukhAssaMsArasevAratA
     dharme muktipathaM vihAya girijAnAthArthakAmAshrayAH |
teShAM prAkta napuNyapAkavashato bhukterihANorgatA\-
     vapyAmuShmikabhuktirIsha kathamAsIdedvimuktiHkatham || 128||
bhaktyA tvatpadapadmachintanaparaH kR^itvA sharaNyaM dR^iDhaM
     tvAmevAtmani chetasA subhajate sarveshvaraM santatam |
tasminnAshu bhavAnpravAnprasadya dishati jhAnaM vimohApahaM
     sarvaj~natvamupetya mukta iha sa syAnnAnyatheti dhruvam || 129||
mohaM me hara saMsR^itau hR^idayagaM tApatrayaM nirNudan
vishrAntiM disha chetaso jahi ripUnantasthitAnsha~Nkara !
bhaktiM me disha bhuktimuktiphaladAM nAnAvidhAM susthirAM
     mAyAM mayyapavartayAshu sharaNaM yAto.asmi kiM vA disha || 130||
yAche nAhamidantayA kimapi yatsarvaj~na me vetsi ta\-
ddeyaM nityasukhapradaM vividhadustApApahaM sha~Nkara!
bhaktiM tvatpadmayoraviratAmekAM tu yAche sadA
     shaktiM durviShayApavAraNapaTuM chittasya nigrAhiNIm || 131||
tvannAmAni gR^iNantyajasramapi me jihvA.astu saMshodhitA
     shrotre tvachcharitAmR^itA.a.aklanatassyAtAM tu pUte sadA |
netre tAvakadivyavigrahasamAlokaishcha saMshodhite
     pANI bhavyabhavatpadArchanamukhaissyAtAM vibho shodhitau || 132||
chittaM saMsaratAtsadApi sakalaissAkaM hR^iShIkairbhava\-
     tpAdAmbhoruhachintane cha manane nAnAmahimnAM tava |
mUrdhA sA~njalibandha IshamahimavrAtAspadatvatpada\-
     dvandvAmbhojayugAbhivandanavidhau namraM sadA vartatAm || 133||
mAbhR^iddharmaparA~NmukhaM mama manaH kAleyadurvAsanA\-
     grastaM vA viShayopabhoganirataM bhUyAdvivekA~nchitam |
mAyAmohamahAhipAshadR^iDhasambaddhaM bhavAmbhodhidu\-
     rvI~nchIbhR^itamahAvyathA.a.akulahR^idaM mAmuddharAshvIshvara! || 134||
shrIrAmesha! bhavatprasAdavashataH karmAvanau bhArate
     prAptaM mAnavajanma durlabhatamaM tatrApi viprAnvaye |
vidyApyAgamikI hitA.ahitaparij~nAnaM cha ki~nchidyasho\-
     .apyetatsarvamanarthakaM bhavati me tvatsevanAbhAvataH || 135||
tAruNyaM vayaso gataM shiva chatuShShaShTyAtmakaM vartate
     prAptaM vArdhakamindriyeShu paTutA yAtA.akhilA~NgeShu cha |
AdhivyAdhinipIDito.asmi satataM naivArthakAmAvapi
     prAptau dharmakathApi naiva kathamuttAro bhavAmbhonigheH || 136||
vyagro.ahaM janimR^ityumohalaharIshokogravIchImahA\-
     vegAghAtaparamparAtibhayade saMsAraghorAmbudhau |
magnashsha~Nkara yApayAmi samayaM tvadbhaktinaukA kadA
     labhyeteti sukhapradA yadi dishestAmatra shambho sukhI137||
dIrghAyurdisha me sharIrapaTutAmarogyabhAgyAnvitA\-
     mAdhInme shamayaihikAnmamama manastvatsevanavyApR^itam |
pUtatvadguNavarNanaikaniratAM matkAvyakanyAM kuru
     shrIrAmesha vibho tvadIyakaruNAmavyAjatassAraya || 138||
mArkaNDeyamahAmuniprabhR^itayastvadbhaktikAShThAshrayAH
     shrImR^ityu~njayamR^ityumeva kila te jitvA sadopAsate |
sarvaj~nAssatataM yataH pashupatistvaM kIrtyase saMsR^iteH
     pAshairbaddhamavesha mAM karuNayA tvavyAjayA sha~Nkara! || 139||
vishrAntirmanasaH kadApi ghaTate sAMsArikavyApR^iti\-
     vrAtAshrAntaparibhramAnna shiva me shiShTArthachintAbharAt |
dhyAne te bhagavanmanorjapavidhau mUrtyarchanAdau cha vA
     kAlo me lagati kShaNo.api na kathaM saMsArato nissR^itiH || 140||
bhaktirme tvayi vartate hR^idi dR^iDhA shraddhApi sAMsArikaM
     nirNudyAkhilatApavargamamalaM j~nAnaM dishan saMsR^iteH |
bandhAnmochayasi tvameva sharaNIyo.asIti chA.athApi me
     duShkarmAptaphalAvarodhabalato nopAsanA siddhayati || 141||
avyAjAM karuNAM prasArya bhagavan dInaM dayAlo.ava mAM
     shambho! saMsR^itisAgarormyabhihataM shrIrAmali~Ngeshvara |
mohaM me.apanudAtmagaM bhagavataM j~nAnaM dishAdhyAtmikaM
     shambho! tvAM sharaNaM gato.asmi sharaNApannAvanaikavrata || 142||
kAleyAkhilakalmaShAkramaNato bhraShTAn svadharmavrajAt
     sarvAdharmaparAtmano narapatInnR^IshchApi dR^iShTvA bhR^isham |
dharmAdharmavido manashshiva na vAche khidyate viplavai\-
     ravyAjAM karuNAM prasArya kalinigrAhIha dharmAnava || 143||
saMsAro.ayamasAraityanubhavairjAnannapikleshakai\-
     rnityaM tairbahurUpakairupagatairmoho jahAtIha na |
tvatpAdAshrayaNaM sukhAvahamaho prApnoti no jAtuchit
     shambho.avyAjakR^ipAM prasArya bhagavan mAM pAhi dInaM vibho || 144||
ghore tvatra mahAkalau vipadi  vA ye tvAM smareyurjanAH
     tAn pApAnapi chAshutoShipadabhAktvaM rakSha kAruNyataH |
kAlo dUrataraH kalerharikR^ipA datto.asti karmAvanA\-
     vasyAM vaidikavartma rakSha bhagavan shrIrAmali~Ngeshvara || 145||
ye bhaktA mananena chAtmasu vimuktyadhvAnusandarshakaM
     stotraM te.avahitAtmabhiH punaradhIyeran dR^iDhashraddhayA |
te bhaktyeha bhajeyurIsha bhavasantApApahaM tvAM sadA
     saMsAre sukhino vimuktipathagAstvatkAruNImApnuyuH || 146||
AtreyAnvayasindhukaustubhasudhIlakShmInR^isiMhAtmajaH
     kalyaHpulya umAmaheshvaraskR^itI phaNyambikAgarmajaH |
shrIvidvatkavisArvabhaumapadabhAk shrIrAmali~NgeshvaraM
     bhaktyA.anUnavadastvanena bhagavAn prIto.akhilArthapradaH || 147||
abhinavapaNDitarAjAdyabhirUpasabhAptabirudanavaratnaH |
sa umAmaheshvarasudhIstavarAjamimaM babhANa vibudhamude.astu || 148||

iti shrImatsaptagodAparAntargatobhayagodAvarImadhyastha
shrIkonasImamaNDalamaNDanAyamAnamu~NgaNDAparAbhidhAna\-
munikhaNDamahAgrahAravAstavya shrIvidyAvAchaspati,
vidvatkaviratna, abhinavapaNDitarAja, mahopAdhyAya,
vaiyAkaraNakesari, dharmopanyAsakesari'  ityAdivividha\-
birudavibhUShita shrIvidvatkavisArvabhauma pulyomAmaheshvara\-
kR^itikR^itiShu shrIrAmali~NgeshvarastavarAjasmampUrNaH ||
shrIshivapAdAravindasamarpito vijayatAM tamAm |
hemalambirmArgashirashukladashamIbhAnuvAsaraH |
di 1\-12\-57||

##
Encoded by Sivakumar Thyagarajan Iyer
Proofread by Sivakumar Thyagarajan Iyer, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}