% Text title : rAmanAthasuprabhAtam 2 % File name : rAmanAthasuprabhAtam2.itx % Category : suprabhAta, shiva % Location : doc\_shiva % Author : Kavi Kokila Dr. V. Raghavan % Proofread by : Aruna Narayanan % Source : From the Archives of Dr. V. Raghavan Centre For Performing Arts (Regd.) % Acknowledge-Permission: Copyright Dr. V. Raghavan Centre For Performing Arts (Regd.)., Chennai-20, Smt. Nandini Ramani, http://www.drvraghavancentre.com/ % Latest update : January 3, 2021 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Ramanatha Suprabhatam ..}## \itxtitle{.. shrIrAmanAthasuprabhAtam ..}##\endtitles ## shrI gurubhyo namaH | shrIrAmanAtha bhagavaMstava suprabhAtaM shrIparvatendrakulavardhani suprabhAtam | shrIrAmalakShmaNahanUmadupAsitesha shrIsetunAtha bhagavaMstava suprabhAtam || 1|| prAchyapratIchyajaladhI militau tara~NgaiH mandraM mR^ida~NganinadAMstanutastaveha | mUrchChan taTAvaniruhAmiha shAkhikAsu tAnaM samarpayati mArutavAMshiko.ayam || 2|| gAyantyamI dvijagaNAH shrutiramyamuchcha\- nIchasvareNa samupAshritanaikashAkhAH | tvatsaukhashAyanikasaptaR^iShivrajo.aya\- mabhyeti nandimukhapArShadadattamArgaH || 3|| bhIShA tavAyamaruNo.arkarathaM yunakti tanmu~ncha taM tava dR^igantaralInamarkam | pUrvaM prabudhya girijA tava pAdapadme saMyojya naijakarapadmamupasthiteyam || 4|| tadbhUtahR^ichChaya vibho shayanaM vimu~ncha budhyasva buddha, kamupaspR^isha nityashuddha | devIkapolataladarpaNameva pashya pashyAnatAgrasutarUpamimaM gajendram || 5|| vAho vR^iShaH; kimathavedR^ishama~Ngalaiste nityaM yada~NkanilayAkhilama~NgalAmbA | shrIrAmanAtha bhuvanAvanajAgarUka nidrAchChalena tadalaM disha darshanaM naH || 6|| budhyasva deva nayanonmiShitena te.adya sarve surA nijakR^itiprasR^itA bhavantu | dharmyapravR^ittirapi sarvajano.atra bhUyAt te rAmanAtha vR^iShaketana suprabhAtam || 7|| rAmAH sahasrasha ime bhavavArdhisetuM tiShThanti bandhumiha te karuNekShaNotkAH | gR^ihNIShva yAtrikashatAhR^itagA~NgatIrthaM kShetrAntare tvamupayu~NkShva shirassthaga~NgAm || 8|| ga~NgAM purA tvamadadhA nanu satyamadya ga~NgAjalaiH pratidinopahR^itairna etaiH | ga~NgAdharastvamiti bhaktajanA gR^iNanti shrIrAmanAtha tava pAvanasuprabhAtam || 9|| ratnAkareNa cha mahodadhinA cha tIrthaM sammelya pAvanatamaM parigR^ihya te.adya | pAdyAya pAshabhR^idasau samupasthito.atra shrIrAmanAtha bhavate shubhasuprabhAtam || 10|| apsvaplavanta girayaH kathamatra nUnaM tvadvaibhavena hi girIsha dhR^itassa setuH | kShiptaM jale tava dhanurhi babhAra shailAn shrIrAmanAtha bhavate.adbhutasuprabhAtam || 11|| tvAM saikatAkR^itimakalpayadatra sItA tachchAlane sa hanumAnapi naiva shaktaH | tattatprapattyanuguNaM gurulAghavaM te shrIrAmanAtha mahitaM tava suprabhAtam || 12|| kAshyA marutsutasamAhR^itavishvali~Nga\- dattAgrapUjanasamarhaNa vishvanAtha | devIsanAtha bhavavAridhisetunAtha shrIrAmanAtha bhagavaMstava suprabhAtam || 13|| svaM svaM mahattvamadhikR^itya mitho vivAde viShNorvidheshcha tadamR^igyashiro~Nghrili~Ngam | yattaijasaM tava babhau, savibhIShaNo.atra tatsthApakaH raghupatIDita suprabhAtam || 14|| shrIgandhamAdanagirau druhiNaM niyojya yaj~neShu, tadvimalanAmabhR^itaM cha kuNDam | bhasmApi tadbhavamadAH prabalaM malaghnaM shrIrAmali~Nga bhagavan tava suprabhAtam || 15|| andhAya vR^iddhamunaye bhavatA pradattaM yadgandhamAdanagirAviha sarvatIrtham | tatsnAyine dishasi yauvanamakShidAkShyaM rAmeshvarAtimahiman tava suprabhAtam || 16|| devyAH prakAshitavataH parishuddhimagneH tIrthottamasya mahimA kathamastu varNyaH | yasmin samakShamiha te satatAkShipAtaH sItApatIDita tavojjvalasuprabhAtam || 17|| rAmo vibhIShaNakR^ite.anuparodhamichChan setormukhaM yadabhinannijachApakoTyA | tatrAplutA janatatistava darshanechChuH shrIrAmanAtha parameshvara suprabhAtam || 18|| chApashchaturdashasahasrapalAshahA yaH paulastyahA tadapadAnaparamparAyAH | koTiH, tava snapanatIrthamakhAni koTyA rAmeNa, rAghavakR^itArchana suprabhAtam || 19|| santvA~njaneyakapirAjanalAH, pare ye yAn rAma Aha sa janaH svajano mameti | te vAnarAH svakapitIrthakR^itiprahR^iShTAH tAn pashya, te raghupatIshvara suprabhAtam || 20|| prAkpratyagatra hi navAshmaka\-darbhatalpa\- madhye stR^itaM sthalamushanti hi setutIrtham | sarvaM tvadIyamahimA~NkitatIrthapUrNaM shrIrAmapUjitavibho tava suprabhAtam || 21|| nashyanti pa~ncha duritAni mahAnti vArdhau pApAntarANi cha tathA layahInali~Nga | agre tavAbhiShavaNAt tava darshanena shrIrAmanAtha tava pAvana suprabhAtam || 22|| tIrthAni santi kati vA na tava sthale.asmin tIrthasya tIrthamiha te smR^itimAmananti | tvadbhAvatIrthamanugR^ihya punIhi tannaH shrIrAmanAtha tava pAvanasuprabhAtam || 23|| sarvaM jalaM yadiha tanna bhaveddhi tIrthaM tIrthaM tvadanvayaguNAt, tava bhaktasa~NgAt | tIrthAplave phalamapi tvadadhInameva te rAmanAtha vR^iShanAtha shubhaprabhAtam || 24|| tvAM rAghavo.abhajadihepsitasetuheto\- rapsvaplavanta girayo.asya tava prasAdAt | kAshyAM japannasi mumUrShujanashravassu tadrAmanAma kiyatIsha ratirmitho vAm || 25|| advaitameva bhavatorathavA yaduktaM \ldq{}nandI kimeSha bhagavAn\rdq{} iti vAyusUnau | rAme cha \ldq{}rudra iva\rdq{} \ldq{}me.astrabalaM tadetat syAt tryambakasya mama ve\rdq{}tyupamAmiSheNa || 26|| pitrAdivAkyaparipAlana\-duShTashikShA\- shiShTAnupAlanakR^ito R^itadharmamUrteH | tvatsthApanArchanakR^ito raghunAyakasya shrIrAmanAtha tava vAmiha suprabhAtam || 27|| shrIrAmanAtha suShamAM tava suprabhAte draShTuM praphullanayanaH kamalekShaNo.asau | brahmA chaturvadanatAM bahumanyate svAM sarve sahasranayanaM prati sAbhyasUyAH || 28|| shrIsetumAdhavamukhA vibudhAstathAShTa\- lakShmyashcha setupati\-pANDyanR^ipAdimukhyAH | bhaktA digantata ime militAssamastAH shrIrAmanAtha paramaM tava suprabhAtam || 29|| arghyairjapena mananena cha vipravaryAH bhargAtmakaM savitR^imadhyavidIpyamAnam | tvAmeva sAndhyavidhinA samupAsate.adya shrIrAmanAtha tava dIvyati suprabhAtam || 30|| santAnakA~NkShiNa ime samupasthitAstvAM tebhyo dishAbhilaShitAni, bhavantu putrAH | tvatsthApakena pitR^ibhaktiguNeShu tulyAH shrIrAmanAtha suguNaM tava suprabhAtam || 31|| yachChAradIyanavarAtramahArchanAnte rAmo dashAsyavijayaM vidadhe dashamyAm | sA shaktirIsha tava parvatavardhanIyaM shrIrAmanAtha yuvayorapi suprabhAtam || 32|| te mAyayA hi pariveShTita eSha shete vidyAmayena vibhavena tavaiva buddhaH | te parvatendrakulavardhani mAtar astu te rAmanAtha yuvayorapi suprabhAtam || 33|| AvAridhestaraNamA cha dashAnanAnta\- matyadbhutaM subahu sAdhitavAn ya eShaH | tejoM.ashabhR^ittava kapIndra ihAsti gAyan shrIrAmanAtha tava ma~NgalasuprabhAtam || 34|| sambandhamUrtiriha vAkpatireSha mAtR^i\- bhUto.atra shoNagirinAtha ihopayAtAH | teShAM shR^iNuShva madhura\-dramiDastutIste shrIrAmanAtha subhagaM tava suprabhAtam || 35|| gIte cha mantranigame cha paTussa muddu\- svAmI makhIndra iha pantuvarALirAge | tvatkIrtanaM vitanute shR^iNu jAgR^ivAMstvaM shrIrAmanAtha tava sundarasuprabhAtam || 36|| adhyagnitIrthataTamAdimasha~NkarashrI\- dhAmnastadanvayasamujjvaladIpa eShaH | shrIchandrashekharayatiH tvadananya Aste shrIrAmanAtha yuvayorapi suprabhAtam || 37|| tatkAmakoTivarapIThaguruprasAda chaitrotkalIkalitarAghavakokilo.ayam | utkUjatIha tava komalasuprabhAtaM shrImAtR^ibhUta samuda~nchaya dR^igvilAsAn || 38|| kailAsatastata ito raghunAthasetoH bhUrbhAratIyamakhilApi tavaiva geham | tadrakSha rAShTramidamAhitasarvayoga\- kShemaM sadA vijayatAM shivamastu sarvam || 39|| tvatsuprabhAtajanitAbhyudayAH samastA lokA bhavantu sukhino virujassubhikShAH | hiMsAM vihAya vividhAM dhR^itamaitrabhAvAH shrIrAmanAtha kR^ipayA disha vishvashAntim || 40|| shubham | iti \ldq{}kavikokila\rdq{} DA.c ve\. rAghaveNa virachitaM shrIrAmanAthasuprabhAtaM sampUrNam | ## Copyright Dr. V. Raghavan Centre For Performing Arts (Regd.) www.drvraghavancentre.com Proofread by Aruna Narayanan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}