% Text title            : Rameshvara Mahima Varnanam
% File name             : rAmeshvaramahimavarNanam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 28||
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rameshvara Mahima Varnanam ..}##
\itxtitle{.. rAmeshvaramahimavarNanam ..}##\endtitles ##
rAmaH \-
bhagavan shAmbhavashreShTha mAmatyantaM suduHkhitam |
samuddharAva mAM dInaM bhAryAharaNakarshitam || 46||
munIndro.api tadA rAmaM dIkShayitvA vidhAnataH |
bhasmanoddhUlya tasyA~NgaM datvA pa~nchAkSharaM manum || 47||
gandhamAdanasaMsthaM mAM darshayAmAsa bhaktitaH |
talli~NgaM pUjayAmAsa rAmeNa sa tadA muniH || 48||
bilvapatrairvanyapuShpaiH phalairnaivedyamAtanot |
tadA tuShTAva rAmo mAM svakaShTavinivR^ittaye || 49||
\-\-\-
rAmaH \-
shrIkAlakAlAnalabhAlamUla deva tvamAdyo jagataH pratiShThA |
shUlAmalodyatkara bAlapAla hAlAhalAla~NkR^itanIlakaNTha || 50||
tvaM bhaktigamyo.amarapAla shambho mAlAkR^itAhIndra vishAlabAho |
lIlAkR^itaM te jagadekajAlaM me duHkhamUlaM sahasA harasva || 51||
\-\-\-
IshvaraH \-
iti stutvA tadA rAmo gandhamAdanamIshvaram |
tasmai cha darshanaM dattaM jetA tvaM rAvaNaM mR^idhe || 52||
gachCheti cha tadA chokto mAM praNamyAbike tadA |
agastyena tadA dattaM kha~NgaM chApi mahAprabham || 53||
tUNIraM cha sharaiH pUrNaM yayau bhrAtrA samanvitaH |
setuM matkR^ipayA baddhvA yuddhe rAvaNamadbhutam || 54||
sAnujaM sasutaM hatvA sItAM prapaya mahAbalaH |
paulastyavadhasa~njAtabrahmahatyApanuttaye || 55||
dhanuShkoTimahAtIrthe mAsaM snAtvA sa bhaktitaH |
bhrAtrA cha bhAryayA sArdhaM valImukhasamanvitaH || 56||
sa nArmadaM samAnIya li~NgaM tatpavanAtmajAt |
sthApayAmAsa hR^iShTAtmA muninA rAvaNAntakaH || 57||
gandhamAdanapR^iShThe vai gandhamAdanasha~NkarAt |
pashchime parameshAni sampUjyAmaranAyakam || 58||
rAmeshvaraM tadA devi svanAmnA li~Ngamuttamam |
samarchayitvA bilvAdyaiH pUjayA mAM tadAmbike || 59||
sa bhrAtrA cha tadA patnyA sugrIvAdyaishcha vAnaraiH |
li~NgAni sthApayAmAsa gandhamAdanamastake || 60||
tIrthAni kalpayitvAtha devaM rAmeshvaraM tadA |
shuddhaga~NgAjalaiH snApya pUjya bilvaishcha pa~NkajaiH || 61||
praNamya rAmaH sAShTA~NgaM tuShTAvAtha kR^itA~njaliH |
\-\-\-
rAmaH \-
rAmeshvareshvara mahesha pinAkapANe gambhIrasAgaraniSha~Nga bhuja~NgahAra |
drApinhiraNmayasharIra suchandramaule ga~NgottamA~Nga bhava bhUtapate namaste || 62||
vishvodayasthitilayAntakara prasIda mAmAshu pAhi dadayA pramathAdhinAtha |
durvAraduHkhatarasaMsR^itibandhanAshaM shashvat kuruShva bhagavan karuNAkaTAkShaiH || 63||
pAhi prasIda parameshvara pa~nchavaktra bharga triyambaka surAsurapUjyapAda |
paulastyasaMhR^itibhavAghabharaM harasva madduHkhajAlamaparAdhagaNaM kShamasva || 64||
\-\-\-
IshvaraH \-
iti stuto.a{}haM rAmeNa tadA devi sasItayA (?) |
taM prasannastadA vAkyamabravaM praNataM shive || 65||
mA bhaiShIH sarvabhadraM te kR^itaM lokahitaM tvayA |
baddhaH setuH samudre me rAvaNaH sAnujo hataH || 66||
matprasAdAdabhUdrAma guruste kumbhasambhavaH |
etasya kR^ipayA rAma matprasAdastavAbhavat || 67||
rAma shAmbhavasa~Ngena na ki~nchidapi durlabham |
shAmbhavA~Ngaikasa~Ngaina pApabha~Ngo.abhavat tava || 68||
rAmeshvaramidaM li~NgaM tvayA saMsthApitaM mama |
etasya darshanAt sadyaH pApanAsho bhaviShyati || 69||
dhanuShkoTau naraH snAtvA rAmeshaM yastu pashyati |
sa hi mukto bhavatyeva tasyaiva kulamunnatam || 70||
tasyaiva pitarastR^iptAstenorvI saphalAmbike |
shAmbhavebhyo mudA datvA snApayedyo maheshvaram || 71||
ga~NgAbhasA mahAdevi bilvairabhyarchya yo hi mAm |
shrImadrAmeshvaraM li~NgaM madj~nAnaM prApya muchyate || 72||
gachCha tvaM kosalAnAshu matprasAdAt sukhI bhava |
ityuktvA taM tadA gauri tasminli~Nge tirohitaH || 73||
agastyaM mAM praNamyaiva yayau rAmastadAdrije |
gatvA.ashvamedhaM mattR^iptyai samupAharadambike || 74||
tatra rAjyaM chiraM kR^itvA so.api kAle divaM gataH |
viShNurmAmambike nityaM setumAdhavasa~nj~nakaH || 75||
ga~NgAmbhasAbhiShichyeshaM bilvaiH sampUjya bhaktitaH |
rAmeshvaraM tadA gauri tatrAste matprasAdataH || 76||
\-\-\-
sUtaH \-
ya etachChR^iNuyAnnityaM shrIrAmeshvaravaibhavam |
tasya pApAni nashyanti tUlamagrimukhe yathA || 77||
shrIrAmeshvarali~NgametadamalaM svargApavargapradaM
      bilvAdyairamaraistathA munigaNaiH saMsevitaM pUjitam |
dR^iShTvA pApajarAdirogarahito mukto bhavatyambike
      dhanyo matpadapUjakaH sukR^itinAM mAnyo variShThaH sa hi || 78||

|| iti shivarahasyAntargate shivagaurIsaMvAde rAmeshvaramahimavarNanaM sampUrNam ||

\- || shrIshivarahasyam | bhargAkhyaH pa~nchamAMshaH | adhyAyaH 28||
##
- .. shrIshivarahasyam . bhargAkhyaH panchamAMshaH . adhyAyaH 28..
Notes:
Having been cursed by Rishi Bhrigu, Shri Narayana is born in Prithviloka as Shri Rama and loses His wife to abduction by Ravana. During the attempt to reach Lanka for rescuing Sita, the distressed Rama worships Shiva at Mount Gandhamadana, as advised by Rishi Agastya (Kumbhasambhava). Thereafter, Rama builds the Setu to cross over to Lanka along with His army, and defeats Ravana to rescue Sita. Upon His victorious return, He bathes at Dhanushkoti and worships the Linga brought from Narmada river, which thereafter came to be known as Rameshwara Jyotirlinga. Vishnu resides there as Setu Madhava and worships the Rameshwara Jyotirlinga with water from River Ganga.

The shloka numbers have been maintained per the source text.

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}