% Text title : rudrAShTAdhyAyIshuklayajurvedIya without svaras/Vedic accents % File name : rudrAShTAdhyAyIshuklayajurvedIya.itx % Category : shiva, major\_works, veda % Location : doc\_shiva % Transliterated by : Sunder Hattangadi % Proofread by : Sunder Hattangadi, Ruma Dewan % Description/comments : See a separate file with svaras/Vedic accents % Latest update : February 2, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Shuklayajurvediya Rudrashtadhyayi ..}## \itxtitle{.. shrIshuklayajurvedIya rudrAShTAdhyAyI ..}##\endtitles ## || OM shrI gaNeshAya namaH || OM \section{ma~NgalAcharaNam} vande siddhipradaM devaM gaNeshaM priyapAlakam | vishvagarbhaM cha vighneshaM anAdiM ma~NgalaM vibhUm || atha dhyAnam \- dhyAyennityaM maheshaM rajatagirinibhaM chAru chandravataMsam | ratnAkalpojjvalA~NgaM parashumR^igavarAbhItihastaM prasannam || 1|| padmAsInaM samantAtstutamamaragaNairvyAghrakR^itiM vasAnam | vishvAdyaM vishvavandyaM nikhilabhayaharaM pa~nchavaktraM trinetram || 2|| \section{atha prathamo.adhyAyaH |} hariH OM gaNAnAM tvA gaNapati{\m+} havAmahe priyANAM tvA priyapati{\m+} havAmahe nidhInAM tvA nidhipati{\m+} havAmahe vaso mama | AhamajAni garbhadhamA tvamajAsi garbhadham || 1|| gAyatrI triShTubjagatyanuShTuppa~NktyA saha | bR^ihatyuShNihA kakupsUchIbhiH shamyantu tvA || 2|| dvipadAyAshchatuShpadAstripadAyAshchaShaTpadAH | vichChandA yAshcha sachChandAH sUchIbhiH shamyantu tvA || 3|| sahastomAH sahachChandasa AvR^itaH sahapramA R^iShayaH sapta daivyAH | pUrveShAM panthAmanudR^ishya dhIrA anvAlebhire rathyo na rashmIn || 4|| (shivasa~NkalpasUktam |) yajjAgrato dUramudaiti daivaM tadu suptasya tathaivaiti | dUra~NgamaM jyotiShAM jyotirekaM tanme manaH shivasa~Nkalpamastu || 1|| yena karmANyapaso manIShiNo yaj~ne kR^iNvanti vidatheShu dhIrAH | yadapUrvaM yakShamantaH prajAnAM tanme manaH shivasa~Nkalpamastu || 2|| yatpraj~nAnamuta cheto dhR^itishcha yajjyotirantaramR^itaM prajAsu | yasmAnna.aR^ite kiM chana karma kriyate tanme manaH shivasa~Nkalpamastu || 3|| yenedaM bhUtaM bhuvanaM bhaviShyatparigR^ihItamamR^itena sarvam | yena yaj~nastAyate saptahotA tanme manaH shivasa~Nkalpamastu || 4|| yasminnR^ichaH sAma yajU{\m+}Shi yasmin pratiShThitA rathanAbhAvivArAH | yasmi{\m+}shchitta{\m+} sarvamotaM prajAnAM tanme manaH shivasa~Nkalpamastu || 5|| suShArathirashvAniva yanmanuShyAnnenIyate.abhIshubhirvAjina iva | hR^itpratiShThaM yadajiraM javiShThaM tanme manaH shivasa~Nkalpamastu || 6|| iti rudre prathamo.adhyAyaH || 1|| \section{atha dvitIyo.adhyAyaH |} (puruShasUktam |) hariH OM sahasrashIrShA puruShaH sahasrAkShaH sahasrapAt | sa bhUmi{\m+} sarvataH spR^itvAtyatiShThaddashA~Ngulam || 1|| puruSha eveda{\m+} sarvaM yadbhUtaM yachcha bhAvyam | utAmR^itatvasyeshAno yadannenAtirohati || 2|| etAvAnasya mahimAto jyAyA.Nshcha pUruShaH | pAdo.asya vishvA bhUtAni tripAdasyAmR^itaM divi || 3|| tripAdUrdhva udaitpuruShaH pAdo.asyehAbhavatpunaH | tato viShva~N vyakrAmatsAshanAnashane abhi || 4|| tato virADajAyata virAjo adhi pUruShaH | sa jAto atyarichyata pashchAdbhUmimatho puraH || 5|| tasmAdyaj~nAtsarvahutaH sambhR^itaM pR^iShadAjyam | pashU.NstA.Nshchakre vAyavyAnAraNyA grAmyAshcha ye || 6|| tasmAdyaj~nAtsarvahuta R^ichaH sAmAni jaj~nire | ChandA{\m+}si jaj~nire tasmAdyajustasmAdajAyata || 7|| tasmAdashvA ajAyanta ye ke chobhayAdataH | gAvo ha jaj~nire tasmAttasmAjjAtA ajAvayaH || 8|| taM yaj~naM barhiShi praukShanpuruShaM jAtamagrataH | tena devA ayajanta sAdhyA R^iShayashcha ye || 9|| yatpuruShaM vyadadhuH katidhA vyakalpayan | mukhaM kimasyAsIt kiM bAhU kAvUru pAdA uchyete || 10|| (kimUru) brAhmaNo.asya mukhamAsIdbAhU rAjanyaH kR^itaH | Uru tadasya yadvaishyaH padbhyA{\m+} shUdro ajAyata || 11|| chandramA manaso jAtashchakShoH sUryo ajAyata | shrotrAdvAyushcha prANashcha mukhAdagnirajAyata || 12|| nAbhyA AsIdantarikSha{\m+} shIrShNo dyauH samavartata | padbhyAM bhUmirdishaH shrotrAttathA lokA.N2 || akalpayan || 13|| yatpuruSheNa haviShA devA yaj~namatanvata | vasanto.asyAsIdAjyaM grIShma idhmaH sharaddhaviH || 14|| saptAsyAsanparidhayastriHsapta samidhaH kR^itAH | devA yadyaj~naM tanvAnA abadhnan puruShaM pashum || 15|| yaj~nena yaj~namayajanta devAstAni dharmANi prathamAnyAsan | te ha nAkaM mahimAnaH sachanta yatra pUrve sAdhyAH santi devAH || 16|| adbhyaH sambhR^itaH pR^ithivyai rasAchcha vishvakarmaNaH samavartatAgre | tasya tvaShTA vidadhadrUpameti tanmartyasya devatvamAjAnamagre || 17|| vedAhametaM puruShaM mahAntamAdityavarNaM tamasaH parastAt | tameva viditvA.ati mR^ityumeti nAnyaH panthA vidyate.ayanAya || 18|| prajApatishcharati garbhe antarajAyamAno bahudhA vi jAyate | tasya yoniM paripashyanti dhIrAstasminha tasthurbhuvanAni vishvA || 19|| yo devebhya Atapati yo devAnAM purohitaH | pUrvo yo devebhyo jAto namo ruchAya brAhmaye || 20|| ruchaM brAhmyaM janayanto devA agre tadabruvan | yastvaivaM brAhmaNo vidyAttasya devA asanvashe || 21|| shrIshcha te lakShmIshcha patnyAvahorAtre pArshve nakShatrANi rUpamashvinau vyAttam | iShNanniShANAmuM ma iShANa sarvalokaM ma iShANa || 22|| iti rudre dvitIyo.adhyAyaH || 2|| \section{atha tR^itIyo.adhyAyaH |} (apratirathasUktam |) hariH OM AshuH shishAno vR^iShabho na bhImo ghanAghanaH kShobhaNashcharShaNInAm | saMkrandano.animiSha ekavIraH shata{\m+} senA ajayatsAkamindraH || 1|| saMkrandanenA.animiSheNa jiShNunA yutkAreNa dushchyavanena dhR^iShNunA | tadindreNa jayata tatsahadhvaM yudho nara iShuhastena vR^iShNA || 2|| sa iShuhastaiH sa niSha~NgibhirvashI sa{\m+}sraShTA sa yudha indro gaNena | sa{\m+}sR^iShTajitsomapA bAhushardhyugradhanvA pratihitAbhirastA || 3|| bR^ihaspate paridIyA rathena rakShohAmitrA.N2 apabAdhamAnaH | prabha~njantsenAH pramR^iNo yudhA jayannasmAkamedhyavitA rathAnAm || 4|| balavij~nAyaH sthaviraH pravIraH sahasvAnvAjI sahamAna ugraH | abhivIro abhisatvA sahojA jaitramindra rathamAtiShTha govit || 5|| gotrabhidaM govidaM vajrabAhuM jayantamajma pramR^iNantamojasA | ima{\m+} sajAtA anu vIrayadhvamindra{\m+} sakhAyo anu sa{\m+}rabhadhvam || 6|| abhi gotrANi sahasA gAhamAno.adayo vIraH shatamanyurindraH | dushchyavanaH pR^itanAShADayudhyo.asmAka{\m+} senA avatu pra yutsu || 7|| indra AsAM netA bR^ihaspatirdakShiNA yaj~naH pura etu somaH | devasenAnAmabhibha~njatInAM jayantInAM maruto yantvagram || 8|| indrasya vR^iShNo varuNasya rAj~na AdityAnAM marutA{\m+} shardha ugram | mahAmanasAM bhuvanachyavAnAM ghoSho devAnAM jayatAmudasthAt || 9|| uddharShaya maghavannAyudhAnyutsatvanAM mAmakAnAM manA{\m+}si | udvR^itrahanvAjinAM vAjinAnyudrathAnAM jayatAM yantu ghoShAH || 10|| asmAkamindraH samR^iteShu dhvajeShvasmAkaM yA iShavastA jayantu | asmAkaM vIrA uttare bhavantvasmA.N2 u devA avatA haveShu || 11|| amIShAM chittaM pratilobhayantI gR^ihANA~NgAnyapve parehi | abhi prehi nirdaha hR^itsu shokairandhenAmitrAstamasA sachantAm || 12|| avasR^iShTA parApata sharavye brahmasa{\m+}shite | gachChAmitrAnprapadyasva mAmIShA~Nka~nchanochChiShaH || 13|| pretA jayatA nara indro vaH sharma yachChatu | ugrA vaH santu bAhavo.anAdhR^iShyA yathAsatha || 14|| asau yA senA marutaH pareShAmabhyaiti na ojasA spardhamAnA | tAM gUhata tamasA.apavratena yathAmI anyo anyaM na jAnan || 15|| yatra bANAH sampatanti kumArA vishikhA iva | tanna indro bR^ihaspatiraditiH sharma yachChatu vishvAhA sharma yachChatu || 16|| marmANi te varmaNA ChAdayAmi somastvA rAjA.amR^itenAnuvastAm | urorvarIyo varuNaste kR^iNotu jayantaM tvAnu devA madantu || 17|| iti rudre tR^itIyo.adhyAyaH || 3 ||   \section{atha chaturtho.adhyAyaH |} (saurasUktam / sUryasUktam / mitrasUktam / maitrasUktam |) hariH OM vibhrADbR^ihatpibatu somyaM madhvAyurdadhadyaj~napatAvavihrutam | vAtajUto yo abhirakShati tmanA prajAH pupoSha purudhA vi rAjati || 1|| udu tyaM jAtavedasaM devaM vahanti ketavaH | dR^ishe vishvAya sUryam || 2|| yenA pAvaka chakShasA bhuraNyantaM janA.N2 || anu | tvaM varuNa pashyasi || 3|| daivyAvadhvaryU Agata{\m+} rathena sUryatvachA . madhvA yaj~na{\m+} sama~njAthe | taM pratnathA.ayaM venashchitraM devAnAm || 4|| taM pratnathA pUrvathA vishvathemathA jyeShThatAtiM barhiShada{\m+}svarvidam | pratIchInaM vR^ijanaM dohase dhunimAshuM jayantamanu yAsu vardhase || 5|| ayaM venashchodayatpR^ishnigarbhA jyotirjarAyU rajaso vimAne | imamapA{\m+}sa~Ngame sUryasya shishuMna viprA matibhI rihanti || 6|| chitraM devAnAmudagAdanIkaM chakShurmitrasya varuNasyAgneH | AprA dyAvApR^ithivI antarikSha{\m+} sUrya AtmA jagatastasthuShashcha || 7|| A na iDAbhirvidathe sushasti vishvAnaraH savitA deva etu | api yathA yuvAno matsathA no vishvaM jagadabhipitve manIShA || 8|| yadadya kachcha vR^itrahannudagA abhi sUrya | sarvaM tadindra te vashe || 9|| taraNirvishvadarshato jyotiShkR^idasi sUrya | vishvamA bhAsi rochanam || 10|| tatsUryasya devatvaM tanmahitvaM madhyA kartorvitata{\m+} saM jabhAra | yadedayukta haritaH sadhasthAdAdrAtrI vAsastanute simasmai || 11|| tanmitrasya varuNasyAbhichakShe sUryo rUpaM kR^iNute dyorupasthe | anantamanyadrushadasya pAjaH kR^iShNamanyaddharitaH saM bharanti || 12|| baNmahA.N2 || asi sUrya baDAditya mahA.N2 || asi | mahaste sato mahimA panasyate.addhA deva mahA.N2 || asi || 13|| baT sUrya shravasA mahA.N2 || asi . satrA deva mahA.N2 || asi | mahnA devAnAmasuryaH purohito vibhu jyotiradAbhyam || 14|| shrAyanta iva sUryaM vishvedindrasya bhakShata | vasUni jAte janamAna ojasA prati bhAgaM na dIdhima || 15|| adyA devA uditA sUryasya nira{\m+}hasaH pipR^itA niravadyAt | tanno mitro varuNo mAmahantAmaditiH sindhuH pR^ithivI uta dyauH || 16|| A kR^iShNena rajasA vartamAno niveshayannamR^itaM martyaM cha | hiraNyayena savitA rathenA devo yAti bhuvanAni pashyan || 17|| iti rudre chaturtho.adhyAyaH || 4 ||   \section{atha pa~nchamo.adhyAyaH |} (rudrasUktam / nIlasUktam |) hariH OM namaste rudra manyava uto ta iShave namaH | bAhubhyAmuta te namaH || 1|| yA te rudra shivA tanUraghorA.apApakAshinI | tayA nastanvA shantamayA girishantAbhi chAkashIhi || 2|| yAmiShuM girishanta haste bibharShyastave | shivAM giritra tAM kuru mA hi{\m+}sIH puruShaM jagat || 3|| shivena vachasA tvA girishA.achChAvadAmasi | yathA naH sarvamijjagadayakShma{\m+} sumanA asat || 4|| adhyavochadadhivaktA prathamo daivyo bhiShak | ahI{\m+}shcha sarvA~njambhayantsarvAshcha yAtudhAnyo.adharAchIH parAsuva || 5|| asau yastAmro aruNa uta babhruH suma~NgalaH | ye chaina{\m+} rudrA abhito dikShu shritAH sahasrasho.avaiShA{\m+} heDa Imahe || 6|| asau yo.avasarpati nIlagrIvo vilohitaH | utainaM gopA adR^ishrannadR^ishrannudahAryaH sa dR^iShTo mR^iDayAti naH || 7|| namo.astu nIlagrIvAya sahasrAkShAya mIDhuShe | atho ye asya satvAno.ahaM tebhyo.akaraM namaH || 8|| pramu~ncha dhanvanastvamubhayorArtnyorjyAm | yAshcha te hasta iShavaH parA tA bhagavo vapa || 9|| vijyaM dhanuH kapardino vishalyo bANavA.N2 || uta | aneshannasya yA iShava Abhurasya niSha~NgadhiH || 10|| yA te hetirmIDhuShTama haste babhUva te dhanuH | tayAsmAnvishvatastvamayakShmayA paribhuja || 11|| pari te dhanvano hetirasmAnvR^iNaktu vishvataH | atho ya iShudhistavAre asmannidhehi tam || 12|| avatatya dhanuShTva{\m+} sahasrAkSha shateShudhe | nishIrya shalyAnAM mukhA shivo naH sumanA bhava || 13|| namasta AyudhAyAnAtatAya dhR^iShNave | ubhAbhyAmuta te namo bAhubhyAM tava dhanvane || 14|| mA no mahAntamuta mA no arbhakaM mA na ukShantamuta mA na ukShitam | mA no vadhIH pitaraM mota mAtaraM mA naH priyAstanvo rudra rIriShaH || 15|| mA nastoke tanaye mA na AyuShi mA no goShu mA no ashveShu rIriShaH | mA no vIrAn rudra bhAmino vadhIrhaviShmantaH sadamittvA havAmahe || 16|| namo hiraNyabAhave senAnye dishAM cha pataye namo namo vR^ikShebhyo harikeshebhyaH pashUnAM pataye namo namaH shaShpi~njarAya tviShImate pathInAM pataye namo namo harikeshAyopavItine puShTAnAM pataye namaH || 17|| namo babhlushAya vyAdhine.annAnAM pataye namo namo bhavasya hetyai jagatAM pataye namo namo rudrAyAtatAyine kShetrANAM pataye namo namaH sUtAyAhantyai vanAnAM pataye namaH || 18|| namo rohitAya sthapataye vR^ikShANAM pataye namo namo bhuvantaye vArivaskR^itAyauShadhInAM pataye namo namo mantriNe vANijAya kakShANAM pataye namo nama uchchairghoShAyAkrandayate pattInAM pataye namaH || 19|| namaH kR^itsnAyatayA dhAvate satvanAM pataye namo namaH sahamAnAya nivyAdhina AvyAdhinInAM pataye namo namo niSha~NgiNe kakubhAya stenAnAM pataye namo namo nicherave paricharAyAraNyAnAM pataye namaH || 20|| namo va~nchate pariva~nchate stAyUnAM pataye namo namo niSha~NgiNa iShudhimate taskarANAM pataye namo namaH sR^ikAyibhyo jighA{\m+}sadbhyo muShNatAM pataye namo namo.asimadbhyo nakta~ncharadbhyo vikR^intAnAM pataye namaH || 21|| nama uShNIShiNe giricharAya kulu~nchAnAM pataye namo nama iShumadbhyo dhanvAyibhyashcha vo namo nama AtanvAnebhyaH pratidadhAnebhyashcha vo namo nama AyachChadbhyo.asyadbhyashcha vo namaH || 22|| namo visR^ijadbhyo vidhyadbhyashcha vo namo namaH svapadbhyo jAgradbhyashcha vo namo namaH shayAnebhya AsInebhyashcha vo namo namastiShThadbhyo dhAvadbhyashcha vo namaH || 23|| namaH sabhAbhyaH sabhApatibhyashcha vo namo namo.ashvebhyo.ashvapatibhyashcha vo namo nama AvyAdhinIbhyo vividhyantIbhyashcha vo namo nama ugaNAbhyastR^i{\m+}hatIbhyashcha vo namaH || 24|| namo gaNebhyo gaNapatibhyashcha vo namo namo vrAtebhyo vrAtapatibhyashcha vo namo namo gR^itsebhyo gR^itsapatibhyashcha vo namo namo virUpebhyo vishvarUpebhyashcha vo namaH || 25|| namaH senAbhyaH senAnibhyashcha vo namo namo rathibhyo arathebhyashcha vo namo namaH kShattR^ibhyaH saMgrahItR^ibhyashcha vo namo namo mahadbhyo arbhakebhyashcha vo namaH || 26|| namastakShabhyo rathakArebhyashcha vo namo namaH kulAlebhyaH karmArebhyashcha vo namo namo niShAdebhyaH pu~njiShTebhyashcha vo namo namaH shvanibhyo mR^igayubhyashcha vo namaH || 27|| namaH shvabhyaH shvapatibhyashcha vo namo namo bhavAya cha rudrAya cha namaH sharvAya cha pashupataye cha namo nIlagrIvAya cha shitikaNThAya cha || 28|| namaH kapardine cha vyuptakeshAya cha namaH sahasrAkShAya cha shatadhanvane cha namo girishayAya cha shipiviShTAya cha namo mIDhuShTamAya cheShumate cha || 29|| namo hrasvAya cha vAmanAya cha namo bR^ihate cha varShIyase cha namo vR^iddhAya cha savR^idhe cha namo.agryAya cha prathamAya cha || 30|| nama Ashave chAjirAya cha namaH shIghryAya cha shIbhyAya cha nama UrmyAya chAvasvanyAya cha namo nAdeyAya cha dvIpyAya cha || 31|| namo jyeShThAya cha kaniShThAya cha namaH pUrvajAya chAparajAya cha namo madhyamAya chApagalbhAya cha namo jaghanyAya cha budhnyAya cha || 32|| namaH sobhyAya cha pratisaryAya cha namo yAmyAya cha kShemyAya cha namaH shlokyAya chAvasAnyAya cha nama urvaryAya cha khalyAya cha || 33|| namo vanyAya cha kakShyAya cha namaH shravAya cha pratishravAya cha nama AshuSheNAya chAshurathAya cha namaH shUrAya chAvabhedine cha || 34|| namo bilmine cha kavachine cha namo varmiNe cha varUthine cha namaH shrutAya cha shrutasenAya cha namo dundubhyAya chAhananyAya cha || 35|| namo dhR^iShNave cha pramR^ishAya cha namo niSha~NgiNe cheShudhimate cha namastIkShNeShave chAyudhine cha namaH svAyudhAya cha sudhanvane cha || 36|| namaH srutyAya cha pathyAya cha namaH kATyAya cha nIpyAya cha namaH kulyAya cha sarasyAya cha namo nAdeyAya cha vaishantAya cha || 37|| namaH kUpyAya chAvaTyAya cha namo vIdhryAya chAtapyAya cha namo meghyAya cha vidyutyAya cha namo varShyAya chAvarShyAya cha || 38|| namo vAtyAya cha reShmyAya cha namo vAstavyAya cha vAstupAya cha namaH somAya cha rudrAya cha namastAmrAya chAruNAya cha || 39|| namaH sha~Ngave cha pashupataye cha nama ugrAya cha bhImAya cha namo.agrevadhAya cha dUrevadhAya cha namo hantre cha hanIyase cha namo vR^ikShebhyo harikeshebhyo namastArAya || 40|| namaH shambhavAya cha mayobhavAya cha namaH sha~NkarAya cha mayaskarAya cha namaH shivAya cha shivatarAya cha || 41|| namaH pAryAya chAvAryAya cha namaH prataraNAya chottaraNAya cha namastIrthyAya cha kUlyAya cha namaH shaShpyAya cha phenyAya cha || 42|| namaH sikatyAya cha pravAhyAya cha namaH ki{\m+}shilAya cha kShayaNAya cha namaH kapardine cha pulastaye cha nama iriNyAya cha prapathyAya cha || 43|| namo vrajyAya cha goShThyAya cha namastalpyAya cha gehyAya cha namo hR^idayyAya cha niveShpyAya cha namaH kATyAya cha gahvareShThAya cha || 44|| namaH shuShkyAya cha harityAya cha namaH pA{\m+}savyAya cha rajasyAya cha namo lopyAya cholapyAya cha nama UrvyAya cha sUrvyAya cha || 45|| namaH parNAya cha parNashadAya cha nama udguramANAya chAbhighnate cha nama Akhidate cha prakhidate cha namaH iShukR^idbhyo dhanuShkR^idbhyashcha vo namo namo vaH kirikebhyo devAnA{\m+} hR^idayebhyo namo vichinvatkebhyo namo vikShiNatkebhyo nama AnirhatebhyaH || 46|| drApe andhasaspate daridraM nIlalohita | AsAM prajAnAmeShAM pashUnAM mA bhermA ro~Nbho cha naH ki~nchanAmamat || 47|| imA rudrAya tavase kapardine kShayadvIrAya prabharAmahe matIH | yathA shamasaddvipade chatuShpade vishvaM puShTaM grAme asminnanAturam || 48|| yA te rudra shivA tanUH shivA vishvAhA bheShajI | shivA rutasya bheShajI tayA no mR^iDa jIvase || 49|| pari no rudrasya hetirvR^iNaktu pari tveShasya durmatiraghAyoH | ava sthirA maghavadbhyastanuShva mIDhvastokAya tanayAya mR^iDa || 50|| mIDhuShTama shivatama shivo naH sumanA bhava | parame vR^ikSha AyudhaM nidhAya kR^ittiM vasAna Achara pinAkaM bibhradAgahi || 51|| vikiridra vilohita namaste astu bhagavaH | yAste sahasra{\m+} hetayo.anyamasmannivapantu tAH || 52|| sahasrANi sahasrasho bAhvostava hetayaH | tAsAmIshAno bhagavaH parAchInA mukhA kR^idhi || 53|| asaMkhyAtA sahasrANi ye rudrA adhi bhUmyAm | teShA{\m+} sahasrayojane.ava dhanvAni tanmasi || 54|| asminmahatyarNave.antarikShe bhavA adhi | teShA{\m+} sahasrayojane.ava dhanvAni tanmasi || 55|| nIlagrIvAH shitikaNThA diva{\m+} rudrA upashritAH | teShA{\m+} sahasrayojane.ava dhanvAni tanmasi || 56|| nIlagrIvAH shitikaNThAH sharvA adhaH kShamAcharAH | teShA{\m+} sahasrayojane.ava dhanvAni tanmasi || 57|| ye vR^ikSheShu shaShpi~njarA nIlagrIvA vilohitAH | teShA{\m+} sahasrayojane.ava dhanvAni tanmasi || 58|| ye bhUtAnAmadhipatayo vishikhAsaH kapardinaH | teShA{\m+} sahasrayojane.ava dhanvAni tanmasi || 59|| ye pathAM pathirakShaya ailabR^idA AyuryudhaH | teShA{\m+} sahasrayojane.ava dhanvAni tanmasi || 60|| ye tIrthAni pracharanti sR^ikAhastA niSha~NgiNaH | teShA{\m+} sahasrayojane.ava dhanvAni tanmasi || 61|| ye.anneShu vividhyanti pAtreShu pibato janAn | teShA{\m+} sahasrayojane.ava dhanvAni tanmasi || 62|| ya etAvantashcha bhUyA{\m+}sashcha disho rudrA vitasthire | teShA{\m+} sahasrayojane.ava dhanvAni tanmasi || 63|| namo.astu rudrebhyo ye divi yeShAM varShamiShavastebhyo dasha prAchIrdasha dakShiNA dasha pratIchIrdashodIchIrdashordhvAstebhyo namo astu te no.avantu te no mR^iDayantu te yaM dviShmo yashcha no dveShTi tameShAM jambhe dadhmaH || 64|| namo.astu rudrebhyo ye.antarikShe yeShAM vAta iShavastebhyo dasha prAchIrdasha dakShiNA dasha pratIchIrdashodIchIrdashordhvAstebhyo namo astu te no.avantu te no mR^iDayantu te yaM dviShmo yashcha no dveShTi tameShAM jambhe dadhmaH || 65|| namo.astu rudrebhyo ye pR^ithivyAM yeShAmannamiShavastebhyo dasha prAchIrdasha dakShiNA dasha pratIchIrdashodIchIrdashordhvAstebhyo namo astu te no.avantu te no mR^iDayantu te yaM dviShmo yashcha no dveShTi tameShAM jambhe dadhmaH || 66|| iti rudre pa~nchamo.adhyAyaH || 5|| \section{atha ShaShTho.adhyAyaH |} (mahachChira / somastavana / tryambaka yajanam |) hariH OM vaya{\m+}soma vrate tava manastanUShu bibhrataH | prajAvantaH sachemahi || 1|| eSha te rudra bhAgaH saha svasrA.ambikayA taM juShasva svAhaiSha te rudra bhAga Akhuste pashuH || 2|| ava rudramadImahyava devaM tryambakam | yathA no vasyasaskaradyathA naH shreyasaskaradyathA no vyavasAyayAt || 3|| bheShajamasi bheShajaM gave.ashvAya puruShAya bheShajam | sukhaM meShAya meShyai || 4|| tryambakaM yajAmahe sugandhiM puShTivardhanam | urvArukamiva bandhanAnmR^ityormukShIya mA.amR^itAt | tryambakaM yajAmahe sugandhiM pativedanam | urvArukamiva bandhanAdito mukShIya mAmutaH || 5|| etatte rudrAvasaM tena paro mUjavato.atIhi | avatatadhanvA pinAkAvasaH kR^ittivAsA ahi{\m+}sannaH shivo.atIhi || 6|| tryAyuShaM jamadagneH kashyapasya tryAyuSham | yaddeveShu tryAyuShaM tanno astu tryAyuSham || 7|| shivo nAmAsi svadhitiste pitA namaste astu mA mA hi{\m+}sIH | nivartayAmyAyuShe.annAdyAya prajananAya rAyaspoShAya suprajAstvAya suvIryAya || 8|| iti rudre ShaShTho.adhyAyaH || 6|| \section{atha saptamo.adhyAyaH |} atha jaTA.adhyAya | hariH OM ugrashcha bhImashcha dhvAntashcha dhunishcha | sAsahvAMshchAbhiyugvA cha vikShipaH svAhA || 1|| agni{\m+} hR^idayenAshani{\m+} hR^idayAgreNa pashupatiM kR^itsnahR^idayena bhavaM yaknA | sharvaM matasnAbhyAmIshAnaM manyunA mahAdevamantaH parshavyenograM devaM vaniShThunA vasiShThahanuH shi~NgIni koshyAbhyAm || 2|| ugraM llohitena mitra{\m+} sauvratyena rudraM daurvratyenendraM prakrIDena maruto balena sAdhyAnpramudA | bhavasya kaNThya{\m+} rudrasyAntaH pArshvyaM mahAdevasya yakR^ichCharvasya vaniShThuH pashupateH purItat || 3|| lomabhyaH svAhA lomabhyaH svAhA tvache svAhA tvache svAhA lohitAya svAhA lohitAya svAhA medobhyaH svAhA medobhyaH svAhA | mA{\m+}sebhyaH svAhA mA{\m+}sebhyaH svAhA snAvabhyaH svAhA snAvabhyaH svAhA asthabhyaH svAhA asthabhyaH svAhA majjabhyaH svAhA majjabhyaH svAhA | retase svAhA pAyave svAhA || 4|| AyAsAya svAhA prAyAsAya svAhA saMyAsAya svAhA viyAsAya svAhodyAsAya svAhA | shuche svAhA shochate svAhA shochamAnAya svAhA shokAya svAhA || 5|| tapase svAhA tapyate svAhA tapyamAnAya svAhA taptAya svAhA gharmAya svAhA | niShkR^ityai svAhA prAyashchittyai svAhA bheShajAya svAhA || 6|| yamAya svAhAntakAya svAhA mR^ityave svAhA brahmaNe svAhA brahmahatyAyai svAhA | vishvebhyo devebhyaH svAhA dyAvApR^ithivIbhyA{\m+} svAhA || 7|| iti rudre saptamo.adhyAyaH || 7|| \section{atha aShTamo.adhyAyaH |} (chamakaprashnaH |) hariH OM vAjashcha me prasavashcha me prayatishcha me prasitishcha me dhItishcha me kratushcha me svarashcha me shlokashcha me shravashcha me shrutishcha me jyotishcha me svashcha me yaj~nena kalpantAm || 1|| prANashcha me.apAnashcha me vyAnashcha me.asushcha me chittaM cha ma AdhItaM cha me vAk cha me manashcha me chakShushcha me shrotraM cha me dakShashcha me balaM cha me yaj~nena kalpantAm || 2|| ojashcha me sahashcha ma AtmA cha me tanUshcha me sharma cha me varma cha me.a~NgAni cha me.asthIni cha me parU{\m+}Shi cha me sharIrANi cha ma Ayushcha me jarA cha me yaj~nena kalpantAm || 3|| jyaiShThyaM cha ma AdhipatyaM cha me manyushcha me bhAmashcha me.amashcha me.ambhashcha me jemA cha me mahimA cha me varimA cha me prathimA cha me varShimA cha me drAghimA cha me vR^iddhaM cha me vR^iddhishcha me yaj~nena kalpantAm || 4|| satyaM cha me shraddhA cha me jagachcha me dhanaM cha me vishvaM cha me mahashcha me krIDA cha me modashcha me jAtaM cha me janiShyamANaM cha me sUktaM cha me sukR^itaM cha me yaj~nena kalpantAm || 5|| R^itaM cha me.amR^itaM cha me.ayakShmaM cha me.anAmayachcha me jIvAtushcha me dIrghAyutvaM cha me.anamitraM cha me.abhayaM cha me sukhaM cha me shayanaM cha me sUShAshcha me sudinaM cha me yaj~nena kalpantAm || 6|| yantA cha me dhartA cha me kShemashcha me dhR^itishcha me vishvaM cha me mahashcha me saMvichcha me j~nAtraM cha me sUshcha me prasUshacha me sIraM cha me layashcha me yaj~nena kalpantAm || 7|| shaM cha me mayashcha me priyaM cha me.anukAmashcha me kAmashcha me saumanasashcha me bhagashcha me draviNaM cha me bhadraM cha me shreyashcha me vasIyashcha me yashashcha me yaj~nena kalpantAm || 8|| Urkcha me sUnR^itA cha me payashcha me rasashcha me ghR^itaM cha me madhu cha me sagdhishcha me sapItishcha me kR^iShishcha me vR^iShTishcha me jaitraM cha ma audbhidyaM cha me yaj~nena kalpantAm || 9|| rayishcha me rAyashcha me puShTaM cha me puShTishcha me vibhu cha me prabhu cha me pUrNaM cha me pUrNataraM cha me kuyavaM cha me.akShitaM cha me.annaM cha me.akShuchcha me yaj~nena kalpantAm || 10|| vittaM cha me vedyaM cha me bhUtaM cha me bhaviShyachcha me sugaM cha me supathyaM cha ma R^iddhaM cha ma R^iddhishcha me klR^iptaM cha me klR^iptishcha me matishcha me sumatishcha me yaj~nena kalpantAm || 11|| vrIhayashcha me yavAshcha me mAShAshcha me tilAshcha me mudrAshcha me khalvAshcha me priya~Ngavashcha me.aNavashcha me shyAmAkAshcha me nIvArAshcha me godhUmAshcha me masUrAshcha me yaj~nena kalpantAm || 12|| ashmA cha me mR^ittikA cha me girayashcha me parvatAshcha me sikatAshcha me vanaspatayashcha me hiraNyaM cha me.ayashcha me shyAmaM cha me lohaM cha me sIsaM cha me trapu cha me yaj~nena kalpantAm || 13|| agnishcha ma Apashcha me vIrudhashcha ma oShadhayashcha me kR^iShTapachyAshcha me.akR^iShTapachyAshcha me grAmyAshcha me pashava AraNyAshcha me vittaM cha me vittishcha me bhUtaM cha me bhUtishcha me yaj~nena kalpantAm || 14|| vasu cha me vasatishcha me karma cha me shaktishcha me.arthashcha ma emashcha ma ityA cha me gatishcha me yaj~nena kalpantAm || 15|| agnishcha ma indrashcha me somashcha ma indrashcha me savitA cha ma indrashcha me sarasvatI cha ma indrashcha me pUShA cha ma indrashcha me bR^ihaspatishcha ma indrashcha me yaj~nena kalpantAm || 16|| mitrashcha ma indrashcha me varuNashcha ma indrashcha me dhAtA cha ma indrashcha me tvaShTA cha ma indrashcha me marutashcha ma indrashcha me vishve cha me devA indrashcha me yaj~nena kalpantAm || 17|| pR^ithivI cha ma indrashcha me.antarikShaM cha ma indrashcha me dyaushcha ma indrashcha me samAshcha ma indrashcha me nakShatrANi cha ma indrashcha me dishashcha ma indrashcha me yaj~nena kalpantAm || 18|| a{\m+}shushcha me rashmishcha me.adAbhyashcha me.adhipatishcha ma upA{\m+}shushcha me.antaryAmashcha ma aindravAyavashcha me maitrAvaruNashcha ma Ashvinashcha me pratiprasthAnashcha me shukrashcha me manthI cha me yaj~nena kalpantAm || 19|| AgrayANashcha me vaishvadevashcha me dhruvashcha me vaishvAnarashcha ma aindrAgnashcha me mahAvaishvadeshcha me marutvatIyAshcha me niShkevalyashcha me sAvitrashcha me sArasvatashcha me pAtnIvatashcha me hAriyojanashcha me yaj~nena kalpantAm || 20|| sruchashcha me chamasAshcha me vAyavyAni cha me droNakalashashcha me grAvANashcha me.adhiShavaNe cha me pUtabhR^ichcha ma AdhavanIyashcha me vedishcha me barhishcha me.avabhR^itashcha me svagAkArashcha me yaj~nena kalpantAm || 21|| agnishcha me gharmashcha me.arkashcha me sUryashcha me prANashcha me.ashvamedhashcha me pR^ithivI cha me.aditishcha me ditishcha me dyaushcha me.a~Ngulaya: shakvarayo dishashcha me yaj~nena kalpantAm || 22|| vrataM cha ma R^itavashcha me tapashcha me saMvatsarashcha me ahorAtre UrvaShThIve bR^ihadrathantare cha me yaj~nena kalpantAm || 23|| ekA cha me tisrashcha me tisrashcha me pa~ncha cha me pa~ncha cha me sapta cha me sapta cha me nava cha me nava cha ma ekAdasha cha ma ekAdasha cha me trayodasha cha me trayodasha cha me pa~nchadasha cha me pa~nchadasha cha me saptadasha cha me saptadasha cha me navadasha cha me navadasha cha ma ekavi{\m+}shatishcha ma ekavi{\m+}shatishcha me trayovi{\m+}shatishcha me trayovi{\m+}shatishcha me pa~nchavi{\m+}shatishcha me pa~nchavi{\m+}shatishcha me saptavi{\m+}shatishcha me ptavi{\m+}shatishcha me navavi{\m+}shatishcha me navavi{\m+}shatishcha ma ekatri{\m+}shachcha ma ekatri{\m+}shachcha me trayastri{\m+}shachcha me yaj~nena kalpantAm || 24|| chatasrashcha me.aShTau cha me.aShTau cha me dvAdasha cha me dvAdasha cha me ShoDasha cha me ShoDasha cha me vi{\m+}shatishcha me vi{\m+}shatishcha me chaturvi{\m+}shatishcha me chaturvi{\m+}shatishcha me.aShTAvi{\m+}shatishcha me.aShTAvi{\m+}shatishcha me dvAtri{\m+}shachcha me dvAtri{\m+}shachcha me ShaTtri{\m+}shachcha me ShaTtri{\m+}shachcha me chatvAri{\m+}shachcha me chatvAri{\m+}shachcha me chatushchatvAri{\m+}shachcha me chatushchatvAri{\m+}shachcha me.aShTAchatvAri{\m+}shachcha me yaj~nena kalpantAm || 25|| tryavishcha me tryavI cha me dityavAT cha me dityauhI cha me pa~nchAvishcha me pa~nchAvI cha me trivatsashcha me trivatsA cha me turyavAT cha me turyauhI cha me yaj~nena kalpantAm || 26|| paShThavAT cha me paShThauhI cha ma ukShA cha me vashA cha ma R^iShabhashcha me vehachcha me.anaDvAMshcha me dhenushcha me yaj~nena kalpantAm || 27|| vAjAya svAhA prasavAya svAhA.apijAya svAhA kratave svAhA vasave svAhA.aharpataye svAhAhne mugdhAya svAhA mugdhAya vaina{\m+}shinAya svAhA vinashina AntyAyanAya svAhAntyAya bhauvanAya svAhA bhuvanasya pataye svAhAdhipataye svAhA prajApataye svAhA | iyaM te rANmitrAya yantA.asi yamana Urje tvA vR^iShTyai tvA prajAnAM tvAdhipatyAya || 28|| Ayuryaj~nena kalpatAM prANo yaj~nena kalpatAM chakShuryaj~nena kalpatA{\m+}shrotraM yaj~nena kalpatAM vAgyaj~nena kalpatAM mano yaj~nena kalpatAmAtmA yaj~nena kalpatAM brahmA yaj~nena kalpatAM jyotiryaj~nena kalpatAM svaryaj~nena kalpatAM pR^iShThaM yaj~nena kalpatAM yaj~no yaj~nena kalpatAm | stomashcha yajushcha R^ik cha sAma cha bR^ihachcha rathantaraM cha | svardevA aganmAmR^itA abhUma prajApateH prajA abhUma veT svAhA || 29|| iti rudre.aShTamo.adhyAyaH || 8|| \section{atha shAntyadhyAyaH |} hariH OM R^ichaM vAchaM prapadye mano yajuH prapadye sAma prANaM prapadye chakShuH shrotraM prapadye | vAgojaH sahaujo mayi prANApAnau || 1|| yanme ChidraM chakShuSho hR^idayasya manaso vAtitR^iNNaM bR^ihaspatirme taddadhAtu | shaM no bhavatu bhuvanasya yaspatiH || 2|| bhUrbhuvaH svaH tatsaviturvareNyaM bhargo devasya dhImahi | dhiyo yo naH prachodayAt || 3|| kayA nashchitra AbhuvadUtI sadAvR^idhaH sakhA | kayA shachiShThayA vR^itA || 4|| kastvA satyo madAnAM ma{\m+}hiShTho matsadandhasaH | dR^iDhA chidAruje vasu || 5|| abhI Shu NaH sakhInAmavitA jaritR^INAm | shataM bhavAsyUtibhiH || 6|| kayA tvaM na UtyAbhi pramandase vR^iShan | kayA stotR^ibhya Abhara || 7|| indro vishvasya rAjati | shaM no astu dvipade shaM chatuShpade || 8|| shaM no mitra: shaM varuNaH shaM no bhavatvaryamA | shaM na indro bR^ihaspatiH shaM no viShNururukramaH || 9|| shaM no vAtaH pavatA{\m+} shaM nastapatu sUryaH | shaM naH kanikradaddevaH parjanyo abhivarShatu || 10|| ahAni shaM bhavantu naH sha{\m+} rAtrIH pratidhIyatAm | shaM na indrAgnI bhavatAmavobhiH shaM na indrAvaruNA rAtahavyA | shaM na indrApUShaNA vAjasAtau shamindrAsomA suvitAya shaM yoH || 11|| shaM no devIrabhiShTaya Apo bhavantu pItaye | shaM yorabhisravantu naH || 12|| syonA pR^ithivi no bhavAnR^ikSharA niveshanI | yachChA naH sharma saprathAH || 13|| Apo hi ShThA mayobhuvastA na Urje dadhAtana | mahe raNAya chakShase || 14|| yo vaH shivatamo rasastasya bhAjayateha naH | ushatIriva mAtaraH || 15|| tasmA araM gamAma vo yasya kShayAya jinvatha | Apo janayathA cha naH || 16|| dyau: shAntirantarikSha{\m+} shAntiH pR^ithivI shAntirApaH shAntiroShadhayaH shAntiH | vanaspatayaH shAntirvishve devAH shAntirbrahma shAntiH sarva{\m+} shAntiH shAntireva shAntiH sA mA shAntiredhi || 17|| dR^ite dR^i{\m+}ha mA mitrasya mA chakShuShA sarvANi bhUtAni samIkShantAm | mitrasyAhaM chakShuShA sarvANi bhUtAni samIkShe | mitrasya chakShuShA samIkShAmahe || 18|| dR^ite dR^i{\m+}ha mA mitrasya mA chakShuShA sarvANi bhUtAni samIkShantAm | jyokte sandR^ishi jIvyAsaM jyokte sandR^ishi jIvyAsam || 19|| namaste harase shochiShe namaste astvarchiShe | anyA.Nste asmattapantu hetayaH pAvako asmabhya{\m+} shivo bhava || 20|| namaste astu vidyute namaste stanayitnave | namaste bhagavannastu yataH svaH samIhase || 21|| yato yataH samIhase tato no abhayaM kuru | shaM naH kuru prajAbhyo.abhayaM naH pashubhyaH || 22|| sumitriyA na Apa oShadhayaH santu durmitriyAstasmai santuyo.asmAn dveShTi yaM cha vayaM dviShmaH || 23|| tachchakShurdevahitaM purastAchChukramuchcharat | pashyema sharadaH shataM jIvema sharadaH shata{\m+} shR^iNuyAma sharadaH shataM prabravAma sharadaH shatamadInAH syAma sharadaH shataM bhUyashcha sharadaH shatAt || 24|| iti rudre shAntyadhyAyaH || 9|| \section{atha svastiprArthanAmantraH |} hariH OM OM svasti na indro vR^iddhashravAH | svasti naH pUShA vishvavedAH | svasti nastArkShyo ariShTanemiH | svasti no bR^ihaspatirdadhAtu || 1|| OM payaH pR^ithivyAM paya oShadhIShu payo divyantarikShe payo dhAH | payasvatIH pradishaH santu mahyam || 2|| OM viShNo rarATamasi viShNoH shnaptre stho viShNoH syUrasi viShNordhruvo.asi | vaiShNavamasi viShNave tvA || 3|| OM agnirdevatA vAto devatA sUryo devatA chandramA devatA vasavo devatA rudrA devatAdityA devatA maruto devatA vishvedevA devatA bR^ihaspatirdevatendro devatA varuNo devatA || 4|| OM sadyojAtaM prapadyAmi sadyojAtAya vai namo namaH | bhave bhave nAtibhave bhavasva mAm | bhavodbhavAya namaH || 5|| vAmadevAya namo jyeShThAya namaH shreShThAya namo rudrAya namaH kAlAya namaH kalavikaraNAya namo balavikaraNAya namo balAya namo balapramathanAya namaH sarvabhUtadamanAya namo manonmanAya namaH || 6|| aghorebhyo.atha ghorebhyo ghoraghoratarebhyaH | sarvebhyaH sarva sharvebhyo namaste.astu rudrarUpebhyaH || 7|| (sarvataH sharva sarvebhyo) tatpuruShAya vidmahe mahAdevAya dhImahi | tanno rudraH prachodayAt || 8|| IshAnassarvavidyAnAmIshvaraH sarvabhUtAnAm | brahmAdhipatirbrahmaNo.adhipatirbrahmA shivo me.astu sadAshivom || 9|| OM shivo nAmAsi svadhitiste pitA namaste astu mA mA hi{\m+}sIH | nivartayAmyAyuShe.annAdyAya prajananAya rAyaspoShAya suprajAstvAya suvIryAya || 10|| OM vishvAni deva savitarduritAni parAsuva | yadbhadraM tanna Asuva || 11|| OM dyauH shAntirantarikSha{\m+} shAntiH pR^ithivI shAntirApaH shAntiroShadhayaH shAntiH | vanaspatayaH shAntirvishvedevAH shAntirbrahma shAntiH sarva{\m+} shAntiH shAntireva shAntiH sA mA shAntiredhi || 12|| OM sarveShAM vA eSha vedAnA{\m+}raso yatsAmaH | sarveShAmevainametad vedAnA{\m+} rasenAbhiShi~nchati || 13|| OM shAntiH shAntiH shAntiH || anena shrI rudrAbhiShekakarmaNA shrI bhavAnIsha~Nkara mahArudrAH prIyatAM na mama | iti shrIshuklayajurvedIya rudrAShTAdhyAyI samAptA | || OM sAmba sadAshivArpaNamastu || ## Known also as Rudri path NB: The compiled text of `Shukla Yajurvediya Rudrashtadhyayi' can mainly be found in the ShuklaYajurveda–Vajasaneyi–Madhyandina–Samhita (SY-V-M-S), with exceptions for a few shlokas. Consult other version with Vedic Accents/Svara. The names pertaining to Suktam-s are mentioned only for persuasion of related searches. The recitation of Rudrashtadhyayi is often preceded by various (other) shlokas. It has also been noticed that there are some differences in number of shlokas that are read/avoided for certain chapters. Readers are advised to consult field experts in that matter and/or make their own searches and conclusions. Encoded by Sunder Hattangadi Proofread by Sunder Hattangadi, Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}