% Text title : rudraprashnaH vinaasvaraaH % File name : rudram.itx % Category : veda, svara, shiva % Location : doc\_shiva % Author : Vedic Tradition % Transliterated by : P. P. Narayanaswami at swami at math.mun.ca % Proofread by : P. P. Narayanaswami at swami at math.mun.ca % Latest update : July 4, 1998, July 17, 2022 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. rudram (praise of Lord Shiva) namakam and chamakam ..}## \itxtitle{.. shrIrudraprashnaH laghunyAsaH namakaM chamakaM sahitam ..}##\endtitles ## \section{|| laghunyAsaH ||} OM athAtmAna{\m+} shivAtmAnag shrIrudrarUpaM dhyAyet || shuddhasphaTikasaMkAshaM trinetraM pa~nchavaktrakam | ga~NgAdharaM dashabhujaM sarvAbharaNabhUShitam || nIlagrIvaM shashA~NkA~NkaM nAgayaj~nopavItinam | vyAghracharmottarIyaM cha vareNyamabhayapradam || kamaNDalvakShasUtrANAM dhAriNaM shUlapANinam | jvalantaM pi~NgalajaTAshikhAmudyotadhAriNam || vR^iShaskandhasamArUDham umAdehArdhadhAriNam | amR^itenAplutaM shAntaM divyabhogasamanvitam || digdevatAsamAyuktaM surAsuranamaskR^itam | nityaM cha shAshvataM shuddhaM dhruvamakSharamavyayam || sarvavyApinamIshAnaM rudraM vai vishvarUpiNam | evaM dhyAtvA dvijasamyak tato yajanamArabhet || OM prajanane brahmA tiShThatu | pAdayorviShNustiShThatu | hastayorharastiShThatu | bAhvorindrastiShThatu | jaThare.agnistiShThatu | hR^idaye shivastiShThatu | kaNThe vasavastiShThantu | vaktre sarasvatI tiShThatu | nAsikayorvAyustiShThatu | nayanayoshchandrAdityau tiShThetAm | karNayorashvinau tiShThetAm | lalATe rudrAstiShThantu | mUrdhnyAdityAstiShThantu | shirasi mahAdevastiShThatu | shikhAyAM vAmadevastiShThatu | pR^iShThe pinAkI tiShThatu | purataH shUlI tiShThatu | pArshvayoH shivAsha~Nkarau tiShThetAm | sarvato vAyustiShThatu | tato bahiH sarvato.agnirjvAlAmAlA parivR^itastiShThatu | sarveShva~NgeShu sarvA devatA yathAsthAnaM tiShThantu | mA{\m+} rakShantu | sarvAn mahAjanAn rakShantu || OM agnirme vAchi shritaH | vAgdhR^idaye | hR^idayaM mayi | ahamamR^ite | amR^itaM brahmaNi | vAyurme prANe shritaH | prANo hR^idaye | hR^idayaM mayi | ahamamR^ite | amR^itaM brahmaNi | sUryo me chakShuShi shritaH | chakShurhR^idaye | hR^idayaM mayi | ahamamR^ite | amR^itaM brahmaNi | chandramA me manasi shritaH | mano hR^idaye | hR^idayaM mayi | ahamamR^ite | amR^itaM brahmaNi | disho me shrotre shritAH | shrotra{\m+} hR^idaye | hR^idayaM mayi | ahamamR^ite | amR^itaM brahmaNi | Apo me retasi shritAH | reto hR^idaye | hR^idayaM mayi | ahamamR^ite | amR^itaM brahmaNi | pR^ithivI me sharIre shritA | sharIragM hR^idaye | hR^idayaM mayi | ahamamR^ite | amR^itaM brahmaNi | oShadhivanaspatayo me lomasu shritAH | lomAni hR^idaye | hR^idayaM mayi | ahamamR^ite | amR^itaM brahmaNi | indro me bale shritaH | bala{\m+} hR^idaye | hR^idayaM mayi | ahamamR^ite | amR^itaM brahmaNi | parjanyo me mUrdhni shritaH | mUrdhA hR^idaye | hR^idayaM mayi | ahamamR^ite | amR^itaM brahmaNi | IshAno me manyau shritaH | manyurhR^idaye | hR^idayaM mayi | ahamamR^ite | amR^itaM brahmaNi | AtmA ma Atmani shritaH | AtmA hR^idaye | hR^idayaM mayi | ahamamR^ite | amR^itaM brahmaNi | punarma AtmA punarAyurAgAt | punaH prANaH punarAkUtamAgAt | vaishvAnaro rashmibhirvAvR^idhAnaH | antastiShThatvamR^itasya gopAH || asya shrI rudrAdhyAya prashna mahAmantrasya aghora R^iShiH\, anuShTup ChandaH\, sa~NkarShaNamUrtisvarUpo yo.asAvAdityaH paramapuruShaH sa eSha rudro devatA | namaH shivAyeti bIjam | shivatarAyeti shaktiH | mahAdevAyeti kIlakam | shrI sAmbasadAshiva prasAda siddhyarthe jape viniyogaH || OM agnihotrAtmane a~NguShThAbhyAM namaH | darshapUrNamAsAtmane tarjanIbhyAM namaH | chAturmAsyAtmane madhyamAbhyAM namaH | nirUDhapashubandhAtmane anAmikAbhyAM namaH | jyotiShTomAtmane kaniShThikAbhyAM namaH | sarvakratvAtmane karatalakarapR^iShThAbhyAM namaH || agnihotrAtmane hR^idayAya namaH | darshapUrNamAsAtmane shirase svAhA | chAturmAsyAtmane shikhAyai vaShaT | nirUDhapashubandhAtmane kavachAya hum | jyotiShTomAtmane netratrayAya vauShaT | sarvakratvAtmane astrAya phaT | bhUrbhuvassuvaromiti digbandhaH || \section{|| dhyAnam ||} ApAtALanabhaH sthalAntabhuvanabrahmANDamAvisphura jjyotiH sphATikali~NgamauLivilasatpUrNenduvAntAmR^itaiH | astokAplutamekamIshamanishaM rudrAnuvAkA~njapan dhyAyedIpsitasiddhaye dhruvapadaM vipro.abhiShi~nchecChivam || brahmANDavyAptadehA bhasitahimaruchA bhAsamAnA bhuja~NgaiH kaNThe kAlAH kapardAkalita shashikalAshchaNDakodaNDa hastAH || tryakShA rudrAkShamAlAH prakaTitavibhavAH shAmbhavA mUrtibhedA rudrAH shrIrudrasUktaprakaTitavibhavA naH prayacChantu saukhyam || shrI gurubhyo namaH | hariH o3m | OM gaNAnAM tvA gaNapati{\m+} havAmahe kaviM kavInAmupamashravastamam | jyeShTharAjaM brahmaNAM brahmaNaspata A naH shR^iNvannUtibhissIda sAdanam || || OM shrI mahAgaNapataye namaH || OM shaM cha me mayashcha me priyaM cha me.anukAmashcha me kAmashcha me saumanasashcha me bhadraM cha me shreyashcha me vasyashcha me yashashcha me bhagashcha me draviNaM cha me yantA cha me dhartA cha me kShemashcha me dhR^itishcha me vishvaM cha me mahashcha me saMvichcha me j~nAtraM cha me sUshcha me prasUshcha me sIraM cha me layashcha ma R^itaM cha me.amR^itaM cha me.ayakShmaM cha me.anAmayachcha me jIvAtushcha me dIrghAyutvaM cha me.anamitraM cha me.abhayaM cha me sugaM cha me shayanaM cha me sUShA cha me sudinaM cha me || OM shAntiH shAntiH shAntiH || \section{|| shivopAsana mantrAH ||} nidhanapataye namaH | nidhanapatAntikAya namaH | UrdhvAya namaH | Urdhvali~NgAya namaH | hiraNyAya namaH | hiraNyali~NgAya namaH | suvarNAya namaH | survarNali~NgAya namaH | divyAya namaH | divyali~NgAya namaH | bhavAya namaH | bhavali~NgAya namaH | sharvAya namaH | sharvali~NgAya namaH | shivAya namaH | shivali~NgAya namaH | jvalAya namaH | jvalali~NgAya namaH | AtmAya namaH | Atmali~NgAya namaH | paramAya namaH | paramali~NgAya namaH | etathsomasya sUryasya sarvali~Ngagg sthApayati pANimantraM pavitram || sadyojAtaM prapadyAmi sadyojAtAya vai namo namaH | bhave bhave nAtibhave bhavasva mAm | bhavodbhavAya namaH || vAmadevAya namo jyeShThAya namashshreShThAya namo rudrAya namaH kAlAya namaH kalavikaraNAya namo balavikaraNAya namo balAya namo balapramathanAya namassarvabhUtadamanAya namo manonmanAya namaH || aghorebhyo.atha ghorebhyo ghoraghoratarebhyaH | sarvebhyaH sarvasharvebhyo namaste astu rudrarUpebhyaH || tatpuruShAya vidmahe mahAdevAya dhImahi | tanno rudraH prachodayAt || IshAnassarvavidyAnAmIshvarassarva bhUtAnAM brahmA.adhipatirbrahmaNo.adhipatirbrahmA shivo me astu sadAshivom || namo hiraNyabAhave hiraNyavarNAya hiraNyarUpAya hiraNyapataye.ambikApataya umApataye pashupataye namo namaH | R^ita{\m+} satyaM paraM brahma puruShaM kR^iShNapi~Ngalam | UrdhvaretaM virUpAkShaM vishvarUpAya vai namo namaH || sarvo vai rudrastasmai rudrAya namo astu | puruSho vai rudrassanmaho namo namaH | vishvaM bhUtaM bhuvanaM chitraM bahudhA jAtaM jAyamAnaM cha yat | sarvo hyeSha rudrastasmai rudrAya namo astu | kadrudrAya prachetase mIDhuShTamAya tavyase | vo chema shantama{\m+} hR^ide | sarvo hyeSha rudrastasmai rudrAya namo astu || dhyAnam ApAtAlanabhaHsthalAntabhuvanabrahmANDamAvisphura jjyotiH sphATikali~Ngamaulivilasat pUrNenduvAntAmR^itaiH | astokAplutamekamIshamanishaM rudrAnuvAkA~njapan dhyAyedIpsita siddhaye.adrutapadaM vipro.abhiShi~njechChivam || brahmANDavyAptadehA bhasitahimaruchA bhAsamAnA bhuja~NgaiH kaNThe kAlAH kapardAkalita shashikalAshchaNDakodaNDahastAH | tryakShA rudrAkShamAlAH praNatabhayaharAH shAMbhavA mUrtibhedAH rudrAH shrIrudrasUktaprakaTitavibhavA naH prayachChantu saukhyam || \section{|| shrI rudraprashnaH namakam) ||} || atha shrIrudraprashnaH || shrI gurubhyo namaH | hariH o3m | OM gaNAnAM tvA gaNapati{\m+} havAmahe kaviM kavInAmupamashravastamam | jyeShTharAjaM brahmaNAM brahmaNaspata A naH shR^iNvannUtibhissIda sAdanam || || OM namo bhagavate rudrAya || namaste rudramanyava utota iShave namaH | namaste astu dhanvane bAhubhyAmuta te namaH || 11|| yAta iShuH shivatamA shivaM babhUva te dhanuH | shivA sharavyA yA tava tayA no rudra mR^iDaya || 12|| yA te rudra shivA tanUraghorA.apApakAshinI | tayA nastanuvA shantamayA girisha.ntAbhichAkashIhi || 13|| yAmiShuM girisha.nta haste bibharShyastave | shivAM giritra tAM kuru mA hi{\m+}sIH puruShaM jagat || 14|| shivena vachasA tvA girishAchChA vadAmasi | yathA naH sarvamijjagadayakShmasumanA asat || 15|| adhyavochadadhi vaktA prathamo daivyo bhiShak | ahIshcha sarvA~njaMbhayantsarvAshcha yAtudhAnyaH || 16|| asau yastAmro aruNa uta babhruH suma.ngalaH | ye chemArudrA abhito dikShu | shritAH sahasrasho.avaiShAheDa Imahe || 17|| asau yo.avasarpati nIlagrIvo vilohitaH | utainaM gopA adR^ishannadR^ishannudahAryaH | utainaM vishvA bhUtAni sa dR^iShTo mR^iDayAti naH || 18|| namo astu nIlagrIvAya sahasrAkShAya mIDhuShe | atho ye asya satvAno.ahaM tebhyo.akarannamaH || 19|| pramu.ncha dhanvanastvamubhayorArtniyorjyAm | yAshcha te hasta iShavaH parA tA bhagavo vapa || 110|| avatatya dhanustva sahasrAkSha shateShudhe | nishIrya shalyAnAM mukhA shivo naH sumanA bhava || 111|| vijyaM dhanuH kapardino vishalyo bANavA uta | aneshannasyeShava Abhurasya niSha.ngathiH || 112|| yA te hetirmIDhuShTama haste babhUva te dhanuH | tayA.asmAnvishvatastvamayakShmayA paribbhuja || 113|| namaste astvAyudhAyAnAtatAya dhR^iShNave | ubhAbhyAmuta te namo bAhubhyAM tava dhanvane || 114|| pari te dhanvano hetirasmAnvruNaktu vishvataH | atho ya iShudhistavAre asmannidhehi tam || 115|| namaste astu bhagavan vishveshvarAya mahAdevAya tryaMbakAya tripurAntakAya trikAgnikAlAya kAlAgnirudrAya ## var ## trikAlAgni nIlakaNThAya mrutyu.njayAya sarveshvarAya sadAshivAya shrImanmahAdevAya namaH || 20|| namo hiraNyabAhave senAnye dishA.n cha pataye namo namo vR^ikShebhyo harikeshebhyaH pashUnAM pataye namo namaH saspi~ncharAya tviShImate pathInAM pataye namo namo babhlushAya vivyAdhine.annAnAM pataye namo namo harikeshAyopavItine puShTAnAM pataye namo namo bhavasya hetyai jagatAM pataye namo namo rudrAyAtatAvine kShetrANAM pataye namo namaH sUtAyAhantyAya vanAnAM pataye namo namaH || 21|| rohitAya sthapataye vR^ikShANAM pataye namo namo mantriNe vANijAya kakShANAM pataye namo namo bhuva.ntaye vArivaskR^itAyauShadhInAM pataye namo nama uchchairghoShAyAkrandayate pattInAM pataye namo namaH kR^itsnavItAya dhAvate satvanAM pataye namaH || 22|| namaH sahamAnAya nivyAdhina AvyAdhinInAM pataye namo namaH kakubhAya niSha~NgiNe stenAnAM pataye namo namo niSha~NgiNa iShudhimate taskarANAM pataye namo namo va~nchate pariva~nchate stAyUnAM pataye namo namo nicherave paricharAyAraNyAnAM pataye namo namaH sR^ikAvibhyo jighAsadbhyo muShNatAM pataye namo namo .asimadbhyo naktaM charadbhyaH prakR^intAnAM pataye namo nama uShNIShiNe giricharAya kulu~nchAnAM pataye namo namaH || 31|| iShumadbhyo dhanvAvibhyashcha vo namo nama AtanvAnebhyaH pratidadhAnebhyashcha vo namo nama AyachChadbhyo visR^ijadbhyashcha vo namo namo .asyadbhyo viddhyadbhyashcha vo namo nama AsInebhyaH shayAnebhyashcha vo namo namaH svapadbhyo jAgradbhyashcha vo namo nama stiShThadbhyo dhAvadbhyashcha vo namo namaH sabhAbhyaH sabhApatibhyashcha vo namo namo ashvebhyo.ashvapatibhyashcha vo namaH || 32|| nama AvyadhinIbhyo vividhyantIbhyashcha vo namo nama ugaNAbhyastR^ihatIbhyashcha vo namo namo gR^itsebhyo grutsapatibhyashcha vo namo namo vrAtebhyo vrAtapatibhyashcha vo namo namo gaNebhyo gaNapatibhyashcha vo namo namo virUpebhyo vishvarUpebhyashcha vo namo namo mahadbhyaH kShullakebhyashcha vo namo namo rathibhyo.arathebhyashcha vo namo namo rathebhyaH || 41|| rathapatibhyashcha vo namo namaH senAbhyaH senanibhyashcha vo namo namaH kShattR^ibhyaH sa.ngrahItR^ibhyashcha vo namo nama stakShabhyo rathakArebhyashcha vo namo namaH kulAlebhyaH karmArebhyashcha vo namo namaH pu~njiShTebhyo niShAdebhyashcha vo namo nama iShukR^idbhyo dhanvakR^idbhyashcha vo namo namo mrugayubhyaH shvanibhyashcha vo namo namaH shvabhyaH shvapatibhyashcha vo namaH || 42|| namo bhavAya cha rudrAya cha namaH sharvAya cha pashupataye cha namo nIlagrIvAya cha shitikaNThAya cha namaH kapardine cha vyuptakeshAya cha namaH sahasrAkShAya cha shatadhanvane cha namo girishAya cha shipiviShTAya cha namo mIDhuShTamAya cheShumate cha namo hrasvAya cha vAmanAya cha namo bR^ihate cha varShIyase cha namo vR^iddhAya cha saMvR^iddhvane cha || 51|| namo agriyAya cha prathamAya cha nama Ashave chAjirAya cha namH shIghriyAya cha shIbhyAya cha nam UrmyAya chAvasvanyAya cha namaH srotasyAya cha dvIpyAya cha || 52|| namo jyeShThAya cha kaniShThAya cha namaH pUrvajAya chAparajAya cha namo madhyamAya chApagalbhAya cha namo jaghanyAya cha budhniyAya cha namaH sobhyAya cha pratisaryAya cha namo yAmyAya cha kShemyAya cha nama urvaryAya cha khalyAya cha namaH shlokyAya chAvasAnyAya cha namo vanyAya cha kakShyAya cha namaH shravAya cha pratishravAya cha || 61|| nama AshuSheNAya chAshurathAya cha namaH shUrAya chAvabhindate cha namo varmiNe cha varUthine cha namo bilmine cha kavachine cha namaH shrutAya cha shrutasenAya cha || 62|| namo dundubhyAya chAhananyAya cha namo dhR^iShNave cha pramR^ishAya cha namo dUtAya cha prahitAya cha namo niSha~NgiNe cheShudhimate cha namastIkShNeShave chAyudhine cha namaH svAyudhAya cha sudhanvane cha namaH srutyAya cha pathyAya cha namaH kATyAya cha nIpyAya cha namaH sUdyAya cha sarasyAya cha namo nAdyAya cha vaishantAya cha || 71|| namaH kUpyAya chAvaTyAya cha namo varShyAya chAvarShyAya cha namo meghyAya cha vidyutyAya cha nama IghriyAya chAtapyAya cha namo vAtyAya cha reShmiyAya cha namo vAstavyAya cha vAstupAya cha || 72|| namaH somAya cha rudrAya cha namastAmrAya chAruNAya cha namaH sha~NgAya cha pashupataye cha nama ugrAya cha bhImAya cha namo agrevadhAya cha dUrevadhAya cha namo hantre cha hanIyase cha namo vR^ikShebhyo harikeshebhyo namastArAya namaH shaMbhave cha mayobhave cha namaH sha.nkarAya cha mayaskarAya cha namaH shivAya cha shivatarAya cha || 81|| namastIrthyAya cha kUlyAya cha namaH pAryAya chAvAryAya cha namaH prataraNAya chottaraNAya cha nama AtAryAya chAlAdyAya cha namaH shaShpyAya cha phenyAya cha namaH sikatyAya cha pravAhyAya cha || 82|| nama iriNyAya cha prapathyAya cha namaH kishilAya cha kShayaNAya cha namaH kapardine cha pulastaye cha namo goShThyAya cha gR^ihyAya cha namastalpyAya cha gehyAya cha namaH kATyAya cha gahvareShThAya cha namo hR^idayyAya cha niveShpyAya cha namaH pA{\m+}savyAya cha rajasyAya cha namaH shuShkyAya cha harityAya cha namo lopyAya cholapyAya cha || 91|| nama UrvyAya cha sUrmyAya cha namaH parNyAya cha parNashadyAya cha namo.apaguramANAya chAbhighnate cha nama Akhkhidate cha prakhkhidate cha namo vaH kirikebhyo devAnA hR^idayebhyo namo vikShINakebhyo namo vichinvatkebhyo nama Anirhatebhyo nama AmIvatkebhyaH || 92|| drApe andhasaspate daridrannIlalohita | eShAM puruShANAmeShAM pashUnAM mA bhermAro mo eShAM ki.nchanAmamat || 101|| yA te rudra shivA tanUH shivA vishvAha bheShajI | shivA rudrasya bheShajI tayA no mR^iDa jIvase || 102|| imArudrAya tavase kapardine kShayadvIrAya prabharAmahe matim | yathA naH shamasaddvipade chatuShpade vishvaM puShTaM grAme AsminnanAturam || 103|| mR^iDA no rudrotano mayaskR^idhi kShayadvIrAya namasA vidhema te | yachChaM cha yoshcha manurAyaje pitA tadashyAma tava rudra praNItau || 104|| mA no mahAntamuta mA no arbhakaM mA na ukShantamuta mA na ukShitam | mA no vadhIH pitaraM mota mAtaraM priyA mA nastanuvo rudra rIriShaH || 105|| mAnastoke tanaye mA na AyuShi mA no goShu mA no ashveShu rIriShaH | vIrAnmA no rudra bhAmito.avadhIrhaviShmanto namasA vidhema te || 106|| ArAtte goghna utta pUruShaghne kShayadvIrAya sumnamasme te astu | rakShA cha no adhi cha deva brUhyathA cha naH sharma yachCha dvibarhAH || 107|| stuhi shrutaM gartasadaM yuvAnaM mR^iganna bhImamupahatnumugram | mruDA jaritre rudra stavAno anyante asmannivapantu senAH || 108|| pariNo rudrasya hetirvR^iNaktu pari tveShasya durmatiraghAyoH | ava sthirA maghavadbhyastanuShva mIDhvastokAya tanayAya mruDaya || 109|| mIDhuShTama shivatama shivo naH sumanA bhava | parame vrukSha AyudhaM nidhAya kR^ittiM vasAna Achara pinAkaM vibhradAgahi || 1010|| vikirida vilohita namaste astu bhagavaH | yAste sahasrahetayo.anyamasmannivapantu tAH || 1011|| sahasrANi sahasradhA bAhuvostava hetayaH | tAsAmIshAno bhagavaH parAchInA mukhA kR^idhi || 1012|| sahasrANi sahasrasho ye rudrA adhi bhUmyAm | teShAsahasrayojane.avadhanvAni tanmasi || 111|| asmin mahatyarNave.antarikShe bhavA adhi || 112|| nIlagrIvAH shitikaNThAH sharvA adhaH kShamAcharAH || 113|| nIlagrIvAH shitikaNThA divarudrA upashritAH || 114|| ye vR^ikSheShu saspi.njarA nIlagrIvA vilohitAH || 115|| ye bhUtAnAmadhipatayo vishikhAsaH kapardinaH || 116|| ye anneShu vividhyanti pAtreShu pibato janAn || 117|| ye pathAM pathirakShaya ailabR^idA yavyudhaH || 118|| ye tIrthAni pracharanti sR^ikAvanto niSha~NgiNaH || 119|| ya etAvantashcha bhUyAsashcha disho rudrA vitasthire teShAsahasrayojane | avadhanvAni tanmasi || 1110|| namo rudrebhyo ye pR^ithivyAM ye | antarikShe ye divi yeShAmannaM vAto varShamiShavastebhyo dasha prAchIrdasha dakShiNA dasha pratIchIrdashodIchIrdashordhvAstebhyo namaste no mR^iDayantu te yaM dviShmo yashcha no dveShTi taM vo jambhe dadhAmi || 1111|| tryaMbakaM yajAmahe sugandhiM puShTivardhanam | urvArukamiva bandhanAnmR^ityormukShIya mA.amR^itAt || 1|| yo rudro agnau yo apsu ya oShadhIShu | yo rudro vishvA bhuvanA.a.avivesha tasmai rudrAya namo astu || 2|| tamuShTuhi yaH sviShuH sudhanvA yo vishvasya kShayati bheShajasya | yakShvAmahe saumanasAya rudraM namobhirdevamasuraM duvasya || 3|| ayaM me hasto bhagavAnayaM me bhagavattaraH | ayaM me vishvabheShajo.aya shivAbhimarshanaH || 4|| ye te sahasramayutaM pAshA mR^ityo martyAya hantave | tAn yaj~nasya mAyayA sarvAnava yajAmahe | mR^ityave svAhA mR^ityave svAhA || 5|| OM namo bhagavate rudrAya viShNave mR^ityurme pAhi | prANAnAM granthirasi rudro mA vishAntakaH | tenAnnenApyAyasva || 6|| namo rudrAya viShNave mR^ityurme pAhi || OM shAntiH shAntiH shAntiH || || iti shrIkR^iShNayajurvedIya taittirIya saMhitAyAM chaturthakANDe pa.nchamaH prapAThakaH || \section{|| chamakaprashnaH ||} OM agnAviShNU sajoShasemA vardhantu vAM giraH | dyumnairvAjebhirAgatam | vAjashcha me prasavashcha me prayatishcha me prasitishcha me dhItishcha me kratushcha me svarashcha me shlokashcha me shrAvashcha me shrutishcha me jyotishcha me suvashcha me prANashcha me.apAnashcha me vyAnashcha me.asushcha me chittaM cha ma AdhItaM cha me vAkcha me manashcha me chakShushcha me shrotraM cha me dakShashcha me balaM cha ma ojashcha me sahashcha ma Ayushcha me jarA cha ma AtmA cha me tanUshcha me sharma cha me varma cha me.a~NgAni cha me.asthAni cha me parU{\m+}Shi cha me sharIrANi cha me || 1|| jyaiShThyaM cha ma AdhipatyaM cha me manyushcha me bhAmashcha me.amashcha me.ambhashcha me jemA cha me mahimA cha me varimA cha me prathimA cha me varShmA cha me drAghuyA cha me vR^iddhaM cha me vR^iddhishcha me satyaM cha me shraddhA cha me jagachcha me dhanaM cha me vashashcha me tviShishcha me krIDA cha me modashcha me jAtaM cha me janiShyamANaM cha me sUktaM cha me sukR^itaM cha me vittaM cha me vedyaM cha me bhUtaM cha me bhaviShyachcha me sugaM cha me supathaM cha ma R^iddhaM cha ma R^iddhishcha me kL^iptaM cha me kL^iptishcha me matishcha me sumatishcha me || 2|| shaM cha me mayashcha me priyaM cha me.anukAmashcha me kAmashcha me saumanasashcha me bhadraM cha me shreyashcha me vasyashcha me yashashcha me bhagashcha me draviNaM cha me yantA cha me dhartA cha me kShemashcha me dhR^itishcha me vishvaM cha me mahashcha me saMvichcha me j~nAtraM cha me sUshcha me prasUshcha me sIraM cha me layashcha ma R^itaM cha me.amR^itaM cha me.ayakShmaM cha me.anAmayachcha me jIvAtushcha me dIrghAyutvaM cha me.anamitraM cha me.abhayaM cha me sugaM cha me shayanaM cha me sUShA cha me sudinaM cha me || 3|| Urkcha me sUnR^itA cha me payashcha me rasashcha me ghR^itaM cha me madhu cha me sagdhishcha me sapItishcha me kR^iShishcha me vR^iShTishcha me jaitraM cha ma audbhidyaM cha me rayishcha me rAyashcha me puShTaM cha me puShTishcha me vibhu cha me prabhu cha me bahu cha me bhUyashcha me pUrNaM cha me pUrNataraM cha me.akShitishcha me kUyavAshcha me.annaM cha me.akShuchcha me vrIhayashcha me yavAshcha me mAShAshcha me tilAshcha me mudgAshcha me khalvAshcha me godhUmAshcha me masurAshcha me priyaMgavashcha me.aNavashcha me shyAmakAshcha me nIvArAshcha me || 4|| ashmA cha me mR^ittikA cha me girayashcha me parvatAshcha me sikatAshcha me vanaspatayashcha me hiraNyaM cha me.ayashcha me sIsaM cha me trapushcha me shyAmaM cha me lohaM cha me.agnishcha ma Apashcha me vIrudhashcha ma oShadhayashcha me kR^iShTapachyaM cha me.akR^iShTapachyaM cha me grAmyAshcha me pashava AraNyAshcha yaj~nena kalpantAM vittaM cha me vittishcha me bhUtaM cha me bhUtishcha me vasu cha me vasatishcha me karma cha me shaktishcha me.arthashcha ma emashcha ma itishcha me gatishcha me || 5|| agnishcha ma indrashcha me somashcha ma indrashcha me savitA cha ma indrashcha me sarasvatI cha ma indrashcha me pUShA cha ma indrashcha me bR^ihaspatishcha ma indrashcha me mitrashcha ma indrashcha me varuNashcha ma indrashcha me tvaShTA cha ma indrashcha me dhAtA cha ma indrashcha me viShNushcha ma indrashcha me.ashvinau cha ma indrashcha me marutashcha ma indrashcha me vishve cha me devA indrashcha me pR^ithivI cha ma indrashcha me.antarikShaM cha ma indrashcha me dyaushcha ma indrashcha me dishashcha ma indrashcha me mUrdhA cha ma indrashcha me prajApatishcha ma indrashcha me || 6|| a{\m+}shushcha me rashmishcha me.adAbhyashcha me.adhipatishcha ma upA{\m+}shushcha me.antaryAmashcha ma aindravAyavashcha me maitrAvaruNashcha ma Ashvinashcha me pratiprasthAnashcha me shukrashcha me manthI cha ma AgrayaNashcha me vaishvadevashcha me dhruvashcha me vaishvAnarashcha ma R^itugrahAshcha me.atigrAhyAshcha ma aindrAgnashcha me vaishvadevashcha me marutvatIyAshcha me mAhendrashcha ma Adityashcha me sAvitrashcha me sArasvatashcha me pauShNashcha me pAt_nIvatashcha me hAriyojanashcha me || 7|| idhmashcha me barhishcha me vedishcha me dhiShNiyAshcha me sruchashcha me chamasAshcha me grAvANashcha me svaravashcha ma uparavAshcha me.adhiShavaNe cha me droNakalashashcha me vAyavyAni cha me pUtabhR^ichcha ma AdhavanIyashcha ma AgnIdhraM cha me havirdhAnaM cha me gR^ihAshcha me sadashcha me puroDAshAshcha me pachatAshcha me.avabhR^ithashcha me svagAkArashcha me || 8|| agnishcha me gharmashcha me.arkashcha me sUryashcha me prANashcha me.ashvamedhashcha me pR^ithivI cha me.aditishcha me ditishcha me dyaushcha me shakkvarIra~Ngulayo dishashcha me yaj~nena kalpantAmR^ikcha me sAma cha me stomashcha me yajushcha me dIkShA cha me tapashcha ma R^itushcha me vrataM cha me.ahorAtrayorvR^iShTyA bR^ihadrathantare cha me yaj~nena kalpetAm || 9|| garbhAshcha me vatsAshcha me tryavishcha me tryavI cha me dityavAT cha me dityauhI cha me pa~nchAvishcha me pa~nchAvI cha me trivatsashcha me trivatsA cha me turyavAT cha me turyauhI cha me paShThavAT cha me paShThauhI cha ma ukShA cha me vashA cha ma R^iShabhashcha me vehachcha me.anaDvA~ncha me dhenushcha ma Ayuryaj~nena kalpatAM prANo yaj~nena kalpatAmapAno yaj~nena kalpatAM vyAno yaj~nena kalpatAM chakShuryaj~nena kalpatAg shrotraM yaj~nena kalpatAM mano yaj~nena kalpatAM vAgyaj~nena kalpatAmAtmA yaj~nena kalpatAM yaj~no yaj~nena kalpatAm || 10|| ekA cha me tisrashcha me pa~ncha cha me sapta cha me nava cha ma ekAdasha cha me trayodasha cha me pa~nchadasha cha me saptadasha cha me navadasha cha ma ekavi{\m+}shatishcha me trayovi{\m+}shatishcha me pa~nchavi{\m+}shatishcha me saptavi{\m+}shatishcha me navavi{\m+}shatishcha ma ekatri{\m+}shachcha me trayastri{\m+}shachcha me chatasrashcha me.aShTau cha me dvAdasha cha me ShoDasha cha me vi{\m+}shatishcha me chaturvi{\m+}shatishcha me.aShTAvi{\m+}shatishcha me dvAtri{\m+}shachcha me ShaTtri{\m+}shachcha me chatvari{\m+}shachcha me chatushchatvAri{\m+}shachcha me.aShTAchatvAri{\m+}shachcha me vAjashcha prasavashchApijashcha kratushcha suvashcha mUrdhA cha vyashniyashchAntyAyanashchAntyashcha bhauvanashcha bhuvanashchAdhipatishcha || 11|| OM iDA devahUrmanuryaj~nanIrbR^ihaspatirukthAmadAni sha{\m+}siShadvishvedevAH sUktavAchaH pR^ithivImAtarmA mA hi{\m+}sIrmadhu maniShye madhu janiShye madhu vakShyAmi madhu vadiShyAmi madhumatIM devebhyo vAchamudyAsa{\m+} shushrUSheNyAM manuShyebhyastaM mA devA avantu shobhAyai pitaro.anumadantu|| OM shAntiH shAntiH shAntiH || || OM shAntiH shAntiH shAntiH || || iti shrI kR^iShNayajurvedIya taittirIya saMhitAyAM chaturthakANDe saptamaH prapAThakaH || ## Send corrections to P. P. Narayanaswami \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}