% Text title            : Satyavrataproktam Rudramantravyakhyavarnanam
% File name             : rudramantravyAkhyAvarNanam.itx
% Category              : shiva, shivarahasya, mantra
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 39 | 72-89 ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Satyavrataproktam Rudramantravyakhyavarnanam ..}##
\itxtitle{.. satyavrataproktaM rudramantravyAkhyAvarNanam ..}##\endtitles ##
satyavrataH \-
santi dharmAH shrutiproktAH purANoktAshcha koTishaH |
teShu dharmeShu sarveShu dharmAH pa~ncha manoharAH || 72||
vibhUtidhAraNaM dharmaH tathA rudrAkShadhAraNam |
rudrAdhyAyajapo li~Nge bilvaiH shA~NkarapUjanam || 73||
pa~nchamaM shivanaivedyabhojanaM taiH paraM naraH |
kR^itairmukto bhavatyeva mahApAtakakoTibhiH || 74||
nArINAM cha narANAM cha dharmo.ayaM tulya ityataH |
avisheSheNa kartavyaH sarveShAmapi sarvathA || 75||
rudrAdhyAyajape shaktiH strINAM yadi na sarvathA |
tadA pa~nchAkSharo japyaH vedasAratayA smR^itaH || 76||
dadhimanthanasamprAptanavanItanibhaM viduH |
pa~nchAkSharamahAmantraM vedarAshivinirgatam || 77||
ayaM mantraH paro mantraH sarvamantrottamottamaH |
mantrarAjAdhirAjo.ayaM mantraratnamiti smR^itaH || 78||
vedaiH paramayaM mantro japtaH pa~nchAkSharaH paraH |
maheshvareNa japto.ayaM japto.apyambikayA mudA || 79||
kumAreNApi japto.ayaM gaNeshenApi sAdaram |
shrIkAlabhairaveNApi japtaH pa~nchAkSharaH param || 80||
vIrabhadreNa japto.ayaM nandikeshena sAdaram |
sabhR^i~NgipramukhaiH sarvaiH gaNairjaptaH sa kinnaraiH || 81||
gandharvaiH parijapto.ayaM sakalatraishcha pannagaH |
nArAyaNena japto.ayaM japto.ayaM ramayA mudA || 82||
brahmaNApi sarasvatyA japto.ayaM paramo manuH |
indreNa japtaH shachyA cha chandreNApi prayatnataH || 83||
agninApi prajapto.ayaM svAhayApi prayatnataH |
vAyunApi prajapto.ayaM bhUmyA japto visheShataH || 84||
yamenApi prajapto.ayamanyaishchApi suraistathA |
dadhIchipramukhaiH sarvaiH japto.ayaM munibhiH sadA || 85||
ayameva paro mantraH sarveShAM mokShadAyakaH |
sUryeNa vAyunA japtashchandreNApi prayatnataH || 86||
pa~nchAkSharakArasudhAsamudraM kR^itvA mahArudramivAparaM tam |
ko vA na tanmantrajapAnuraktaH tyaktvA pashughnaM kR^itapAparAshim || 87||
ito.adhikaH ko.api na vedamadhye mantro.asti mantrAdhipa eva so.ayam |
ayaM smR^itashchenmaraNAvasAne muktiH paraM kiM na karaprapannA || 88||
mantreShvayaM shAmbhavamantrarAjarAjAdhirAjaH khalu shaivamantraH |
ataH sa evAmitapuNyahetuH sa eva mokShAya vinirmito.api || 89||

|| iti shivarahasyAntargate satyavrataproktaM rudramantravyAkhyAvarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 39| 72\-89 ||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 39. 72-89 ..

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}