% Text title : Rudra Sahasranama stotra 2 from LingapurAna % File name : rudrasahasranAmastotralingapurANa.itx % Category : shiva, sahasranAma % Location : doc\_shiva % Proofread by : DPD, Sivakumar Thyagarajan, PSA Easwaran % Description/comments : Lingapuranam - pUrvabhAgaH/adhyAyaH 65. Purana available at sa.wikisource.org % Latest update : March 26, 2020 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Rudra Sahasranama Stotram 2 ..}## \itxtitle{.. shrIrudrasahasranAmastotram 2 ..}##\endtitles ## li~NgapurANataH adhyAya 65 OM shrIgaNeshAya namaH | R^iShayaH UchuH | AdityavaMshaM somasya vaMshaM vaMshavidAM vara | vaktumarhasi chAsmAkaM sa~NkShepAdromaharShaNam || 1|| sUta uvAcha | aditiH suShuve putramAdityaM kashyapAddvijAH | tasyAdityasya chaivAsIdbhAryAtrayamathAparam || 2|| sa.nj~nA rAj~nI prabhA ChAyA putrAMstAsAM vadAmi vaH | sa.nj~nA tvAShTrI cha suShuve sUryAnmanumanuttamam || 3|| yamaM cha yamunAM chaiva rAj~nI revatameva cha | prabhA prabhAtamAdityAchChAyAM sa.nj~nApyakalpayat || 4|| ChAyA cha tasmAtsuShuve sAvarNiM bhAskarAddvijAH | tataH shani~ncha tapatIM viShTi~nchaiva yathAkramam || 5|| ChAyA svaputrAbhyadhikaM sneha~nchakre manau tadA | pUrvo manurna chakShAma yamastu krodhamUrchChitaH || 6|| mantADayAmAsa ruShA pAdamudyamya dakShiNam | yamena tADitA sA tu ChAyA vai duHkhitAbhavat || 7|| ChAyAshApAtpada~nchaikaM yamasya klinnamuttamam | pUyashoNita sampUrNaM kR^imINAM nichayAnvitam || 8|| so.api gokarNamAshritya phalakenAnilAshanaH | ArAdhayanmahAdevaM yAvadvarShAyutAyutam || 9|| bhavaprasAdAdAgatya lokapAlatvamuttamam | pitR^INAmAdhipatyaM tu shApamokShaM tathaiva cha || 10|| labdhavAndevadevasya prabhAvAchChUlapANinaH | asaMhantI purA bhAnostejomayamaninditA || 11|| rUpaM tvAShTrI svadehAttu ChAyAkhyAM sA tvakalpayat | vaDavArUpamAsthAya tapastepe tu suvratA || 12|| kAlAtprayatnato j~nAtvA ChAyAM ChAyApatiH prabhuH | vaDavAmagamat sa.nj~nAmashvarUpeNa bhAskaraH || 13|| vaDavA cha tadA tvAShTrI sa.nj~nA tasmAddivAkarAt | suShuve chAshvinau devau devAnAntu bhiShagvarau || 14|| likhito bhAskaraH pashchAtsa.nj~nApitrA mahAtmanA | viShNoshchakraM tu yadghoraM maNDalAdbhAskarasya tu || 15|| nirmame bhagavAMstvaShTA pradhAnaM divyamAyudham | rudraprasAdAchcha shubhaM sudarshanamiti smR^itam || 16|| labdhavAn bhagavAMshchakraM kR^iShNaH kAlAgnisannibham | manostu prathamasyAsa nava putrAstu tatsamAH || 17|| ikShvAkurnabhagashchaiva dhR^iShNuH sharyAtireva cha | nariShyantashcha vai dhImAn nAbhAgo.ariShTa eva cha || 18|| karUShashcha pR^iShadhrashcha navaite mAnavAH smR^itAH | ilA jyeShThA variShThA cha puMstvaM prApa cha yA purA || 19|| sudyumna iti vikhyAtA puMstvaM prAptA tvilA purA | mitrAvaruNayostvatra prasAdAnmunipu~NgavAH || 20|| punaH sharavaNaM prApya strItvaM prApto bhavAj~nayA | sudyumno mAnavaH shrImAn somavaMshapravR^iddhaye || 21|| ikShvAkorashvamedhena ilA kimpuruSho.abhavat | ilA kimpuruShatve cha sudyumna iti chochyate || 22|| mAsamekaM pumAnvIraH strItvaM mAsamabhUtpunaH | ilA budhasya bhavanaM somaputrasya chAshritA || 23|| budhenAntaramAsAdya maithunAya pravirtitA | somaputrAdbudhAchchApi ailo yaj~ne purUravAH || 24|| somavaMshAgrajo dhImAnbhavabhaktaH pratApavAn | ikShvAkorvaMshavistAraM pashchAdvakShye tapodhanAH || 25|| putratrayamabhUttasya sudyumnasya dvijottamAH | utkalashcha gayashchaiva vinatAshvastathaiva cha || 26|| utkalasyotkalaM rAShTraM vinatAshvasya pashchimam | gayA gayasya chAkhyAtA purI paramashobhanA || 27|| surANAM saMsthitiryasyAM pitR^INA~ncha sadA sthitiH | ikShvAkujyeShThadAyAdo madhyadeshamavAptavAn || 28|| kanyAbhAvAchcha sudyumno naiva bhAgamavAptavAn | vasiShThavachanAttvAsItpratIShThAne mahAdyutiH || 29|| pratiShThA dharmarAjasya sudyumnasya mahAtmanaH | tatpurUravase prAdAdrAjyaM prApya mahAyashAH || 30|| mAnaveyo mahAbhAgaH strIpuMsorlakShaNAnvitaH | ikShvAkorabhavadvIro vikukShirdharmavittamaH || 31|| jyeShThaH putrashatasyAsIddasha pa~ncha cha tatsutAH | abhUjjyeShThaH kakutsthashcha kakutsthAttu suyodhanaH || 32|| tataH pR^ithurmunishreShThA vishvakaH pArthivastathA | vishvakasyArdrako dhImAn yuvanAshvastu tatsutaH || 33|| shAbastishcha mahAtejA vaMshakastu tatobhavat | nirmitA yena shAbastI gauDadeshe dvijottamAH || 34|| vaMshAchcha bR^ihadashvo.abhUtkuvalAshvastu tatsutaH | dhundhumAratvamApanno dhundhuM hatvA mahAbalam || 35|| dhandhumArasya tanayAstrayastrailokyavishrutAH | dR^iDhAshvashchaiva chaNDAshvaH kapilAshvashcha te smR^itAH || 36|| dR^iDhAshvasya pramodastu haryashvastasya vai sutaH | haryashvasya nikumbhastu saMhatAshvastu tatsutaH || 37|| kR^ishAshvo.atharaNAshvashcha saMhatAshvAtmajAvubhau | yuvanAshvo raNAshvasya mAndhAtA tasya vai sutaH || 38|| mAndhAtuH purukutso.abhUdambarIShashcha vIryavAn | muchakundashcha puNyAtmA trayastrailokyavishrutAH || 39|| ambarIShasya dAyAdo yuvAnAshvo.aparaH smR^itaH | harito yuvanAshvasya haritAstu yataH smR^itAH || 40|| ete hya~NgirasaH pakShe kShatropetA dvijAtayaH | purukutsasya dAyAdastrasaddasyurmahAyashAH || 41|| narmadAyAM samutpannaH sambhUtistasya chAtmajaH | viShNuvR^iddhaH sutastasya viShNuvR^iddhA yataH smR^itAH || 42|| ete hya~NgirasaH pakShe kShatropetAH samAshritAH | sambhUtiraparaM putramanaraNyamajIjanat || 43|| rAvaNena hato yo.asau trailokyavijaye dvijAH | bR^ihadashvo.anaraNyasya haryyashvastasya chAtmajaH || 44|| haryyashvAttu dR^iShadvatyAM jaj~ne vasumanA nR^ipaH | tasya putro.abhavadrAjA tridhanvA bhavabhAvitaH || 45|| pranAdAdbrahmasUnorvai taNDinaH prApya shiShyatAm | ashvamedhasahasrasya phalaM prApya tadAj~nayA || 46|| gaNaishvaryyamanuprApto bhavabhaktaH pratApavAn | katha~nchaivAshvamedhaM vai karomIti vichintayan || 47|| dhanahInashcha dharmAtmA dR^iShTavAn brahmaNaH sutam | taNDisa.nj~naM dvijaM tasmAllabdhavAn dvijasattamAH || 48|| nAmnAM sahasraM rudrasya brahmaNA kathitaM purA | tena nAmnAM sahasreNa stutvA taNDirmaheshvaram || 49|| labdhavAngANapatyaM cha brahmayonirdvijottamaH | tatastasmAnnR^ipo labdhvA taNDinA kathitaM purA || 50|| nAmnAM sahasraM japtvA vai gANapatyamavAptavAn | R^iShaya UchuH | nAmnAM sahasraM rudrasya tANDinA brahmayoninA || 51|| kathitaM sarvavedArthasa~nchayaM sUta suvrata | nAmnAM sahasraM viprANAM vaktumarhasi shobhanam || 52|| sUta uvAcha | sarvabhUtAtmabhUtasya harasyAmitatejasaH | aShTottarasahasraM tu nAmnAM shR^iNuta suvratAH || 53|| yajjaptvA tu munishreShThA gANapatyamavAptavAn | (atha sahasranAmastotram |) OM sthiraH sthANuH prabhurbhAnuH pravaro varado varaH || 54|| sarvAtmA sarvavikhyAtaH sarvaH sarvakaro bhavaH | jaTI daNDI shikhaNDI cha sarvagaH sarvabhAvanaH || 55|| harishcha hariNAkShashcha sarvabhUtaharaH smR^itaH | pravR^ittishcha nivR^ittishcha shAntAtmA shAshvato dhruvaH || 56|| shmashAnavAsI bhagavAnkhacharo gocharordanaH | abhivAdyo mahAkarmA tapasvI bhUtadhAraNaH || 57|| unmattaveshaH prachChannaH sarvalokaprajApatiH | mahArUpo mahAkAyaH sarvarUpo mahAyashAH || 58|| mahAtmA sarvabhUtashcha virUpo vAmano naraH | lokapAlo.antarhitAtmA prasAdo.abhayado vibhuH || 59|| pavitrashcha mahAMshchaiva niyato niyatAshrayaH | svayambhUH sarvakarmA cha AdirAdikaro nidhiH || 60|| sahasrAkSho vishAlAkShaH somo nakShatrasAdhakaH | chandraH sUryaH shaniH keturgraho grahapatirmataH || 61|| rAjA rAjyodayaH kartA mR^igabANArpaNo ghanaH | mahAtapA dIrghatapA adR^ishyo dhanasAdhakaH || 62|| saMvatsaraH kR^ito mantraH prANAyAmaH parantapaH | yogI yogo mahAbIjo mahAretA mahAbalaH || 63|| suvarNaretAH sarvaj~naH subIjo vR^iShavAhanaH | dashabAhustvanimiSho nIlakaNTha umApatiH || 64|| vishvarUpaH svayaMshreShTho balavIro balAgraNIH | gaNakartA gaNapatirdigvAsAH kAmya eva cha || 65|| mantravitparamo mantraH sarvabhAvakaro haraH | kamaNDaludharo dhanvI bANahastaH kapAlavAn || 66|| sharI shataghnI khaDgI cha paTTishI chAyudhI mahAn | ajashcha mR^igarUpashcha tejastejaskaro vidhiH || 67|| uShNIShI cha suvaktrashcha udagro vinatastathA | dIrghashcha harikeshashcha sutIrthaH kR^iShNa eva cha || 68|| shR^igAlarUpaH sarvArtho muNDaH sarvashubha~NkaraH | siMhashArdUlarUpashcha gandhakArI kapardyapi || 69|| Urdhvaretordhvali~NgI cha UrdhvashAyI nabhastalaH | trijaTI chIravAsAshcha rudraH senApatirvibhuH || 70|| ahorAtra~ncha nakta~ncha tigmamanyuH suvarchasaH | gajahA daityahA kAlo lokadhAtA guNAkaraH || 71|| siMhashArdularUpANAmArdracharmAmbarandharaH | kAlayogI mahAnAdaH sarvAvAsashchatuShpathaH || 72|| nishAcharaH pretachArI sarvadarshI maheshvaraH | bahubhUto bahudhanaH sarvasAro.amR^iteshvaraH || 73|| nR^ityapriyo nityanR^ityo nartanaH sarvasAdhakaH | sakArmuko mahAbAhurmahAghoro mahAtapAH || 74|| mahAsharo mahApAsho nityo giricharo mataH | sahasrahasto vijayo vyavasAyo hyaninditaH || 75|| amarShaNo marShaNAtmA yaj~nahA kAmanAshanaH | dakShahA parichArI cha prahaso madhyamastathA || 76|| tejo.apahArI balavAnvidito.abhyudito bahuH | gambhIraghoSho yogAtmA yaj~nahA kAmanAshanaH || 77|| gambhIraroSho gambhIro gambhIrabalavAhanaH | nyagrodharUpo nyagrodho vishvakarmA cha vishvabhuk || 78|| tIkShNopAyashcha haryashvaH sahAyaH karmakAlavit | viShNuH prasAdito yaj~naH samudro vaDavAmukhaH || 79|| hutAshanasahAyashcha prashAntAtmA hutAshanaH | ugratejA mahAtejA jayo vijayakAlavit || 80|| jyotiShAmayanaM siddhiH sandhirvigraha eva cha | khaDgI sha~NkhI jaTI jvAlI khacharo dyucharo balI || 81|| vaiNavI paNavI kAlaH kAlakaNThaH kaTa~NkaTaH | nakShatravigraho bhAvo nibhAvaH sarvatomukhaH || 82|| vimochanastu sharaNo hiraNyakavachodbhavaH | mekhalAkR^itirUpashcha jalAchAraH stutastathA || 83|| vINI cha paNavI tAlI nAlI kalikaTustathA | sarvatUryaninAdI cha sarvavyApyaparigrahaH || 84|| vyAlarUpI bilAvAsI guhAvAsI tara~Ngavit | vR^ikShaH shrImAlakarmA cha sarvabandhavimochanaH || 85|| bandhanastu surendrANAM yudhi shatruvinAshanaH | sakhA pravAso durvApaH sarvasAdhuniShevitaH || 86|| praskando.apyavibhAvashcha tulyo yaj~navibhAgavit | sarvavAsaH sarvachArI durvAsA vAsavo mataH || 87|| haimo hemakaro yaj~naH sarvadhArI dharottamaH | AkAsho nirvirUpashcha vivAsA uragaH khagaH || 88|| bhikShushcha bhikShurUpI cha raudrarUpaH surUpavAn | vasuretAH suvarchasvI vasuvego mahAbalaH || 89|| manovego nishAchAraH sarvalokashubhapradaH | sarvAvAsI trayIvAsI upadeshakaro dharaH || 90|| munirAtmA munirlokaH sabhAgyashcha sahasrabhuk | pakShI cha pakSharUpashcha atidIpto nishAkaraH || 91|| samIro damanAkAro hyartho hyarthakaro.avashaH | vAsudevashcha devashcha vAmadevashcha vAmanaH || 92|| siddhiyogApahArI cha siddhaH sarvArthasAdhakaH | akShuNNaH kShuNNarUpashcha vR^iShaNo mR^iduravyayaH || 93|| mahAseno vishAkhashcha ShaShTibhAgo gavAM patiH | chakrahastastu viShTambhI mUlastambhana eva cha || 94|| R^iturR^itukarastAlo madhurmadhukaro varaH | vAnaspatyo vAjasano nityamAshramapUjitaH || 95|| brahmachArI lokachAri sarvachAri suchAravit | IshAna IshvaraH kAlo nishAchArI hyanekadR^ik || 96|| nimittastho nimittaM cha nandirnandikaro haraH | nandIshvaraH sunandI cha nandano viShamardanaH || 97|| bhagahArI niyantA cha kAlo lokapitAmahaH | chaturmukho mahAli~NgashchAruli~Ngastathaiva cha || 98|| li~NgAdhyakShaH surAdhyakShaH kAlAdhyakSho yugAvahaH | bIjAdhyakSho bIjakartA adhyAtmAnugato balaH || 99|| itihAsashcha kalpashcha damano jagadIshvaraH | dambho dambhakaro dAtA vaMsho vaMshakaraH kaliH || 100|| lokakartA pashupatirmahAkartA hyadhokShajaH | akSharaM paramaM brahma balavA~nChukra eva cha || 101|| nityo hyanIshaH shuddhAtmA shuddho mAno gatirhaviH | prAsAdastu balo darpo darpaNo havyamindrajit || 102|| vedakAraH sUtrakAro vidvAMshcha paramardanaH | mahAmeghanivAsI cha mahAghoro vashIkaraH || 103|| agnijvAlo mahAjvAlaH paridhUmrAvR^ito raviH | dhiShaNaH sha~Nkaro nityo varchasvI dhUmralochanaH || 104|| nIlastathA~Ngaluptashcha shobhano naravigrahaH | svasti svastisvabhAvashcha bhogI bhogakaro laghuH || 105|| utsa~Ngashcha mahA~Ngashcha mahAgarbhaH pratApavAn | kR^iShNavarNaH suvarNashcha indriyaH sarvavarNikaH || 106|| mahApAdo mahAhasto mahAkAyo mahAyashAH | mahAmUrdhA mahAmAtro mahAmitro nagAlayaH || 107|| mahAskandho mahAkarNo mahoShThashcha mahAhanuH | mahAnAso mahAkaNTho mahAgrIvaH shmashAnavAn || 108|| mahAbalo mahAtejA hyantarAtmA mR^igAlayaH | lambitoShThashcha niShThashcha mahAmAyaH payonidhiH || 109|| mahAdanto mahAdaMShTro mahAjihvo mahAmukhaH | mahAnakho mahAromA mahAkesho mahAjaTaH || 110|| asapatnaH prasAdashcha pratyayo gItasAdhakaH | prasvedano svahenashcha Adikashcha mahAmuniH || 111|| vR^iShako vR^iShaketushcha analo vAyuvAhanaH | maNDalI meruvAsashcha devavAhana eva cha || 112|| atharvashIrShaH sAmAsya R^iksahasrorjitekShaNaH | yajuH pAdabhujo guhyaH prakAshaujAstathaiva cha || 113|| amoghArthaprasAdashcha antarbhAvyaH sudarshanaH | upahAraH priyaH sarvaH kanakaH kA~nchanasthitaH || 114|| nAbhirnandikaro harmyaH puShkaraH sthapatiH sthitaH | sarvashAstro dhanashchAdyo yaj~no yajvA samAhitaH || 115|| nago nIlaH kaviH kAlo makaraH kAlapUjitaH | sagaNo gaNakArashcha bhUtabhAvanasArathiH || 116|| bhasmashAyI bhasmagoptA bhasmabhUtatanurgaNaH | Agamashcha vilopashcha mahAtmA sarvapUjitaH || 117|| shuklaH strIrUpasampannaH shuchirbhUtaniShevitaH | AshramasthaH kapotastho vishvakarmA patirvirAT || 118|| vishAlashAkhastAmroShTho hyambujAlaH sunishchitaH | kapilaH kalashaH sthUla Ayudhashchaiva romashaH || 119|| gandharvo hyaditistArkShyo hyavij~neyaH sushAradaH | parashvadhAyudho devo hyarthakArI subAndhavaH || 120|| tumbavINo mahAkopa UrdhvaretA jaleshayaH | ugro vaMshakaro vaMsho vaMshavAdI hyaninditaH || 121|| sarvA~NgarUpI mAyAvI suhR^ido hyanilo balaH | bandhano bandhakartA cha subandhanavimochanaH || 122|| rAkShasaghno.atha kAmArirmahAdaMShTro mahAyudhaH | lambito lambitoShThashcha lambahasto varapradaH || 123|| bAhustvaninditaH sarvaH sha~Nkaro.athApyakopanaH | amaresho mahAghoro vishvadevaH surArihA || 124|| ahirbudhnyo nirR^itishcha chekitAno halI tathA | ajaikapAchcha kApAlI shaM kumAro mahAgiriH || 125|| dhanvantarirdhUmaketuH sUryo vaishravaNastathA | dhAtA viShNushcha shakrashcha mitrastvaShTA dharo dhruvaH || 126|| prabhAsaH parvato vAyuraryamA savitA raviH | dhR^itishchaiva vidhAtA cha mAndhAtA bhUtabhAvanaH || 127|| nIrastIrthashcha bhImashcha sarvakarmA guNodvahaH | padmagarbho mahAgarbhashchandravaktro nabho.anaghaH || 128|| balavAMshchopashAntashcha purANaH puNyakR^ittamaH | krUrakartA krUravAsI tanurAtmA mahauShadhaH || 129|| sarvAshayaH sarvachArI prANeshaH prANinAM patiH | devadevaH sukhotsiktaH sadasatsarvaratnavit || 130|| kailAsastho guhAvAsI himavadgirisaMshrayaH | kulahArI kulAkartA bahuvitto bahuprajaH || 131|| prANesho bandhakI vR^ikSho nakulashchAdrikastathA | hrasvagrIvo mahAjAnuralolashcha mahauShadhiH || 132|| siddhAntakArI siddhArthashChando vyAkaraNodbhavaH | siMhanAdaH siMhadaMShTraH siMhAsyaH siMhavAhanaH || 133|| prabhAvAtmA jagatkAlaH kAlaH kampI tarustanuH | sAra~Ngo bhUtachakrA~NkaH ketumAlI suvedhakaH || 134|| bhUtAlayo bhUtapatirahorAtro malo.amalaH | vasubhR^itsarvabhUtAtmA nishchalaH suvidurbudhaH || 135|| asuhR^itsarvabhUtAnAM nishchalashchalavidbudhaH | amoghaH saMyamo hR^iShTo bhojanaH prANadhAraNaH || 136|| dhR^itimAnmatimAMstryakShaH sukR^itastu yudhAM patiH | gopAlo gopatirgrAmo gocharmavasano haraH || 137|| hiraNyabAhushcha tathA guhAvAsaH praveshanaH | mahAmanA mahAkAmo chittakAmo jitendriyaH || 138|| gAndhArashcha surApashcha tApakarmarato hitaH | mahAbhUto bhUtavR^ito hyapsarogaNasevitaH || 139|| mahAketurdharAdhAtA naikatAnarataH svaraH | avedanIya AvedyaH sarvagashcha sukhAvahaH || 140|| tAraNashcharaNo dhAtA paridhA paripUjitaH | saMyogI vardhano vR^iddho gaNiko.atha gaNAdhipaH || 141|| nityo dhAtA sahAyashcha devAsurapatiH patiH | yuktashcha yuktabAhushcha sudevo.api suparvaNaH || 142|| AShADhashcha suShADhashcha skandhado harito haraH | vapurAvartamAno.anyo vapuH shreShTho mahAvapuH || 143|| shiro vimarshanaH sarvalakShyalakShaNabhUShitaH | akShayo rathagItashcha sarvabhogI mahAbalaH || 144|| sAmnAyo.atha mahAmnAyastIrthadevo mahAyashAH | nirjIvo jIvano mantraH subhago bahukarkashaH || 145|| ratnabhUto.atha ratnA~NgaH mahArNavanipAtavit | mUlaM vishAlo hyamR^itaM vyaktAvyaktastaponidhiH || 146|| ArohaNo.adhirohashcha shIladhArI mahAtapAH | mahAkaNTho mahAyogI yugo yugakaro hariH || 147|| yugarUpo mahArUpo vahano gahano nagaH | nyAyo nirvApaNo pAdaH paNDito hyachalopamaH || 148|| bahumAlo mahAmAlaH shipiviShTaH sulochanaH | vistAro lavaNaH kUpaH kusumA~Ngo phalodayaH || 149|| R^iShabho vR^iShabho bha~Ngo mANibimbajaTAdharaH | indurvisargaH sumukhaH shUraH sarvAyudhaH sahaH || 150|| nivedanaH sudhAjAtaH svargadvAro mahAdhanuH | girAvAso visargashcha sarvalakShaNalakShavit || 151|| gandhamAlI cha bhagavAnanantaH sarvalakShaNaH | santAno bahulo bAhuH sakalaH sarvapAvanaH || 152|| karasthAlI kapAlI cha UrdhvasaMhanano yuvA | yantratantrasuvikhyAto lokaH sarvAshrayo mR^iduH || 153|| muNDo virUpo vikR^ito daNDI kuNDI vikurvaNaH | vAryakShaH kakubho vajrI dIptatejAH sahasrapAt || 154|| sahasramUrdhA devendraH sarvadevamayo guruH | sahasrabAhuH sarvA~NgaH sharaNyaH sarvalokakR^it || 155|| pavitraM trimadhurmantraH kaniShThaH kR^iShNapi~NgalaH | brahmadaNDavinirmAtA shataghnaH shatapAshadhR^ik || 156|| kalA kAShThA lavo mAtrA muhUrtohaH kShapA kShaNaH | vishvakShetraprado bIjaM li~NgamAdyastu nirmukhaH || 157|| sadasadvyaktamavyaktaM pitA mAtA pitAmahaH | svargadvAraM mokShadvAraM prajAdvAraM triviShTapaH || 158|| nirvANaM hR^idayashchaiva brahmalokaH parA gatiH | devAsuravinirmAtA devAsuraparAyaNaH || 159|| devAsuragururdevo devAsuranamaskR^itaH | devAsuramahAmAtro devAsuragaNAshrayaH || 160|| devAsuragaNAdhyakSho devAsuragaNAgraNIH | devAdhidevo devarShirdevAsuravarapradaH || 161|| devAsureshvaro viShNurdevAsuramaheshvaraH | sarvadevamayo.achintyo devatA.a.atmA svayambhavaH || 162|| udgatastrikramo vaidyo varado.avarajo.ambaraH | ijyo hastI tathA vyAghro devasiMho maharShabhaH || 163|| vibudhAgryaH surashreShThaH svargadevastathottamaH | saMyuktaH shobhano vaktA AshAnAM prabhavovyayaH || 164|| guruH kAnto nijaH sargaH pavitraH sarvavAhanaH | shR^i~NgI shR^i~Ngapriyo babhrU rAjarAjo nirAmayaH || 165|| abhirAmaH susharaNo nirAmaH sarvasAdhanaH | lalATAkSho vishvadeho hariNo brahmavarchasaH || 166|| sthAvarANAM patishchaiva niyatendriyavartanaH | siddhArthaH sarvabhUtArtho.achintyaH satyaH shuchivrataH || 167|| vratAdhipaH paraM brahma muktAnAM paramA gAtiH | vimukto muktakeshashcha shrImA~nChrIvardhano jagat || 168|| yathApradhAnaM bhagavAniti bhaktyA stuto mayA | bhaktimevaM puruskR^itya mayA yaj~napatirvibhuH || 169|| tato hyanuj~nAM prApyaivaM stuto bhaktimatAM gatiH | tasmAllabdhvA stavaM shambhornR^ipastrailokyavishrutaH || 170|| ashvamedhasahasrasya phalaM prApya mahAyashAH | gaNAdhipatyaM sa.nprAptastaNDinastejasA prabhoH || 171|| yaH paThechChruNuyAdvApi shrAvayedbrAhmaNAnapi | ashvamedhasahasrasya phalaM prApnoti vai dvijAH || 172|| brahmaghnashcha surApashcha steyashcha gurutalpagaH | sharaNAgataghAtI cha mitravishvAsaghAtakaH || 173|| mAtR^ihA pitR^ihA chaiva vIrahA bhrUNahA tathA | saMvatsaraM kramAjjaptvA trisandhyaM sha~NkarAshrame || 174|| divamiShTvA trisandhyaM cha sarvapApaiH pramuchyate || 175|| iti shrIli~NgamahApurANe pUrvabhAge rudrasahasranAmakathanaM nAma pa~nchaShaShTittamo.adhyAyaH || 65|| ## Lingapuranam - pUrvabhAgaH adhyAyaH 65 The core stotra with names starts at verse 54 of the adhyAya. Initial verses are given for reference and are not part of the stotram. There are some similarities with the sahasranAmastotra from Mahabharata, but the content is different at many places. Proofread by DPD, Sivakumar Thyagarajan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}