% Text title            : Samavedaprokta Shiva Stuti
% File name             : sAmavedaproktAshivastutiH.itx
% Category              : shiva, shivarahasya, stuti
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 22| 88-111||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Samavedaprokta Shiva Stuti ..}##
\itxtitle{.. sAmavedaproktA shivastutiH ..}##\endtitles ##
(shivarahasyAntargate ugrAkhye)
sAmaveda uvAcha
namo bhavAya rudrAya mohanAya namo namaH |
mArgIhimAya shuddhAya dhunvate cha namo namaH || 88||
namo namastApasAya tApaseshAya vai namaH |
namo namo vishAlAya shrIpunarvasave namaH || 89||
namaH shivAya pArAya supArAya namo namaH |
mahApArAya pAryAya pAradAya namo namaH || 90||
dhunvate pAravindAya puruShAya namo namaH |
namaH supuruShArthAya shrImahApuruShAya cha || 91||
namo.annAyAnnapataye ekAkShAyAmitekShiNe |
namaH pratipadAyApi namaH pratariNe sadA || 92||
namastriyambakAyApi namastasmai kapardine |
namo brahmAdhipataye shrIviShNupataye namaH || 93||
namo.akhilAdhipataye virUpAkShAya sunvate |
eka eva mahArudraH sarvadevottamo namaH || 94||
na tasmAdadhikaH ko.api satyamevochyate mayA |
na yasmAdadhiko devo devadevAnmaheshvarAt || 95||
sa eva sarvadA sevyaH shrIrudro vishvashAsakaH |
viShNumukhyAH surAH sarve sha~Nkarasyaiva ki~NkarAH || 96||
indropendraprabhR^itayaH sarva sha~Nkaraki~NkarAH |
shivamevAdhika manye devadevottamaM prabhum || 97||
devottamAnmahAdevAtko.api nAstyadhikaH surAH |
devottamo mahAdevaH sarvadevanamaskR^itaH || 98||
satyametatpunaH satyaM satyametanna saMshayaH |
shivaH kalyANanilayaH sarvadevashikhAmaNiH || 99||
satyametatpunaH satyaM satyametanna saMshayaH |
shiva eva sadA pUjyo bhuktimuktiphalepsubhiH || 100||
satyametatpunaH satyaM satyametanna saMshayaH |
sR^iShTisthitivinAshAnAM shiva eva hi kAraNam || 101||
satyametatpunaH satyaM satyametanna saMshayaH |
tasmai mayA namaskArAH kR^itAH pUrvamaghApahAH || 102||
sarvavyApIti yo j~neyaH so.ananta iti manmahe |
yo.ananta iti vij~neyassa tAra iti manmahe || 103||
yattAramiti vij~neyaM tatsUkShmamiti gIyate |
yatsUkShmamiti vij~neyaM tachChuklamiti manyatAm || 104||
yachChuklamiti vij~neyaM taddhi vaidyutameva hi |
yadvaidyutaM tadevaikaM parabrahmeti manyatAm || 105||
sa ekaH sarvabhUtAtmA sa eko rudra uchyate |
sa IshAnaH sa bhagavAnsa maheshvara uchyate || 106||
sa mahAdeva eveshaH sa sadAshiva Iryate |
advitIyo vibhuH shreShThaH sa eko rudra uchyate || 107||
rudrastriyambako nAnyo rudra ityabhidhIyate |
sarvavyApI triNayanastasmAdIshAna uchyate || 108||
sa pashyatyakhilANDAni svAtmasR^iShTAni sarvashaH |
sR^iShTAni chAkhilANDAni svayameSho.avati prabhuH || 109||
lokAnsa~NkShapayate sarvAnkalpAnte svechChayA shivaH |
shivo.ayaM vishvatashchakShuH shivo.ayaM vishvatomukhaH || 110||
shivo.ayaM vishvatobAhurvishvatasmAnmaheshvaraH |
tataH sarvaM parityajya pUjayantu maheshvaram || 111||

|| iti shivarahasyAntargate sAmavedaproktA shivastutiH sampUrNA ||

\- || shrIshivarahasyam | ugrAkhyaH saptamAMshaH | adhyAyaH 22| 88\-111||
##
- .. shrIshivarahasyam . ugrAkhyaH saptamAMshaH . adhyAyaH 22 . 88-111..
##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}