% Text title            : Sadashiva Kavacham
% File name             : sadAshivakavacham.itx
% Category              : shiva, kavacha
% Location              : doc\_shiva
% Transliterated by     : staff of Muktabodha.org Mark S.G. Dyczkowski
% Proofread by          : Aruna Narayanan narayanan.aruna at gmail.com
% Description/comments  : rudrayAmale uttaratantre 2 bhairava bhairavI sa.nvAde
% Source                : Rudrayamalam part 2 edited by Ram Prasad Tripathi and Sudhakar Malaviya
% Acknowledge-Permission: Marjorie Woollacott, Ph.D., Digital Library Coordinator muktabodha.org
% Latest update         : February 16, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sadashiva Kavacham ..}##
\itxtitle{.. sadAshivakavacham ..}##\endtitles ## 
atha chatuHsaptatitamaH paTalaH
shrIAnandabhairava uvAcha
shailaje devadeveshi sarvAmnAyaprapUjite |
sarvaM me kathitaM devi kavachaM na prakAshitam || 74\-1||
prAsAdAkhyasya mantrasya kavachaM me prakAshaya |
sadAshivamahAdevabhAvitaM siddhidAyakam || 74\-2||
aprakAshyaM mahAmantraM bhairavIbhairavodayam |
sarvarakShAkaraM devi yadi sneho.asti mAM prati || 74\-3||
shrIAnandabhairavI uvAcha
shrUyatAM bhagavannAtha mahAkAla kulArNava |
prAsAdamantrakavachaM sadAshivakulodayam || 74\-4||
prAsAdamantradevasya vAmadeva R^iShiH smR^itaH |
pa~NktishChandashcha deveshaH sadAshivo.atra devatA || 74\-5||
sAdhakAbhIShTasiddhau cha viniyogaH prakIrtitaH |
shiro me sarvadA pAtu prAsAdAkhyaH sadAshivaH || 74\-6||
ShaDakSharasvarUpo me vadanaM tu maheshvaraH |
aShTAkSharashaktiruddhashchakShuShI me sadA.avatu || 74\-7||
pa~nchAkSharAtmA bhagavAn bhujau me parirakShatu |
mR^ityu~njayastribIjAtmA AyU rakShatu me sadA || 74\-8||
vaTamUlasamAsIno dakShiNAmUrtiravyayaH |
sadA mAM sarvataH pAtu ShaTtriMshadvarNarUpadhR^ik || 74\-9||
dvAviMshArNAtmako rudraH kukShiM me parirakShatu |
trivarNADhyo nIlakaNThaH kaNThaM rakShatu sarvadA || 74\-10||
chintAmaNirbIjarUpo.ardhanArIshvaro haraH |
sadA rakShatu me guhyaM sarvasampatpradAyakaH || 74\-11||
ekAkSharasvarUpAtmA kUTavyApI maheshvaraH |
mArtaNDo bhairavo nityaM pAdau me parirakShatu || 74\-12||
tumburAkhyo mahAbIjasvarUpastripurAntakaH |
sadA mAraNabhUmau cha rakShatu tridashAdhipaH || 74\-13||
UrdhvamUrdhvAnamIshAno mama rakShatu sarvadA |
dakShiNAsyaM tatpuruSho.avatu me girinAyakaH || 74\-14||
aghorAkhyo mahAdevaH pUrvAsyaM parirakShatu |
vAmadevaH pashchimAsyaM sadA me parirakShatu || 74\-15||
uttarAsyaM sadA pAtu sadyojAtasvarUpadhR^ik |
mR^ityujetA sadA pAtu jale.araNye mahAbhaye || 74\-16||
parvate viShamasthAne viShahartA sadA.avatu |
kAlarudraH sadA pAtu sarvA~NgaM kAladevatA || 74\-17||
kAlAgnirudraH sampAtu mahAvyAdhibhayAdiShu |
akAlatArakaH pAtu khaDgadhArI sadAshivaH || 74\-18||
kavachI vAmadevashcha sadA pAtu mahAbhaye |
kAlabhakShaH pAtu rudro rurukaH kShetrapAlakaH || 74\-19||
mAtR^ikAmaNDalaM pAtu sampUrNachandrashekharaH |
chirAyuH shAkinIbhartA chAyuShaM pAtu me sadA || 74\-20||
siMhaskandhaH sadA pAtu rudrANIvallabho.avatu |
bhAlaM pAtu vajradambhAlekhakaH krAntirUpakaH || 74\-21||
nirUpakaH sadA pAtu khecharIkhecharapriyaH |
ratnamAlAdharaH pAtu raktamukhIshvaro.avatu || 74\-22||
vadanaM chakShuShI karNau pAtu pa~nchAnano mama |
vedadhvaniH sadA pAtu nAsArandhradvayaM mama || 74\-23||
kapAladhArakaH pAtu gaNDayugmaM yugAntakR^it |
raktajihvApatiH pAtu mamoShThAdharavAsinam || 74\-24||
dantAvaliyugaM pAtu bhR^igurAmeshvaraH shivaH |
tAlumUlaM sadA pAtu vishvabhojI rasAmR^itam || 74\-25||
jihvAgraM vAkpatIshashcha bhavAnIshaH shivo mama |
mukhavR^ittaM sadA pAtu mahAsenaH kavIshvaraH || 74\-26||
krodhanAthaH sadA pAtu dakShahastAdimUlakam |
dakShakUrparamApAtu tadagraM kukkureshvaraH || 74\-27||
chirajIvI sadA pAtu chA~NgulImUladeshakam |
a~NgulyagraM sadA brahmA brahmali~NgadharaH prabhuH || 74\-28||
vidyApatiH pArvatIsho vAmahastAdimUlakam |
pAtu vAmakUrparaM me vAmakeshvara IshvaraH || 74\-29||
kuNDavAsI sadA pAtu kUrparAgraM kulAchalaH |
vedamAtR^ipatiH pAtu kAmadhenupatiH prabhuH || 74\-30||
mamA~NgulImUladeshaM pAtu pa~nchamukho mama |
vAmA~NgulyagrabhAgaM me pAtu parvatapUjitaH || 74\-31||
tanumUlAgrabhAgaM me kUrmachakradharaH prabhuH |
shAkinIvallabhaH pAtu dakShA~Nghrimadhyadeshakam || 74\-32||
gulphAgraM gargarInAthaH pAdAgraM mUladevatA |
abhayAvallabhaH pAtu dakShA~NgulyagrabhAgakam || 74\-33||
pAtu smaraharo yogI vAmorumUladeshakam |
vAmapAdamadhyadeshaM madhyadesheshvaro.avatu || 74\-34||
pAtu me bhagavA~nChambhurmama gulphAgradeshakam |
mUladeshaM vAmapAdaM pAtu me.a~NguShThamUlakam || 74\-35||
kAraNAtmA nIlakaNThaH prabhAdhArI yamAntakaH |
a~NguShThAgraM sadA pAtu suShumnAnADikeshvaraH || 74\-36||
mahArudreshvaraH pAtu mama nAbhimanobhavam |
udaraM gaganAdhAraH kAmahartA hR^idambujam || 74\-37||
sarvAnandAtmakaH pAtu mama skandhayugaM shivaH |
hR^idayAd dakShahastAgraparyantaM pAtu shokahA || 74\-38||
hR^idayAd vAmahastAgraparyantaM parameshvaraH |
hR^idayAnmama dakShA~NghrinakhAntaM me shivo.avatu || 74\-39||
sadAnandA sadA pAtu hR^idAdya~NghriM tu unmadaH |
vAsukIvallabhaH pAtu hR^idAdigudadeshakam || 74\-40||
anantanAtha ApAtu hR^idAdimUrdhadeshakam |
vyApakaH sarvadA pAtu sadAshiva umApatiH || 74\-41||
tArAtmakaH kAyasiddhaH shaktIshaH shukradevatA |
pa~nchachUDaH sadA pAtu pa~nchatattvA~NgarUpakam || 74\-42||
shIrShAdipAdaparyantaM kAmadhenuH sadA.avatu |
jale.araNye ghoravane sa~NkaTe cha mahApathe || 74\-43||
prAntare pAtu guptAkShaH kAmarAjaH parAparaH |
ardhanArIshvaraH pAtu mAtR^ikAparameshvaraH || 74\-44||
mAtR^ikAmantrapuTitaH svasvasthAnaM sadAvatu |
dharmAtmA dharmasandhiM me pi~NgalAM pAtu chaNDikAm || 74\-45||
vihvalaH sarvadA pAtu bholAnAthaH sadA.avatu |
sarvadeshe sarvapIThe kAmarUpe visheShataH || 74\-46||
sarvadA yoginInAthaH paramAtmA sadA.avatu |
kAmarUpAkhyapIThAdi pa~nchAshat pIThadevatAH || 74\-47||
pa~nchAshatpIThamAyA tu kAmarUpaM sadAshivaH |
bhavo rudro maheshashcha sha~Nkaro manmathAntakaH || 74\-48||
guhyakeshaH pApahartA kapAlI shUladhArakaH |
pa~nchavaktro dashabhujo bhuja~NgabhUShaNo haraH || 74\-49||
mahAkAlo mahArudro mahAvIro hR^idi sthitaH |
mahAdevo mahAguhyo mahAmAyA mahAguNaH || 74\-50||
pashupatirvirUpAkSho harIsho dhavaleshvaraH |
vaTukeshaH kramAchAryaH pa~nchashUlI hR^idudbhavaH || 74\-51||
unmanIshaH sAhasikaH parAkhyaH parvateshvaraH |
sarvAtmA cha mahAtmA cha shivAtmA cha shmashAnagaH || 74\-52||
krodhavIraH kAlakArI sUkShmadharmA dhurandharaH |
shyAmakaH krUrahartA cha gaNeshaH kAlamAdhavaH || 74\-53||
j~nAnAtmA kapilAtmA cha siddhAtmA yoginIpatiH |
koTisUryapratIkAsha ekapa~nchAshadIshvarAH || 74\-54||
sadA pAntu mAtR^ikasthAH sthitisargalayAtmakAH |
AdipIThaM kAmarUpaM kA~nchIpIThaM tadantike || 74\-55||
ayodhyApIThanagaraM tadUrdhve jAlakandharam |
jAlandharaM tadUrdhve tu siddhapIThaM tadantike || 74\-56||
kAlIpIThaM tadUrdhve tu chaNDikApIThamagrake |
aShTapurImahApIThaM kaNThadeshaM sadAshivaH || 74\-57||
sadA pAtu mahAvIraH kAladharmI parAtparaH |
madhupurImahApIThaM chAShTapurAntarasthitam || 74\-58||
mAyAvatImahApIThaM tadUrdhve parikIrtitam |
vArANasImahApIThaM dharmapIThaM tadantike || 74\-59||
jvAlAmukhImahApIThaM tadantaHsthaM prakIrtitam |
tadUrdhve cha mahApIThaM jvalantIpIThameva cha || 74\-60||
tadUrdhve pUNagiryAkhyaM kurukShetraM tadantike |
uDDiyAnaM tadUrdhve tu kamalApIThameva cha || 74\-61||
haridvAraM mahApIThaM badarIpIThameva cha |
vyAsapIThaM nAradAkhyaM tadUrdhve vADavAnalam || 74\-62||
hi~NgulAdaM tadUrdhve tu la~NkApIThaM tadUrdhvake |
tadUrdhve shAradApIThaM ratipIThaM tadUrdhvake || 74\-63||
li~NgapIThaM kalApIThaM dvArakApIThameva cha |
kapAlapIThaM haryAkhye varadApIThamuttare || 74\-64||
kAlIpIThaM tadUrdhve tu tArApIThaM tadUrdhvake |
ugratArAmahApIThaM mahogrApIThameva cha || 74\-65||
nIlasarasvatIpIThaM jarApIThaM tadUrdhvake |
tadUrdhve gaganApIThaM khecharIpIThameva cha || 74\-66||
tadUrdhve tAriNIpIThaM sahasradalamadhyake |
kartrIpIThaM tadUrdhve cha devIpIThaM tadUrdhvake || 74\-67||
rAjarAjeshvarIpIThaM ShoDashIpIThameva cha |
sahasradalamadhye tu sahasrapIThameva cha || 74\-68||
madhye ekajaTApIThaM kartrItIrakalopari |
ShoDashImukhavidyAbhirveShTitA tAriNIkalA || 74\-69||
kAlI nIlA mahAvidyA tvaritA ChinnamastakA |
vAgvAdinI chAnnapUrNA devI pratya~NgirA punaH || 74\-70||
kAmAkhyA vAsalI bAlA mAta~NgI shailavAsinI |
ShoDashI bhuvaneshAnI bhairavI bagalAmukhI || 74\-71||
dhUmAvatI vedamAtA harasiddhA cha dakShiNA |
etA vidyA mahAvidyAH shivasevanashobhitAH || 74\-72||
dvAviMshatimahAvidyA dvAraM dvAviMshatisthalam |
mahApIThe sahasrAre sarvadA pAntu mAM kalAH || 74\-73||
sadAshivaH shaktiyuktaH pAtu chaNDeshvaro haraH |
pa~nchAmarAdharaH pAtu devInAthaH sadA.avatu || 74\-74||
pArvatIprANanAtho me sarvA~NgaM pAtu sarvadA |
aghoranAtha IshAno varado madanAntakaH || 74\-75||
yaj~nahartA dakShakhaNDo vIrabhadro digambaraH |
aShTAdashabhujo raudro nIlapa~NkajalochanaH || 74\-76||
trilochanaH kAlakAmo mahArudro gaNeshvaraH |
kAkinIvallabhaH shUlI yogakartA maheshvaraH || 74\-77||
vAgIshvaraH smaraharo mahAmantro halAyudhaH |
shrInAthaH pUjito bAlo bAlendro balavAhanaH || 74\-78||
balarAmaH kR^iShNarAmo govindo mAdhavIshvaraH |
jitAmitreshvarashchUDAmaNIsho mAnadaH sukhI || 74\-79||
mukhaM vR^indAvanaM pAtu ShaDdalAmbhoruhasthitam |
vaiShNavIvallabhaH pAtu brahmANaM kulakuNDalI || 74\-80||
viShNunAthaH sadA pAtu brahmAgniM garuDadhvajaH |
jvAlAmAlAdharaH pAtu kAlAnaladharo.avatu || 74\-81||
kAkinIvallabhaH pAtu Ishvaro bhairaveshvaraH |
mahArudro nIlakaNTho maNipUraM sulAkinIm || 74\-82||
sadA pAtu maNigR^ihaM rudrANIpriyavallabhaH |
mahArudro nIlakaNTho mahAviShNuM sadAvatu || 74\-83||
rAkiNIM viShNulakShmIM cha pAtu me vaiShNavIM kalAm |
sadAshivo nIlakaNTho mama pAtu hR^idi sthalam || 74\-84||
IshvaraM paramAtmAnaM mama rakShatu shAkinIm |
sadAshivaM sadA pAtu dvidalastho.aparo haraH || 74\-85||
hAkinIshaktitaH pAtu sahasrAraM shivo.avatu |
tArAnAthavidhiH pAtu sahasrAranivAsinIm || 74\-86||
mahAkAshaM sadA pAtu tadadho vAyumaNDalam |
vahnimaNDalamApAtu tadadhaH shAkinIshvaraH || 74\-87||
tadAtmakaH sadA pAtu kIlAlaM kauladevatA |
pR^ithivIM pArthivaH pAtu sarvadaikaM sadAshivaH || 74\-88||
itthaM rakShAkaraM nAtha kavachaM devadurlabham |
prAtaHkAle paThedyastu so.abhIShTaM phalamApnuyAt || 74\-89||
pUjAkAle paThedyastu kavachaM sAdhakottamaH |
kIrtishrIkAntimedhAyurbR^iMhito bhavati dhruvam || 74\-90||
aprakAshyaM mahAvIrakavachaM sarvasiddhidam |
j~nAnamAtreNa bhUrloke jetA kAlasya yogirAT || 74\-91||
asya dhAraNamAtreNa kAlasUtrAntako bhavet |
asya dhAraNapAThena sarvaj~no bhavati dhruvam || 74\-92||
sarve vyAsavashiShThAdimahAsiddhAshcha yoginaH |
paThitvA dhArayitvA te pradhAnAstattvachintakAH || 74\-93||
kaNThe yo dhArayedetat kavachaM tvatsvarUpakam |
madvaktrAmbhoruhodbhUtaM vidyAvAksiddhidAyakam || 74\-94||
yuddhe vijayamApnoti dyUte vAde cha sAdhakaH |
kavachaM dhArayedyastu sAdhako dakShiNe bhuje || 74\-95||
devA manuShyA gandharvAstasya vashyA na saMshayaH |
kavachaM shirasA yastu dhArayed yatamAnasaH || 74\-96||
karasthAstasya deveshi aNimAdyaShTasiddhayaH |
bhUrjapatre tvimAM vidyAM shuklapaTTena veShTitAm || 74\-97||
rajatodarasaMviShTAM kR^itvA cha dhArayet sudhIH |
sa.nprApya mahatIM lakShmImante tava sharIradhR^ik || 74\-98||
yasmai kasmai na dAtavyaM na prakAshyaM kadAchana |
shiShyAya bhaktiyuktAya sAdhakAya prakAshayet || 74\-99||
yogine j~nAnayuktAya deyaM dharmAtmane sadA |
anyathA siddhihAniH syAtsatyaM satyaM na saMshayaH || 74\-100||
tava snehAnmahAdeva kathitaM kavachaM shubham |
na deyaM kavachaM siddhaM yadIchChedAtmano hitam || 74\-101||
yadi bhAgyaphalenApi kavachaM yadi labhyate |
dhUrto vA kapaTI vApi khalo vA durgrahasthitaH || 74\-102||
nijakarmaphalatyAgamavashyaM khalu kArayet |
tadA siddhimavApnoti dharmadhArAdharo bhavet || 74\-103||
siddhipUjAphalaM tasya divase divase sudhIH |
dhUrtatAM khalatAM mithyAM kApaTyaM sa vihAya cha || 74\-104||
rAjarAjeshvaro bhUtvA jIvanmukto na saMshayaH |
yo.archayed gandhapuShpAdyaiH kavachaM manmukhoditam || 74\-105||
tenArchitA mahAdeva sarvadevA na saMshayaH |
rAjasikaM mAnasikaM tAmasikaM parantapaH || 74\-106||
hR^idye mAnasikaM dhyAyan pUjA rAjasikaM smR^itam |
tAmasikaM lokamadhye kavachArchA tridhA matA || 74\-107||
siddhakavachamAkhyAtaM kevalaM j~nAnasiddhaye |
mokShAya jagatAM shambhoH priyAya parameshvara || 74\-108||
tantre.asmin sArasa~NketaM pUjA.apyAropaNAdikam |
antaHkaraNamadhye tu sarvakAryamudIrayet || 74\-109||
rAjye cha prapaThet stotraM kavachaM j~nAnasiddhaye |
 iti te kathitaM nAtha paramAtmani ma~Ngalam || 74\-110||
yasyArAdhanamAtreNa shivatvamuta kiM prabho || 74\-111||

iti shrIrudrayAmale uttaratantre mahAtantroddIpane siddhamantraprakaraNe
ShaTchakraprakAshe bhairavIbhairavasaMvAde sadAshivakavachapATho nAma
chatuHsaptatitamaH paTalaH || 74||

##
The numbers correspond to paTala and verse numbers from
Rudrayamala uttaratantra.

Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}