% Text title            : Sadashivastotram 3 from kRRiShNayAmala 
% File name             : sadAshivastotramkRRiShNayAmala.itx
% Category              : shiva
% Location              : doc\_shiva
% Proofread by          : Tanvir Chowdhury
% Description/comments  : Krishna Yamala Tantra Parishishta 1
% Latest update         : January 28, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sadashivastotram ..}##
\itxtitle{.. sadAshivastotram ..}##\endtitles ##
brAhmaNI uvAcha \-
tataH kiM taiH kR^itaM devairbrahmaviShNushivAdibhiH |
tanme kathaya tattvaj~naH shrautuM kautUhalaM mama || 1||

brAhmaNa uvAcha \-
shR^iNu tubhyaM mahAbhAge kathayiShyAmi tattvataH |
mahAviShNuvachaH shrutvA yachchakrurjagadIshvarAH || 2||

brahmAdyA UchuH \-
bhagavan sarvabhUtAtman koTibrahmANDavigraha |
tvayoddiShTo hyayaM panthA durdarsho durgamo hi naH || 3||
pathipraj~no yadA kashchidagragAmI bhavedvibho |
tadA vA shakyate gantuM shrImadvR^indAvanaM vanam || 4||
chakSharnastAdR^ishaM bhUyAdyathA drakShyAma tAM purIm |
itthaM shrutvA vachasteShAM jahAsa puruShottamaH || 5||
hasatastasya vadanodako nIlaghanachChaviH |
aShTabAhuH pItavAsA nIlendIvaralochanaH || 6||
vanamAlAdharaH kaNThe koTikandarpamohanaH |
vinirgatya sa tAnAha brahmaviShNumaheshvarAn || 7||
gachChadhvaM bho mayA sArddhaM darshayiShyAmi tAM purIm |
mahAviShNoH prasAdena yUyaM vai divyachakShuShaH || 8||
bhUtvA drakShyatha tadrAjyaM vR^indAvanavanaM mahat |
ahaM puraHsaro bhUtvA yAsyAmi tu sahAyatAm || 9||
tataH sarve tena sAkaM gachChantastridasheshvarAH |
durgAlokaM cha dadR^ishuH sarvabhUtamanoharam || 10||
tadgatvA bhuvanaM devyAH kalpavR^ikShopashobhitam |
pArijAtavanAmodamadhumattamadhuvratam || 11||
nAnAmR^igagaNAkIrNaM siMhashArdUlagarjitam |
brahmaviShNumaheshAdyairaparaiH parisevitam || 12||
tanmadhye ratnarachitaM divyaM siMhAsanottamam |
tasya madhye mahAchakraM koTisUryasamaprabham || 13||
sAShTavaktraM satrivR^ittaM ShoDashAShTadalAnvitam |
shakrakoNayutaM shrImad dvirdashArasamanvitam || 14||
sAShTakoNaM satrikoNaM binduyuktaM manoharam |
sa(sha)rvaprabhR^itisaMyuktaM bhairavIbhairavAvR^itam || 15||
tanmadhye cha mahAdevIM koTisUrya samaprabhAm |
chaturbhujAM trinetrAM cha pa~nchabANadhanurdharAm || 16||
pAshA~NkushadharAM devIM raktAbharaNabhUShitAm |
raktavastraparIdhAnAM pInonnatapayodharAm || 17||
navayauvanasampannAM paramAnandarUpiNIm |
praNemu daNDavat tAM cha shrImattripurasundarIm || 18||
tatastAn praNatAn prAha devI tribhuvaneshvarI |
tatsidhyatu devendrA yadarthaM gantumichChatha || 19||
evaM devyAshiShaM devA gR^ihItvA gantumudyatAH |
tatastAM trijagaddhAtrIM namaskR^itya puraHsaraH || 20||
pratimUrtirmahAviShNorAha tAn meghanisvanaH |
AgachChadhvaM mahAbhAgA nAtra kAryA vichAraNA || 21||
tatastadvachanaM shrutvA brahmAdyAstridasheshvarAH |
nirgatya devyA purataH shivalokapathaM gatAH || 22||
tatra jyotirmayaM li~NgaM dadarsha paramAdbhutam |
sarvavyApi jagadrUpaM sachchidAnandavigraham || 23||
mahAyoniyogapIThamArUDhaM paramaM padam |
nAnAkAra nirvikAraM nirAkAraM nira~njanam || 24||
nishchalaM nirmalaM shAntaM nitAntaM tad guNAguNam |
o~NkArAtmakamAkAramasheShaguNarUpakam || 25||
dR^iShTvA tadadbhutaM te cha mahAviShNutanushcha saH |
praNipatya mahAdevaM tuShTuvusvaM sadAshivam || 26||

brahmAdyA UchuH \-
OM jaya deva nira~njana nirvikAra jaya tejomayatanu durnivAra |
jaya li~NgarUpa jaya yonirUpa jaya jaya tiraskR^itasarvarUpa || 27||
jaya sha~Nkara sarvadashAgramate jaya ki~Nkaravatsala siddhigate |
jaya kAntiviDambitachandraruche ruchirAM varaprada sarvashubhe || 28||
jaya vedAgocharachArucharitra bhavasAgaratAraNavAhitra |
j~nAnAnandaparamapadakAraNa nityAnandaduHkhanivAraja || 29||
jaya shuddhasattvamayanirmalanishchala nirguNanityanirAmayaniShkala |
jaya brahmaviShNushivajuShTapAda jaya nAmanirAkR^itadevavAda || 30||
jaya jaya ma~NgaladAyakanAyaka nijabhaktotkaTatApavinAshaka |
jaya nirjaya jayada jaganmaya sadayahR^idaya dakSha makhakShaya || 31||
lokAtItasakalarasasAgara ga~NgAdhara jaya rajanInAgara |
sarvabhUtahitakAraNatAraNa jaya paramesha nikhilajanapAvana || 32||
jaya bahurUpa nirUpa nira~njana shUlahasta pashupAshavinAshana |
jaya jaya parama parAparavandita vAmadeva sakalajanara~njita || 33||
utpattisthitivinAshaheto parameshAna paramavR^iShaketo |
jaya niShkA~NkSha nirAmaya nirbhaya jaya durjaya jaya vijaya jagattraya || 34||
jaya chandrachUDa vimada vimatsara gaurIvadanasaroruhamadhukara |
sarvadevahR^idayAntanivAsa bhUtivibhUShaNakR^ittivAsa |
jaya rAdheshvara sakalArAdhita jaya vishveshvara vishvavibodhita || 35||
he vishvanAtha sakaleshvara li~NgarUpa
       sarvAntarastha paramesha parAvaresha |
bhUtAdhinAtha bhuvanAni bibharShi pAsi
       tvaM kR^ipAmayajanAn paripAhyanAthAn || 36||
he chandrachUDa puruSheshvara sha~NkarAdya
       gaurIpate sakalaniShkalashUlapANe |
vedAdyagocharasugocharabhaktibhAjAM
       shannaH kuru shravaNama~Ngalama~Ngalesha || 37||
sarvaj~na sarvabhUtesha sarvabhUteshvareshvaraH |
sarvabhUtAtman sarvasiddhIsha vishveshvara namo.astu te || 38||
tvaM brahma paramaM sUkShma kR^iShNastvaM puruShaH paraH |
prakR^itistvaM parA sUkShmA pradhAnapuruSheshvarAH || 39||
mahAviShNustu viShNustvaM brahmeshAnapurandarAH |
devAH sarve jagannAtha tvameva sarvadR^ik shivaH || 40||
tvaM bhUmistvaM jalaM vahnirvAyurAkAshameva cha |
tvameva sarvabhUtAni sthAvarANi charANi cha || 41||
bhUtaM bhavad bhaviShyachcha tvameva parameshvaraH |
prasIda devadevesha parAtpara namo.astu te || 42||

shrInArada uvAcha \-
ya imaM paThate strotraM brahmAdimukhanirgatam |
AyurvidyA yasho lakShmIrmuktistasya karasthitA || 43||

|| iti shrIkR^iShNajA(yA)male mahAshivadarshanaM sadAshivastotraM nAma pa~nchamo.adhyAyaH || 5||
parishiShTa 1

##
Proofread by Tanvir Chowdhury

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}