% Text title            : Shankaraih Prokta Shiva Stuti
% File name             : shAnkaraiHproktAshivastutiH.itx
% Category              : shiva, shivarahasya, stuti
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhImAkhyaH aShTamAMshaH | adhyAyaH 15 | 9-24||
% Latest update         : July 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shankaraih Prokta Shiva Stuti ..}##
\itxtitle{.. shA~NkaraiH proktA shivastutiH ..}##\endtitles ##
(shivarahasyAntargate bhImAkhye)
shA~NkarAH uchuH
he gaurIramaNAruNAchalapate tUrNaM mamAbhyarNagaM
mR^ityuM vAraya tArayAshu duritAtsampUrNadR^iksa~NgataH |
ghorApArabhavArNavAjjanijarArogAnutApairapi
shambho me maraNakShaNe.api sharaNaM te pa~NkajAbhaM padam || 9||
he gaurIkuchachArushailashikharApArAdarasvAntara
mAroddAmasudarpasarpakuhArApAravyathAsaMhara |
he kAkodarabhUSha bhUtida mahIdhR^igdhuryabANAsana
mathyatsAgarasambhavottamagara shrInIlakaNTha prabho || 10||
pAhIshAna dayAnidhAna bhagavankAruNyasindho sadA || 11||
he chandradyutikoTira~njitajaTA koTIra jUTIlasa\-
ddeva shrItaTinItaTottama paTIbhUtebhacharmAmbara |
he kAlaprabhuvarya ghoTakamahAvedoruheShAstuta
truTyaddiktaTa sambhramorunaTana pATIrapa~NkA~Nkita || 12||
he shUlodyatahasta mastakalasachchandroruga~NgAdhara
svAmin devakirITakoTivilasatpAdAmbujAvAdya mAm |
mustAshastasamastabhItidamahAkolorudaMShTrAdhara\-
vitrastAkhilalokarakShakamahAshAstaH pitaH pAhi mAm || 13||
he ga~NgAmbutara~Ngasa~NgasumahAdityottamA~Nga prabho
mAM durbodhamanarghabhUtivilasatsarvA~NgarAgAvatAt |
divyottu~Ngabhuja~Ngasa~Nga sumahAnandA~Ngali~NgAntaraM
agnIShomapata~Nganetra karuNAdR^iksa~NgataH pAhimAm || 14||
he bhAlAkSha mahesha rakSha karuNAmUrte.adhvarAdhyakSha mAM
vIkShAshikShitamanmathA~Nga sumahAdakShorushikShAkara |
tatpakShAntaradevavR^indakadana dhvaMsIkR^itAdhokShaja
pAhyakSheshavarAshraya tribhuvanAdhyakSha prabho pAhimAm || 15||
tryakShApAtadayAghanAntaradR^ishA saMvIkShya sarvadA
he shambho.anupamorusundara jaTAbhrAjachChashA~Nka prabho |
prAjyAjyAplutavahnivaktrahavanaprAchuryarAjyaprada
bhaiShajyottama deva deva sumahApApAnvite mayyati\-
hR^ittApena divAnishaM pradahite shambho.anukampAM kuru || 16||
he kAlAntaka shAntidAntiniratasvAntAntara~Ngasthita
mattAnantajagatsarAntarasuhR^itsaMsAratAntaM hi mAm |
bhrAntaM bhItamashAntabuddhimanishaM kAmAntara~NgaM sadA
mAM rakShAshu dayAnidhe hara umAkAnta prabho sha~Nkara || 17||
he sha~Nkara smaraharAndhakakAlatro
saMsAraroga haravaidya surottamAdya
pAhyadvaya shrutishirasstutapAda gadya\-
padyastuti prakaTitapramathAdhinAtha || 18||
vidyutsucha~nchalalalanaradehameta.N\-
llabdhvApi te padayugaM na bhajAmi mugdhaH |
he vyAlamAla garashobhitakaNThamUla
divyatrishUlakara kAlagalAtilIla || 19||
kolAhaladhvanikarottamabhAlamUla\-
jvAlAnalAyitapuratrayatUla shambho |
pAhIndudhAma sulalAma jaTottamA~Nga
mAlAyitAbjajakapAla talAtalastha || 20||
vishvAdhika vishvabandharachitAmeya yamadhvaMsaka
kAyApAyamapAkuruShva bhagavan mAyAndhakAraM hara |
meyaM te padapa~NkajaM pratibhave.apyevaM muhuHsidhyatAM
heyA me viShayA bhavantu niyataM heyaM na te pUjanam || 21||
mInadhvajAdriShu paraM parikhinnachittaM
hR^ittApayuktamatha vittagaNArjanena |
pittolbaNena satataM bhramadantara~NgaM
AshAshamAya karuNAM kuru pAhi dInam || 22||
he svarNavarNasadR^ishottamakarNikAra\-
mandArakundakaravIrasadambujArchya |
bilvottamA~Nga sukadambaka champakAdi\-
dUrvArchya sha~Nkara vibho paripAhi dInam || 23||
he vishvanAtha mathitAntakamanmathA~Nga
gaurIsanAtha mama nAtha surapramAtha |
mAM rakSha sha~Nkara anAthajanapramAtha
nAthAdhunA.adhvanikR^ite varamadrinAtha || 24||

|| iti shivarahasyAntargate shA~NkaraiH kR^itA shivastutiH sampUrNA ||

\- || shrIshivarahasyam | bhImAkhyaH aShTamAMshaH | adhyAyaH 15 | 9\-24||
##
- .. shrIshivarahasyam . bhImAkhyaH aShTamAMshaH . adhyAyaH 15 . 9-24..

Notes:
Śāṅkarāḥ ##shA~NkarAH## eulogize Śiva ##shiva##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}