% Text title            : Shri Shailesha Mahatmya Varnanam
% File name             : shaileshamahAtmyavarNanam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 27||
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Shailesha Mahatmya Varnanam ..}##
\itxtitle{.. shrIshaileshamahAtmyavarNanam ..}##\endtitles ##
shivaH \-
shrR^iNu devi priyaM nityamasti kShetravaraM mama |
yatraitat j~nAnamamalaM dattaM skandAya sha~Nkari || 10||
shrIshaile hi mahAdevi matputrasya tapasyayA |
tuShTo.ahaM tasya cha stutyA j~nAnaM dattaM mayAmbike || 11||
devI \-
kutra shrIshailasa~nj~no.asti bhUdharastvatpriya~NkaraH |
vada tanmahimAnaM me smande tuShTo bhavAnkatham || 12||
tatkathAM shrotumichChAmi vada tanmahyamAdarAt |
iti shrutvAmbikAvAkyaM prAha devo ghR^iNAnidhiH || 13||
IshvaraH \-
shrIshailo.api cha deveshi nivAso mama vishrutaH |
shrIshaileshvarali~NgAtmA tatra nityaM vasAmyaham || 14||
bhramarAmbeti vikhyAtA gauri tvaM tatra saMsthitA |
tatrApi bahavaH shaivAH shrIshaileshArchane ratAH || 15||
bhasmarudrAkShasaMvItAstripuNDrojvalabhAlakAH |
rudrali~NgArchanaratA rudrAdhyAyajapAdarAH || 16||
pa~nchAkShararatA nityaM pa~nchAsyadhyAnapUrvakam |
shrIshaile nivasAmIshe gaNavR^indaishcha saMvR^itaH || 17||
tatra tvayA tapastaptaM brahmaviShNumukhaiH suraiH |
indrAdyA vibudhAH sarve tapyanti paramaM tapaH || 18||
anyairmunivarairdevi gautamAtriparAsharaiH |
tapaHsiddhikaraM sthAnaM mama shrIshailamuttamam || 19||
atra japto mahAdevi manuH koTiguNo bhavet |
atrAnnaM ye prayachChanti smR^itvAnnapatimAdarAt || 20||
annaM matprItaye devi bahu kurvIta cha shrutiH |
shAmbhavaM bhojayitvaikaM santoShayati mAM sadA || 21||
kR^iShNA nAma mahApuNyA nadI sAgaragAminI |
bhitvA shrIshailamUlaM me snAtAnAmaghahAriNI || 22||
santarpya pAthasA tasyAH pitR^In devAnR^iShInapi |
pitarastasya tR^iptAH syurmalloke nivasanti te || 23||
tatpUtanIrairbilvairmAM samArAdhyAtibhaktitaH |
madAlayasya shikharaM dR^iShTvA naivApnuyA~njanuH || 24||
shivalokapriyAnmartyaH shrIshaile nivasechcha yaH |
prAtaHsa~NgavamadhyAhnasAyAhneShvarchya sha~Nkaram || 25||
bilvapatrairmahAdevi muktashchAj~nAnato bhavet |
ashvamedhAdayo yaj~nAH yena sAnnAH sadakShiNAH || 26||
kR^itAstenaiva labhyeta shrIshaileshasya darshanam |
nAtaptatapaso devi shrIshaileshvaradarshane || 27||
(yena modakadAnAni brahmANDadIni sattame |
kR^itAni tasya deveshi shrIshaileshvaradarshanam ||)
(adhika shloka)
matirbhavati tasyaiva yena taptatapo.ambike |
adyApi brahmaviShNvAdyA munayashcha tathA.apare || 28||
pashyanti niyataM gauri talli~NgaM draShTumichChavaH |
rudrAdhyAyAvartanaishcha pa~nchAkSharajapAdibhiH || 29||
shivali~NgArchako yaH syAt bhUribhAgyena shAmbhavi |
yo bhasmaniShThaH satataM rudrAkShakR^itaka~NkaNaH || 30||
tripuNDradhArI satataM tasya me darshanaM bhavet |
prApya nAraM vapuridaM dR^iShTvA shrIshailanAyakam || 31||
tajjanma saphalaM gauri no chejjanma nirathakam |
shatAyuH puruSho yo hi janmamadhye.api mAM shivam || 32||
shrIshaileshaM sakR^iddR^iShTvA muchyate bhavabandhanAt |
anyatrApi mR^ito devi mama loke vasechchiram || 33||
shrIshaile cha mR^ito janturna punarjanmabhAgbhavet |
atrApi devi li~NgAni shrIshaile santi tAnyapi || 34||
pUjitAnIha muktiH syAddR^iShTAnyapi manorame |
bilvapatraiH sadA devi puShpairdUrvA~Nkurairapi || 35||
utphullapadmairamalaiH phullanIlotpalairapi |
bhUdharArAdhitaM li~NgaM tripurAntakasa~nj~nitam || 36||
talli~Ngadarshanenaiva sarvapApakShayo bhavet |
dR^iShTe li~Nge mahAdevi mukto bhavati sha~Nkari || 37||
pUrvaM tripurasaMhAraM kR^itvA devaistathA stutaH |
tripurAntakali~NgasthaH shrIshaile sarvakAmade || 38||
ghaNTAkarNeshvaraM li~NgamatrAsti bhuvaneshvari |
ghaNTAkarNagaNeshena pUjitaM muktidAyakam || 39||
yastalli~NgaM sakR^id{}dR^iShTvA pUjya bilvaishcha komalaiH |
muktikAntA karAkrAntA tasya devi bhaviShyati || 40||
tatrAsti cha sudhAkuNDaM sudhAsvAdujalaM shive |
tasminkuNDe sakR^itsnAtvA na yAmIM yAtanAM vrajet || 41||
ghaNTAkarNamahAli~NgaM dR^iShTvA yaH stoShyati priye |
tasya muktiM dadAmIshe yA devairapi durlabhA || 42||
anena stotravaryeNa ghaNTAkarNastadAstavIt |
ghaNTAkarNaH \-
vishvesha pramathAdhinAtha purahan shrIshailagole sthita
      pApAna~Ngapata~Ngasa~NgajanitAnandA~Ngavidyutprabha |
tvannAmAnyanishaM vadAmi bhagavannanyAni nAmAni me
      ghaNTAkarNo.ahamIsha tvayi shiva satataM bhaktirastvadya shambho || 43||
IshvaraH \-
athAnyadapi deveshi li~NgaM tachChikhareshvaram |
tachcha li~NgaM sakR^iddR^iShTvA bilvaiH sampUjya muktibhAk || 44||
vibhUtikuNDaM tatrAsti snAnAt pAnAvagAhanAt |
pApanAshakaraM devi sarvasaubhAgyadAyakam || 45||
hATakeshaM tathAnyat hi li~Ngamastyekamuttamam |
sampUjya hATakeshaM tu bilvairmuktastathAmbike || 46||
hATakAkhyaM mahAkuNDaM talli~NgAgre maheshvari |
tatra snAtvA sa gaurIshasevayA gaNapo bhavet || 47||
sa tu li~Ngamayo devi nAnAkuNDavirAjitaH |
shrIparvataH shriyA yukto nAnAli~NgavirAjitaH || 48||
bhramarAmbA cha gauri tvaM sadA tachChikhare sthitA |
tava pAdAmbujadvandvadarshanAnmuktibhA~N naraH || 49||
shrIshailesho.ahamIshAni tattu~Ngashikhare sthitaH |
brahmaviShNvAdibhirdevairgaNendrairapi sevitaH || 50||

|| iti shivarahasyAntargate shivagaurIsaMvAde shrIshaileshamahAtmyavarNanaM sampUrNam ||

\- || shrIshivarahasyam | bhargAkhyaH pa~nchamAMshaH | adhyAyaH 27||
##
- .. shrIshivarahasyam . bhargAkhyaH panchamAMshaH . adhyAyaH 27..
Notes:
Shri Shailam Kshetra is abode to Shaileshwara Linga (Mallikarjuna Jyotirlinga) having Vibhuti Kunda and the origin of River Krishna near it. Mallikarjuna (Shiva / Shailesha / Shaileshwara) resides here with Bhramaramba (Devi).
Shri (Devi Lakshmi), was graced by Shiva at this place with resurrection of Her son Manmatha who had been burned to ashes. Hence, the region came to be known as Shri Shailam (Shri - Lakshmi, Shailam - Mountain).
Shri Shailam Kshetra is also an abode to Tripurantaka Linga, Ghantakarneshwara Linga (with Sudha Kunda), and Hatakeshwara Linga (with Hataka Kunda).

The shloka numbers have been maintained per the source text.

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}