% Text title : Shanipradoshamahimavarnanam % File name : shanipradoShamahimAvarNanam.itx % Category : shiva, shivarahasya % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | mahAdevAkhyaH ekAdashamAMshaH | adhyAyaH 31 shanipradoShamahimA | vAvRittashlokAH || % Latest update : October 29, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shanipradoshamahimavarnanam ..}## \itxtitle{.. shanipradoShamahimAvarNanam ..}##\endtitles ## (shivarahasyAntargate mahAdevAkhye) \- shivapArvatIsaMvAde \- shrImahAdeva uvAcha | trayodashI pradoShebhyo mandavAreNa saMyutaH | pradoSho me mahAprItidAyakaH sha~Nkari priyo || 1|| shanipradoShe samprApte shukle kR^iShNe.athavA shive | pakShadvaye trayodashyAM nirAhAro bhavedatha || 2|| brahmachArI gR^ihI bhikShurvanI nArI naro.api | nityaM naimittikaM kAmyamiti tredhA.asya saMsthitiH || 3|| yo yathA kAmayedvApi dvAdashAbdaM samAcharet | udyApanaM chAsya shive somavArasamo vidhiH || 4|| kAlo hi mAghamAso.asya shrAvaNo vA maheshvari | shanipradoShayogena yadA sampadyate tadA || 5|| kuryAdudyApanaM chAsya AjanmA naivamAcharet | vidhimasya pravakShyAmi pUjAyAH shR^iNu shailaje || 6|| nadyAdau cha naraH snAtvA shuklavAsA jitendriyaH | prakShAlya pAdAvAchamya yatavAk shuddhamAnasaH || 7|| agnirityAdibhirmantrairbhasmanoddhUlya vigraham | triyAyuShatripuNDrA~NkaH rudrAkShAbharaNojjavalaH || 8|| ghaTItrayAvasheSheNa nityakarma samApya cha | li~Ngasya pArshvamAgatya kuryAtsa~NkalpapUrvakam || 9|| sampAdya pUjAsambhAraM kAlaM labdhvAtha taM shive | trayodashyAM divA sthitvA nirAhAro maheshvara ! || 10|| naktaM bhokShyAmi devesha trAhi mAM kR^ipayA hara | sarvapApakShayakaraH R^iNadAridryanAshakaH || 11|| durlabhaH shanivAreNa yukto muktiprado nR^iNAm | pradoSho durlabhatarastatra pUjApi durlabhA || 12|| devyuvAcha | bhagavan kena vidhinA samabhyarchya maheshvaram | pradoShe chAstadoShe te shaniyukte shivArchakaiH || 13|| sarvapApavinirmuktaH sarvAnkAmAnvApnuyAt | shiva uvAcha | sAyaM sandhyApradoShe tu trayodashyAM shanerdine || 14|| abdashchechChuklakR^iShNe vA shivaM dR^iShTvA mahAphalam | sthAvare ja~Ngame vApi li~Nge tu~Nge maheshvari || 15|| udaye dvAdashI ki~nchitpradoShe.atha trayodashI | shivArchananena yatpuNyaM tatpuNyaM nAnyadharmataH || 16|| devavAdaistathAnyairvA yogairvA kiM tapasyayA | shanipradoShe li~NgArchA ekabilvaprapUjanA || 17|| shanipradoShaM samprApya prAtaH kR^ityaM samApya cha | snAtvA nadyAM taTAke vA dhautavAsA jitendriyaH || 18|| upAsya pashchimAM sandhyAM bhasmarudrAkShabhUShaNaH | shivAgAraM pravishyAtha vitAnasamala~NkR^itam || 19|| puShpamAlA.a.avR^itaM chAru tauryatrikavinAditam | upavishyAsane shubhre prANAnAyamya vAgyataH || 20|| bhUtashuddhiM tataH kR^itvA mAtR^ikAkSharapUrvakam | mantranyAsaM tataH kR^itvA shivapIThaM samarchayet || 21|| AdhArashaktipUjAM cha kuryAdAgamamantrataH | umAmaheshvaraM li~Nge sthApya pIThe manorame || 22|| pa~nchabrahmavidhAnena devaM dhyAyedvichakShaNaH | mUlamantrAtmakaM devamambikAsahitaM shivam || 23|| dhyAtvA chAvAhayeddevaM padmasthaM padmasannibham | chaturbhujaM prasannAsyaM varadAbhayapANikam || 24|| akShamAlAvR^itakaraM chandrarekhAvibhUShitam | nIlakaNThaM triNanetraM mAM tvAM cha madvAmapArshvagAm || 25|| somadhAmAnanAM chArucha~nchachchandrakalAdharAm | prasannAsyAM cha sudatIM tATa~NkaparimaNDitAm || 26|| sarvAbharaNashobhADhyAM vAsassraggandhabhUShitAm | evaM dhyAtvArchayeddevaM shraddhayA parameshvaram || 27|| atrAgachCha mahAdeva pArvatyA saha sha~Nkara | gR^ihANa matkR^itAM pUjAmAsanaM parameshvari || 28|| bhavAyeti shive pAdyaM vAmAyeti tathAchamam | arghyaM sadyeti mantreNa sapuShpaM vinivedayet || 29|| adhoreNa shive snAnaM vastraM tatpuruSheNa cha | IshAneti cha mantreNa upavItaM prakalpayet || 30|| yaj~nopavItamantreNa dadyAduttaravAsasam | gandhamAlyAkShatAn dadyAnnamaH somAya mantrataH || 31|| triyambaketi mantreNa bilvapatrANi chArpayet | imA rudreti mantreNa akShatAMshcha samarpayet || 32|| mAnastokena dhUpaM cha mAno mantreNa dIpakam | yachChaM cha yoshcha mantreNa naivedyaM dApayechChive || 33|| pariNeti parIvArAn pUjayeta yatavrataH | brahmANaM bhAskaraM viShNuM jayaM vijayameva cha || 34|| durgAM gaNapatiM chaiva yajetprAchyAdiyogataH | nandIshaM kShetrapAlaM cha chaNDeshaM bhairavaM tathA || 35|| kailAsAdInAthAdrIMshcha kapAlaM shUlameva cha | atha sampUjya vidhivat madagre vR^iShabheshvaram || 36|| stuhi shruteti mantreNa vR^iShabhaM dharmarUpiNam | mIDhuShTameti cha skandaM gaNAnAM tvA gaNAdhipam || 37|| sarvopachArairdevasya devyA saha samarchanam | parivArAn samabhyarchya tattanmantrairvisheShataH || 38|| mahAnaivedyamIshAya devasyatveti mantrataH | praNAmaprakramaM chaiva nIrAjanapuraHsaram || 39|| ChatrachAmaradAnaM cha ghaNTA tauryatrikaM shive | dadyAtprasAdayeddevaM kShamyatAmiti sattame || 40|| homaM cha vAgyataH kuryAtpratiShThApya hutAshanam | aShTottarasamidbhishcha bailvAjyacharuNA shatam || 41|| shatarudreNa juhuyAtvaSheShyantyapisviShTakR^it | tatasstuvIta deveshaM sha~NkaraM shashishekharam || 42|| \- \-(atha shivashivAstutiH) bhavAya bhavanAshAya mahAdevAya dhImahi | shivAya nIlakaNThAya sharvAya shashimaulaye || 43|| ugrAyogrAghanAshAya bhImAya bhayanAshine | IshAnAya namastubhyaM pashUnAM pataye namaH || 44|| yathA samastAbhayadaH pashUnAM pAshamochakaH | tathA vratena me tuShTaH R^iNadaurbhAgyanAshakaH || 45|| namo gauryai mahAdevyai bhavAnyai te shive namaH | shivapradAyai sharvANyai sR^iShTisthityantahetave || 46|| namo.astvArtivinAshinyai tubhyaM sarvabhayApahe | tubhyamAnandarUpiNyai namaH kamalalochane || 47|| vidyAyai vedamAtre cha vedashaktisvarUpiNi | ambike te namo nityaM mamAstu varadaH shivaH || 48|| \- \-(iti shivashivAstutiH) ityupasthAya mAM devi punaH kuryAtpradakShiNAm | kR^itvA savyApasevyena pradakShiNavidhAnataH || 49|| shatamaShTottaraM kR^itvA praNamya cha punaH punaH | savyApasavyamAnena somasUtraM na la~Nghayet || 50|| shanaiH shanaiH kramaM kuryAttvarAlasyAdivarjitaH | devaM sammukhataH kR^itvA brAhmaNAMshcha visheShataH || 51|| pradakShiNaM kramAtkuryAt vR^iSheNa sahitaM shivam | yAni kAni cha pApAni janmAntarakR^itAni cha || 52|| tAni tAni vinashyanti pradakShiNapade pade | evaM pradakShiNaM kR^itvA namaskR^itya punaH punaH || 53|| gaNayitvA padaM bhUyastatkoTiguNitaM bhavet | a~NgapradakShiNA devi tataH koTiguNottarA || 54|| prati pradakShiNaM kR^itvA sAShTA~NgaM praNamedbhuvi | shivasyAgre same deshe bhUmisaMlagnamastakaH || 55|| vratI tu vidhivad dadyAdarghyamaShTA~NgasaMyutam | gokShIraM cha kushAgrANi ghR^itaM dadhi cha taNDulAH || 56|| siddhArthakAstathA dUrvA gandhapuShpAkShatAstathA | arthyo.aShTA~Nga iti proktastadabhAve sumairyutaH || 57|| pa~nchAmR^itaM pa~nchagavyaM gandhapuShpakushodakam | phalajAlarasaM chApi ghR^itAbhya~NgaM tu kArayet || 58|| bhayarogAdidAridryapApakShudapamR^ityavaH | R^iNashokaM manastApaM nashyantu mama sarvadA || 59|| mantreNAnena datvArghyaM trivAraM prArthayechChivam | prasIda deva devesha prasIda parameshvara || 60|| prasIda soma sarvaj~na prasIda karuNAkara | evaM samprArthya deveshamumAM chApi tato vratI || 61|| shanipradoShayoge me vrataM sampUrNatAmiyAt | prasAdaM kuru devesha yena muchye R^iNArNavAt || 62|| janmAntarasahasreShu yadR^iNaM cha kR^itaM mayA | daivaM pitryaM mAnuShArShaM muchye R^iNachatuShTayAt || 63|| anR^iNo.ahaM bhaviShyAmi dhanADhayo.ahaM bhavAmi cha | itthaM samprArthya deveshamAchAryaM pUjayechChive || 64|| homasheShaM dApayechcha gAM cha dadyAtpayasvinIm | arogAM cha savatsAM cha kAMsyadohanasaMyutAm || 65|| aNumAtrapradAnena pradoShe.atha shanerdine | ihAmutrAkShayaM puNyaM bhogAnApnoti shAshvatAn || 66|| tato vR^iShabhamabhyarchya gandhapuShpAkShatAdibhiH | dhUpadIpai cha naivedyaM tAmbUlaM shvetavastrakam || 67|| vR^iShAya dharmarUpAya shivAya shivamUrtaye | ityarghyaM prArthya datvA tu prArthayettaM yatavrataH || 68|| aNDaM spR^iShTvA japenmantraminmatasya vR^iShasya cha | shR^i~Ngamadhye shivaM dR^iShTvA mamAhitamanAH shive || 69|| dharmastvaM vR^iSharUpeNa jagadAnandakArakaH | aShTamUrteradhiShThAtA tvamataH pAhi mAmadhAt || 70|| pR^ithivyAM yAni tIrthAni sAgarAntAni yAni vai | aNDamAshritya tiShThanti pradoShe govR^iShasya cha || 71|| kuryAttadvR^iShaNaM spR^iShTvA sha~Nkarasya vilokanam | pradoShe sha~NkaraM dR^iShTvA vR^iShashR^i~NgAntare shive || 72|| brahmahatyA.ayutaM nashyenmuktiM bhuktiM cha vindati | evaM dR^iShTvA tu bhu~njIta shAmbhavaiH kShAravarjitam || 73|| vrataM samarpya devAya mantreNAnena shAmbhavi | vratenAnena chIrNena prasanno bhava sha~Nkara || 74|| tvadbhaktiM paramaM j~nAnaM muktiM chaiva prayachCha me | aj~nAnAd j~nAnato vApi yatkR^itaM pUjanaM tava || 75|| shanipradoShayoge.asmin tadastu prItikR^ittava | evaM kR^itvA vrataM bhaktyA sampUjya shivamambikAm || 76|| sarvaj~natvamavApnoti mama lokaM sa vindati | idaM vrataM saptakR^itvo yaH karoti jitendriyaH || 77|| mahatphalamavApnoti R^iNakoTyA vimuchyate | ekaviMshati kR^itvastu vratametatsudurlabham || 78|| putrA.Nllalabhate loke bhuktiM muktiM cha vindati | vratasampUrNatArthAya gAmekAM vR^iShabhaM shive || 79|| shivAya vA dvijAyAtha dattvA chAshIH prayojayet || 80|| Ishvara uvAcha | dadhikShIramadhvAjya sasharkarAbhiH shive nArikelAmrajambIrasAraiH | sugandhodakaiH puShpabilvAdibhirmAM samabhyarchya muktaH shive dhUpadIpaiH || 84|| varAnnaiH shive pAyasApUpashAkaiH sutAmbUlanIrAjanaChatradAnaiH | praNAmastava prakramairnR^ittageyai\- rvaraishchAmarairarchako matpriyaH syAt || 85|| brahmANDamaNDalagatAni sutIrthaShaNDA\- nyAyAnti madvR^iShavarANDagatAni tatra | shR^i~NgAntare tu nivasedatha dharmajAlaM tasmAtpradoShasamaye kShaNakR^itspR^ishenmAm || 86|| bhUmau putrakalatramitrasAhitAH satrAtirAtrAdibhiH yaShTAro.atra bhavanti dhAnyadhanakairgobhishcha nAgAshvakaiH | prAsAdAmbarabhUShaNaM mama shive prApya prasAdochchayAt tasmin tAM pradishAmi sampadadhikAM muktiM pradoShArchanAt || 87|| AnandAmbujakanda eSha girije mandapradoSho mama mandArottamamAlayA sumagaNaiH vR^indAravR^indottamAH | sAnandAmbudhivIchimagnahR^idayAH sampUjayanti drutaM kundAmandasunirmalendushakalAla~NkAramIshe tadA || 88|| shashikhaNDashikhaNDakhaNDaparshuM vidhimuNDAmalakuNDaleshamAlam | ghanakodaNDadharaM tvakhaNDabilvaiH prakaTochchaNDatANDavaM samarchya nemuH || 89|| shatamakhamukhamukhyalekhajAlAH sumukhA eva namanti sha~NkarA~Nghrim | sakalaghaughahare pradoShakAle pramathA yallakali~Ngakena hR^iShTAH || 90|| || iti shivarahasyAntargate shanipradoShamahimAvarNanaM sampUrNam || \- || shrIshivarahasyam | mahAdevAkhyaH ekAdashamAMshaH | adhyAyaH 31 shanipradoShamahimA | vAvR^ittashlokAH || ## - .. shrIshivarahasyam . mahAdevAkhyaH ekAdashamAMshaH . adhyAyaH 31 shanipradoShamahimA . vAvRRittashlokAH .. Notes: Śiva ##shiva## describes to Pārvatī ##pArvatI## about worshiping Him including the entire ŚivaParivāra ##shivaparivAra## during Trayodaśī ##trayodashI## of Mandavāra ##mandavAra## of ŚuklaPakśa ##shuklapakSha## and KṛṣṇaPakśa ##kR^iShNapakSha## i.e. ŚaniPradoṣa / MandaPradoṣa ##shanipradoSha / mandapradoSha##. Selected Śloka-s from the chapter are presented on this page, including a ŚivaŚivāStutiḥ ##shivashivAstutiH##.## ## Proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}