% Text title            : Shankaravasavarnanam
% File name             : shankarAvAsavarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | bhavAkhyaH dvitIyAMshaH | adhyAyaH 22 | 24\-87||
% Latest update         : September 15, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kailasadarshane Shankaravasavarnanam ..}##
\itxtitle{.. kailAsadarshane sha~NkarAvAsavarNanam ..}##\endtitles ##
|| kailAsadarshane himAvanprati nandikeshaproktaM sha~NkarAvAsavarNanam ||
(shivarahasyAntargate kailAsadarshanam \- 1)
nandikeshaH (uvAcha)
pashya dhanyena netreNa kailAsaM sha~Nkarasya hi |
yatraikaM vA shivAgAraM tatkShetraM yojanAyu(vR^i)tam || 22\.24||
tatraiva vasatAM puMsAmapyA(pi)kITapipIlikam |
muktirIshaprasAdena pashyatAM pApanAshanam || 22\.25||
atrAnantashivAgAre maulIkumbhaikadarshanAt |
na jAne mahimAM vaktuM shivo jAnAti netaraH || 22\.26||
kailAsaM sha~NkarAvAsaM nAnAdrumalatAyutam |
ratnapuShkariNIphullasarojakulasa~Nkulam || 22\.27||
nAnAvallIveShTitoruvanaspatishatAyutam |
nAnApakShirutApAravananirjjharakandha(nda)ram || 22\.28||
mR^igendrasindhurendrAdichamarImahiShArvR^itam |
(mR^igendrasindhurendrAdichamarairahibhirvR^itam |)
kokilAkAha(ka)lIgAnashukashA(sA)rikasArasaiH || 22\.29||
kurarAkrandabahulaM haMsanAdavinAditam |
nagamauligatottu~NgasAlatAladrumAkulam || 22\.30||
suramyabandhurAmodapuShpaki~njalkamArutam |
puShpaguchChabharAlolamArutAmalabhUtalam || 22\.31||
talashobhitapuShpaughaphalatArAyitottamam |
prabhAtavAtapotodyachChItalAyitabhUtalam || 22\.32||
drauNijAlambisatkShau(sakShau)drarasAktasasudhA~NgaNam |
bhramadbhramarajha~NkAramadhu(dhU)koddAmagandhinam || 22\.33||
ketakIpuShpasaurabhyasugandhAyitadiktaTam |
kuravoddAmagandhodyachchandanAnanditAnanam || 22\.34||
tilakAyitadevadrumaulisthatilakairyutam |
vAtapotamukhAhAravalmIkakShitipannagam || 22\.35||
karaTIkaTadhArArdIkR^itagandhitabhUtalam |
romanthaphena bindUdyanmahiShINAM gavAM tathA || 22\.36||
UdhoniryatpayaHpUrapa~NkilAyitabhUtalam |
tatpa~Nkapa~NktisaMlagnavaraiNakhurabhUtalam || 22\.37||
mustAmreDa(DA)nakoddhu(ddhR^i)ShTakoladaMShTrotthitopalam |
gairikApItahArItaraktamA~njiShThadhAtubhiH || 22\.38||
sravantaM rItibhishshailaM gajendramiva (gajendra iva) cha tridhA |
uttu~NgashikharApArashrR^i~NgairullikhitAmbaram || 22\.39||
\- \-
skandaH \-
darshayAmAsa nandIsho nagarAjAyatannagam |
kailAsaM kaladhautodyadramyakAntivirAjitam || 22\.40||
prAha taM nandikesho.api shikharIndra shivAj~nayA || 22\.41||
\- \-
nandikeshaH (shailAdiH) uvAcha
pashya shailaM mahAshailaM maheshasya dR^ishA tava |
pashya pashyedamatulaM prAkAraM(ra)varagopuram || 22\.42||
nAnAgopurasaudhaishcha madAlayamidaM tatam |
vikeshasyedamatulaM (ambikeshAkhyamatulaM)
gR^ihaM shambhorvarAlayaM (gR^iheshaM bho varAlayam) || 22\.43||
eSha ratnagirirbhAti ratnakAntishilochchayaH |
tatra ratnAgrashikharaH prAsAdo.ayaM maheshituH || 22\.44||
udyatpatAkaruchiro ratnatoraNamaNDitaH |
harinmaNimayo bhAti sahasrastambhamaNDapaH || 22\.45||
madhyeshailaM sadAbhAti haramAnasamodabhUH |
koTili~NgAlayAnA~ncha shikharANyapi pashya bhoH || 22\.46||
darshanenApi pApAnAM pralayo.adya bhaviShyati |
eSha dakShiNato meroH prAkAro maNikalpitaH || 22\.47||
chaNDIshvarAlayaM pashya ratnasaudhavarAnvitam |
chaNDIshvareshashikharaM pashya ta~ncha namaskuru || 22\.48||
li~NgAyutamahAsadmaprodyatkumbhaikabhAsuram |
pashya shaileshvarApAragopurANAM talAnyapi || 22\.49||
suratnapadminIcheyaM ratnasopAnamaNTapaiH |
paritaH parivitA (padavInAM) cha ratnakuNDalahallakaiH || 22\.50||
maNijairaravindodyatparAgarasara~njitA |
kailAseshasya shikharaM pashya bhUdharanAyaka || 22\.51||
udyatpatAkAkalasharatnagopurabhAsuram |
atra svayaM mahAdevaH sampUjayati sarvadA || 22\.52||
talli~NgaM varivasyAto (talli~NgavarivasyAtaH) harShato devanAyakaH |
pradoSheShu visheSheNa pashyannR^ittorumaNDapam || 22\.53||
abhraMlihairmahAkumbhairvishAlairmaNibhAsuraiH |
suramyaratnavedIbhiH paritaH pariveShTitaiH || 22\.54||
atra devIM samAveshya ratnasihmAsane shivaH |
maNira~Nge sadA sAyaM nR^ityatyAnandanirbharaH || 22\.55||
mayA cha gaNanAthena skandena gaNapairvR^itaH |
veNumaddalamaDDUtthatAlakAhalaniHsvanaiH || 22\.56||
sabhAH pashyAtravitatA maNimaulipatAkakAH |
sahasrastambhasaMyuktAshchaturdikShu manoharAH || 22\.57||
sauvarNI rAjatI chApi chitsabhAtra maheshituH |
anyAratnasabhAcheyaM ratnApAraikakAntiyuk || 22\.58||
sAyaM nR^ityati devesho devyagre.atra (devyagre cha) sabhAsu cha |
ramyaM sahasrali~NgAnAmidamAlayamuttamam || 22\.59||
udyaddivAkaraprakhyaM kumbhajAlakitAmbaram |
pashyAtra devadevasya koTistambhorumaNTapam || 22\.60||
dhUpadIpamaNijyotirudrAkrIDanamuttamam |
maulijAlakamadhyasthamaNikumbhojjvaladvR^iSham || 22\.61||
suramyavApikAcheyaM sudhAkallolamAlinI |
devaga~NgAtaTaM pashya li~NgasaudhorumaNTapA || 22\.62||
sudhAsAgaragA chaiSha ga~NgA kailAsamauligA |
pa~nchavaktreshvarasyApi sabhAM pashya manoharAM
(pashya sadma manoharam) || 22\.63||
ratnakumbhamahAkAnti tiraskR^itadivAkaram |
talli~Ngapa~nchavaktrotthA nadyaH pa~nchAdya(tra) susruvuH || 22\.64||
shivaga~NgA devaga~NgA ratnaga~Ngeti vishrutAH |
kailAsaga~NgA shailendra madhuga~Ngeti cha kramAt || 22\.65||
sarvAstAstIrabaddhorumaNisopAnamaNTapAH |
paritashshobhitApArashivasaudhavirAjitAH || 22\.66||
li~NgasadmamahAkumbhabimbitottu~NganIrakAH |
ratnakarkaTamatsyaishcha padmahaMsaikakokakAH || 22\.67||
nIlotpalAmalamaNiprAsAdoratnara~njitaH |
udyatkumbhassadAbhAti divyasihmAsana~nchitaH (nochitaH) || 22\.68||
ratneshvarAlayaM pashya navaratnavichitritam |
pashya bilvavanaM shambhornavAruNadalAnvitam || 22\.69||
tanmUlamaNili~NgodyaddhArArasavijR^imbhitam |
kalpavATImimAM pashya ratnavedika(navaratnavi)chitritAm || 22\.70||
kandalaleshAlayaM pashya shailAtra sumanoharam |
kulyAshchAdya(tra) prapashyAtra(dya) madhukShIraghR^itasravAH || 22\.71||
devIshvarAlayaM pashya sadA devyAH priya~Nkaram |
tatra sAlavanaM pashya parichChadaphalAvR^itam || 22\.72||
vilokaya dR^ishA shaila pashchime gopuraM sthitam |
sahasratalasaMyuktaM gavAkSha(kShaM)vR^iShabhairyutam || 22\.73||
ramyottu~NgamaNidyoti shikharAgrapatAkakam |
ugreshvarAlayaM pashya cho(u)grapAtakanAshanam || 22\.74||
bhR^i~Ngisaudho.ayamatulo bANasyAtra gR^ihaM mahat |
harikeshAlayaM pashya pashya skandAlayaM mahat || 22\.75||
ambikeshasya shikharaM pashya praNatigo naga |
navaratnamahAshailAnpashya saudhottamairvR^itAn || 22\.76||
uttameshamahAdhAma pashyAtra sumanoharam |
garbheshagarbhabhavanaM pashya kumbhaikabhAtatam || 22\.77||
maNTapaM dashasAhasrastambhakumbhavirAjitam |
kailAsanalinI cheyaM ratnaphullAmbujAvR^itA || 22\.78||
tanmadhyasaudhamadhyasthamaNima~nchaM prapashya bho (bhoH) |
kulisheshAlayaM pashya pApAdrikulishaM hi tat || 22\.79||
kulashaila(laM)prapashyAdya chandrakAntashilAtalam |
sahasrayojanAyAmaM tatra chandreshvarAlayam || 22\.80||
kulAchalamahAsaudhAnprapashya nagasattama |
ayutaM li~NgasadanaM madanAntakarapriyam || 22\.81||
Alokaya mahAshaila shaileshasya varAlayam |
kShIrodavApikA cheyaM ratnasopAnamaNTapA || 22\.82||
kShIreshvarAlayaM tIre tasyAH pashya manoharam |
mayUreshasya sadmaitadvanagarbhe vilokaya || 22\.83||
riTirAste.atra saudhe tu chA(A)j~nayA shUlino naga |
pUrvato.ahaM dakShiNatashchaNDI bhR^i~NgI riTistathA || 22\.84||
pashchAdathottare shaila chandrachUDasya shAsanAt |
pAlayAmo gaNaughaishcha sadA shUlavarAyudhaiH || 22\.85||
etalli~NgakulaM tvapAramaNijaissaudhaishcha sadgopuraiH
ramyottu~NganikhAtasAgaramahAprAkArabhUbhR^idgaNaiH |
phullAbjaissarasIgaNaissumavanaiH kL^irpto.adya vai bhUdharo(ra)
vishveshena vichitrachitramanasA sampashya shailottama || 22\.86||
tArArAjavirAjitorushiraso vAso hyayaM shailarAT
rAjadrAjatakAntisAranivahaishshrIviprarAjAdhikaH |
rAjalli~NgagaNai rarAja bhuvane vishveshvarasyAj~nayA
rAjadrAjasakhasya rAjati paraM shailAdhirAjekShayA(ya) || 22\.87||

|| iti shivarahasyAntargate bhavAkhye kailAsadarshane himAvanprati nandikeshaproktaM sha~NkarAvAsavarNanam ||

\- || shrIshivarahasyam | bhavAkhyaH dvitIyAMshaH | adhyAyaH 22 | 24\-87||
##
- .. shrIshivarahasyam . bhavAkhyaH dvitIyAMshaH . adhyAyaH 22 . 24-87..

Notes
Upon being instructed by Śiva ##shiva##;  Nandikeśa ##nandikesha## (a.k.a Śailādi (##shailAdi##) initiates a guided tour of Kailāsadarshana ##kailAsadarshana## for Himāvan ##himAvan##, whereby He begins with the description of the magnificent zones that are abode to Śaṅkara ##sha~Nkara## and Devī ##devI## at Kailāsa ##kailAsa##.

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}