% Text title            : Shri Shankara Kavacham 02 42
% File name             : shankarakavacham.itx
% Category              : shiva, kavacha
% Location              : doc\_shiva
% Proofread by          : Aruna Narayanan
% Description/comments  : From stotrArNavaH 02-42
% Latest update         : July 25, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Shankara Kavacham ..}##
\itxtitle{.. shrIsha~Nkarakavacham ..}##\endtitles ##
aishvaraM paramaM tattvamAdimadhyAntavarjitam |
AdhAraM sarvabhUtAnAmanAdhAramavikriyam || 1||
anantAnandabodhAmbunidhimadbhutavikramam |
ambikApatimIshAnamanIshaM praNamAmyaham || 2||
ekadA munayaH sarve dvArakAM draShTumAgatAH |
vAsudevaM cha sotkaNThAH kR^iShNadarshanalAlasAH || 3||
tataH sa bhagavAn prItaH pUjAM chakre yathAvidhi |
teShAmAshIstato gR^ihya bahumAnapuraHsaram || 4||
taiH pR^iShTaH kathayAmAsa kumAraprabhavaM cha yat |
charitaM bhUmibhAraghnaM lokAnandakaraM param || 5||
mArkaNDeyamukhAH sarve mAdhyAhnikakriyotthitAH |
kR^iShNaH snAnamatho chakre mR^idakShatakushAdibhiH || 6||
sUryopasthAnasandhyAM cha smR^itidharmamanusmaran |
shivapUjAM tataH kR^iShNo gandhapuShpAkShatAdibhiH || 7||
chakAra vidhivadbhaktyA namaskArayutAM shubhAm |
jaya sha~Nkara somesha rakSha rakSheti chAbravIt || 8||
jajApa shivasAhasraM bhaktimuktipradaM vibhoH |
ananyamAnasaH shAntaH padmAsanagataH shuchiH || 9||
tataste vismayApannA dR^iShTvA kR^iShNavicheShTitam |
mArkaNDeyo.avadat kR^iShNaM bahusho munisammitam || 10||
mArkaNDeyaH \-
tvaM kR^iShNa kamalAkAntaH paramAtmA jagadguruH |
bhavatpUjyaH kathaM shambhuretatsarvaM vadasva me || 11||
shrIkR^iShNa uvAcha \-
sAdhu sAdhu mune pR^iShTaM hitAya sakalasya cha |
aj~nAtaM tava nAstyeva tathApi cha vadAmyaham || 12||
daivataM sarvalokAnAM sarvakAraNakAraNam |
jyotiryatparamAnandaM sAvadhAnamatiH shR^iNu || 13||
vishvasAdhanamIshAnaM guNAtItamajaM param |
jagatastasthuSho hyAtmA mama mUlaM mahAmune || 14||
yo devaH sarvadevAnAM dhyeyaH pUjyaH sadAshivaH |
sa shivaH sa mahAdevaH sha~Nkarashcha nira~njanaH || 15||
tasmAnnAnyaH paro devastriShu lokeShu vidyate |
sarvaj~naH sarvagaH shaktaH sarvAtmA sarvatomukhaH || 16||
paThyate sarvasiddhAntairvedAntairyo munIshvara |
tasmin bhaktirmahAdeve mama dhAtushcha nirmala || 17||
maheshaH paramaM brahma shAntaH sUkShmaH parAtparaH |
sarvAntaraH sarvasAkShI chinmayastamasaH paraH || 18||
nirvikalpo nirAbhAso niHsa~Ngo nirupadravaH |
nirlepaH sakalAdhyakSho mahApuruSha IshvaraH || 19||
tasya chechChAbhavat pUrvaM jagatsthityantakAriNI |
vAmA~NgAdabhavaM tasya so.ahaM viShNuriti smR^itiH || 20||
janayAmAsa dhAtAraM dakShiNA~NgAt sadAshivaH |
madhyato rudramIshAnaM kAlAtmA parameshvaraH || 21||
      tapastapantu bho vatsA abravIditi tAn shivaH |
stutvA tu vidhivat stotraiH praNamya cha punaH punaH |
      tataste shivamAtmAnaM prochuH saMyatamAnasAH || 22||
brahmaviShNurudrA UchuH \-
tapaH kena prakAreNa kartavyaM parameshvara |
brUhi sarvamasheSheNa svAtmAnaM vetsi nAparaH || 23||
mahAdeva uvAcha \-
kAyena manasA vAchA dhyAnapUjAjapAdibhiH |
kAmakrodhAdirahitaM tapaH kurvantu bho surAH || 24||
devA UchuH \-
tvayA yatkathitaM shambho durj~neyamajitAtmabhiH |
saumyopAyamatho brahman vada kAruNyavAridhe || 25||
sha~Nkara uvAcha \-
shR^iNudhvaM sarvapApaghnaM bhuktimuktipradaM nR^iNAm |
sahasranAma sadvidyAM japantu mama suvratAH || 26||
yayA saMsAramagnAnAM muktirbhavati shAshvatI |
shR^iNvantu tadvidhAnaM tu mahApAtakanAshanam || 27||
paThatAM shR^iNvatAM sadyo muktiH syAdanapAyinI |
brahmachArI kR^itasnAnaH shuklavAsA jitendriyaH || 28||
bhasmadhArI munirmaunI padmAsanasamanvitaH |
dhyAtvA mAM sakalAdhIshaM nirAkAraM nirIshvaram || 29||
pArvatIsahitaM shambhuM jaTAmakuTamaNDitam |
vasAnaM charma vaiyAghraM chandrArdhakR^itashekharam || 30||
tryambakaM vR^iShabhArUDhaM kR^ittivAsasamujjvalam |
surArchitapadadvandvaM divyabhogaM susundaram || 31||
bibhrANaM suprasannaM cha kuThAravaradAbhayam |
durantaM kamalAsInaM nAgayaj~nopavItinam || 32||
vishvakAyaM chidAnandaM shuddhamakSharamavyayam |
sahasrashirasaM shambhumanantakarasaMyutam || 33||
sahasracharaNaM divyaM somasUryAgnilochanam |
jagadyonimajaM brahma shivamAdyaM sanAtanam || 34||
daMShTrAkarAlaM duShprekShaM sUryakoTisamaprabham |
nishAkarakarAkAraM bheShajaM bhavarogiNAm || 35||
pinAkinaM vishAlAkShaM pashUnAM patimIshvaram |
kAlAtmAnaM kAlakAlaM devadevaM maheshvaram || 36||
j~nAnavairAgyasampannaM nityAnandamayaM param |
shAshvataishvaryasampUrNaM mahAyogIshvareshvaram || 37||
samastashaktisampannaM puNyakAyaM durAsadam |
tArakaM brahma sampUrNamaNIyAMsaM mahattaram || 38||
yatInAM paramaM brahma yatInAM tapasaH phalam |
saMyamIhR^itsamAsInaM tapasvijanasaMvR^itam || 39||
vidhIndraviShNunamitaM munisiddhaniShevitam |
mahAdevaM mahAnandaM devAnAmapi daivatam || 40||
shAntaM pavitramo~NkAraM jyotiShAM jyotiruttamam |
sha~Nkaro me shiraH pAtu lalATaM bhAlalochanaH || 41||
vishvachakShurdR^ishau pAtu rudraH pAtu bhruvau mama |
gaNDau pAtu maheshAnaH shrutI rakShatu pUrvajaH || 42||
kapolau me mahAdevaH pAtu nAsAM sadAshivaH |
mukhaM pAtu havirbhoktA oShThau pAtu maheshvaraH || 43||
dantAn rakShatu deveshastAlU somakalAdharaH |
rasanAM paramAnandaH pAtu sha~Nkhau shivApriyaH || 44||
chubukaM pAtu me shambhuH shmashruM shatruvinAshanaH |
kuchaM pAtu bhavaH kaNThaM nIlakaNTho.avatu dhruvam || 45||
skandhau skandapatiH pAtu bAhU pAtu mahAbhujaH |
upabAhU mahAvIryaH karau vibudhasattamaH || 46||
a~NgulIH pAtu pa~nchAsyaH parvANi cha sahasrapAt |
hR^idayaM pAtu sarvAtmA stanau pAtu pitAmahaH || 45||
udaraM hutabhuk pAtu madhyaM me madhyameshvaraH |
kukShiM pAtu bhavAnIshaH pR^iShThaM pAtu kuleshvaraH || 48||
prANAn me prANadaH pAtu nAbhiM bhImaH kaTiM vibhuH |
sakthinI pAtu me bhargo jAnunI janatAdhipaH || 49||
ja~Nghe puraripuH pAtu charaNau bhavanAshanaH |
sharIraM pAtu me sharvo bAhyamAbhyantaraM shivaH || 50||
indriyANi haraH pAtu sarvatra jayavardhanaH |
pUrve dishi mR^iDaH pAtu dakShiNe yamasUdanaH || 51||
vAruNyAM salilAdhIsha udIchyAM me mahIdharaH |
aishAnyAM pAtu bhUtesha AgneyyAM ravilochanaH || 52||
nairR^ityAM bhUtabhR^it pAtu vAyavyAM balavardhanaH |
UrdhvaM pAtu makhadveShI hyadhaH saMsAranAshanaH || 53||
sarvataH sukhadaH pAtu buddhiM pAtu sulochanaH |
evaM nyAsAdikaM kR^itvA sAkShAchChambhumayo bhavet || 54||
namo hiraNyabAhvAdi paThenmantraM tu bhaktimAn |
sadyojAtAdibhirmantrairnamaskuryAtsadAshivam || 55||

|| iti shrIsha~NkarakavachaM sampUrNam ||

##
Proofread by Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}