% Text title            : Sharabha Nigrahadaruna Saptakam by Shri Nrisimha from Akashabhairavakalpa
% File name             : sharabhanigrahadAruNasaptakam.itx
% Category              : shiva, saptaka
% Location              : doc\_shiva
% Transliterated by     : Sivakumar Thyagarajan Iyer shivakumar24 gmail.com
% Proofread by          : Sivakumar Thyagarajan Iyer, PSA Easwaran
% Description/comments  : Akashabhairavakalpa
% Latest update         : February 22, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sharabha Nigrahadaruna Saptakam ..}##
\itxtitle{.. shrIsharabha nigrahadAruNa saptakam ..}##\endtitles ##
OM shrIgaNeshAya namaH |
viniyogaH \-
asya shrI nigrahadAruNasaptakamAlAmantrasya shrIsadAshivaR^iShiH
bR^ihatI ChandaH shrIsharabho devatA mama vairivinAshArthe bhagavan
shrIsharabha sAluva pakShirAja devatA prasannArthe jape viniyogaH |
dhyAnam \-
chandrArkAgnistridR^iShTiH kulishavaranakhashcha~nchalo.atyugrajihvaH
     kAlI durgA cha pakShau hR^idayajaTharago bhairavo vADavAgniH |
UrUsthau vyAdhimR^ityU sharabhavarakhagashchaNDavAtAtivegaH
     saMhartA sarvashatrUn sa jayati sharabhaH shAluvaH pakShirAjaH ||
kopodrekAtiniryannikhilaparicharattAmrabhAraprabhUtaM
     jvAlAmAlAgradagdhasmaratanusakalaM tvAmahaM shAluvesha |
yAche tvatpAdapadmapraNihitamanasaM dveShTi mAM yaH kriyAbhiH
     tasya prANaprayANaM parashiva bhavataH shUlabhinnasya tUrNam || 1||
shambho tvaddhastakuntakShataripuhR^idayAnniHsravallohitaughaM
     pItvA pItvA.atidirghA dishi dishi vicharAstvadagaNAshchaNDamukhyAH |
garjantu kShipravegA nikhilajayakarA bhIkarAH khelalolAH
     santrastAbrahmadevAH sharabha khagapate trAhi naH shAluvesha || 2||
sarvAdyaM sarvaniShThaM sakalabhayakaraM tvatsvarUpaM hiraNyaM
     yAche.ahaM tvAmamoghaM parikarasahitaM dveShTi mAM yaH kriyAbhiH |
shrIshambho tvatkarAbjasthitakulishakarAghAtavakShaHsthalasya
     prANAH preteshadUtagrahagaNaparikhAH kroshapUrvaM prayAntu || 3||
dviShmaH kShoNyAM vayaM hi tava padakamaladhyAnanirdhUtapApAH
     kR^ityAkR^ityairvimuktA vihagakulapate khelayA baddhamUrte |
tUrNaM tvatpAdapadmapradhR^itaparashunA tuNDakhaNDIkR^itA~NgaH
     saddveShI yAtu yAmyaM puramatikaluShaM kAlapAshAgrabaddhaH || 4||
bhIma shrIshAluvesha praNatabhayahara prANajiddurmadAnAM
     yAche.ahaM chAsya vargaprashamanamiha te svechChayA baddhamUrte |
tvAmevAshu tvada~NghryaShTakanakhavilasadgrIvajihvodarasya
     prANA yAntu prayANaM prakaTitahR^idayasyAyuralpAyatesha || 5||
shrIshUlaM te karAgrasthitamusalagadAvR^ittavAtyAbhighAtAt
     yAtAyAtAriyUthaM tridashavighaTanoddhUtaraktachChaTArdram |
saddR^iShTvA.a.ayodhane jyAmakhilasuragaNAshchAshu nandantu nAnA
     bhUtA vetAlapUgaH pibatu tadakhilaM prItachittaH pramattaH || 6||
alpaM dordaNDabAhuprakaTitavinamachchaNDakodaNDamuktai\-
     rbANairdivyairanekaiH shithilitavapuShaH kShINakolAhalasya |
tasya prANAvasAnaM para sharabha vibho.ahaM tvadijyAprabhAvaiH
     tUrNaM pashyAmi yo mAM parihasati sadA tvAdimadhyAntaheto || 7||
iti nishi prayatastu nirAsano yamamukhaH shivabhAvamanusmaran |
pratidinaM dashavAradinatrayaM japati nigrahadAruNasaptakam || 8||
iti guhyaM mahAbIjaM paramaM ripunAshanam |
bhAnuvAraM samArabhya ma~NgalAntaM japetsudhIH || 9||

iti shrI AkAshabhairavakalpe pratyakShasiddhiprade
     narasiMhakR^itA sharabhastutiH samAptA ||
##

Encoded by Sivakumar Thyagarajan Iyer
Proofread by Sivakumar Thyagarajan Iyer, Psa Easwaran psaeaswaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}