% Text title            : Sharabhesha Ashtakam
% File name             : sharabheshAShTakam.itx
% Category              : shiva, aShTaka
% Location              : doc\_shiva
% Proofread by          : Venkata Subramanian, PSA Easwaran
% Description-comments  : (shlokAni 25\-34 sharabhashAntistotram)
% Latest update         : February 28, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sharabhesha Ashtakam ..}##
\itxtitle{.. sharabheshAShTakam ..}##\endtitles ##
shrIshiva uvAcha \-
shR^iNu devi mahAguhyaM paraM puNyavivardhanam |
sharabheshAShTakaM mantraM vakShyAmi tava tattvataH || 1||
R^iShinyAsAdikaM yattatsarvapUrvavadAcharet |
dhyAnabhedaM visheSheNa vakShyAmyahamataH shive || 2||
dhyAnam \-
jvalanakuTilakeshaM sUryachandrAgninetraM
     nishitataranakhAgroddhUtahemAbhadeham |
sharabhamatha munIndraiH sevyamAnaM sitA~NgaM
     praNatabhayavinAshaM bhAvayetpakShirAjam || 3||
atha stotram \-
devAdidevAya jaganmayAya shivAya nAlIkanibhAnanAya |
sharvAya bhImAya sharAdhipAya namo.astu tubhyaM sharabheshvarAya || 4||
harAya bhImAya haripriyAya bhavAya shAntAya parAtparAya |
mR^iDAya rudrAya vilochanAya namo.astu tubhyaM sharabheshvarAya || 5||
shItAMshuchUDAya digambarAya sR^iShTisthitidhvaMsanakAraNAya |
jaTAkalApAya jitendriyAya namo.astu tubhyaM sharabheshvarAya || 6||
kala~NkakaNThAya bhavAntakAya kapAlashUlAttakarAmbujAya |
bhuja~NgabhUShAya purAntakAya namo.astu tubhyaM sharabheshvarAya || 7||
shamAdiShaTkAya yamAntakAya yamAdiyogAShTakasiddhidAya |
umAdhinAthAya purAtanAya namo.astu tubhyaM sharabheshvarAya || 8||
ghR^iNAdipAshAShTakavarjitAya khilIkR^itAsmatpathi pUrvagAya |
guNAdihInAya guNatrayAya namo.astu tubhyaM sharabheshvarAya || 9||
kAlAya vedAmR^itakandalAya kalyANakautUhalakAraNAya |
sthUlAya sUkShmAya svarUpagAya namo.astu tustu tubhyaM sharabheshvarAya || 10||
pa~nchAnanAyAnilabhAskarAya pa~nchAshadarNAdyaparAkShayAya |
pa~nchAkShareshAya jagaddhitAya namo.astu tubhyaM sharabheshvarAya || 11||
nIlakaNThAya rudrAya shivAya shashimauline |
bhavAya bhavanAshAya pakShirAjAya te namaH || 12||
parAtparAya ghorAya shambhave paramAtmane |
sharvAya nirmalA~NgAya sAluvAya namo namaH || 13||
ga~NgAdharAya sAmbAya paramAnandatejase |
sarveshvarAya shAntAya sharabhAya namo namaH || 14||
varadAya varA~NgAya vAmadevAya shUline |
girishAya girIshAya girijApataye namaH || 15||
kanakajaTharakodyadraktapAnonmadena
     prathitanikhilapIDAnArasiMhena jAtA | (sakalabhuvana pIDA)
sharabha hara shivesha trAhi naH sarvapApA\-
     danishamiha kR^ipAbdhe sAluvesha prabho tvam || 16||
(kanakajaTharapInodriktapAnonmadena
sakalabhuvana pIDAnArasiMhena jAtA |
jhaDiti sakaruNaM yaH sarvadevaiH stutastAM
aharadabhayadAyI sAluvaH pakShirAjaH || 16||
daMShTrAnakhograH sharabhaH sapakShaH chaturvidhashchAShTapadaH chaturbhujaH |
kirITaga~Ngendudharo nR^isiMhakShobhApaho.asmadripuhAstu shambhuH || 17||
sharabheshastavaM nityaM yaH paThet shivasannidhau |
iha bhuktvA.akhilAnbhogAnante brahmapuraM vrajet |
iti sharabhakalpataH |)
sarvesha sarvAdhikashAntamUrte kR^itAparAdhAnamarAnathAnyAn |
vinIya vishvavidhAyi nIte namo.astu tubhyaM sharabheshvarAya || 17||
daMShTrAnakhograH sharabhaH sapakShashchaturbhujashchAShTapadaH sahetiH |
koTIraga~Ngendudharo nR^isiMhakShobhApaho.asmadripuhAstu shambhuH || 18||
hu~NkArI sharabheshvaro.aShTacharaNaH pakShI chaturbAhukaH |
pAdAkR^iShTanR^isiMhavigrahadharaH kAlAgnikoTidyutiH |
vishvakShobhaharaH sahetiranishaM brahmendramukhyaiH stuto
ga~NgAchandradharaH puratrayaharaH sadyo ripughno.astu naH || 19||
mR^igA~NkalA~NgUlasacha~nchupakSho daMShTrAnanA~Nghrishcha bhujAsahasraH |
trinetraga~NgendudharaH prabhADhyaH pAyAdapAyAchCharabheshvaro naH || 20||
nR^isiMhamatyugramatIvatejaHprakAshitaM dAnavabha~NgadakSham |
prashAntimantaM vidadhAti yo mAM so.asmAnapAyAchCharabheshvaro.avatu naH || 21||
yo.abhUt sahasrAMshushataprakAshaH sa pakShisiMhAkR^itiraShTapAdaH |
nR^isiMhasa~NkShobhashamAttarUpaH pAyAdapAyAchCharabheshvaro naH || 22||
tvAM manyumantaM pravadanti vedAstvAM shAntimantaM munayo gR^iNanti |
dR^iShTe nR^isiMhe jagadIshvare te sarvAparAdhaM sharabha kShamasva || 23||
karacharaNakR^itaM vAkkarmajaM kAyajaM vA
     shravaNanayanajaM vA mAnasaM vAparAdham |
vihitamavihitaM vA sarvametatkShamasva
     shiva shiva karuNAbdhe shrImahAdeva shambho || 24||
rudraH sha~Nkara IshvaraH pashupatiH sthANuH kapardI shivo
     vAgIsho vR^iShabhadhvajaH smaraharo bhaktapriyastryambakaH |
bhUtesho jagadIshvarashcha vR^iShabho mR^ityu~njayaH shrIpatiH
     yo.asmAn kAlagalo.avatAtpuraharaH shambhuH pinAkI haraH || 25||
yato nR^isiMhaM harasi hara ityuchyate budhaiH |
yato bibharShi sakalaM vibhajya tanumaShTadhA || 26||
ato.asmAn pAhi bhagavanprasIda cha punaH punaH |
iti stuto mahAdevaH prasanno bhaktavatsalaH | 27||
surAnAhlAdayAmAsa varadAnairabhIpsitaiH |
prasanno.asmi stavenAhamanena vibudheshvarAH || 28||
mayi rudre mahAdeve bhayatvaM bhaktimUrjitam |
mamAMsho.ayaM nR^isiMho.ayaM mayi bhaktatamastviha || 29||
imaM stavaM japedyastu sharabheshAShTakaM naraH |
tasya nashyanti pApAni ripavashcha surottamAH || 30 ||
nashyanti sarvarogANi kShayarogAdikAni cha |
asheShagrahabhUtAni kR^itrimANi jvarANi cha || 31||
sarpachorAgnishArdUlagajapotrimukhAni cha |
anyAni cha vanasthAni nAsti bhItirna saMshayaH || 32||
ityuktvAntardadhe devi devAn sharabhasAluvaH |
tataste sva\-svadhAmAni yayurAhlAdapUrvakam || 33||
etachCharabhakaM stotraM mantrabhUtaM japennaraH |
sarvAnkAmAnavApnoti shivalokaM cha gachChati || 34||

iti shrIAkAshabhairavakalpoktaM pratyakShasiddhiprade
umAmaheshvarasaMvAde sharabheshAShTakastotramantraM sampUrNam |

shlokAni 25\-34 sharabhashAntistotram
##

Verses 25-34 are marked as sharabhashAntistotram
Proofread by Venkata Subramanian, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}