% Text title            : Sharabheshvara or Sharabha Kavacham
% File name             : sharabheshvarakavacham.itx
% Category              : shiva, kavacha
% Location              : doc\_shiva
% Transliterated by     : Sivakumar Thyagarajan
% Proofread by          : Sivakumar Thyagarajan, PSA Easwaran, Ruma Dewan
% Description-comments  : sharabhakalpam
% Latest update         : March 8, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sharabheshvara Kavacham ..}##
\itxtitle{.. shrIsharabheshvarakavacham ..}##\endtitles ##
(sharabhakavacham)
OM shrIgaNeshAya namaH |
shrI devyuvAcha |
sarvaj~na sarvamantrasya sarvAchArya shiva prabho |
sharabhaM kavachaM divyaM sarvarakShAkaraM param || 1||
vajrapa~njara nAmAkhyaM vada me karuNAkara |
shrIshiva uvAcha |
vakShyAmi shR^iNu deveshi sarva lakShaNamadbhutam | (shR^iNu te devi)
shArabhaM kavachaM nAmnA chaturvargaphalapradam || 2||
sharabha\-sAluva\-pakShirAjAkhya kavachasya tu | (sharabhashAluva)
sadAshiva R^iShishChando bR^ihatI sharabheshvaraH || 3||
devatA praNavaM bIjaM prakR^itiH shaktiruchyate |
kIlakaM pakShirAjAya sarvarakShAkarovibhuH || 4||
para\-prayoga\-shAntyartha sarvashatrunivR^ittaye |
chaturvargArtha\-sidhyarthe viniyogo.atha bhAvanA || 5||
dhyAnam |
raktAbhaM suprasannaM trinayanamamR^itonmatta bhAShAbhirAmamaM
kAruNyAmbhodhimIshaM varadamabhayadaM chandrarekhAvataMsam | (sharabhamabhayadaM)
sha~Nkha\-dhmAtAkhilAshA pratihatavidhinA bhAsamAnAtma\-bhAvaM (sha~NkhadhvAnAkhilAshA)
sarveshaM sAluveshaM praNatabhayaharaM pakShirAjaM namAmi || 6|| (sarveshaMshAluveshaM)

OM shrI shivaH purataH pAtu mAyAdhIshastu pR^iShThataH |
pinAkI dakShiNaM pAtu vAmapArshvaM maheshvaraH || 1||
shikhAgraM pAtu me shambhurniTilaM pAtu sha~NkaraH |
Ishvaro vadanaM pAtu bhruvormadhyaM purAntakaH || 2||
bhruvau pAtu mama sthANuH kapardI pAtu lochane |
sharvo me shrotrayoH pAtu vAgIshaH pAtu lambikAm || 3|| (shrotrake pAtu)

nAsayorme vR^iShArUDho nAsAgraM vR^iShabhadhvajaH | (nAsike, nAsAgre)
smarAriH pAtu me tAlveroShThayorbhaktavatsalaH || 4||
jihvAM mama sadA pAtu sarvavidyA pradAyakaH |
pAtu mR^ityu~njayo dantAnchibukaM pAtu bhUtarAT || 5||
parameshaH kapolau me trikaM pAtu kapAlabhR^it |
kaNThaM pashupatiH pAtu shUlI pAtu hanU mama || 6||
skandhadvayaM haraH pAtu dhUrjaTi pAtu me bhujau |
bhujasandhiM mahAdeva IshAno me prakUpare || 7||
madhyasandhI jagannAthaH prakoShThe chandrashekharaH |
maNibandhau trinetro me bhImaH pAtu karasthale || 8||
karapR^iShThe mR^iDaH pAtu rudro.aguMShThadvaye mama |
umAsahAyastarjanyau bhargo me pAtu madhyame || 9||
anAmike karAlAsyaH kAlakaNThaH kaniShThike |
ga~NgAdharo.a~NgulIparvANyaprameyo nakhAni me || 10||
vakShastatpuruShaH pAtu kakShe dakShAdhvarAntakaH |
aghoro hR^idayaM pAtu vAmadeva stanadvayam || 11||
bhAladR^ik jaTharaM pAtu nAbhiM nArAyaNapriyaH |
kukShau prajAkaraH pAtu kukShipArshve mahAbalaH || 12||
sadyojAtaH kaTI pAtu pR^iShThabhAgaM tu bhairavaH |
mohanojaghanaM pAtu gudaM mama jitendriyaH || 13||
UrdhvaretA li~NgadeshaM vR^iShaNaM vishvamohanaH |
UrUdvayaM bhavaH pAtu jAnuyugmaM bhavAntakaH || 14|| (UruyugmaM haraH pAtu)

hu~NkAraH pAtu me ja~Nghe phaTkAro mama gulphake |
vaShaTkAraH pAdapR^iShThe vauShaTkAro.a~NghriNastale || 15|| (khaTkAraH)

svAhAkAro.a~NgulIpArshve svadhAkAro.a~NgulIrmama |
tvaritaH sarva sandhInme romakUpANi siMhajit || 16|| (tvaritaH sandhibandhaM me)

tvachaM pAtu manovegaH kAlajidrudhiraM mama |
puShTidaH pAtu me mAMsaM medo me svastido.avatu || 17||
sarvAtmAsthichayaM pAtu majjAnaM me jagatprabhu | (majjAM mama)
shukraM vR^iddhikaraH pAtu buddhiM vAchAmadhIshvaraH || 18||
mUlAdhArAmbujaM pAtu bhagavAnsharabheshvaraH |
svAdhiShThAnamajaH pAtu maNIpUraM haripriyaH || 19||
anAhataM sAluveshovishuddhaM jIvanAyakaH | (shAluveshovishuddhaM)
sarvaj~nAnapradohyAj~nAM lalATaM me sadAshivaH || 20|| (prado devo)

brahmarandhraM mahAdevaH pakShirAjo.akhilAtmavAn |
sarvalokavashIkAraH pAtu mAM paragarvajit || 21||
vajra\-muShTi\-varAbhItihastaH kAlAbhrasannibhaH |
vijayA sahitaH pAtu chaindrIM kakubhamagnijit || 22||
shakti\-shUla\-kapAlAsihastaH saudAminIprabhaH |
jayAyuto mahAbhImaH pAtu vaishvAnarIM disham || 23||
daNDAsi\-musalaM\-hAla\-pAshA~Nkusha karAmbujaH | (daNDAsi\-musalI sIra)
yamAntako.ajitAyukto yAmyIM pAtu dishaM mamaH || 24|| (kAmAntako.ajitAyuktRaH dishaM yAmyAM sadA.avatu)

khaDga\-kheTAsi\-parashuhasta\-shatruvimardanaH | (kheTAgni)
aparAjitayA yuktaH sadAvyAnnairR^ItiM disham || 25||
pAshA~Nkusha\-dhanurbANa\-pANi\-ghoNiyuto.agrakaH |
haridrAbho.anishaM pAyAdvAruNIM dishamAtmajit || 26||
dhvaja\-chakrayutodAribhujo durgA yuto.argalaH | (dhvajaChatragadAkunta)
chaNDavegaH shivaH pAyAtsatataM mArutI disham || 27||
gadAstragvaradAbhIti karAmbhoja shriyAyutaH | (gadAkShara)
kanakAbho mahAtejaH pAtu kauberakIdisham || 28||
trishUlAhi\-kapAlAgnidostalo vidyayAyutaH |
bhasmoddhUlitasarvA~Nga aishIM pAtvaparAjitaH || 29|| (sarvA~Ngo dishaM pAtu shivapriyAm)

japAstrakpustakAmbhoja kamaNDaluM karAmbujaH | (japasrak)
UrdhvaM pAtu girAyuktaH sarvabhUtahiterataH || 30||
sha~Nkha\-chakra\-gadA.abhIti\-hastaH padmAyuto.avyayaH |
kAlA~njanasamonIlaH pAtAlaM pAtvanAratam || 31|| (nIlA~njano)

anuktA vidishaH pAtu sAluvo nArasiMhajit |
sharabhaH pAtu sa~NgrAme yuddhe vairikulAntakaH || 32||
sarvasaubhAgyadaH pAtu jAgratsvapnasuShuptiShu |
sarvasampatpradaH pAtu dhanadhAnyAdikaM mama || 33||
santAnadaH sutAnpAtu dArAnAyuShkaro.anisham | (putrAnAyuShakaro)
bandhUnvR^iddhikaraH pAtu gR^ihaM sarvavasha~NkaraH || 34||
grAmaM grAmeshvaraH pAtu rAjyaM pAtu digambaraH |
rAShTraM shAntikaraH pAtu rAjAnaM dharmashAsakaH || 35||
mArgaM duShTaharaH pAtu dharmakarmANi bhairavaH |
baTukaH pAtu me sarvaM tryavasthAsu bhayeShu cha || 36||
sparsha\-vIkShaNa\-saMyuktaH prANarakShAM manojavaH |
pradhAnamUrtibhAvashcha prAsAdeShvAshusiddhikR^it || 37||
sAdhakaH praNavaM bIjaM namo bhagavateti cha | (praNavaM dhyAyAn jvaladdviH prajjvaladvayam)
pratinAma chaturthyantaM sparsha ityabhidhIyate || 38|| (pratyAvR^itti chaturthyantaM)

dvirjvala\-prajvale sAdhyaM sAdhaya dvirdvi rakSha tat |
sarvaduShTebhyo huM phaT svAhAnta yugvIkShaNam || 39||
spR^ishan pashyan japaM kR^itvA pratisthAnaM samAhitaH | (sparshaM sparshaM japaM)
prArthayedakhilaM sveShTaM hR^idisthaM sAluveshvaram || 40|| (shAluveshvaram)

ye grAmaghAtakAH krUrAH kapaTA dauShTikA bhaTAH | (kapaTA durmadA grahAH)
taskarAH shatravaH kruddhA vadhe saktAH palAshanAH || 41||
ChadmachArAH viTAH bhraShTAsdivAchara\-nishAcharAH |
te sarve pakShirAjasya pakShavAtaparAhatAH || 42||
strI\-bAla\-sahitAH kShipraM pitR^i\-mAtR^i kulAnvitAH |
bhagnachittA gatasthAnA yAntu deshAntaraM svayam || 43|| (jagasthAnA yAntu)

ye cha duShTagrahA rakShaH\-pishAchAH devayonayaH | (ye tu duShTAhA yakShAH)
chatuHShaShTigaNAH saptasaptatyunmAdakA grahAH || 44|| (mattakA grahAH)

aShTAshIti mahAbhUtAH saptakoTi mahAgrahAH |
navati jvarabhedAshcha shatabhedAshcha kR^ittikAH || 45|| (shatabhedAshcha kR^itrimAH )

pa~nchAshad gaNanAthAshcha niyutA kR^itrimA grahAH |
pretArUDhAstrayastriMshatpiNDadAna parAyaNAH || 46||
ayutaM kShudra\-bhedAshcha chatvAriMshachChivAhvayAH |
dvAtriMshadvahnivaktrAshcha triMshanmArjAravaktrakAH || 47||
chatuHShaShTyAkhurUpAshcha ye chAnye kShudrayonayaH |
te sarve sAluveshasya sha~Nkha\-niHsvana\-mohitAH || 48|| (shAluveshasya)

viShaNNAH khilataHsvAntAH prANa\-trANa\-parAyaNAH |
gachChantu samprayoktAro deshAntaramanichChayA || 49|| (satprayoktAro)

ye cha mUShaka\-vaiDAlAH shunakoragavR^ishchikAH |
AshIviShAH shivA vyAlA vyAghra\-R^ikShebhasUkarAH || 50|| (shUkarAH)

gR^idhrAH shyenAH khagAH ka~NkA daMshakA bhraMshakA mR^igAH | (kAkadaMshakA bhR^ishakA grahAH)

ete sharabhahastAgra\-nakha\-kShatavimokShagAH || 51||
sravadraktatalAsiktAH shilAtalanipIDitAH |
sambhinnatanavaH shIghraM nashyatkhiladushcharAH || 52||
na daMshantUragAH kvApi nAtivAto.api vIjatu | (nAtivAto.api dhAtu cha)
na dahatvasaho vahnirAyAntvApo na chAdhikAH || 53||
na varShatvativR^iShTishcha na patatvashaniH kvachit |
nAkrAmatvapamR^ityushcha nAstyutpAtaM kadAchana || 54||
na bhriyantvambhasi janA na bhavatvashubhaM kvachit |
na vadantvasahaM vAkyaM jantavo mama deshake || 55||
nAsti vairaM tu jantUnAmanyo.ayaM rAjake mama |
bhavantu sukhinaH sarve nAryaH santu pativratAH || 56|| (sarve sarvAH santu)

sarvAH sUyantu satputrAnputrIshcha shubhalakShaNAH |
sarve devAshcha nandantu santu kalyANakArakAH || 57||
rAjanvatI mahI chAstu rAjA bhavatu dhArmikaH |
sasaMstravaM\-payogAvaH phalantvoShadhayo.adhikam || 58|| (saMsravantu payo)

bhavantu phaladA vR^ikShAH siddhirbhavatu me.akhilA |
mamAstu tarasA nUnamAtmaj~nAnamacha~nchalam || 59||
mahAkrodha\-mahAlobhAH samadA lobha matsarAH | (moha matsarAH)
na santu kvApi me sarve bhagavankaruNAnidhe || 60|| (nAkrAmeyushcha sarvesh)

sharabheshvara vishvesha pakShirAja dayAnidhe |
dehi me hyachalAM bhakti praNato.asmi punaH punaH || 61||
gaurivallabha kAmAre kAlakUTaviShAdana |
mAmuddharApadambhodhestripuraghnAntakAntaka || 62||
sAluvesha (shAluvesha) jagannAtha sarvabhUtahite rata | (shAluvesha)
pAhi mAM tarasA chaurAnduShTAnnAshaya nAshaya || 63|| (trAhi mAM tarasA ghorAn)

kAlabhairava vishvesha vishvarakShAparAyaNa |
rakSha mUShaka\-chaurebhyo dhAnyarAshimimaM prabho || 64|| (mUShikachorebhyo)

pakShirAja mahAdeva praNatArtivinAshana |
madIyAni padArthAni nityaM pAlaya pAlaya || 65||
sarvaj~na sarvalokesha sarvaduShTavinAshana |
taskareNa hR^itaM vastu drutaM dApaya dApaya || 66||
ye marmavAdinaH kShudrAH ChidropadravakArakAH | (ye marmaghAtinaH)
sarvAchAra\-paribhraShTA mAnahInAshcha rodhakAH || 67|| (sarvAchAraparityaktAH)

te sarve sAluveshasya musalAyudhachUrNitAH | (shAluveshasya)
nashyantu nimiShArdhena pAvakAvR^itatUlavat || 68||
ye janA drohiNo.ashlAghyAstvakAlochitabhAShaNAH |
(ye janadrohiNo.alpAshcha durAlochitabhAShiNaH)
satkarma vighnakartAraH shAnta bhartsAparAyaNAH || 69|| 
(satkarmavighnakartArashchAsatkarmaparA narAH)

te sAluvesha hastAgra\-khaDganirbhinnadehinaH | (shAluveshahastAgrahastanirbhinnadehinaH)
patantu bhUtale yAmyAM prANAsteShAM prayAntvaram || 70|| (prayAntu vai)

tvada~Nghri dhyAna nirdagdha pApakoshAya mantriNe | (pApakoshAya me shiva)
mahyaM druhyanti ye teShAM vibhavAni kShayantvaram || 71||
tvadAchAraM paraM bhaktaM sAdhakAnAM vivekinam |
ya Akramanti sa~NgrAme te gachChantu parAhatAH || 72|| (AkrAmanti cha sa~NgrAme)

tvadIyenaiva mArgeNa sa~ncharantaM japAturam | (mArgeNa charatAM japatAM sadA)
ye vadanti parIvAdaM bhrAntAH shIghraM bhavantu te || 73 || (parIvAde)

tvaddAsamamalaM dhIraM ye mAM tarjayituM balAt |
(tvaddAsamukhyaM mAM dhIraM tarjayanti balAchcha ye)
manasA ye na manyante tatsvAntaM bhramatu kShaNAt || 74|| (manasA ye.avmanyante)

manasA karmaNA vAchA ye kurvantyatiduHsaham |
te mahAshokarogAbdhau patantvAshu shivAj~nayA || 75||
madIyAni padArthAni gR^ihItuM yo.avalokate | (grahituM)
tatkShaNAdeva naShTAkSho bhavatvAshvIshvarAj~nayA || 76|| (bhavatvAshu shivAj~nayA)

madIyaM dravyamAdAya ye gachChantIha taskarAH |
siMhAri\-pAsha\-sambaddhAste charantu pradakShiNam || 77|| (pAshasambanddhAt te)

sImAtItAshcha ye chaurA gR^ihItadravyasa~nchayAH | (sImAntaragatAshchorA)
avashAvayavAste tu AgachChantu shivAj~nayA || 78|| (cha gachChantu sharabhAj~nayA)

taskarAH nimnagAtItAH svAnta\-dhAnya\-dhanAdhikAH |
(taskarA ye.apagR^ihNanti mama dhAnyadhanAdikam)
pakShirAjA~NkushAkR^iShTAH samAgachChantu madgR^iham || 79|| 
(pakShirAT kroDikAkR^iShTAH samAgachChantu te drutam)

samAhR^ita\-padArthAdyA deshAtItAshcha taskarAH |
sharabhesha\-halAkR^iShTAste AgachChantu vai drutam || 80||
chaurA grahItumudyuktAH samAgachChanti madgR^ihe |
te sAluveshapakShotthavAtairgachChantu satvaram || 81|| (shAluveshapakShotthavAtairgachChantu)

shAntaM vivekinaM bhaktaM tvada~Nghri dhyAnatatparam |
bruvanti ye sahaprANAsteShAM yAnti yamIM purIm || 82|| 
(druhyanti ya iha prANAsteShAM yAntu yamaM shiva)

ShaTtriMshatkoShTake yantre rekhAshUlAgrasAdhyake |
svechChAmantraM likhitvA tu japedArAdhya sAdhakaH || 83||
madhye pAshA~Nkushe vahni sAdhya nAma likhetkramAt |
uda~NamukhaH sahastraM tu rakShaNAya japennishiH || 84||
naShTAharaNake pa~ncharAtraM pashchima\-di~NmukhaH |
mAraNe saptarAtraM tu dakShiNAbhimukho japet || 85||
roganigrahaNe chAShTarAtramAgneyadi~NmukhaH |
iti guhyaM mahAmantraM paramaM sarvasiddhidam || 86||
sharabheshAkhyakavachaM chaturvargaphalapradam |
pratyahaM pratipakShaM vA pratimAsamathApi vA || 87||
yo japetprativarShaM vA vareNyaH sa shivo bhavet |
evaM hi japataH puMsAM pAtakaM chopapAtakam || 88||
tatsarvaM layamApnoti raviNA timiraM yathA |
dashAbdaM yo japennityaM prAtarutthAya sAdhakaH || 89||
sarvasiddhiM samAshliShya dehAnte sa shivo bhavet | (sarvasiddhiM samAshritya)
trikAlaM dhyAnapUrvaM tu japeddvAdashavArShikam |
kAyenAnena so devi jIvanmukto bhavennaraH || 90|| (jIvanmukto bhavechChive)

shatavAraM japennityaM maNDalaM yo varAnane |
so.aNimAdiguNAnprApya vicharetsvechChayA sadA || 91||
atalAdidharaNyAdi bhuvanAni chaturdasha | (atalAdidharaNyantarbhuvaneShu tathopari)
vicharetkAmataH sarvaiH pUjyamAno yathAsukham || 92|| (vicharetkAmagaH)

trimAsaM yo japennityamaShTottarasahasrakam |
sahasA sharabheshasya sArUpyaM labhate.ambike || 93||
ShaNmAsaM yo japeddevi prayatastu dR^iDhavrataH |
madrUpadhArako martyaH sarvasiddhipradAyakam || 94|| 
(madrUpadhArakairmatyaiH sahasiddhipradAyakaiH)

mama loke sampUjyo viShNuloke visheShataH |
brahmaloke cha ramate sarvatra na nivAryate || 95||
indrAgniyamarakSheshajaleshapavanaiH saha |
someshaiH saha rudreshairdishAmpAlaiH sa pUjyate || 96|| (someshAnakalakShmIshairdishAm)

Aditya\-soma\-pR^ithvIja\-budha\-shrIguru\-bhArgavaiH |
pUjyate sa grahaiH sarvaissashani\-rAhu\-ketubhiH || 97||
bhR^igva~NgiraH\-pulastyaishcha\-pulahAtri marIchibhiH | (pulahAdi)
dakSha\-kashyapa\-bhR^igvAdyairyogibhishcha sa pUjyate || 98|| 
(dakShakAshyapakratvabjayonibhiH sa cha pUjyate)

bhairavairvasubhI rudrairAdityairbAlakhilyakaiH |
diggajaishcha mahAnAgairdivyAstrairdivyavAhanaiH || 99||
mAheshvarairmahAratnaiH kAmadhenu\-suradrumaiH |
saridbhiH sAgaraiH shailairdevatAbhistapodhanaiH || 100||
dAnavai rAkShasaiH krUraiH siddha\-gandharva\-kinnaraiH |
yakSha\-vidyAdharairnAgairapsarobhishcha pUjyate || 101||
apasmAra\-grahairbhImairunmatairbrahmarAkShasaiH |
vetAlaiH khecharairmartyaiH kUShmANDai rAkShasagrahaiH || 102|| (khecharairkrUraiH)

jvAlAvaktraistamohAraiH strIgrahaiH pAvakagrahaiH |
bhUta\-preta\-pishAchAdyairgrahaiH sarvaiH sa pUjyate || 103||
brAhmaNaiH kShatriyairvaishyaiH shUdrairanyaishcha jAtibhiH | (shudrairanyaishcha mAnavaiH)
pashu\-pakShi\-mR^iga\-vyAlaiH pUjyate sarvajantubhiH || 104||
kimatra bahunA devi tava vakShye.ahaM yathAtatham |
mayA cha viShNunA chaiva vishvakartrA cha kalpyate || 105|| (vishvakartrA cha pAlyate)

bhavatyA cha girA lakShmyA brahmANyAdyaShTamAtR^ibhiH |
gaNeshvarAdiyogIndrairyoginIbhiH sa pAlyate || 106||
ya idaM prajapedbhaktyA tasyAsAdhyaM na vidyate |
kavachendra mahAmantraM japettasmAdanuttamam || 107||
uchchATane marudvaktro vidveShe rAkShasAnanaH |
prAgAnano.abhivR^iddhau tu sarveShvIshAnadi~NmukhaH || 108||
yo japetkavachaM nityaM trikAlaM dhyAnapUrvakam |
sarvasiddhimavApnoti sahasA sAdhakottamaH || 109||
shrIdevyuvAcha |
deva deva mahAdeva shiva kAruNyavAridhe |
pAhi mAM praNataM svAminprasIda satataM mama || 110||
sarvArthasAdhanopAya sarvaishvaryapradAyaka |
samastApatpratIkAra chandrashekhara te namaH || 111||
yatkR^ityaM tannakR^itaM yadakR^ityaM kR^ityavadAcharitam |
ubhayoH prAyashchittaM shiva tava nAmAkSharadvayochcharitam || 112|| (nAmAkSharadvitayam)


|| iti shrI AkAshabhairavakalpe pratyakShasiddhiprade
    umAmaheshvarasaMvAde sharabhakavachaM sampUrNam ||
 || AkAshabhairavakalpam | ekachatvAriMsho.adhyAyaH ||

iti shrIsharabheshvarakavachaM athavA shrIsharabhakavachaM sampUrNam |
##
Encoded by Sivakumar Thyagarajan
Proofread by Sivakumar Thyagarajan, PSA Easwaran, Ruma Dewan


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}