% Text title            : Shri Sharabheshvara Mantravidhana Evam Stotram
% File name             : sharabheshvaramantravidhAna.itx
% Category              : shiva, mantra
% Location              : doc\_shiva
% Proofread by          : Aruna Narayanan
% Latest update         : December 24, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sharabheshvara Mantravidhana Evam Stotram ..}##
\itxtitle{.. shrIsharabheshvaramantravidhAna ..}##\endtitles ##
mantra\-vidhAna\-
viniyogaH \- asya shrIsharabheshvara\-mantrasya vAmadevaR^iShiH
atijagatIChandaH shrIsharabho devatA OM khaM bIjaM svAhA shaktiH mama
kAryasid.hdhyarthe jape viniyogaH |
R^iShyAdinyAsa\-
      OM vAmadevaR^iShaye namaH (shirasi) ,
      OM atijagatIChandase namaH (mukhe),
      OM shrIsharabheshvaradevatAyai namaH (hR^idaye),
      OM khaM bIjAya namaH (guhye),
      svAhA shaktaye namaH (pAdayoH),
      viniyogAya namaH (sarvA~Nge) ||
karanyAsaH\-
      OM kheM khAM khaM phaT a~NguShThAbhyAM namaH |
      prANagrahasi prANagrahasihuM phaT tarjanIbhyAM namaH |
      sarvashatrusaMhArakAya madhyamAbhyAM namaH |
      sharabhasAluvAya anAmikAbhyAM namaH |
      pakShirAjAya kaniShThikAbhyAM namaH |
      huM phaT svAhA karatalakarapR^iShThAbhyAM namaH ||
hR^idayAdinyAsaH\-
      OM kheM khAM khaM phaT hR^idayAya namaH |
      prANagrahasi shirase svAhA |
      sarvashatrusaMhArakAya shikhAyai vaShaT |
      sharabhasAluvAya kavachAya hum |
      pakShirAjAya netratrayAya vauShaT |
      huM phaT svAhA astrAya phaT ||

dhyAnam\-
mR^igastvardhasharIreNa pakShAbhyAM cha~nchunA dvijaH |
ghoravaktrashchatuShpAda UrdhvanetrashchaturbhujaH ||
kAlAntadahanaH puNyo nIlajImUtanisvanaH |
aristaddarshanAdeva vinaShTabalavikramaH ||
saTAChaTograrUpAya pakShavikShiptabhUbhR^ite |
aShTapAdAya rudrAya namaH sharabhamUrtaye ||
athavA\-
chandrArkAgnistridR^iShTiH kulishavaranakhashcha~nchalotyugrajihvaH,
kAlI durgA cha pakShau hR^idayajaTharagau bhairavo jaTharAgniH |
Urusthau vyAdhimR^ityU sharabhavarakhagashchaNDavAtAtivegaH,
saMharttA sarvashatrUn sa jayati sharabhaH sAluvaH pakShirAjaH ||

isa prakAra dhyAna karake nimnalikhita mantra kA japa kareM\-
OM kheM khAM khaM phaT prANagrahasi prANagrahasi huM phaT
sarvashatrusaMhArakAya sharabhasAluvAya pakShirAjAya huM phaT svAhA |

eka anya mantra isa prakAra bhI hai\-
OM namo.aShTapAdAya sahasrabAhave dvishirase trinetrAya
dvipakShAyAgnivarNAya mR^igaviha~NgarUpAya vIrasharabheshvarAya OM |

stotra\-pATha nimnalikhita hai\-japa ke pashchAt athavA kevala stotra
kA pATha bhI kiyA jA sakatA hai | rAtri meM tIna pATha nitya karane se
visheSha lAbha hotA hai |

nigraha\-dAruNa\-saptakaM \\-
kopodrekAti\-niryan nikhilaparicharat tAmrabhAraprabhUtaM,
      jvAlAmAlAgradagdhasmaratanusakalaM tvAmahaM shAluvesha ! |
yAche tvatpAdapadmapraNihitamanasaM dveShTi mAM yaH kriyAbhi\-
      stasya prANaprayANaM parashiva bhavataH shUlabhinnasya tUrNam || 1||
shambho ! tvaddhastakAntakShataripuhR^idayAnniHsravallohitaughaM,
      pItvA pItvAtidIrghA dishi\-dishi vicharAstvadgaNAshchaNDamukhyAH |
garjantu kShipravegA nikhilajayakarA bhIkarAH khelalolAH,
      santrastA brahmadevAH sharabha khagapate ! trAhi naH shAluvesha || 2||
sarvAdyaM sarvaniShThaM sakalabhayaharaM tvatsvarUpaM hiraNyaM,
      yAche.ahaM tvAmamoghaM parikarasahitaM dveShTi mAM yaH kriyAbhiH |
shrIshambho tvatkarAbjasthitakulishavarAghAtavakShaHsthalasya,
      prANAH preteshadUta grahagaNaparikhAH kroshapUrvaM prayAntu || 3||
dviShmaH kShoNyAM vayaM yAMstava padakamaladhyAnanirdhUtatApAH,
      kR^ityAkR^ityairvimuktA vihagakulapate ! khelayA baddhamUrteH |
tUrNaM tvatpAdapadmapradhR^itaparashunA tuNDakhaNDI\-kR^itA~Nga\-
      staddveShI yAtu yAmyaM puramatikaluShaM kAlapAshAgrabaddhaH || 4||
bhImashrIshAluvesha ! praNatabhayahara prANajid durmadAnAM,
      yAche.ahaM chAsya vargaprashamanamiha te svechChayA baddhamUrteH |
tvAmevAshu tvada~NghryaShTakanakhavilasadgrIvajihvodarasya,
      prANA yAntu prayANaM prakaTitahR^idayasyAyuralpAyatesha || 5||
shrIshUlaM te karAgrasthitamusalagadAvR^ittavAtyAbhighAtAd,
      yAtAyAtAriyUthaM tridasharavighanoddhUtaraktachChaTArdram |
saddR^iShTvA.a.ayodhane jyAmakhilasuragaNAshchAshu nandantu nAnA\-
      bhUtA vetAlapUgaH pibatu tadakhilaM prItachittaH pramattaH || 6||
alpaM dordaNDabAhuprakaTitavinamachchaNDakodaNDamuktai\-
      rbANairdivyairanekaiH shithilitavapuShaH kShINakolAhalasya |
tasyaprANAvasAnaM parasharabha vibho.ahaM tvadijyA\-prabhAvai\-
      stUrNaM pashyAmi yo mAM parihasati sadA tyAdimadhyAntaheto || 7||
 iti nishi prayatastu nirAsano mamamukhaH shivabhAvamanusmaran |
pratidinaM dashavAradinatrayaM japati nigraha\-dAruNasaptakam || 8||
 iti guhyaM mahAbIjaM paramaM ripunAshanam |
bhAnuvAraM samArabhya ma~NgalAntaM japet sudhIH || 9||

ityAkAshabhairava\-kalpe pratyakShasiddhiprade narasiMhakR^itA
                  sharabhastutiH samAptA |

shrIsharabheshvaraprArthanA
rudraH pi~Ngala\-kuntalastrinayano.atyugraH sapakSho hariH,
sarpAla~NkaraNastathA.aShTacharaNasturyaH shukaH sAluvaH |
kShobhaM shrInarasiMhajaM shamayituM nItAvatAro haraH,
pAyAd shrIsharabheshvaro vihagarAT sarvArthadaH sha~Nkara ||
kAlI durgA pakShayoryasya saMsthe, svAnte sAkShAt sundarIrAjamAnA |
kShobhaM yAtaH shrInR^isiMho yatastaM, devaM bhIma sAluvAkhyaM namAmaH ||

iti shrIrudrayAmale tantre shrIsharabheshvarastutiH evaM prArthanA samAptA |

##
Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}