% Text title            : Astikaproktam Shivaradhanaparipurnatanubhavavarnanam
% File name             : shivArAdhanaparipUrNatAnubhavavarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 28 | 23-107 ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Astikaproktam Shivaradhanaparipurnatanubhavavarnanam ..}##
\itxtitle{.. AstikaproktaM shivArAdhanaparipUrNatAnubhavavarNanam ..}##\endtitles ##
\- AstikaviShNusaMvAde \-
AstikaH \-
vedairvadAnyottamamIshamekaM matvA mahAdevamupAshrito.aham |
sa eva me sarvavarapradAtA dAtA varANAM varadottamo.ayam || 85||
yaM yaM vA~nchChati shAmbhavaH pratidinaM taM taM prayachChatyumA\-
kAntaH santatamantakAntaka iti khyAto ya eva shrutau |
tasmin me varadottame sati mano dainyaM na jAnAtyataH
kiM me durlabhamasti sha~NkarapadadhyAnena tanme manaH || 86||
yo dAtAHjagatAM tavApi kamalAkAntAmarAdhIshvaro
gaurIchArupayodharAdharamahAhArAbalIlayA |
lokAn pAlayati svabhAvavibhavastadvaibhavasyA\-
vadhirnAstyeveti sa eva me varada ityanyaM na manyAmahe || 87||
svapne vA girijAmanoharapadAmbhojArchanAnme mano
naivAsIdvirataM na chAnyabha~njanAsaktaM pramattaM cha na |
tenaivepsitasiddhirityapi mativR^iddhiM prayAtyeva me
daityArAtirumApatiH sharaNamityanyaM na manyAmahe || 88||
yaddauvArikadaNDamaNDalakashAdhAtAdibhIto bhavAnAdAveva
chaturmukho.api sa shachInAtho.api taM kevalam |
yAche yAchakakalpabhUruhamahaM mohaM vihAyAdhunA
mohadhvAntavinAshake sati shivetyanyaM na manyAmahe || 89||
asmAkaM girijAmanoharaharApArAdarAtyAdare shAnte
shAntataraM nirantaramumAkAntAnurakte sati |
anyasmAt kimapekShitaM kimapi na nyUnaM jaganmaNDale
pIyUShAMshukalAvataMsabhajanAdanyanna manyAmahe || 90||
smR^itvA janAjarAbhighAtanihatAH sharvAnyasaMsevanAt
shrAntaM me mana eva tAvadadhunA tebhyo nivR^ittaM tataH |
bhUyastatpadasevanaM na kurute tuchChratvabud.hdhyA SharaM
tAMstyaktvA shivapUjanaM paramato.apyanyaM na manyAmahe || 91||
mR^ityuryasya jarAdijanmajanitaM duHkhaM na yasyAbhavat
taM mR^ityu~njayamekameva sharaNaM prAptAH sadA sAdaram |
tasminneva vadAnyanAyakavare gaurIvihAre Share
itthaM krIDati tena siddhirabhito.apyanyaM na manyAmahe || 92||
yAvad bhrAntirabhUt purA.ativiShamA tAvatparArAdhane\-
pyAsaktaM tvayi janmamR^ityuvashage j~nAte nivR^ittaM manaH |
ko vA janmajarAvihIna iti tachchittaM vichAryAdhunA
shrImR^ityu~njayachintane viratamityanyaM na manyAmahe || 93||
ko vA ratnavisheShanirmitalasatpAtrasya dugdhaM shive
dattaM sharkarayA sametamanaghenAjyena yuktaM param |
tyaktvA kShArajalaM pibatyanudinaM tasmAChivAnyaH suro
nopAsyo.api na tena vAkphalamato.apyanyaM na manyAmahe || 94||
ko vA merusharApanaM trinayanaM gaurIvihArAdara\-
vyAkhyAnapravaNaprasAdhanadhanaM kailAsasiMhAsanam |
tyaktvA.anyAmarasevanAya yatate bhIto yathA bhItitaH
prApnotyeva vimohitaH prakR^itito.apyanyaM na manyAmahe || 95||
kaH prApyApi sudhAbdhitIramasakR^iddhIraH pipAsAturaH
tatkShIraM parihAya durmatiyutaH kShIrAmburAshiM vrajet |
tasmAddevashikhAmaNiM suramaNiM shrIshUlapANiM manaH
tyaktvAnyaM na bhajatyapi svayamato.apyanyaM na manyAmahe || 96||
kiM kaShTAnyapi vismR^itAni bhavatA vishveshvarArAdhana\-
tyAgAt sAyamimaM gataiva kamalA sindhuM tataH pIDayA |
tannirmanthanakAlakUTakalitajvAlAkulaH kR^iShNatAM
prApto.asi smara tatparaM smR^itamato.apyanyaM na manyAmahe || 97||
tvaM ghore vipine varAhavapuShA lakShmIvihInastadA
tadvanyAshanajIvanaH shivapadAmbhojArchanAnAdarAt |
tat kiM vismR^itameva tatsmara punaH tenApi lajjA na kiM
te tAvadvada tena tAvadadhunA tvanyaM na manyAmahe || 98||
svatvaM vastuShu bhUtale.api viditaM vishveshvarasyetyataH
sarve tasya sa eva tAvadasakR^id dAtA vadAnyottamaH |
tasmAdeva samastavastunichayaprAptistadanyasya kiM
svatvaM vastuShu keShvapItyapi miteranyaM na manyAmahe || 99||
bhaktAbhIpsitavastujAtamasakR^iddatvA punarvA~nChitaM
bhaktasyAsti kimityanakShaNamumAkAnto vichAryAdarAta |
dAtR^itvavyasanena dAtumabhito vA~nChatyapUrvaM phalaM
li~NgArAdhanatatparAdya satatopyanyaM na manyAmahe || 100||
vA~nChA yatra na sarvathA na viditaM nApi shrutaM sarvathA
taddAtuM shivapUjakAya yatate mR^ityu~njayaH sarvathA |
taM devottamamaprayAsaphaladaM tyaktvA tadanyaM mano
gantuM vA~nchChati tuChamityapi kadApyanyaM na manyAmahe || 101||
mAtevAshu sharIrapoShaNarato li~NgArchakAnAM sadA
vishveshaH sa pitA piteva vihite bhaktiM niyu~Nkte punaH |
snehAmbhonidhimAlayA parivR^itaM bhaktaM karotyeva taM
tyaktvA tAvadumAsahAyamadhunA tvanyaM na manyAmahe || 102||
asmatpUrvajapUrvajArchitamahApuNyAmburAsheH phalaM
saMvR^ittaM phalamityavaimi bahudhA yasmAdumAvallabhaH |
asmAkaM phaladaivataM parahitaM kartuM samarthaH sadA
tasmAdeva hitArthalAbhakathanAdanyaM na manyAmahe || 103||
dhanyAnAM shiva eva daivatamiti j~nAtaM shivaprArthanaM
dhanyA eva paraM vihAya sakalaM saMsArarUpaM phalam |
nityaM nirmalachetaso.apyavikalaM kurvantyudArAH phalaM
hArA eva harAtparaM parataraM tvanyaM na manyAmahe || 104||
samprApyApi shivArchanena sakalaM sarvaH shivArAdhano\-
pAyaH prApta iti prabhUtavibhavAH kurvanti li~NgArchanam |
tasmAdapyamitaM phalaM punarumAkAntAdavApyaM tataH
shAntA eva shivaM prayAnti tamatopyanyaM na manyAmahe || 105||
yadbilvadalamapyumApatiratiprItyA gR^ihItvA navaM
jIrNaM vA truTitaM cha nIrasamapi shreyaskaraM kevalam |
matvA sarvadharAdhinAthavinataM dInaM karotyAdarAt
ante muktimapi prayachChati tatopyanyaM na manyAmahe || 106||
shrIkaNThAdgirirAjarAjatanayAmerusphurachChIkarAt
hArashrIparihAradakShavilasadvakShojavakShaHsthalAt |
indrAdipratipakShadakShadalanAt bhAlAnalAkShAt paraM
svapne vA maraNe.api vA svakaraNairanyaM na manyAmahe || 107||

|| iti shivarahasyAntargate AstikaproktaM shivArAdhanaparipUrNatAnubhavavarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 28| 23\-107 ||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 28. 23-107 ..

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}