% Text title : Ishvaraproktam Shivarchanamahatmayam % File name : shivArchanamahAtmayamIshvaraproktaM.itx % Category : shiva, shivarahasya % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | mAheshvarAkhyaH prathamAMshaH | adhyAyaH 60 - skandastutiH | 1-104|| % Latest update : December 17, 2023 % Send corrections to : sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Ishvaraproktam Shivarchanamahatmayam ..}## \itxtitle{.. IshvaraproktaM shivArchanamahAtmayam ..}##\endtitles ## IshvaraH \- shR^iNu vakShyAmi te devi hitamAtyantikaM shive | yatproktaM pUjanaM devi surANA~ncha nR^iNAM sadA || 1|| sA prajAnantaphaladA janmakaryapraNAshinI | saMvideva parA pUjA sA tu tasyAM manolayaH || 2|| sAdhAraNAnAM sA pUjA hyavyaktAtIva durghaTA | matprasAdena deveshi pachelimatapaHphalaiH || 3|| yogaryAgaishcha tapasA mahAnandakadambakaiH | bhasmaniShThasya satataM rudrAvartanashIlinaH || 4|| bhasmatripuNDrayuktasya sadA rudrAkShadhAriNaH | pa~nchAkSharaparasyaiva sadA li~NgArchakasya cha || 5|| bilvapatrairmahAdevi pradoShe pUjakasya mAm | naktAshanArchanadhyAnachaturdashyaShTamIShu cha || 6|| somavAravratAchArayuktasya niyatasya cha | matkShetravAsino devi hyavimuktaratasya cha || 7|| vishveshvarArchakasyAsya surasya cha narasya cha | tathA mahAlaye puNye rudrakoTau maheshvari || 8|| kAla~njare prabhAse.api puShkare.amarakaNTake | piNDArake kurukShetre mahAkAle maheshvare || 9|| devadAruvane puNye naimiShe chitrakUTake | kedAre kAmade puNye vaidyanAthe maheshvari || 10|| shrIshaile cha tatho~NkAre tathA veNuvane shive | AvaTa~Nke somanAthe gokarNe tryambake girau || 11|| shrImaddakShiNakailAse tathaikAmravane mama | vR^iddhAdrAvaruNAdrau cha tathA goparvate shive || 12|| hR^itpuNDarIke gUDhe cha japyeshe shvetakAnane | gajAraNye ratnagirau shrIkaNThe mAtR^iparvate || 13|| koTikAyAM ma~Ngale cha puNye drutivane.api cha | kumbhaghoNe.arjune chaiva shrIsundara girau tathA || 16|| mAdhavItejinIdevIkShIriNIkAnane tathA | shamIvane bilvavane ghaTeshe brahmakAnane || 15|| ChAyAvane cha shrIvA~nChye tathA vedavane shive | valmIke vAtapuryA~ncha seto vai gandhamAdane || 16|| hAlAsye shAlikavane gajashaile mahendrake | vasataH puNyashIlasya naktAshanaratasya cha || 17|| saMvasaddvAdashAbdaM tu bhasmanoddhUlitasya cha | kasyachidbhAgyanivahairj~nAnantallabhyate mama || 18|| bahubhirjanmabhirdevi matprasAdayutasya cha | vairAgyabhaktiyuktasya chAtmali~NgArchane matiH || 19|| jAyate puNyapAkena chittashuddhyanusArataH | jAyate janmanAshAya nR^iNAmatyantadurlabham || 20|| nAnAchAravihArANAM viShayAsaktachetasAm | vA~nChA na jAyate devi kasyachitkachideva hi || 21|| bahujanmasahasreShu tiryaksthAvaraja~NgamaiH | janmabhiH puNyanichayairyuktasya puruShasya cha || 22|| matprasAdena vij~nAnaM jAyate nAnyadhA(nAnyathA) shive | madhyAnadhArAmodAdiyuktasya niratasya cha || 23|| atharvashiraso.adhyAyashikhAjapayutasya cha | jAvAlashrutiniShTasya shAmbhavasya visheShataH || 24|| kaivalyakAlarudrAdijApino brAhmaNasya cha | rudrAvartanashIlasya bhasmaniShThasya me sadA || 25|| j~nAnaM vijAyate gauri kasyachichChivayoginaH | yatatAmapi shaivAnAM kashchinmAM vetti tatvataH || 26|| majj~nAnasAdhanaM devi nR^iNamatyantadurlabham | mAM dhyAyeddhR^idayAgArapadmasaMsthaM chaturbhujam || 27|| mR^igaTa~NkadharaM saumyaM sa~nchidAnandavigraham | shuddhakarpUrasArAchChakundendudhavalaprabham || 28|| mukuTodbhAsichandrA~NkaM ga~NgAmalakapardakam | bhuja~NgarAjavalaya mahArhamaNibhUShaNam || 29|| divyAnekamaNivrAtachitasihmAsanasthitam | triNetraM nIlakaNTha~nchApIndudhAmasamAnanam || 30|| umayA sahitaM dhyAyetkShaNaM vAtha kShaNArdhakam | so.ahamIshashshivassAkShAdahaM rudro harirvidhiH || 31|| ahamindro.analo vAyuryamo.ahaM varuNo.aryamA | chandraH kubero maruto hyashvinau maruto.arkakAH || 32|| skando vighneshvarashchaiva nandikeshAdayo gaNAH | sarveShAM janitA chAhaM matta evAdya nirgatAH || 33|| mayaiva vidhaye dattA vedAssarve sanAtanAH | mayaiva viShNave dattaM sahasrAraM sudarshanam || 34|| ahameveti vij~nAya dhyAyenmadrUpamaishvaram | evaM hi dhyAyatAM devi majj~nAnaM jAyate nR^iNAm || 35|| athavA devamIshAnaM mAM dhyAyetsUryamaNDale | hiraNyabahumAshAsyaM hiraNyashmashrumIshvaram || 36|| hiraNyavarNaM deveshi hyambikApatimIshvaram | sarvagranthivimokShAya tajj~nAnaM jAyate nR^iNAm || 37|| yogena vApi niyamayamAsanayutasya cha | rechake pUrayedvAyuM pUrakeNAtha pUrayet || 38|| kumbhake kumbhavaddhImAndhArayeddhaTikAtrayam | yogAgnidagdhakAyotthamalasyAmalachetasaH || 39|| nIhAradhUmasaMvidyutsphaTikojvaladIpavat | jyotirvibhAsate devi hR^idi pUritavAyubhiH || 40|| prANAyAmena satataM tannIvArashikheva hi | so.ahaM jyotirmahAnAtmA hyasa~NgaH puruShashshivaH || 41|| ApAdamastakaM dehaM vyApya sarveShvasthitaH | yo mAM yogena jAnAti svAtmArAmaM maheshvaram || 42|| tasya siddhyanti niyataM siddhayo.aShTau maheshvari | tasya mUrdhni mahAnAtmAsahasradalapa~Nkaje || 43|| gostanAkAravaddhArA hyamR^itaikarasasravA | vyapohya tatkapAlantu cheDAyAM santatasravA || 44|| pi~NgalAkuNDalImadhyAtpatantIshikhimastake | vaishvAnaro.ayaM sarveShu madrUpo dehiShu sthitaH || 45|| tatra chandrAmR^itakaraiH pi~NgalAyAM maheshvari | sa AtmajyotirAnando nityamukto maheshvaraH || 46|| sadA krIDannabhomadhyaM daharAkAshagassadA | chetayAmIndriyagaNaM vAchA cha manasA saha || 47|| parApashyAvaikharIShu praNavAdirasastvaham | so.ahamAvasathAtItaH puruSho.ahaM purIshayaH || 48|| ali~Ngo.asmyahamAtmA cha suratirya~NnareShu cha | nAmarUpAtigassAkShAdaha~NkAravivarjitaH || 49|| rasyastatkR^itakarmANiviShayAnvaiShikaMsukham | ShoDashAkhyakalA devihyayekojAnAmisarvashaH || 50|| tAssarvApi kalA devimayidyotantinityashaH | mantAboddhArasayitAj~nAtAvij~nAnaIshvaraH || 51|| shruteshshrotA tathAghrAtA dR^igdR^iShTyAdyahameva hi | (shruteshshrotA tathAghrAtA dR^iShTerdraShTAdyahameva hi) | yathA kUrmamahAgrIvA hrasvadIrghA bhavechChive || 52|| yathA nadyassyandamAnA nAmarUpaguNAtigAH | samudre.astaM prayAntIshe yathA te bhAnudIptayaH || 53|| punaryathodayaM prApte sUryasyeva marIchayaH | prasaranti mahAdevi tathA matsannidhau jagat || 54|| padmaM mitrakarairyadvadvikasatyabjinIkulam | yathA maNijasAnnidhyAchcheShTante lohasUchayaH || 55|| kAlakarmavipAkena tathA matsannidhau jagat | cheShTate nitarAM devi sthitisaMhArajanmataH || 56|| so.ahaM sR^iShTvA pravishyaiva tannAmaguNarUpataH | brahmaviShNuharAkhyAbhiryathApUrvaMyugeyuge || 57|| sR^ijAmyAtmAnamevAgre tato nAnAvidhaM jagat | yathAgnervisphuli~NgA vaikShudrAssambhavatipriye || 58|| indro mitro.atha varuNaH pUShA somo.ahamevahi | manavaH pitaroviprAstArAjAla~NgrahAstathA || 59|| sthAvaraM ja~NgamaM chaitadahameva sanAtanaH | sarvassarvasharIreShu sarvendriyaguNAtigaH || 60|| sarvabhoktAhamevAsmi sarvakAryakR^itAspadaH | nAhaM tajjanmamaraNaissthitisa~NgeShvasajjakaH || 61|| asa~Ngonaivalipto.asmisarvabAhyAntarastvaham | ekastathAntarassarvaduHkhahIno.asmisha~Nkari || 62|| evaM mAM yo vijAnAti sohaMso me hR^idantaraH | tasyAhaM na praNashyAmi sachamenapraNashyati || 63|| yogasA~Nkhyau mahAdevi tathoktau mama hR^ittamau | (yogasA~Nkhyau mayA devi tavoktau mama hR^ittamau) | sarvasAdhAraNaM devi kathayiShye.apyupAsanam || 64|| ali~Ngo.asmyahamIshAno li~Nge tiShThAmi sarvadA | yathA gavi gata~NkShIraMviShANAdaunadR^ishyate || 67|| Udhasyeva pradR^ishyeta tathAhaM sarvavAsyapi | hR^ididdhyAtmashaktAnAM j~nAnayogena vai shive || 68|| li~Nge kR^itAM parAM pUjAM shAmbhavairbhasmadhAribhiH | matpuNDranirataireva rudrAkShavaraka~NkaNaiH || 69|| rudrAdhyAyAdhyayanataH pa~nchAkSharajapena cha | ekaM vA bilvapatraM yairnikShiptaM mama mastake || 70|| bhaktairgR^ihNAmi taddaivi tasmai j~nAnaM dadAmi cha | taM j~nAnabhAjanaM kuryAM pratij~nA mama sha~Nkari || 71|| nAnyavarNAshramaidharmairvividhairapi me shive | naiva tuShTirmama parA jAyate karmakoTibhiH || 70|| na ShoDashamahAdAnairekAhAhInasatrakaiH | prapAvApIpradAnairvA kanyAnnAdipradAnataH || 71|| katha~nchijjAyate devi madarchAyAmpatirbhavet | puNDrAntareShu viSheShu maskarINAM gaNeShucha || 72|| naiva prItirmahAdevi yathA matpuNDradhAriShu | bhasmadhAryeva satataM madj~nAnasyaiva bhAjanam || 73|| shivali~NgArchanadhyAnarudrAdhyAyajapeShu cha | pa~nchAkSharajapaishchaiva mama kShetranivAsakaH || 74|| bhasmatripuNDradhAryeva svIkAryAnAnya uchyate | UrdhvapuNDra bhrameNApi nakuryAnmohatodvijaH || 75|| pratyuto narakAyaiva tasya sarvamanuShThitam | yadi kuryAtpramAdena pitR^ibhissapatedadhaH || 76|| UrdhvapuNDrA~NkitaM dR^iShTvA mIlayAmyadya lochane | matprasAdAlokanena tajj~nAnaM jAyate shive || 77|| yannetre mIlite devi kathaM j~nAnaM bhaviShyati | (yannimIlanataH devi kathaM j~nAnaM bhaviShyati) | li~NgaM kailAsamaulau me kailAseshvarasa~nj~nitam || 78|| devatirya~NmanuShyAdyairadR^ishyamapi kAmadam | smaraNAdeva sAnnidhyaM yatra kutrApi siddhidam || 79|| etalli~Ngasya mahimA vedairnaj~nAta eva hi | surAsuraishcha manubhirgaNendrairapi sha~Nkari || 80|| kailAseshvarasa~nj~naM tu li~NgaM muktipradAyakam | li~NgarAjamidaM devi brahmaivedaM sanAtanam || 81|| mamaiva hR^idayAnandadAyakaM svargamokShadam | saMsArasAgarApAratArakaM bhavabheShajam || 82|| vedAntasArasarvasvametali~NgavaraM shive | na kasyachinmayA khyAtaM nAkhyeyaM yasya kasyachit || 83|| etalli~NgaprabhAvena jagatsR^iShTiM vitanvate | vidhAtArassarvaeva kalpekalpe svasUnubhiH || 84|| devatirya~NanarAkArasamurvIsarito vanam | lokA lokyAshcha deveshi vidhAtAdyaM tanoti cha || 85|| (lokA lokyAshcha deveshi vidhAtAdyantane.api cha) || 85|| viShNavaH pratikalpaM vai chaitalli~NgaprabhAvataH | daityeshvarAnnihantAro mahatAmalachakrataH || 86|| vaikuNThavAsinassarve te lakShyAH patayashshive | pratikalpaM tathA rudrAste gauryAH patayo.ambike || 87|| etalli~NgaprabhAvena pralaye saMharantyapi | jagajjAlaM tathA shUlairvR^ikNaM sAsuramAnuSham || 88|| sendrAshcha manavashchaiva R^iShibhiH pitR^ibhishshive | etalli~Nge layaM yAnti pratikalpaM surAsurAH || 89|| jagadbrahmANDajAlaishcha sarvAdhAramidaM shive | rUpaM sa~Nkochya me divyaM mahAnte pralaye shive || 90|| tvayA gaNavarairdevi skandaherambapUrvakaiH | nivasAmi sadA li~Nge kailAseshvarasa~nj~nite || 91|| ali~Ngoli~NgasaMstho.ahaMsR^ijAmivisR^ijAmicha | jagajjAlamidaM devi brahmaviShNvIshapUrvakam || 92|| saMharAmi tathaivAnte lIleyaM mama sha~Nkari | AtmakrIDa AtmaratissR^iShTisthityantakArakaH || 93|| kAraNaM kAraNAnA~ncha patInAM patirIshvaraH | chetanashchetanAnAM cha nityo.ahaM parameshvari || 94|| sakAraNo.ahaM kAraNAdhipAdhipo mamaiva kashchijjanako nahIshvari | kAlAtmayuktAnyadhitiShThatIsho guNI sarvaj~nassarvabhUtAdhivAsaH || 95|| (kAlAtmayuktAnyadhitapyAmIsho guNI sarvaj~nassarvabhUtAdhivAsaH) || 95|| etatte kathitaM devi rahasyArthaprakAshakam | na deyaM guhyamapyetadbhakteShu pratipAdaya || 96|| rahasyAMshamidaM shaivamAdimaM parameshvari | guhyaj~nAnamidaM subhru rahasyaj~nAnasa~Ngraham || 97|| na prakAshyamidaM bhadre kasyachiddhelayAmbike | idaM rahasyaM vedAnAmanantAnAM sanAtanam || 98|| devAdInAM munInAM cha gaNAnA~nchaprakAshitam | tava hArdena deveshi rahasyaM kathitaM mayA || 99|| hR^idi dhAryaM sadA devi gopyAdgopyamanuttamam | prathamashshivaratnAbdhirahasyasyAMsha uttamaH || 100|| karNabhUShAmaNiste.adya kathitastu sugopyatAm | satyaM satyaM punassatyamuddhR^itya bhujamuchyate || 101|| skandaH \- ityuktvA girijAM devassamAli~Ngya maheshvaraH | kailAsamaulau shivayA vijahAra yathAsukham || 102|| devyuvAcha \- vastrAdhautavidhau sahasrakaratA puShpArpaNe viShNutA gandhe gandhavatA mahAnnapachane barhirmukhAdhyakShatA | (gandhe gandhavahAptatAnnapachane barhirmukhAdhyakShatA) | pAtre kA~nchanagartatAsti bhagavankAruNyavArAnnidhe shushrUShAM karavANi te pashupate svAminstrilokIguro || 103|| gaNDUShAmbunimajjanAya hR^idabhUdga~NgAvataMsasya te (gaNDUShAmbunimajjanAya yadabhUdga~NgAvataMsasya te) chUDAla~NkR^itikalpanAya vidhR^itaM jyotismudhAdhAma te | tR^iptyai bhakShitasheShamAmiShamapi trailokyakukShimbhare vidyAdhIshamR^ite tava stutiriyaM vANI laghiShThApi me || 104|| || iti shivarahasyAntargate mAheshvarAkhye IshvaraproktaM shivArchanamahAtmayam || \- || shrIshivarahasyam | mAheshvarAkhyaH prathamAMshaH | adhyAyaH 60 \- skandastutiH | 1\-104|| ## - .. shrIshivarahasyam . mAheshvarAkhyaH prathamAMshaH . adhyAyaH 60 - skandastutiH . 1-104.. Notes: Śiva ##shiva ## reveals to Devī ##devI##, the mysteries of Śivatattva ##shivatattva ## that permeates The Universe, and subtleties of worship of Śivaliṅga ##shivali~Nga ## - including the merits of performing pūjā ##pUjA ## at several Śivakṣetra ##shivakShetra##.## ## Encoded and proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}