% Text title            : Nandikeshaproktam Shivarchanarahasyakathanam
% File name             : shivArchanarahasyakathanaMnandikeshaproktam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 42| 21-55||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nandikeshaproktam Shivarchanarahasyakathanam ..}##
\itxtitle{.. nandikeshaproktaM shivArchanarahasyakathanam ..}##\endtitles ##
ye ye narAH paramashAmbhavapAdapadmasevAratAH kaliyuge.api vishuddhachittAH |
te tAvadAdaravarAdibhiranvahaM vaH pUjyA bhavanti tadidaM paramaM rahasyam || 1||
shrInIlakaNTha madanAntaka chandramaule shrIbhAlalochana yamAntaka vishvamUrte |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 2||
utpattipAlanavinAshanahetubhUta bhUtesha bhUtanivahArchitapAdapadma |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 3||
kalyANa puNyaguNasAgara merudhIra ratnasphuradvarasharAsanakoTihasta |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 4||
gaurIkuchorugirishekharachAruhAra kAshmIrasArarasara~njitapAdapadma |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 5||
ApAdukapraNatadevakirITakoTiratnaprabhAparivR^itA~NghrisarojarAja |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 6||
saMsArasAgara nivAraka kAlakAla lIlAvisheShaparikalpitakalpajAta |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 7||
mannAtha sundaratarAtimanoharAdrikanyAsanAtha vidhR^itoDugaNAdhinAtha |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 8||
ratnA~NgadA~NgamaNika~NkaNaki~NkiNIka gaurImanohara sunUpurabhAsurA~Nghre |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 9||
mandArakundamakarandarasAbhiShiktapAdAravinda paramAdarahAravIra |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 10||
karpUragaura hara sundaratAratAra tArAmanoharavihAra vihArahAra | (shUramanoharavihAra)
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 11||
mAmIsha mAmakadhiyA paripAlayAshu kleshApahArachatura pravarapravIra |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 12||
sarvAmareshvaramakharvasurArigarvanirvApaNapravaNa kAruNikapravINa | (sarvAmareshvaravarAtisurArigarva)
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 13||
shrImanmahesha karuNAtaruNAmburAshe gaurImukhAmbujasahasrakarA.a.adareNa |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 14||
mR^ityu~njayAvyaya pinAkakarAmarArivIrAndhakAsuranivAraNakAraNAshu |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 15||
shrIkAlakUTaviShadoShavidUShakAshApAshapraNAshanavidhAnavinodamoda |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 16||
sauvarNavarNa sahiraNya hiraNyabAho shambho hiraNyada hiraNyapate smarAre |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 17||
anyastavAsti shiva sha~Nkara pAlanIyo matto.adhikaH kaluShanAshakarAtidhIra |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 18||
ghorAparAghanidhishoShaka kAmashatro chitratrinetra karuNArasapAtrabhUta |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 19||
bhasmAvaguNThanavinaShTamahAghakoTi rudrAkShakarNaparavarNamavarNyavarNa |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 20||
shrIbilvamUlashivali~Ngasamarchanena nirdhUtapAtakakulAchalamIshashIlam |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 21||
dArAvihAraparihArarasAdaraM mAM dhIraM durodaravichAravivarjitaM cha |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 22||
shambho tvada~NghrikamalaM kalayAmi kAle kAle.anuvelamativelamato.anuvelam |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 23||
nityaM maheshacharaNasmaraNapravINaM prakShINapApakaraNaM karuNArNavesha |
pAhIti ye sakR^idapi pravadanti te vaH pUjyA bhavanti tadidaM paramaM rahasyam || 24||
yaH kashchidantakaripusmaraNapravINaH prANaprayANasamaye.api sa eva vandyaH |
pUjyaH sa eva sakalAghavinAshahetuH tatpAdapadmabhajanaM nidhireva ko.api || 25||
shrIkAlakAla karuNAkara dInabandho bhaktaprabhUtakaruNArasasArasindho |
mAM dInamapyanudinaM paripAlayeti ye saMvadanti sakR^ideva hi te namasyAH || 26||
prakShINapAtakakulaM bhasitatripuNDra rudrAkShabhUShaNamadUShaNamandhakAre |
pAhIti ye pratidinaM pravadantyamandaM taM vandanIyamasakR^it pravadAmi devAH || 27||
svAminnashAmbhavakathArNavabADabaM mAM shaivApakAratarusArakuThArabhUtam |
li~NgArchanavratavidUShakashailavajraM pAhIti yo vadati taM praNamanti devAH || 28||
pApAmburAshiparihArakarapravIraM hAraM harArchanaparaM gatadurvikAram |
dhIrAH paraM satatamAdarato namanti santaH kR^itAntaparitApanivAraNAya || 29||
ye shUlapANicharaNasmaraNapravINAH te tAvadantakabhayapralayapravR^ittAH |
puNyArNavAH paramakAruNikottamAshcha tatpAdapadmabhajane kva bhayaM bhavAbdheH || 30||
ye kAshikApurapate tripurAntakAre vishveshvara tridashavandyapadAravinda |
mAM rakSha rakSha viShamekShaNa vIkShaNena prakShINapApamiti vedavido vadanti || 31||
sAnandamindushakalAbharaNa praNAmashreNIM gR^ihANa karuNorutara~NgiNI te |
mayyanvahaM prasaratu praNatArtinAshaM sampAdayatviti vadanti ta eva mAnyAH || 32||
Anandakanda madanadrumavItihotra pAhi trinetra sucharitra pavitragAtra |
shrIvishvanAtha karuNArasapAtramAtramityuttamottamatamAH pravadanti shaivAH || 33||
duShTAghakoTighaTitAnapi kAlakUTakUTopamAnapi maheshvara pAhi dInAn |
dInArtibha~njanamahAvratadIkShitAsmAn pAhIti vedavachanAni vadanti mAnyAH || 34||
li~NgArchanavrataparAt na paro.asti ko.api loke prabhUtaparamAdbhutapuNyarAshiH |
li~NgArchanavrataparo bhavatIti vedAH tAvadvadanti bahavo bahudhA budhAnAm || 35||

|| iti shivarahasyAntargate nandikeshaproktaM shivArchanarahasyakathanaM sampUrNam ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 42| 21\-55||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 42. 21-55..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}