% Text title            : Shivarya Shatakam
% File name             : shivAryAshatakam.itx
% Category              : shiva, moropanta, shataka
% Location              : doc\_shiva
% Author                : Mayurakavi or Moropanta
% Proofread by          : Rajesh Thyagarajan
% Description/comments  : Stotras composed by Moropanta mayUrakavi
% Latest update         : December 23, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivarya Shatakam ..}##
\itxtitle{.. shivAryAshatakam ..}##\endtitles ##
(\* upAtichChandaH)
kAchitsomA dhavalA kR^itaviShakavalA paTIyasI devI |
jaTilA shashadharaniTilA kuhitakuTilA namasyA me || 1||
astu nira~njanamekaM vastu trayyAH shirobhAge |
aruNaM taruNIdharaNaM vilasatkaruNaM tu naH shreyaH || 2||
naigamapaTalIrUDhaM manasi nirUDhaM jagattrayyAH |
himagiriratnasamUDhaM smarati na mR^iDhaM kutashchetaH? || 3||
ayi! | mAmanAthamalpaM karuNAjalpaM prabho! pAhi |
jahi vA virudAkalpaM kalpaM kalpaM yamAdharase || 4||
viShayaviShAshanamattaM viShayiShu yattaM smarArAte ! |
smara mAM muhuranimittaM yadi tava chittaM kR^ipAyoniH || 5||
kiM na chChinnaM shambho ! | yadi bhavadambho vivR^iddho.asau |
paramiha bhavaharamaparaM vidmo na paramparAjAle || 6||
viShapIyUShaniketana! | dhR^itaviShaketana ! bhavArAte !
chetitaviShTapachetana! karuNAvetanamidaM kuru me || 7||
vyAlAkalitajaTAlAdiha vidhubhAlAM dadakShiNe bAlAt |
na hi re ! kaNThe kAlAtkalitakapAlAtparaM ki~nchit || 8||
kAchitkadanitamadanA chitsukhasadanA tanU gaurI
gaurIchumbitavadanA chandiraradanA namasyA me || 9||
kAchichidiha sadArA dAhitadArA mamedAnIm |
karuNApArAvArA jagadAkArA puraH pashchAt || 10||
kapilaH kAlIshAlI vITapapAlI jagajjIvaH |
hariharamastakamAlI manasi kapAlI sadA dhyeyaH || 11||
airAvaNenduvarNA shobhitakarNA phaNIndrAbhyAM |
vAme vilasadaparNA shivamitivarNA tanurdhyeyA || 12||
na vayaM vedavidhij~nA na cha kR^itayaj~nAH kR^itaj~nA vA |
kiM svAshApaTalaM paTamakapaTamIshaM prapashyAmaH || 13||
viShvakaruNAveShA dattAsheShA svabhaktebhyaH |
sheShAkalpavisheShA jagataH sheShA tanuH pAyAt || 14||
shamanaH shreNIshamanI shamadamagamanIyamAhAtmyA |
bhUtiH kApi cha ramaNI svIkR^itaramaNI mude naH syAt || 15||
nirayatrAsanihantrI buddhiniyantrI mumukShUNAM |
kalitakalAmayatantrI girijArantrI tanurdhyeyA || 16||
bAlakalAdharachUlA suhR^idanukUlA jagajjananI |
dhyotacharmadukUlA dhR^itatrishUlA tanurjayati || 17||
alasaM jaDamatichapalaM kitavaM dhUrtaM shaThaM hR^iShTaM |
viShamiva viShayiNamapi mAbhidhehi tripurAntaka! svapadoH || 18||
bhujagAnkartuM bhujagAnanalaM niTile viShaM kaNThe |
naiva vivekaste.abhUdartuM padayoH kShamAmeva || 19||
tvatto mAtustAtAdiha no dhAtA purArAte ! |
nApi cha bhavataH pAtAdaparaH pAtAsti kiM kurmaH || 20||
vedAveditashodhAH pratyagyodhAH shR^iNudhvaM me |
ardhA~NgAhitadAraM paramodAraM mahaH shreyaH || 21||
tarkAdudarkabhAjAM karkashavAchAM prapa~ncho.ayam |
yachChrIkaNThe tejasi satyapi siddhAntamichChantaH || 22||
sa~NkhyA sa~NkhyAhInaM sa~NkhyAvanto bruvantu sa~NkhyeM |
pashyantvathavA vallayAM vallyAM bhillIcharaM ka~nchit || 23||
tAvaddharmo.adharmastAvatkarmApyakarmaiva |
yAvatriguNavilAsI nigamanivAsI nuto neshaH || 24||
yadidaM nigamavichAre smR^itisaMsAre.api yathAvat |
tadidaM nikhilAdhAraM sAraM kailAsaku~njeShu || 25||
viShadharaviShayaviShAdaM mAmaviShAdaM dharaH svapadoH |
no chetribhuvanarakShaNavirudaM bhavato.adya bhArAya || 26||
kAchichchittakuTIre chitpaTapeTIgatA mUrtiH |
udbhaTataTinImukuTA ghaTato raTataH sphuTaM me.asti || 27||
kAchichchittachamatkR^itirugrA somAsitA kAlI |
strIpuMstanurapyekA chintyavivekA mude nastAt || 28||
na hi re! | kAchana chintA trijagachintAmaNiH shambhuH |
antaH paritaH purataH sphurati premNA samAkR^itaH || 29||
mantraiH kiM kiM tantrairapi kiM vedAntasiddhAntaiH |
yAvattattvagurUNAM gururayamAsho na sarvasvam || 30||
mAstu mamAgamabodho mAstu cha shodho.api sarvatra |
astu shrutiShu yadekaM vastu svAnte mR^iDAnyeva || 31||
smarahara purahara bhava hara shiva mR^iDa girisheti alpatAmagre |
bhR^ityAyate surejyaH kAlo bAlAyate sadyaH || 32||
nAhaM vibhemi kAlAnno bhavajAlAdapi bhraShTaH |
dInAnAthatrAtari pAtari shirasi sthite sthANau || 33||
shivadaH shambhuH sha~Nkara Ishvara evAsi sarveShu |
vAmeShu bAmadevo deva ! tvaM matkR^ite sthANuH || 34||
santatamAdrinivAsAtkaThoranAmnAvanau nItaH |
api kAkolaharatvAtkaruNAkR^ipAra evAsi || 35||
dagdhe dividvR^inde paritaH pluShTe.api govinde |
brahmANDamaNDape.asminkShubdhe 6veDAsha eva tvam || 36||
payasA plAvitasatye kL^ipta vaikuNTha AkaNTe |
smAritaviShTapavR^itta dhartA tvaM sveva ga~NgAyAH || 37||
vR^indAyAmapi viShNuM tadvatparameShThinaM cha kanyAyAM  |
yu~NktvApyato jigIShuH smartavyAtmA smarastvattaH || 38||
garvAdakharvakartA tvahamiti bhAvAdR^ito bodhaH |
tvAmapi savidhe vimanaMshChinnaH kApAlabhUShAyai || 39||
kechidvadanti guNinaM nirguNameke.api vidvAMsaH |
nirNetumeva dhatse triguNIM muNDAvaliM nityaH || 40||
nityAnityaviveke nityastvatto.asti naivAnyaH |
nikhilaM tvameva dagdhA dhatse bhasmA~NgarAgAya || 41||
bhasmAsuro.api kashchiddhasmarashaktiH purA bhaktaH |
vismR^itashaivachapeTaH kapaTI bhasmaiva sa~njAtaH || 42||
khyAtastvameva devastvameva nikhile mahAdevaH |
rudrAdanyAbhAve sa nAsmi viShNurna vA dhAtA || 43||
dhAtustvameva dhAtA pAtA viShNoshcha viShNutvAta |
api cha harasya harastvaM nAtastrAtaH parA kAShTA || 44||
kAShThAvAso vAso yasya trailokyadhR^ilIShu |
yuktaM nikhile dagdhe sheShAvAsashcha vAsAya || 45||
vAso yasya hR^idabje bhAsaH sarveShu bhUteShu |
hAsaH kAlo nR^ityAddAsastasyAhamekasya || 46||
ekasya dve niyamAtkashchidvaipashchito.assvarthaH |
jAne.ahaM tu yada~Nge girijAga~Nge tamevaikam || 47||
eko rudraH prathamA sarvo rudraH parA bR^ite |
paramR^igyajuShoktInAM siddhaH siddhAnta evaikaH || 48||
eko.ahaM tu bahu syAmanayA vAchaiva sA siddhiH |
tasmAtsiddhinidAnaM rudraM jAnantu bhadrAya || 49||
bhadrAya rAjamudrA vedo brUte shivaH shivadaH |
nAtaH pumarthasiddhiH kAchitkashchinna siddhAntaH || 50||
siddhAntAdaradUraM dUratvAnnAma pIyUShAt |
pIyUShAMshukalAdharadhara mAM chAnAthanAthatvAt || 51||
nAtha! | tvAmanuyAtasyAdhaHpAtaH kathaM me syAt |
syAdatha daivaniyogAdyogAbhaktyAtha muktyA cha || 52||
muktyAlamastu bhaktiprasAdalabhyo mamAstviShTaH |
brahmANDavrajabIjaH kailAsAdridrumaH kashchit || 53||
kashchidgirijAvallIvAto lalito jagatparNaiH |
svAntAlavAlavAsI smR^ityA phalito bhavetsadyaH || 54||
sadyaH pApavinAshaH sadyastraitApikI shAntiH |
sadyaH sakalasukhAnAM siddhirbhavitA shivasmaraNAt || 55||
smaraNAdeva hi devA maraNAnmuktAH sukhaM cheruH |
smaraNAdeva munIshAH shambhoH kAruNyapAtrANi || 56||
pAtrANi tAni manye himagirikanyeshapUrNAni |
sheShANi kharparANi prAyo viNmUtradigdhAni || 57||
digdhAni bhAnti yeShAM bhasitairbhAlAni bhAgyena |
dhanyAsta eva vanyA nAnyAnmanyAmahe nUnam || 58||
nUnaM vibhUtikavachAH shivamR^iDarudreti divyAstrAH |
triShu lokeShu jayantaH santatamantaH kR^ipAvantaH || 59||
kR^ipayA tena vimuktA jIvanmuktAsta evaite |
yeShAmantaHkaraNe jagadAvaraNeshvaraH shambhuH || 60||
shambhurmuktilatAyA maNDapa evAsti nishchitaM phalavAn |
yastAmichChati kashchitsutataM manasA shrayetsvasthaH || 61||
svasthastadeva bhavitA bhavitA siddhistadA kAchit |
suranaraphaNinAmavitA trijagatsavitA sadA dhyAtaH || 62||
dhyAtaH shuddhamanobhiH khyAtaH shrautArthavistAraiH |
j~nAtaH paramagurubhyo.asyAtaH shambhorahaM bhR^ityaH || 63||
bhR^ityaH kR^itAtikR^ityaH shambhorevAsti nAnyasya |
kupite kadApyagastye sindhurbidUpamo jAtaH || 64||
jAto dashAvatArI bhR^iguNA shapto.api govindaH |
govindo.api yadIyo madhuhA murahAtha lakShmIshaH || 65||
lakShmIshvaro.atha chakrI khagapatirapi yo jagatrAtA |
varade gaurIramaNe viShNudaityAntako jAtaH || 66||
jAto maratyavashyaM mR^ityorjAyeta vA nirayI |
prApte kAyanikAye shivamevAlamba re chetaH! || 67||
chetastavaiva bhAgyA~nchakShuHshrotrAsyamukhyAni |
santIndriyANi yAvattAvatsambhAvayeshAnam || 68||
IshAnameva sharaNaM vrajato maraNaM tu mokShAya |
no chenmAyAvaraNaM va shivAcharaNaM vinA nashyet ? || 69||
nashyetpApakalApaH shiva shiva japte kva santApaH ?
syAdatha ko.api durApaH sumeruchApaH puraH pashchAt || 70||
pashchAttApanimittaM brUmashchitaM prati kShobhAt |
smara re! shiveti vittaM bhittvA bhittaM tu viShayANAm || 71||
viShayANAmapi chintA kA tava chintA |
shiva shiva shiveti jate shiva evaM tvaM na sandehaH || 72||
sandeho.api na kashchitsaryo rudraH shrutirbUte |
tasmAdbhAvanayAhaM baddho mukto.ahamityuktiH || 73||
uktistAvaddvividhA vidyA.avidyAtmikA bhavati |
vidhA shivapadaphaladA.avidyA saMsArabhogAya || 74||
bhogAyApi shched.hdhyAto dadyAtsa sadbhogAn |
viShayapremajabhogo bhukto bhavataiva rogAya || 75||
rogAyauShadhamakaM dR^iShTvA naikaM vadAmyetat |
ekA puNyata ra~NgA ga~NgA ga~NgAdharo.apyekaH || 76||
eko vastuviveko dhAtrAmekopaniShaduktaH |
shivamiti sa parichCheko na cheti bhekopamo brUte || 77||
brUte yastu kadAchichChiveti nAmAkSharadvitayaM |
tasya tadeva bhavAhe muktirbhuktishcha muktishcha || 78||
muktiH shamadamasiddhA yasyAH siddhA api bhraShTAH |
bhraShTA api shivabhaktyA sraShTAraste tu shAstrANAm || 79||
shAstrANi santu dUraM dUraM mantrAshcha tantrANi |
nedIyasIha chetasi nityAnande jagatkande || 80||
kandaM Chinatti januShAM bhinatti bhedabhramaM sadyaH |
yachChati rUpamarUpaM chittamachintAmaNeH shambhoH || 81||
shambhordhyAnamamandaM j~nAnAnandaM nayatyuchchaiH |
ashramamapi tanmandAstyajanti pApe cha yu~njanti || 82||
yu~njanti yogamapare bhogaM bhu~njanti chaivAnye |
asmAkamapyabha~NgA tR^iptiga~NgAdharaH kashchit || 83||
kashchichchidambumAlI jaTilo vyAlInsadvyAlaH |
shUlI brahmakapAlI vibhUtishAlI sa naH pAyAt || 84||
pAyAdapAyahantA pu~NgavagantA purArAtiH |
munijanamAnasarantA mAnasasantApadAvAgniH || 85||
dAvAgnerapyadhikaH sambhavamaraNodbhavo vyAdhiH |
shAntistadaiva bhavitA bhavitA bhargashcha vaidyashchet || 86||
chedadya nIlakaNThaM bhavagajakaNThIravaM smarasi |
tarhi tvameva janto! bahuvidhamanto sukhI bhavitA || 87||
bhavitA tadaiva sarvaM shR^iNu gatagarvaM kimapyantaH |
japataH sarvadasharvaM duHkhamasarvaM sukhAya syAt || 88||
syAdiha ko.api na pAtA pAtakapAtAdahaM jAne |
daivAdgirijAjAneraparaH shapatho.asti tatpadayoH || 89||
padayoradharIbhUte vidhurIbhUto.asi chennAtha! |
kaH kaTu madhurIkurute tvatto.apyantaradhurINastvam || 90||
tvaM me mAtA tAtasrAtA bhrAtA gururdevaH |
tvaM me jIvastvattaH paramaM paramaM na me ki~nchit || 91||
ki~nchitkAchitkashchitritayaM tAvadbhavatyarvAk |
shivali~NgAdekasmAtsphuranti sarvANi li~NgAni || 92||
li~NgAni pUrvadevairdevaH sarveShu lokeShu |
natvA hariharamukhyairlabdhAnIShTAni niShThAtaH || 93||
niShThA vimalaj~nAnaM niShThA bhaktishcha vairAgyaM |
niShTaiva saMshayAnAM hantrI niShTA shivaM datte || 94||
datte bhAvitamantardhatte tvIyeShu kR^ityeShu |
nityaiva nityamIsho yastaM matyA shrayedantaH || 95||
antaH shukhamanobhiH santaH pashyanti yattejaH |
gauraM tadeva gaurIlampaTamapaTaM prapashyAmaH || 96||
pashyantastvAmIshaM ke paramIshaM prapashyanti |
abhajanto.api bhajantaM ke paramaM taM na pashyanti || 97||
pashyanti shAshvataM te padamiha shambhoH pade lagnAH |
apare patati sadyaH paritaH klishyanti vA bhagnAH || 98||
bhagnAsta evaM loke ta eva shoke nimajjanti |
yairadhivANi bhavAnIpatiriha nAnIyate yatnAt || 99||
modAdantargodhAdharamaghnato dApatutyai ye (?)
dadhati viShayApanodAnapahasto dArabhAsaste || 100||
bhAsanta eva vAsA yeShAM vAsAya vigvAsAH |
te.api sukhollAsA vai shaivA shaivasya devatAkArAH || 101||
(anuShTupChandaH)
idamAryApaterAryAshatamAryAH paThanti ye |
te tu shaivAgamAchAryA nAtra kAryA vichAraNA || 102||
 ityAkUtamayUreshashaivenA.a.ashaivashAsanAt |
upagItyaiva gItAnAM gAtA vIshaH prasIdatu || 103||

iti shrIrAmanandanamayUreshvarakR^itaM shivAryAshatakaM sampUrNam |
TippaNi
\* asya shatakasyaitatkavikR^itatve saMshate nashchataH | nAsya nAmApi kavilikhitasvakR^itagranthAvalyAmupalabhyate | na cha kApi mAtR^ikA | kAvyasa~NgrahakAraistu shatakametadyathA mudritaM tathaivAsmAbhirmudyate | santi khalvatra bahava evAshuddhayaH | apekShyante cha kachitkatipaye varNAH | yadyapyante \ldq{}idamAryApaterAryAshatam\rdq{} ityAdi likhyate tathApi tatparalikhitaM syAdityasti no vishvAsaH | tAdR^ishasyollekhasya kutrApyetatkavikAvye.adarshanAt |

##
Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}