% Text title            : Shivabhakta Lakshanam
% File name             : shivabhaktalakShaNam.itx
% Category              : shiva, shrIdhara-venkaTesha
% Location              : doc\_shiva
% Author                : Shridharavenkatesa of Tiruvisanallur or Ayyaval with respect
% Latest update         : November 16, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shivabhaktalakShaNam by ShridharavenkatArya ..}##
\itxtitle{.. shrI shrIdharave~NkaTAryakR^itau shivabhaktalakShaNam ..}##\endtitles ##
shivAbhyAM namaH |
atha shivabhaktalakShaNaM prArambhaH |
nAtha tvadIyamabhidhAnamupAshritAnAM
     krodhasmarAdika kuvR^ittipishAchikAbhiH |
AbhiH kathaM paribhavo bhagavannamIShAM
     antarniShIdati bhavAn khalu shUlapANiH || 1||
darpasmaraprabhR^itidAvavidahyamAnaM
     lokaM vilokya kR^ipayesha kR^ipAM tavAsmin |
vA~nChanti yAnti cha mudaM vayametadApat 
    tyaktAH kileti sharaNIkR^ita tAvakAkhyAH || 2||
kAyasya heyanidhitAM mR^itirugjarArtyA\-
     dyAnantyamapyalamavetya vimuktasarvAH |
shambho charanti virujastvayi badhdabhAvAH
     ye sAdarAstava hi nAmni mahAnubhAvAH || 3||
tvannAmakIrtanavarauShadhamAshrite.asmin
     asmai khalu smarahara svadase tvamekaH |
anyattu ki~nchidapi na svadate tadetat
     AkhaNDalasya padamastu vidheH padaM vA || 4||
AkA~NkShituM kamalajAdibhirapyalabhyaM
     Aptu~ncha tannirupahatyatha vartitu~ncha |
sanmauLilALanapadaM padamIsha te kiM
     gaurIsha ye tvadabhidhA naratAstadanye || 5||
ekaM bhavadbhajanameva sukhaM tadanyat
     ArtyAtmakaM sakalametaditi praboddhum |
sthAtuM cha muktasakalaM bhavadekatAnaM
     IshAsta eva shiva ye tava nAmni saktAH || 6||
duHkhAtmakatvamakhilasya tavAtivelA\-
     nandAtmatA~ncha samavetya jhaTityasheSham |
tyaktvA.analArta vapuShaH sarasIva shambho
     tvayyApatanti samupAshrita tAvakAkhyAH || 7||
AkhyAparAstava vibho bhavadAtmakatvaM
     asyAkhilasya tava chitsukharUpatA~ncha |
Abudhdya badhdahR^idayAstava sharma
     vindantyantaH kimapyagaNita druhiNAdibhogAH || 8||
dveShya priyAdi sakalaM bhavadIyarUpaM
     budhdvA tvayi praNayataH praNayArdradR^iShTyA |
pashyanta etadavalambita tAvakAkhyAH
     pashyallalATa vicharanti jagat punantaH || 9||
rAgAdikR^idvividhameSha mahAnaTaH
     khalvAnR^ityatItthamiti tattvadR^ishekShamANAH |
kShobhaM na yAnti dadhate cha mudaM smarantaH
     tvadvaibhavaM tvadabhidhAna nibaddhabhAvAH || 10||
shambho kathaM nu chaturAstava nAmni saktAH
     shashvatkR^ite.apyapada eva parAbhave.anyaiH |
astodyamAH pratikR^itAvapayAtvamIShAmeShA
     kadA.a.artiriti teShu dayAM vahanti || 11||
tvannAmadheyasikAstaruNendumauLe
     duHkhaM na yAnti kimapIti hi vAdamAtram |
te.amI kila svavipadIva vahanti duHkhaM
     dR^iggocharaM vrajati duHkhini jantumAtre || 12||
sarvatra vatsalatayA tvadavekShayA cho\-
     dArA mahAnta iti dhInigaLena muktAH |
premNA khalu tvayi vibho tR^iNitAkhilArthAH
     tvannAmadheyarasikAH kR^itino jayanti || 13||
nAtha tvadIkShaNavashAdakhileShvamIShu
     na kvApyagauravadR^igAtmani tu prakAmam |
naichyagrahastvayi tu raktiranargaLeti
     kvAdhItavanta idamAdR^ita tAvakAkhyAH || 14||
atyunnatiM vitaratIti yatho.ativelaM
     asyAshchakAsti shiva tAvakanAmni sakteH |
AkhyAyatAM kimiyamAtanute nitAntaM
     AnamrametamakhileShu charAchareShu || 15||
tvannAmakIrtanajuSho.anishamekatAnAH
     tvatsevanaM vidadhato.api na tatra tR^iptim |
vindanti hanta sati vighnalave bhavanti
     vahnipravesha iva dussahatApabhAjaH || 16||
astaspR^ihaM munimahaM samadarshanaM sa\-
     manvemi tachcharaNapadmarajobhilAShAt |
ityAdi tAkkagirAM girishAspadaM tvat
     AkhyAparAH punaramUnavituM kShamaH kaH || 17||
tvatsauhR^idAdi suguNAmR^itashItaLAstvat
     AkhyAparA iti tavesha yasho.abhigoptum |
asmAnapi tvadabhidhAna juSho juShasva
     svachChaM yashastadapade nanu mA.apanaiShIH || 18||
krodhasmarAdyupashamaM tvayi rAgitA~ncha
     dehIsha me na yadi me shvamukhebhya ebhyaH |
kiM bhedakaM tvadabhidhAM mama gR^ihNato.asya
     phalgusthitistvadayashobharahetureShA || 19||
tvannAmakIrtana sudhArasadhArayA.asta\-
     vichChedayA bhR^ishavishR^i~NkhalasauhitIkaH |
vedyAntarANyakalayan vicharANi so.ahaM
     shAntaH kadA shashivataMsa tava prasAdAt || 20||
matprANavallbha madIyanidhe madAtman
     sAmba prabho shiva shashA~NkavibhUShaNeti |
tvannAmadIvyadamR^itodadhivIchiDoLA\-
     ndoLairvidhehi virujaM kR^ipayA vibho mAm || 21||

iti shrI shrIdharave~NkaTeshArya kR^itiShu shivabhaktalakShaNaM sampUrNam |
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}