% Text title            : Jaigishavyakritam Shivabhaktimahimavarnanam
% File name             : shivabhaktimahimAvarNanamjaigIShavyakRRitaM.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 6 - jaigIShavyAgamanam | 1-26(1) ||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Jaigishavyakritam Shivabhaktimahimavarnanam ..}##
\itxtitle{.. jaigIShavyakR^itaM shivabhaktimahimAvarNanam ..}##\endtitles ##
tvameva devadevesha pitA mAtA sakhA prabhuH |
tvameva sarvaM devesha vishveshvara maheshvara || 6\.1||
najAne girijAjAne tvattohyanyaM sureshvara |
tasmAtprasIda bhagavan karuNAsAgarAdhunA || 6\.2||
prapanno.asmi padadvandvaM nirdvandvaM te maheshvara |
bhrAtarau skandaherambau sakhAyo gaNapA mama || 6\.3||
jagatAM jananI gaurI janitrI mama sha~NkarI |
jagatpitA tvamevesha pitA mama maheshvara || 6\.4||
nAnyaM varaM vR^iNe deva tvatpAdAmbujabhaktitaH |
saiva dharmAthekAmAdimokShaheturmamamAdhunA || 6\.5||
yayA bhaktyA mahAdeva muktAssarvesurAsurAH |
tvadbhakta eva jagatimukto.anyAnmochayatyapi || 6\.6||
tvadbhaktyaiva vidhirvishvaM sR^ijatyeva maheshvara |
tvatto vedAnadhigatassatyalokAdhipo.abhavat || 6\.7||
viShNustava padadvandvaM netrAbjena samarchayan |
daityavR^indaikasaMhatyai chakraM prApa sudarshanam || 6\.8||
tvadbhaktyaiva virUpAkSha vaikuNThasyAdhipo.abhavat |
padmasadmApatishchApi jAto rudrastvadAshrayAt || 6\.9||
datvA shUlavaraM tasmai rudrAyAmitatejase |
rudrANAmAdhipatye cha tvayA so.apyabhiShechitaH || 6\.10||
yasyashUlAnalajvAlAdagdhamante charAcharam |
shakro.amarendratAM prAptastvadbhaktyayaiva harAdhunA || 6\.11||
shachIpatitvaM samprApa nAnAsvargaikabhogabhAk |
dhanAdhipatvanadhanadastvadbhaktyayaiva maheshvara || 6\.12||
yamo.apitvatpadArchAto lokapAlo.abhavachChiva |
varuNoyAdasAnnAthassUryachandrAnilAnalAH || 6\.13||
tvadbhaktyaiva virUpAkSha lemire dikpatitvatAm |
samarchayanti tvalli~Nga.nbhaktyA sarvesurAsurAH || 6\.14||
sahasrabhujatAM prApto bANo bhaktyA taveshvara |
paulastyatanayashshambho rAvaNo lokarAvaNaH || 6\.15||
jigye surAnnR^ipavarAMstvadbhaktyaiva maheshvara |
ghaTodbhavena tvadbhaktyA samudrAshchulukIkR^itAH || 6\.16||
dadhIchinApitvadbhaktyAviShNave rUpamadbhutam |
darshitammAyine shambhobhR^iguNAshApitohariH || 6\.17||
upamanyunAchabAlenalabdhaHkShIraikavAridhiH |
tvadbhaktyAkAlapAshaishchapAshito.apimR^ikaNDujaH || 6\.18||
jigAya mR^ityuM tarasA shveto.api nR^ipanandanaH |
shilAshanena tvadbhaktyAputraHprAptohyayonijaH || 6\.19||
tvadbhaktyAnandikesho.apigANApatyamavAptavAn |
chaNDIshvaro.apipitaraMhatavAMstavabhaktitaH || 6\.20||
ma~NkaNo.apipurAsiddhassiddhimprApatvadarchanAt |
somo.apimuktavAtrAjayakShmatastvatprasAdataH || 6\.21||
dakSho.api dIkShito yaj~ne shikShito.anugrahIkR^itaH |
shatarchanAdayo.apIshavyAghrapAdAdayastathA || 6\.22||
durvAsAdyA mahAbhAgA dattAtreyAdayastathA |
rAmo.api bhArgavashshambho nR^ipANAMkulaghAtakaH || 6\.23||
tathaivAnye nR^ipatayassomasUryAnvayodbhavaH |
AditeyAshcha ditijA gaNA rudrA munIshvarAH || 6\.24||
bhUtA bhavyA varShamAnA bhaktAstvadbhaktibhAvitAH |
tava bhaktyaiva sarveShAM svargamokShau hi sha~Nkara || 6\.25||
tvadbhaktimeva yAche.ahaM tvananyagasirIshvara |

|| iti shivarahasyAntargate mAheshvarAkhye jaigIShavyakR^itA shivabhaktimahimAvarNanam ||

\- || shrIshivarahasyam | mAheshvarAkhyaH prathamAMshaH | adhyAyaH 6 \- jaigIShavyAgamanam | 1\-26(1) ||
##
- .. shrIshivarahasyam . mAheshvarAkhyaH prathamAMshaH . adhyAyaH 6 - jaigIShavyAgamanam . 1-26(1) ..

Notes:
Jaigīṣavya ##jaigIShavya ## worships Śiva ##shiva ## as his parent, friend and all-in-all; and, iterates that Śiva ##shiva ## - the Father of the Universe - is his father and Gaurī ##gaurI ## - the Mother of The Universe - is his Mother. Jaigīṣavya ##jaigIShavya ## further eulogizes Śiva ##shiva ## by highlighting the merits and fruits of ŚivaBhakti ##shivabhakti## as experienced by Viśṇu ##viShNu##, Indra ##indra##, Dadhīci ##dadhIchi##, Virūpākṣa ##virupAkSha ## et al.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}