% Text title            : Shri Shankaraproktam Shivadharmanuvarnanam
% File name             : shivadharmAnuvarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 12 | vAvRittashlokAH ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Shankaraproktam Shivadharmanuvarnanam ..}##
\itxtitle{.. shrIsha~NkaraproktaM shivadharmAnuvarNanam ..}##\endtitles ##
li~NgArchakArAdhakasevakAn vA dR^iShTvA prayatnena nato nayena |
kR^itA~njaliH syAdata eva mitraM yamo madIyaM girirAjakanye || 40||
yanmandire nArmadali~NgapUjA tanmandirasthAn na yamo gavAdIn |
vilokya dUrAt praNato.atinamraH karoti tasya stutimAdareNa || 41||
dhanyaM gR^ihaM tasya tadeva tAvat pavitramatra tripurAntakasya |
li~NgaM manoj~naM vasatIti matvA namatyayaM mandiramapyapAram || 42||
li~NgAlayaM pashyati yaH prayatnAttameva dR^iShTvA sa yamo.atibhaktyA |
dhanyo.atidhanyaH sutarAM sa dhanyo mAnyo yameti pravadatyavashyam || 43||
tanmandiraM sha~NkaramandiratvAt vR^indAravandyaM munivR^indavandyam |
tatsarvavandyaM bhavatIti matvA punaH punaH sa praNamatyavashyam || 44||
yada~Nge rudrAkShAH sa tu bhavati bhAlAkSha iti dhIH
vibhUtervA lesho yadi bhavati tatbhAlaphalake |
sakR^idvA mannAmaprajapanaparA yasya rasanA
tamAlokyAlokya praNamati punarnR^ityati yamaH || 45||
pibanti ye vA shivanAmarUpAM sudhAM muhustAn praNamatyavashyam |
ete maheshapriyavigrahatvAt pUjyA iti stauti yamaH sa gauri || 46||
yasyaiva mayyavyabhichAriNI syAt bhaktistamAshu praNato.atibhaktyA |
stauti pranR^ityatyapi gauri nityaM sa eva mitraM mama nAtra chitram || 47||
li~NgAni ye vA rajanImukheShu dR^iShTvA prayatnena namanti dhIrAH |
tAnAshu dR^iShTvA praNamatyavashyaM kAlastadArAdhanasaktachittAn || 48||
tripuNDrarudrAkShadharAn vilokya dUrAdapi prA~njalireva bhaktyA |
tAnAshu dR^iShTvA praNamatyavashyaM kAlastadArAdhanasaktachittAn || 49||
ye prAtarutthAya shivaM smaranti mAmavyayaM pAtakanAshahetum |
tAnAshu dR^iShTvA praNamatyavashyaM kAlastadArAdhanasaktachittAn || 50||
kAshIpurIdarshanapUtachittAn shivArchanotpannasukhapravAhAn |
tAnAshu dR^iShTvA praNamatyavashyaM kAlastadArAdhanasaktachittAn || 51||
malli~NgapUjAjanitotsavA ye malli~NgasandarshanapAvanAshcha |
tAnAshu dR^iShTvA praNamatyavashyaM kAlastadArAdhanasaktachittAn || 52||
\- \-
he vishveshvara chandrashekhara mahAdeva smarAre hara
shrIkaNTha tripurAntaka trinayana shrIkAlakAlAva mAm |
dInaM mAmiti ye vadanti vilasadrudrAkShabhUtiprabhA\-
saMvItAH sukR^itaista eva girije kAlArchitAH kevalam || 58||
gaurIvallabha manmathAntakaripo bhAlAkSha vishvAdhika
shrIkaNTha pramathAdhipAva bhagavan ityAdarAt santatam |
dInaM mAmiti ye vadanti vilasadrudrAkShabhUtiprabhA\-
saMvItAH sukR^itaista eva girije kAlArchitAH kevalam || 59||
ye bharga tridashArchitA~Nghrikamala shrIpu~njavishrAmabhUH
bhUdhArIshvarakanyakAkuchagirishrIpUrasArAdara |
dInaM mAmava ye vadanti vilasadrudrAkShabhUtiprabhA\-
saMvItAH sukR^itaista eva girije kAlArchitAH kevalam || 60||
shambho nArmadatu~Ngali~NganilayAmeya prabho dhUrjaTe
saMsArArtibhiShaktamottama mahAdevAmarAdhIshvara |
dInaM mAmava ye vadanti vilasadrudrAkShabhUtiprabhA\-
saMvItAH sukR^itaista eva girije kAlArchitAH kevalam || 61||
rudrAkShapriya bhUtibhUShaNa lasadbilvIdalAbhyarchita
shrIshUlin mR^igashAvachihnitakarAmbhojAmbujArAdhita |
dInaM mAmava ye vadanti vilasadrudrAkShabhUtiprabhA\-
saMvItAH sukR^itaista eva girije kAlArchitAH kevalam || 62||
shrI mR^ityu~njaya kAlakaNTha karuNAsindho kapardin vibho
bhaktAbhIpsitadAnalola lalitAdevIsamArAdhita |
dInaM mAmava ye vadanti vilasadrudrAkShabhUtiprabhA\-
saMvItAH sukR^itaista eva girije kAlArchitAH kevalam || 63||
shrImanmerusharAsanAtiruchiravyApArasArAdara
svAmin chArusudhAkarArdhaghaTita bhAkoTipItAmbara |
dInaM mAmava ye vadanti vilasadrudrAkShabhUtiprabhA\-
saMvItAH sukR^itaista eva girije kAlArchitAH kevalam || 64||
vishvAdhIshvara he maheshvara mahArudrAntakAre hara
j~nAnAnandadhanAnapAya vilasatsaubhAgyabhAgyodaya |
dInaM mAmava ye vadanti vilasadrudrAkShabhUtiprabhA\-
saMvItAH sukR^itaista eva girije kAlArchitAH kevalam || 65||
bho shambho bhava bhImasha~Nkara hara vyomAntakeshAnagha
brahmANDodayapAlanavyatikaravyApAra vishveshvara |
dInaM mAmava ye vadanti vilasadrudrAkShabhUtiprabhA\-
saMvItAH sukR^itaista eva girije kAlArchitAH kevalam || 66||
mannAmotsukamAnaso muhurayaM kAlaH prapashyatyayaM
matpUjAniratAMshcha pashyati muhurbhasmatripuNDrA~NkitAn |
rudrAkShAbharaNAMshcha tachcharaNajAn reNUn shirasyAdarAt
dhR^itvA nR^ityati sharva sha~Nkara mahAdeveti shailAtmaje || 67||
mannAma smR^itameva jIvanamiti j~nAtvA smaratyAdarAt
mAmIshaM shivamaprameyavibhavaM ye te paraM shailaje |
kailAsaM samupetya matpadarajaH pu~njaiH saha krIDanaM
kurvantyuttamabhUtibhUShitamahArudrAkShavakShaHsthalAH || 68||
\- \-
uddhR^ityAdya bhujadvayaM nigaditaM li~NgArchanaM kevalaM
mokShopAyatayA shrutaM shrutishataistenaiva muktiH parA |
tatra syAdadhikAritApi bhasinoddhUlanaM sarvathA
tenaivAnulavaM tripuNDrarachanA bhAlAdike bAlike || 87||
yannAmasmaraNena kevalamume prANaprayANepsitaM
bhasmA~Nge karakaNTakarNayugale rudrAkShamAlA yadi |
muktiH syAdanapAyinI mama sakhA sa syAnmadIyaM dhanaM
sarvaM tasya vashe sa kevalamahaM satyaM trisatyaM shive || 88||

|| iti shivarahasyAntargate shrIsha~NkaraproktaM shivadharmAnuvarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 12| vAvR^ittashlokAH ||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 12. vAvRRittashlokAH ..

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}