% Text title : Shivadharmopadesham % File name : shivadharmopadesham.itx % Category : shiva, shivarahasya, upadesha, advice % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | mahAdevAkhyaH ekAdashamAMshaH | adhyAyaH 2 | vAvRittashlokAH || % Latest update : October 29, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shivadharmopadesham ..}## \itxtitle{.. shivadharmopadesham ..}##\endtitles ## (shivarahasyAntargate mahAdevAkhye) \- shivagaurIsaMvAde \- shiva uvAcha | shivadharmo vishiShTo.atra shipiviShTapadAshrayaH | saMsevyo.ayaM paro dharmaH shivAkhyo.ayaM shivArthibhiH || 19|| ye tiShThanti pare dharme te rudrA nAtra saMshayaH | grAme vA yadi vAraNye jale vApi sthale.api vA || 20|| kShetre vA nagare vApi kIkaTe vA janAvR^ite | yatra vA vidyate li~NgaM sarvatIrthAni tatra vai || 21|| kIrtayiShyanti mAmIshe sakR^idapyAshu ye narAH | sarvapApairvimuchyante koTijanmakR^itairapi || 22|| ye pUjayanti li~NgaM me trikAlaM bilvapallavaiH | ye pashyanti sakR^iddevi shivali~NgaM mamAshrayam || 23|| bhUbhAgasa~ncharA rudrAste kR^itArthA na saMshayaH | prAtaH sa~NgamamadhyAhne pradoShe vApi sha~Nkaram || 24|| ye pashyantyarchayante vA ta eva gaNapu~NgavAH | asmin kailAsasadane vastuM yogyA bhavanti hi || 25|| yaH kShaNaM vA muhUrtaM vA shivaM mAM no vichintayet | sarvo.api divaso vandhyo bhavatyeva girIndraje || 26|| durlabhaM prApya mAnuShyaM ye.archayanti sadAshivam | teShAM hi saphalaM janma bhasmarudrAkShadhAriNAm || 27|| shivabhaktiparA ye tu shivapraNatamastakAH | shivaloke kShaNAddevi viShamAkShA bhavanti te || 28|| shivapUjAkarakarAH shivAlayagatA~NghrayaH | shivArpitalasadbhrANA naivedyAsvAdajihvakAH || 29|| shivadhyAnaikahR^idayA na te duHkhasya bhAjanam | teShAM hi saphalaM janma kR^itArthAH shAmbhavottamAH || 30|| bhavanAni manoj~nAni ma~NgalAbharaNAH striyaH | dhanaM cha diShTaparyantaM mama pUjAvidheH phalam || 31|| tura~NgavaramAta~NgagomahiShyAdikoTayaH | taddvAri varavR^ikShAshcha nityaM sannihitAH shive || 32|| ye vA~nChanti mahAbhAgyaM rAjyaM cha tridashAlayam | brahtvaM vA.atha viShNutvammindratvaM vApi pArvati || 33|| te.archayanti sadAkAlaM mamaiva charaNAmbujam | saubhAgyaM kAntirArogyaM shauryaM tyAgaH prabhAvatA || 34|| yashashcha jagati khyAtiH shivamarchayato bhavet | devAsureShu muniShu yadyadutkR^iShTamIshvari || 35|| tatsarvaM matprasAdena labdhamIshe shivArchanAt | mamaiva pUjayA viShNuH pAlayejjagatItrayam || 36|| mamaiva pUjayA brahmA jagatsR^iShTiM karotyapi | mamaiva pUjayA rudro.apyante saMharate jagat || 37|| mamaiva pUjayA shakraH pAlayatyamarAvatIm | mamaiva pUjayA devi dikpAlA varuNo yamaH || 38|| vasavo dvAdashAdityA maruto.apyashvinAvapi | rudrA ekAdashagaNA sUryAdyA grahanAyakAH || 39|| manavo munayaH siddhA gandharvA garuDAH khagAH | yakShakimpuruShA nAgA nR^ipA ye kAlasambhavAH || 40|| yuge yuge prajA yAstA sarve matpUjayA varAH | bhAntyeva bhAnavaH sarve vAnti vAtAH sadA shive || 41|| varShanta meghAH satataM pAnti dikpatayo jagat | jyotIMShyapi prakAshante nagA nAgAshcha bhUdharAH || 42|| sheSho.apyasheShashirasA bhuvaM dhatte shivArchanAt | svAMshubhiH poShayatyeva somo.apyoShadhimaNDalam || 43|| nadyaH samudrAshcha tathA nodvelAH saMvahantyapi | kiM shive bahunoktena sarvaM matpUjayA sthiram || 44|| charaM vApyacharaM vAdya jagachchakraM pravartate | nArudraH saMsmaredrudraM nArudro rudramarchayet || 45|| nArudraH kIrtayedrudraM nArudro rudramApnuyAt | samparkAt kautukAllobhAt bhayAdvApi cha saMsmaret || 46|| kIrtayedarchayedyo mAM sa me priyataro gaNaH | shivadharmasya sAro.ayaM shivabhaktiH sunishchalA || 47|| sA chAShTA~NgA mayA choktA kAryA nityaM visheShataH | madbhaktajanavAtsalyaM pUjAyAshchAnumodanam || 48|| svayamabhyarchanaM bhaktyA mamArthe chA~NgacheShTanam | matkathAshravaNe bhaktiH svaranetraShu vikriyA || 49|| patraM puShpaM phalaM toyaM yo me bhaktyA prayachChati | tasyAhaM na praNashyAmi sa cha me na praNashyati || 53|| nArchayedyassadA.a.atmasthaM yo mAM samayamAsthitaH | sa mAM parvatadurgeShu mArgamANo na pashyati || 54|| yo mAM sarvagataM pashyet sarvaM cha mayi pashyati | tasyAhaM nityamAtmasthaH sa cha nityaM mayi sthitaH || 55|| sudurlabhA shive bhaktiH durlabhaM cha shivArchanam | sudurlabhaM shive dAnaM shivahomashcha durlabhaH || 56|| sudurlabhaM shivaj~nAnaM tadabhyAso.atidurlabhaH | sudurlabhataraM j~neyaM japadhyAnaM shivAtmakam || 57|| atyantadurlabhaM devi shivali~Nge shivArchanam | sudarlabhA tu tadbhaktiH tadabhyAso.atidurlabhaH || 58|| sudurlabhamidaM j~nAtvA shivabhaktiM samAshrayet | lAbhasteShAM jayasteShAM yashasteShAM pade pade || 59|| ye shivaM sharaNaM prAptAH shivArchanaparAyaNAH | yeShAM divA cha rAtrau cha nityaM shivagatA smR^itiH || 60|| \ldq{}namaH\rdq{} kArAdi saMyuktaM shivAyetyakSharatrayam | jihvAgre vartate yasya saphalaM tasya jIvitam || 61|| yada~NgaM bhasmasaMyuktaM tripuNDralalitAlikam | rudrAkShamAlAbharaNaM chandrachUDAlayaM shive || 62|| jAtenAtmadruhA yena bhagavAnna samarchitaH | sa chiraM sa~ncharatyasman saMsAre duHkhasAgare || 63|| durlabhaM prApya mAnuShyaM na mUko badhiro bhavet | yadi sarvagatA siddhirvipratvaM cha nareShu cha || 64|| ihAmutrasukhAvAptyai shive bhaktiM samAshrayet | durlabhA durlabhA devi mama bhaktiH sudarlabhA || 65|| muktidA mokShadAtrI cha pashupAshanikR^intanI || 66|| || iti shivarahasyAntargate shivadharmopadeshaM sampUrNam || \- || shrIshivarahasyam | mahAdevAkhyaH ekAdashamAMshaH | adhyAyaH 2 | vAvR^ittashlokAH || ## - .. shrIshivarahasyam . mahAdevAkhyaH ekAdashamAMshaH . adhyAyaH 2 . vAvRRittashlokAH .. Proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}