% Text title            : Vashishthaprokta Shiva Dhyana Mantra Puja
% File name             : shivadhyAnamantrapUjAvashiShThaproktA.itx
% Category              : shiva, dhyAnam, mantra, pUjA
% Location              : doc\_shiva
% Proofread by          : PSA Easwaran
% Description/comments  : Kalikapurana Adhyaya 51 shloka 116-158
% Latest update         : January 15, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vashishthaprokta Shiva Dhyana Mantra Puja ..}##
\itxtitle{.. vashiShThaproktA shivadhyAnamantrapUjA ..}##\endtitles ##
vetAlabhairavAvUchatuH \-
yena mantreNa nachirAt samyagArAdhito haraH |
prasAdameShyatyavanau tanno vada mahAmune || 116||
yathA chArAdhayiShyAvastantraM yadyAdR^ishaH kramaH |
tatsarvaM munishArdUla vaktumarhasi chottaram || 117||
yathA tvadupadeshena prApsyAvo nachirAd haram |
yathA vAchAM munishreShTha hyanushAdhi na tau tvayi || 118||
vasiShTha uvAcha \-
prasanna eva bhavatorvR^iShaketuH sahomayA |
nachirAt svayamevAtra prasAdaM cha sameShyati || 119||
sarvairdevagaNaiH sArdhaM sabhAryo vR^iShabhadhvajaH |
AkAshamArgeNAyAtaH pAlayan svasutau gR^ihAt || 120||
kintu mAnuShadehau vAmadhivAsya tapovrataiH |
svayanneShyati kailAsaM gANapatye niyojya vAm || 121||
ahaM chApyupadekShyAmi yathA bhargaM yuvAM drutam |
prApsyathaH pArvatIputrAvekAgraM shR^iNutaM tu tat || 122||
chirAt prasIdati dhyAnAnnachirAd.hdhyAnapUjanAt |
tasmAd.hdhyAnaM pUjanaM cha kathayAmyadya tattvataH || 123||
tejomayaH sadA shuddho j~nAnAmR^itavivardhitaH |
jaganmayashchidAnandaH shauribrahmasvarUpadhR^ik || 124||
mahAdevo mahAmUrtirmahAyogayutaH sadA |
jaganti tasya rUpANi tAni ko gadituM kShamaH || 125||
kintu yairiha rUpaistu vicharatyeSha sha~NkaraH |
teShAM yanme j~nAnagamyaM tatreShTaM nigadAmi vAm || 126||
prathamaM shR^iNutaM mantraM tato.anudhyAnagocharam |
tataH kramaM tu pUjAyAH kramAdvR^ittaM nararShabhau || 127||
samastAnAM svarANAM tu dIrghAH sheShAH sabindukAH |
R^iLLishUnyAH sArdhachandrA upAntenAbhisaMhitAH || 128||
ebhiH pa~nchAkSharairmantraM pa~nchavaktrasya kIrtitam |
kramAt sammadasandoha\-nAdagaurava\-sa.nj~nakAH || 129||
prAsAdastu bhavechCheShaH pa~nchamantrAH prakIrtitAH |
ekaikena tathaikaikaM vaktraM devaM prapUjayet || 130||
ekaM samuditaM kR^itvA pa~nchabhirvA prapUjayet |
prasAdenAtha vA pa~nchavaktraM devaM prapUjayet || 131||
sammadAdiShu mantreShu prAsAdastu prashasyate |
shambhoH prasAdanenaiSha yasmAdvR^ittastu mantrakaH || 132||
tena prAsAdasa.nj~no.ayaM kathyate munisattamaiH |
tasmAt sarveShu mantreShu prAsAdaH prItidaH paraH || 133||
AmodakArakaH shambhormantraH sammada uchyate |
manaHprapUraNAchchApi sandohaH parikIrtitaH || 134||
AkarShako bhavennAdo gurutvAdgauravAhvayaH |
etadvyastaM samastaM cha mantraM shambhoH prakIrtitam || 135||
pa~nchAkSharaM tu yanmantraM pa~nchavaktrasya kIrtitam |
yuvAM tenaiva mantreNa ArAdhayatamIshvaram || 136||
dhyAnaM vakShyAmi shR^iNutaM samyagvetAlabhairavau |
pa~nchavaktraM mahAkAyaM jaTAjUTavibhUShitam || 137||
chAruchandrakalAyuktaM mUrdhni bAlaughabhUShitam |
bAhubhirdashabhiryuktaM vyAghracharmAmbarAmbaram || 138||
kAlakUTadharaM kaNThe nAgahAropashobhitam |
kirITabandhanaM bAhubhUShaNaM cha bhuja~NgamAn || 139||
bibhrataM sarvagAtreShu jyotsnArpitasurochiSham |
bhUtisaMliptasarvA~Ngamekaikatra tribhistribhiH || 140||
netraistu pa~nchadashabhirjyotiShmadbhirvirAjitam |
vR^iShabhopari saMsthaM tu gajakR^ittiparichChadam || 141||
sadyojAtaM vAmadevamaghoraM cha tataH param |
tatpuruShaM tatheshAnaM pa~nchavaktraM prakIrtitam || 142||
sadyojAtaM bhavechChuklaM shuddhasphaTikasannibham |
pItavarNaM tathA saumyaM vAmadevaM manoharam || 143||
nIlavarNamaghoraM tu daMShTrA bhItivivardhanam |
raktaM tatpuruShaM devaM divyamUrtiM manoharam || 144||
shyAmalaM cha tatheshAnaM sarvadaiva shivAtmakam |
chintayet pashchime tvAdyaM dvitIyaM tu tathottare || 145||
aghoraM dakShiNe devaM pUrve tatpuruShaM tathA |
IshAnaM madhyato j~neyaM chintayedbhaktitatparaH || 146||
shaktitrishUlakhaTvA~NgavaradAbhayadaM shivam |
dakShiNeShvatha hasteShu vAmeShvapi tataH shubham || 147||
akShasUtraM bIjapUraM bhujagaM DamarUtpalam |
aShTaishvaryasamAyuktaM dhyAyettu hR^idgataM shivam || 148||
evaM vichintayed.hdhyAne mahAdevaM jagatpatim |
chintayitvA dvArapAlAn gaNeshAdIn prapUjayet || 149||
vishuddhiM pa~nchabhUtAnAM chintayitvA tato muhuH |
aShTamUrtIstataH pashchAt pUjayedaShTanAmabhiH || 150||
AsanAni cha tasyAtha pUjayet sakalAni tu |
bhAvAdInyaShTapuShpANi hR^idaiva viniyojayet || 151||
nArAchamudrayA tasya tADanaM parikIrtitam |
visarjanaM dhenumudrAM darshayitvA vidhAnataH || 152||
nirmAlyadhAraNaM kuryAt sadA chaNDeshvaraM dhiyA |
pratyekaM pa~nchabhirmantraira~NgAdIni pramArjayet || 153||
sammadAdibhiretasya pUrvoktairnarasattamau |
bAlAM jyeShThAM tathA raudrIM kAlIM cha tadanantaram || 154||
kalavikariNIM devIM balapramathinIM tathA |
damanIM sarvabhUtAnAM manonmathinIM tathaiva cha || 155||
aShTau tAH pUjayeddevIH kramAchChambhoshcha prItaye |
evaM shivaM pUjayitvA dhyAnatatparamAnasaH || 156||
japenmAlAM samAdAya mantraM dhyAtvA tathA gurum |
ekaM pa~nchAkSharaM mantramekaM prAsAdameva vA || 157||
tatsaktamanasau japtvA shIghraM siddhimavApsyathaH |

iti kAlikApurANe ekapa~nchAshattamAdhyAyAntargatA
                vasiShThaproktA shivadhyAnamantrapUjA samAptA |
##

Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}