% Text title            : Shivagauryoh Vibhutivarnanam
% File name             : shivagauryoHvibhUtivarNanam.itx
% Category              : shiva, lingapurANa
% Location              : doc\_shiva
% Proofread by          : PSA Easwaran
% Description/comments  : lingapurANa | uttarabhAga | adhyAya 11/3-41||
% Latest update         : October 12, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivagauryoh Vibhutivarnanam ..}##
\itxtitle{.. shivagauryoH vibhUtivarNanam ..}##\endtitles ##
sanatkumAra uvAcha |
vibhUtIH shivayormahyamAchakShva tvaM gaNAdhipa |
parAparavidAM shreShTha parameshvarabhAvita || 1||
nandikeshvara uvAcha |
hanta te kathayiShyAmi vibhUtIH shivayoraham |
sanatkumAra yogIndra brahmaNastanayottama || 2||
paramAtmA shivaH proktaH shivA sA cha prakIrtitA |
shivameveshvaraM prAhurmAyAM gaurIM vidurbudhAH || 3||
puruShaM sha~NkaraM prAhurgaurIM cha prakR^itiM dvijAH |
arthaH shambhuH shivA vANI divaso.ajaH shivA nishA || 4||
saptatanturmahAdevo rudrANI dakShiNA smR^itA |
AkAshaM sha~Nkaro devaH pR^ithivI sha~NkarapriyA || 5||
samudro bhagavAn rudro velA shailendrakanyakA |
vR^ikShaH shUlAyudho devaH shUlapANipriyA latA || 6||
brahmA haro.api sAvitrI sha~NkarArdhasharIriNI |
viShNurmaheshvaro lakShmIrbhavAnI parameshvarI || 7||
vajrapANirmahAdevaH shachI shailendrakanyakA |
jAtavedAH svayaM rudraH svAhA sharvArdhakAyinI || 8||
yamastriyambako devastatpriyA girikanyakA |
varuNo bhagavAn rudro gaurI sarvArthadAyinI || 9||
bAlendushokharo vAyuH shivA shivamanoramA |
chandrArdhamauliryakShendraH svayamR^iddhiH shivA smR^itA || 10||
chandrArdhashekharashchandro rohiNI rudravallabhA |
saptasaptiH shivaH kAntA umAdevI suvarchalA || 11||
ShaNmukhastripuradhvaMsI devasenA harapriyA |
umA prasUtIrvai j~neyA dakSho devo maheshvaraH || 12||
puruShAkhyo manuH shambhuH shatarUpA shivapriyA |
vidurbhavAnImAkUtiM ruchiM cha parameshvaram || 13||
bhR^igurbhagAkShihA devaH khyAtistrinayanapriyaH |
marIchirbhagavAn rudraH sambhUtirvallabhA vibhoH || 14||
vidurbhavAnIM ruchirAM kaviM cha parameshvaram |
ga~NgAdharo.a~NgirA j~neyaH smR^itiH sAkShAdumA smR^itA || 15||
pulastyaH shashabhR^inmauliH prItiH kAntA pinAkinaH |
pulahastripuradhvaMsI dayA kAlaripupriyA || 16||
kraturdakShakratudhvaMsI sannatirdayitAvibhoH |
trinetro.atrirumA sAkShAdanasUyA smR^itA budhaiH || 17||
UrjAmAhurumAM vR^iddhAM vasiShThaM cha maheshvaram |
sha~NkaraH puruShAH sarve striyaH sarvA maheshvarI || 18||
pulli~NgashabdavAchyA ye te cha rudAH prakIrtitAH |
strIli~NgashabdavAchyA yAH sarvA gauryA vibhUtayaH || 19||
sarve strIpuruShAH proktAstayoreva vibhUtayaH |
padArthashaktayo yAyAstA gaurIti vidurbudhAH || 20||
sA cha vishveshvarI devI sa cha sarvo maheshvaraH |
shaktimantaH padArthA ye sa cha sarvo maheshvaraH || 21||
aShTau prakR^itayo devyA mUrtayaH parikIrtitAH |
tathA vikR^itayastasyA dehabaddhavibhUtayaH || 22||
visphuli~NgA yathA tAvadagnau cha bahudhA smR^itAH |
jIvAH sarve tathA sharvo dvandvasattvamupAgataH || 23||
gaurIrUpANi sarvANi sharIrANi sharIriNAm |
sharIriNastathA sarve sha~NkarAMshA vyavasthitAH || 24||
shrAvyaM sarvamumArUpaM shrotA devo maheshvaraH |
viShayitvaM vibhurdhatte viShayAtmakatAmumA || 25||
sraShTavyaM vastujAtaM tu dhatte sha~NkaravallabhA |
sraShTA sa eva vishvAtmA bAlachandrArdhashekharaH || 26||
dR^ishyavastu prajArUpaM bibharti bhuvaneshvarI |
draShTA vishveshvaro devaH shashikhaNDashikhAmaNiH || 27||
rasajAtamumArUpaM ghreyajAtaM cha sarvashaH |
devo rasayitA shambhurghrAtA cha bhuvaneshvaraH || 28||
mantavyavastutAM dhatte mahAdevI maheshvarI |
mantA sa eva vishvAtmA mahAdevo maheshvaraH || 29||
boddhavyaM vastu rUpaM cha bibharti bhavavallabhA |
devaH sa eva bhagavAn boddhA bAlendushekharaH || 30||
pIThAkR^itirumA devI li~NgarUpashcha sha~NkaraH |
pratiShThApya prayatnena pUjayanti surAsurAH || 31||
ye ye padArthA li~NgA~NkAste te sharvavibhUtayaH |
arthA bhagA~NkitA ye ye te te gauryA vibhUtayaH || 32||
svargapAtAlalokAntabrahmANDAvaraNAShTakam |
j~neyaM sarvamumArUpaM j~nAtA devo maheshvaraH || 33||
bibharti kShetratAM devI tripurAntakavallabhA |
kShetraj~natvamatho dhatte bhagavAnandhakAntakaH || 34||
shivali~NgaM samutsR^ijya yajante chAnyadevatAH |
sa nR^ipaH saha deshena rauravaM narakaM vrajet || 35||
shivabhakto na yo rAjA bhakto.anyeShu sureShu yaH |
svapatiM yuvatistyaktvA yathA jAreShu rAjate || 36||
brahmAdayaH surAH sarve rAjAnashcha maharddhikAH |
mAnavA munayashchaiva sarve li~NgaM yajanti cha || 37||
viShNunA rAvaNaM hatvA sasainyaM brahmaNaH sutam |
sthApitaM vidhivadbhaktyA li~NgaM tIre nadIpateH || 38||
kR^itvA pApasahasrANi hatvA viprashataM tathA |
bhAvAtsamAshrito rudraM muchyate nAtra saMshayaH || 39||
sarve li~NgamayA lokAH sarve li~Nge pratiShThitAH |
tasmAdabhyarchayelli~NgaM yadIchChechChAshvataM padam || 40||
sarvAkArau sthitAvetau naraiH shreyo.arthibhiH shivau |
pUjanIyau namaskAryau chintanIyau cha sarvadA || 41||

iti shrIli~NgamahApurANe uttarabhAge ekAdashAdhyAyAntargataM
         shivagauryoH vibhUtivarNanaM samAptam |

li~NgapurANa | uttarabhAga | adhyAya 11/3\-41||
##
lingapurANa . uttarabhAga . adhyAya 11/3-41..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}