% Text title            : Devanprati Deviproktam Shivajnanopadesham 2
% File name             : shivajnAnopadesham2devAnpratideviproktaM.itx
% Category              : shiva, shivarahasya, upadesha, advice
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 55 - devyupaniShatpratipAdanam | 35-69||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devanprati Deviproktam Shivajnanopadesham 2 ..}##
\itxtitle{.. devAnprati deviproktaM shivaj~nAnopadesham 2 ..}##\endtitles ##
devyuvAcha \-
stutyA cha bhavatAM devAHprasAdasumukhAtvaham |
dadAmivA~nChitaM sarvaM shivaj~nAnamidaM surAH || 35||
majj~nAnena parAM shAntimadhigachChata suvratAH |
ahaM mAnaM parityajya shivasArvAtmyavedinaH || 36||
vimuktAH pashavo yUyaM manmAyAshaktivaibhavAt |
ahamevAkhilArAdhyA hyahaM dhyeyAkhilairapi || 37||
saMvichcha sadasachchApi chAhaM vishvamidaM dhruvam |
manmAyayA mohitAsstha hyahametadbhavAbhavam || 38||
ahameva svayamidaM dadAmi j~nAnamaishvaram || 39||
ahaM vishvaM bhuvanaM chetayAmi hyahaM vishvebhirvasubhishcharAmpahamAdityairuta vishvadevaiH |
ahameva vAta iva pravAmyArabhamANA bhuvanAni vishva || 40||
ahaM dadhAmi draviNaM haviShmate suvIryAya yajamAnAya sunvate |
paro divAhaM parayenApR^ithivyAM paramparA hi prathamA pR^ithivyAm || 41||
eSho.antaryAmyamR^itaH purANassadAjanAnAM hR^idaye sanniviShTaH |
enamAtmAnaM gUDhamanupraviShTaM hR^idA pashyanti manasA manIShiNaH || 42||
eShabhUtapatireShaseturvidharaNo lokAnAmasambhedAya |
eSha supteShu jAgarti bhUtambhUtaM puruSho nirmimANaH || 43||
eSho.antarAditye hyamR^ito hiraNmayaH puruSho dR^ishyate shivaH |
eSha dhAtA vidhAtA cha svarAT sammrAT prajApatiH || 44||
eSha divyo deva ekaH purANo sa~NgiShvasa~Ngo guNanAmakarmabhiH || 45||
eSha eva hi bhUtAtmA bhUte bhUte vyavasthiteH |
ekadhA bahudhA chaiva dR^ishyate jalachandravat || 46||
jalasya chalanAdeva yathAchalati bhAskaraH |
tathaiSha sarvabhUteShu taddharmairnaiva lipyate || 47||
ali~Nga AkAshasadharma eSho nAnto na chAdirna cha madhyameShaH |
jagadgato.ayaM na jagadvichitrameSho.akhilAdhAra urukramassadA || 48||
visheShahInashcha kaviH purANa eSha svatantraH puruShaH purANaH |
gUDheShu gUDhaH parapArapArassadurdarshoyogayuktaishcha bhUyAn || 49||
sahaiva saMstho bhavatAM vai nilimpAH |
najAnanti sarve hR^idA bhAsamAnaM sadAbhAsyabhAsaM mahokShAdvihInam || 50||
asyaiva hi prakR^itishchAsmi devA na mAM jAnate ye sadA duHkhabhAjaH |
prabhAsmIha devI shashI sUryaR^ikShe R^iShau grahANAM paramAsthitashcha || 51||
na chAvayorbhedajAlaM kadAchinmAyA chAhaM hyeShamAyI maheshaH |
bhAvagrAhyo hyanIDAtmA bhAvAbhAvakarashshivaH || 52||
kalAvidaM puruShaM devamIDayaM nichAyyainaM shAntimatyantameti |
eSha AtmA tapasAlokanIyo nAnyairdharmairasya li~NgaM na chaiva || 53||
yasyaiSha AtmA vR^iNute tanUM svAM tasya prasAdena hitasya lAbhaH |
yasyaiva lAbhAnna paraM lAbhamIShTe janassurA j~nAnametasya durj~nam || 54||
purAvidaH kavayo ye manIShiNo j~nAtvApyenaM niShprakampA mahesham |
taranti shokaM cha pR^ithakpR^ithagjanA na jAyate (jAnate) nityayuktA guNeShu || 55||
tathendriyAdhAramanantarUpaM nIrUparUpaM paramAkAshamenam |
viShvakprapa~ncheShu purIshayaM sthitaM vedAntasa~Nghairpi ShTuDyamANaH || 56||
rasaM rasAnAM paramAsvAdanIyamanAsvAdaM rasavarjaM suguptam |
turIyamindraM satatoditaM guNairguNAtItaM vipluShandivyadhAma || 57||
eSho.ananto mahimAdhAra Isho bhUmA sImA sAra eko.advitIyaH |
nAnaivAsti mahimAyaM pratiShThA kaviH pradhAno rasavarjo.ayamAtmA || 58||
eSha brahmaiSha evendra eSha sarvaM charAcharam |
eSha AtmApahatapApmAvirajo vishoko vimR^ityurajighR^itso.apipAsaH || 59||
satyakAmo.aguNo hyeSha bR^ihaddhAmAyamIshvaraH |
eSho.asharIro vishvakartA guNesha eSha devashshIryamANairnashIrNaH || 60||
arajo.ayamamR^ito vai vishokashshokAtigo jAtidharmairvihInaH |
eSha devairvedasa~Nghaishcha viprairabhiShTuto.apratarkyo hIndriyaishcha || 61||
eSho.anantashcheShTate dehajAlairyathorNanAbhissR^ijate tantujAlam |
eSha Aditye tapati tejaseddhaH eSha viprairmakhajAlaishcha tuShTaH || 62||
yaH pAti somamamR^itasya nAbhiM kAlAtigaH pAti vishvaM sadaiva |
(apAti somamamR^itasya nAbhiM kAlAtigaH pAti vishvaM sadaiva) |
asmadbhinnaM nANurastIha ki~nchitsa eSha bhartA mama devaH purANaH || 63||
nIrUparUpo.apyayamAtmA mahesho nIlagrIvashshipiviShTashshAshvato.ayam |
na hanyate hanyamAne sharIre divyo devohyeSha devaH purANaH || 64||
taM brahmavanvAna upAsate paraM buddhIndriyAtItamanaupamaM shivam |
nAntaH praj~naM na vahiH praj~namIshaM nobhayataH praj~namarhattamaM cha || 65||
vishvasya sraShTAramanekarUpaM vishvasyaikaM pariveShTitAram |
guhAhitaM gahvareShTaM purANaM tvavasthAtItaM praNavaM chAdimekam || 66||
mahaM mahAntaM paramAtmAnamIshamaNoraNIyAMsamidaM tataM cha |
vibhrAjamAnaM bhUtavargeShvasa~NgaM velAtigaM svaprabhAbhAsamAnam || 67||
bAlAgramAtraM hR^idaye pratiShThaM jIvAbhAsaM manyamAnaishcha mUDhaiH |
na tveSha jIvo na shivashchAdikartA yasmAtparaM nAparamasti ki~nchit || 68||
bR^ihat brahma shuklaM R^itaM satyamIshaM pramodaM mahajj~nAnamAnandamekam |
ya enaM viduramR^itAste bhavanti hyathetare duHkhamevAvishanti || 69||
sa eSha paramAnandopyAnando brahma tatparam |
asyaivAnandamAtrA hi bhavantashcha surAsurAH
ayameva parA kAShTA sa brahma sa shivassvayam |
vedaparvatajAlotthamantraiH kLLipto.ayameva hi || 62||

|| iti shivarahasyAntargate mAheshvarAkhye devAnprati deviproktaM shivaj~nAnopadesham 2||

\- || shrIshivarahasyam | mAheshvarAkhyaH prathamAMshaH | adhyAyaH 55 \- devyupaniShatpratipAdanam | 35\-69||
##
- .. shrIshivarahasyam . mAheshvarAkhyaH prathamAMshaH . adhyAyaH 55 - devyupaniShatpratipAdanam . 35-69..

Notes:
 Devī ##devI ## obliges the Deva-s ##devAH## with Śivajñānam ##shivaj~nAnam ## upon being beseeched by them.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}