% Text title            : Shivakshetrani Varnanam 2
% File name             : shivakShetrANivarNanam2.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | bhavAkhyaH dvitIyAMshaH | adhyAyaH 24 | 1-52||
% Latest update         : September 15, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kailasasampariveshtita Shivakshetranivarnanam ..}##
\itxtitle{.. kailAsasampariveShTita shivakShetrANivarNanam ..}##\endtitles ##
|| himAvanprati nandikeshvaraproktaM kailAsasampariveShTita shivakShetrANivarNanam ||
(shivarahasyAntargate kailAsadarshanam \- 3)
nandikeshvaraH (uvAcha)
prAchyAM pashya nagashreShTha shreShTho.ayaM dharaNIdharaH |
niShTaptakanakAkaro nAnAsuravarAshrayaH || 24\.1||
sahasrashikharApAra kAntikA~nchitadiktaTaH |
vR^iShastambhanibho bhAti kailAsAgre nagottamaH || 24\.2||
pashya tAnparighA(khA)kArAntsamudrAntsanadInadAn |
pashya dvIpAnmahAshaila samudreShu visheShataH || 24\.3||
vipinAvanijAtAnAM prAsAdAnA~ncha maulayaH |
prodyatpatAkArAjantimaNikumbhAgrashobhitAH || 24\.4||
eSha nIlastathA vindhyo mandaro dardu(rda)ro nagaH |
sumAlI ketumAlashcha bhadrAshvau tatravArShakau || 24\.5||
raivatashshatashrR^i~Ngashcha maNibabhrushcha pi~NgalaH |
udayashchakravAlashcha mainAko.ayaM madhurgiriH
(mainAko yamadhurgiriH) || 24\.6||
astAchalaH pAriyAtro niShadhaH kanda(kunta)lAchalaH |
tadaM mUrtiriyaM shailI maulikedArali~NgataH || 24\.7||
tvamatyantamahAshR^i~Ngairupeto.asi mahAnaga |
tvatto mAnuShaga~NgeyaM nirgatA li~Ngara~NgitA || 24\.8||
bhagIrathasya tapasA plAvayantI cha bhUtalam |
anyA vikramato viShNoH pAdato nirmatA naga || 24\.9||
ga~NgAdvArAtpratIchyabdhiM sa~NgatA mAlavAnime(yam) |
iyaM garvabharAkrAntA cheshAna (Ishena) shashimaulinA || 24\.10||
jaTAkoTIranilayAM chakre sA cha visarjitA |
devaissamprArthito devastAM bhUmau parimuktavAn || 24\.11||
AnandakAnanaM prAptA chakrartIrthe saridvarA |
tattIre pashya subhagaM vishveshashikharaM mahat || 24\.12||
bhArate bhUmisarvasvakhaNDe vai jAhnavI yataH |
avimuktaM prapashyAdya mR^itA yatrApunarbhavAH || 24\.13||
vimuktiM dAsyate devo yatra vishveshvarassvayam |
tatpashchAtsAgaraprAnte kurukShetraM prabhAsakam || 24\.14||
rudrakoTiH puShkara~ncha ga~NgAdvAraM pavitrakam |
piNDAlakaM kAlajaraM (kAla~njaraM) tApitIre manoharam || 24\.15||
yatra pAshupato yogI munInA~nchopadeshitaH (tA) |
devadevena tatraiva pashyaitanmaNikumbhakam || 24\.16||
shrIshailashikharaM pashya pashya tryambakabhUdharam |
kShiprAtIre(ra) mahAkAlaM kAmadaM vaidyanAtha(ya)kam || 24\.17||
pashchAttathottarAshcheme kuravaH pashya bhUdhara |
tAmrasvarNa(varNa)mayI bhUmistatra dvIpe ghR^itodadhau || 24\.18||
sa hi kimpuruShAvAsaH puruShAsturagAnanAH |
shilAnadImimAM pashya tatprAnte kAkavaktrakAH (kA) || 24\.19||
puruShANAM pravesho.atra tAvadeva nagottama(mA) |
marubhUmistato dvIpau shAkakrau~nchau manoramau || 24\.20||
kushakAshau tataH prAchyAM kShIrodenAvR^itau naga |
devabhUmistato ramyA dadhyode parikalpitA || 24\.21||
chakravAlo giriHprAchyAM tatprAchyAmudayAchalaH |
pashchAdapiprapashyemAM bhUmiM svAdo(dU)dadhIvR^itAm || 24\.22||
svarNAraM pashya subhagaM varuNAvAsamuttamam |
shoNo nAma nado vipra pratIchyAM vahate naga || 24\.23||
ramyasAlavanaprAnte gandharvANAM pramodabhUH |
astAchalAvadhi naga tatprAnte shAlmalI dvI(dvi)paH || 24\.24||
dakShiNe bhArate varShe jambUnAma nadI sa(ta)dA |
pra(yA)tyeva ni(vi)yataM tasyA dvIpaM jAmbUnadaM smR^itam || 24\.25||
devabhogyaM mahachChaila (mahAshaila) niShTaptakanakaM hi tat |
pratiShThAnapuraM pashya karahaTTapuraM tathA || 24\.26||
karavIra pura~nchApi (purIM chApi) pashya vindhyanivAsinIm |
pashya veNuvanaM puNyaM nAganAthashivAlayam || 24\.27||
o~NkAraM narmadAtIre kuNDa~ncho~NkAranAmakam |
AvATakamidaM pashya pashyaitadghusR^iNeshvaram || 24\.28||
(AvaNTakamidaM pashya pashya tadghusR^iNIshvaram) || 24\.28||
naimiShaM(shaM) pashya vipulaM vishAlaM badarImanu |
godA~ncha narmadA~nchaiva bAhudAM kR^iShNaveNikAm || 24\.29||
nIrAmpayoShNImpashyAganIrajAvalibhAsurAm |
kAlindIga~NgayAyuktA yatra vedIprajApateH || 24\.30||
prayAgavanametadvai chitrakUTagiristataH |
shUle Ta~NkakA(kAshyA)layaM pashya
gayA~ncha pitR^itR^iptidAm || 24\.31||
someshvarAlayaM shaila pashyAyodhyAM mahApurIm |
sudheshvarAlayaM pashya sarayUtIrasa~Ngatam || 24\.32||
pashchAtkokAmukhaM pashya ga~NgAM pashyAbdhisa~NgatAm |
kAmodakamidaM pashya pashya ko~NkaNabhUtalam || 24\.33||
pashchimAmbhodhikoNe cha pashya gokarNamuttamam |
ramyaM sheShAchalaM pashya skando yatra pratiShThitaH || 24\.34||
shrImaddakShiNakailAsashikharaM pashya bhUdhara (bhUdharam) |
pashya kA~nchI~ncha vipulA(lAM)mekAmrashikharaM naga || 24\.35||
pashyAruNAdrishikharaM smaraNAtpApanAshanam |
vR^iddhAchalAdriM pashyAdre ramyAmabhrasabhAM dR^ishA || 24\.36||
pashya nartanamIshasya devadevasya dhUrjaTeH |
goparvataM tatra pashya puNyaM mArgasahAyakam || 24\.37||
(goparvataM tatra puNyaM shivamArgasahAyakam) || 24\.37||
sadahayAdriM pashya tu~NgAgre yato jAtA kaverajA |
puNyaM shrIkaNThashikharaM tato ratnagirIshvaram || 24\.38||
tR^iNajyotIshashikharaM mAtR^ibhUtAdrireShavai |
taddakShiNe dvAdashAntaM tato veNuvanaM naga || 24\.39||
mahendrashikharaM pashya dakShiNAmbhonidhau sthitam |
tAmraparNI tatra nadI kR^itamAlA cha veginI || 24\.40||
kanyAtIrthaM tataH prAchyAM pashya chAdre shuchIshvaram |
gandhamAdanashaileshashikharaM pashya bhUdhara || 24\.41||
gajAraNyaM tatodIchyAM tataH pa~nchanadAhvayam |
kumbheshashikharaM pashya pashya madhyArjunAbhidham || 24\.42||
trikoTIM(trikoTi)ma~NgalaM pashya mAyUraMshvetakAnanam |
sa~NgatAM sindhunA pashya sahyajAM puNyanimnagAm || 24\.43||
vA~nCheshvaraM ChAyAvanaM puNyaM tattejinIpura(vana)m |
gha(va)TeshvaraM tatra pashya yatra kAlo hataH purA || 24\.44||
shrImaheshena puNyAdre mR^ikaNDutanayAvane |
brahmesha~nchaiva vaidyeshaM ta~njeshaM tatpratIchyake || 24\.45||
kamalAlayasa.nj~na~ncha tathaivAnye shivAlayAH |
shrutikAnanamIkShasva vedatIrthastathAbdhirAT || 24\.46||
kAverItIrajo(to)dbhAsili~NgadhAmAni lokaya |
bhArataM pashya vipulaM khaNDaM (khaNDamatulaM pashya)
talli~NgamaNDalam || 24\.47||
prAkpashchAddakShiNe chApi bhUdharendra tathottare |
brahmANDabhittireShA(vA)tra khaNDAnyapi vilokaya || 24\.48||
shivAj~nayA mayA shaila darshito.ayaM nagottamaH |
puNyo.ayaM ramaNIyo.ayaM kailAsaH sha~NkarAlayaH || 24\.49||
bhadrAshvaM(shva) ketumAlaM cha prAchyAmIkShasva sannaga |
pashchAddharishcha kimpUrShaH khaNDe dve sAgarAvR^ite || 24\.50||
devabhUmiriyaM pashya surakinnaraharShadA |
tatrottare mandaro hi shambhorAnandavAsabhUH || 24\.51||
ilAvR^itato maNIvarSho bhArato dakShiNe naga |
kalpitAste maheshena varShAshcha kulaparvatAH || 24\.52||

|| iti shivarahasyAntargate bhavAkhye himAvanprati nandikeshvaraproktaM
           kailAsasampariveShTita shivakShetrANivarNanam ||

\- || shrIshivarahasyam | bhavAkhyaH dvitIyAMshaH | adhyAyaH 24||
##
- .. shrIshivarahasyam . bhavAkhyaH dvitIyAMshaH . adhyAyaH 24 ..
Notes
Nandikeśvara ##nandikeshvara## details to Himāvan ##himAvan## ; the several Śiva-kṣetra ##shivakShetra## surrounding Kailāsa ##kailAsa## in various directions, as he continues further to take Himāvan ##himAvan## around on the guided tour of Kailāsadarshana ##kailAsadarshana##.

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}