% Text title            : shivakeshAdipAdAntavarNanastotram
% File name             : shivakeshAdipAdAntavarNanastotram.itx
% Category              : shiva, shankarAchArya
% Location              : doc\_shiva
% Author                : Shankaracharya
% Transliterated by     : Rajnarayanan C K krajnara at gmail.com
% Proofread by          : Rajnarayanan C K, PSA Easwaran
% Description-comments  : Brihatstotraratnakara
% Latest update         : January 16, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIshivakeshAdipAdAntavarNanastotram ..}##
\itxtitle{.. shrIshivakeshAdipAdAntavarNanastotram ..}##\endtitles ##

deyAsumUrdhni rAjatsarasasurasaritpAraparyantanirya\-
tprAMshustambAH pisha~NgAstulitapariNatAraktashAlIlatA vaH |
durvArApattigartashritanikhilajanottAraNe rajjubhUtA
ghorAghorvIruhAlIdahanashikhishikhAH sharma shArvAH kapardAH || 1||
kurvannirvANamArgapragamaparilasadrUpyasopAnasha~NkAM
shakrArINAM purANAM trayavijayakR^itaspaShTarekhAyamANam |
avyAdavyAjamuchchairalikahimadharAdhityakAntastridhodya\-
jjAhnavyAbhaM mR^iDAnIkamituruDuparukpANDaraM vastripuNDram || 2||
krudhyadgaurIprasAdAnatisamayapadA~NguShThasa~NkrAntalAkShA\-
binduspardhi smarAreH sphaTikamaNidR^iShanmagnamANikyashobham |
mUrdhnyudyaddivyasindhoH patitashapharikAkAri vo mAstakaM stA\-
dastokApattikR^ityai hutavahakaNikAmokSharUkShaM sadAkShi || 3||
bhUtyai dR^igbhUtayoH syAdyadahimahimarugbimbayoH snigdhavarNo
daityaughadhvaMsashaMsI sphuTa iva pariveShAvasheSho vibhAti |
sargasthityantavR^ittirmayi samupagate.atIva nirvR^ittagarvaM
sharvANIbharturuchchairyugalamatha dadhadvibhramaM tadbhruvorvaH || 4||
yugme rukmAbjapi~Nge graha iva pihite drAgyayoH prAgduhitrA
shailasya dhvAntanIlAmbararachitabR^ihatka~nchuko.abhUtprapa~nchaH |
te trainetre pavitre tridashavaraghaTAmitrajaitrograshastre
netre netre bhavetAM drutamiha bhavatAmindriyAshvAnniyantum || 5||
chaNDIvaktrArpaNechChostadanu bhagavataH pANDurukpANDugaNDa\-
prodyatkaNDUM vinetuM vitanuta iva ye ratnakoNairvighR^iShTim |
chaNDArchirmaNDalAbhe satatanatajanadhvAntakhaNDAtishauNDe
chANDIshe te shriye stAmadhikamavanatAkhaNDale kuNDale vaH || 6||
khaTvA~NgodagrapANeH sphuTavikaTapuTo vaktrarandhrapravesha\-
prepsUda~nchatphaNorushvasadatidhavalAhIndrasha~NkAM dadhAnaH |
yuShmAkaM kamravaktrAmburuhaparilasatkarNikAkArashobhaH
shashvattrANAya bhUyAdalamativimalottu~NgakoNaH sa ghoNaH || 7||
krudhyatyaddhA yayoH svAM tanumatilasatorbimbatAM lakShayantI
bhartre spardhAtinighnA muhuritaravadhUsha~NkayA shailakanyA |
yuShmAMstau shashvaduchchairabahuladashamIsharvarIshAtishubhrA\-
vavyAstAM divyasindhoH kamituravanamallokapAlau kapolau || 8||
yo bhAsA bhAtyupAntasthita iva nibhR^itaM kaustubho draShTumichChan
sotthasnehAnnitAntaM galagatagaralaM patyuruchchaiH pashUnAm |
prodyanpremNA yamArdrA pibati girisutA sampadaH sAtirekA
lokAshshoNIkR^itAntA yadadharamahasA so.adharo vo vidhattAm || 9||
atyarthaM rAjate yA vadanashashadharAdudgalachchAruvANI\-
pIyUShAmbhaHpravAhaprasaraparilasatphenabindvAvalIva |
deyAtsA dantapa~Nktishchiramiha danudAyAdadauvArikasya
dyutyA dIptendukundachChaviramalatarapronnatAgrA mudaM vaH || 10||
nyakkurvannurvarAbhR^innibhaghanasamayodhduShTameghaughaghoShaM
sphUrjadvArdhyutthitorudhvanitamapi parabrahmabhUto gabhIraH |
suvyakto vyaktamUrteH prakaTitakaraNaH prANanAthasya satyAH
prItyA vaH saMvidadhyAtphalavikalamalaM janma nAdaH sa nAdaH || 11||
bhAsA yasya trilokI lasati parilasatphenabindvarNavAnta\-
rvyAmagnevAtigaurastulitasurasaridvAripUraprasAraH |
pInAtmA dantabhAbhirbhR^ishamahahahakArAtibhImaH sadeShTAM
puShTAM tuShTiM kR^iShIShTa sphuTamiha bhavatAmaTTahAso.aShTamUrteH || 12||
sadyojAtAkhyamApyaM yaduvimalamudagvarti yadvAmadevaM
nAmnA hemnA sadR^ikShaM jaladanibhamaghorAhvayaM dakShiNaM yat |
yadbAlArkaprabhaM tatpuruShanigaditaM pUrvamIshAnasaMj~naM
yaddivyaM tAni shambhorbhavadabhilaShitaM pa~ncha dadyurmukhAni || 13||
AtmapremNo bhavAnyA svayamiva rachitAH sAdaraM sAMvananyA
maShyA tisraH sunIlA~njananibhagararekhAH samAbhAnti yasyAm |
AkalpAnalpabhAsA bhR^isharuchiratarA kambukalpAmbikAyAH
patyuH sAtyantamantarvilasatu satataM mantharA kandharA vaH || 14||
vaktrendordantalakShmyAshchiramadharamahAkaustubhasyApyupAnte
sotthAnAM prArthayan yaH sthitimachalabhuve vArayantyai nivesham |
prAyu~NktevAshiSho yaH pratipadamamR^itatve sthitaH kAlashatroH
kAlaM kurvan galaM vo hR^idayamayamalaM kShAlayet kAlakUTaH || 15||
prauDhapremAkulAyA dR^iDhataraparirambheShu parvendumukhyAH
pArvatyAshchAruchAmIkaravalayapadaira~NkitaM kAntishAli |
ra~NgannAgA~NgadADhyaM satatamavihitaM karma nirmUlayetta\-
ddormUlaM nirmalaM yaddhR^idi duritamapAsyArjitaM dhUrjaTervaH || 16||
kaNThAshleShArthamAptA diva iva kamituH svargasindhoH pravAhAH
krAntyai saMsArasindhoH sphaTikamaNimahAsa~NkramAkAradIrghAH |
tiryagviShkambhabhUtAstribhuvanavasaterbhinnadaityebhadehA
bAhA vastA harasya drutamiha nivahAnaMhasAM saMharantu || 17||
vakSho dakShadviSho.alaM smarabharavinamaddakShajAkShINavakSho\-
jAntarnikShiptashumbhanmalayajamilitodbhAsi bhasmokShitaM yat |
kShipraM tadrUkShachakShuH shrutigaNaphaNaratnaughabhAbhIkShNashobhaM
yuShmAkaM shashvadenaH sphaTikamaNishilAmaNDalAbhaM kShiNotu || 18||
muktAmukte vichitrAkulavalilaharIjAlashAlinyavA~ncha\-
nnAbhyAvarte viloladbhujagavarayute kAlashatrorvishAle |
yuShmachchittatridhAmA pratinavaruchire mandire kAntilakShmyAH
shetAM shItAMshugaure chirataramudarakShIrasindhau salIlam || 19||
vaiyAghrI yatra kR^ittiH sphurati himagirervistR^itopatyakAntaH
sAndrAvashyAyamishrA parita iva vR^itA nIlajImUtamAlA |
AbaddhAhIndrakA~nchIguNamatipR^ithulaM shailajAkrIDabhUmi\-
stadvo niHshreyase syAjjaghanamatighanaM bAlashItAMshumauleH || 20||
puShTAvaShTambhabhUtau pR^ithutarajaghanasyApi nityaM trilokyAH
samyagvR^ittau surendradviradavarakarodArakAntiM dadhAnau |
sArAvUrU purAreH prasabhamarighaTAghasmarau bhasmashubhrau
bhaktairatyArdrachittairadhikamavanatau vA~nChitaM vo vidhattAm || 21||
AnandAyendukAntopalarachitasamudgAyite ye munInAM
chittAdarshaM nidhAtuM vidadhati charaNe tANDavAku~nchanAni |
kA~nchI bhogIndramUrdhnAM pratimuhurupadhAnAyamAne kShaNaM te
kAnte stAmantakArerdyutivijitasudhAbhAnunI jAnunI vaH || 22||
ma~njIrIbhUtabhogipravaragaNaphaNAmaNDalAntarnitAnta\-
vyAdIrghAnargharatnadyutikisalayite stUyamAne dyusadbhiH |
bibhratyau vibhramaM vaH sphaTikamaNibR^ihaddaNDavadbhAsite ye
ja~Nghe sha~Nkhendushubhre bhR^ishamiha bhavatAM mAnase shUlapANeH || 23||
astokastomashastrairapachitimamalAM bhUribhAvopahAraiH
kurvadbhissarvadochchaiH satatamabhivR^itau brahmaviddevalAdyaiH |
samyaksampUjyamAnAviha hR^idi sarasIvAnishaM yuShmadIye
sharvasya krIDatAM tau prapadavarabR^ihadkachChapAvachChabhAsau || 24||
yAH svasyaikAMshapAtAdatibahulagaladraktavaktraM praNunna\-
prANaM prAkroshayan prA~N nijamachalavaraM chAlayantaM dashAsyam |
pAdA~Ngulyo dishantu drutamayugadR^ishaH kalmaShaploShakalyAH
kalyANaM phullamAlyaprakaravilasitA vaH praNaddhAhivallyaH || 25||
prahvaprAchInabarhiH pramukhasuravaraprasphuranmaulisakta\-
jyAyoratnotkarosrairaviratamamalA bhUrinIrAjitA yA |
prodagrAgrA pradeyAttatiriva ruchirA tArakANAM nitAntaM
nIlagrIvasya pAdAmburuhavilasitA sA nakhAlI sukhaM vaH || 26||
satyAH satyAnanendAvapi savidhagate ye vikAsaM dadhAte
svAnte svAM te labhante shriyamiha sarasIvAmarA ye dadhAnAH |
lolaM lolambakAnAM kulamiva sudhiyAM sevate ye sadA stAM
bhUtyai bhUtyaiNapANervimalatararuchaste padAmbhoruhe vaH || 27||
yeShAM rAgAdidoShAkShatamati yatayo yAnti muktiM prasAdA\-
dye vA namrAtmamUrtirdyusadR^iShipariShanmUrdhni sheShAyamANAH |
shrIkaNThasyAruNodyachcharaNasarasijaprAtthitAste bhAvAkhyA\-
tpArAvArAchchiraM vo duritahatikR^itastArayeyuH parAgAH || 28||
bhUmnA yasyAstasImnA bhuvanamanusR^itaM yatparaM dhAma dhAmnAM
sAmnAmAmnAyatattvaM yadapi cha paramaM yadguNAtItamAdyam |
yachchAMhohannirIhaM gahanamiti muhuH prAhuruchchairmahAntau
mAheshaM tanmaho me mahitamaharaharmoharohaM nihantu || 29||

iti shrImatparamahaMsaparivrAjakAchAryasya
shrIgovindabhagavatpUjyapAdashiShyasya shrImachCha~NkarabhagavataH kR^itau
shrIshivakeshAdipAdAntavarNanastotraM sampUrNam ||
##
Encoded by Rajnarayanan C K krajnara at gmail.com
Proofread by Rajnarayanan C K, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}